Ọdọvịdị 3
3
Anẹkụra ana vọ tụ ịnị ẹtẹ Ikanaani
1Ẹnẹyịmavara ộ navọ anẹkụra ẹnyị tụ ịnị ẹtẹ Ikanaani ka ọnị ọ sị zama Anisirẹrị nịnị ẹnẹ ẹ yị vịdị nọ ịrẹkụ re. 2Ọ vavọọ mẹ̀ wa agụvị dị anụmẹ ọzọza ẹ yẹ ịsị a hị́ ịrẹkụ, hu kere-kere ẹnị ẹnẹ ẹ yị vịdị nọ ịrẹkụ da. 3Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati. 4Ẹnẹyịmavara vị ana sị wa zama Anisirẹrị nịnị re ka ọnị ọ yẹ ẹ̀ẹ vaa saasa ọda anị ọnị ọ tụ Imosiisi ka ọ mẹ yị ohiku ẹnịnị. 5Avọọ Anisirẹrị nịnị mẹ ra ịnị akakana Anikenaani, Anihiti, Anamọrị, Aniperizi, Anihivi ọnịrị Anijebusi nịnị nị. 6Ẹnịrị Anisirẹrị nịnị vị ana nyị ẹngụ vahi, dị Anisirẹrị nịnị aa hẹkẹ ori ẹnịnị nị.
Ọtịnẹrị
7Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra. 8Agụvị avọọ Ẹnẹyịmavara du ayị hi Anisirẹrị nịnị, dị ọ navọ ka Ikusani-Irisatayimi ana vị ohinọyị Arami-Inaharayimi ộ nyị ẹbẹẹba ẹnịnị, dị ẹ mẹ ịjọva tụra wa ịrẹsụ ịrayị ịhịnta. 9Anisirẹrị nịnị ệ da ịpẹ yị Ẹnẹyịmavara kà ọ gụ ẹnị ụvọ, dị ọ nyị Ọtịnẹrị dị ọ dọ ẹnị ha. Ọtịnẹrị vị ozi Ikenazi ana vị ọhụva Ịkarẹbị ana vị ozweyi. 10Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị. 11Â nyị ẹngwọọrọ ịnị Isirẹrị ịrayị ẹbẹẹva dị Ọtịnẹrị ozi Ikenazi ve su.
Ehudi
12Ịrẹma anị, Anisirẹrị rẹ mẹ̀ ebira odivi hi Ẹnẹyịmavara nị. Agụvị avọọ, ọ sị ụkata yị Egirọnị ohinọyị Imowabi ô huna Anisirẹrị nị. 13Egirọnị ộ va ụvọ beri Anamọnị ọnịrị Anamarẹkị, dị ẹ nyị ẹbẹẹba Anisirẹrị nịnị, dị ẹ dọ Ijeriko ana vị ẹkụra ọsọchị. 14Ộ mẹ ịjọva tụra wa ịrẹsụ ịrayị ẹwụrịhịnta, dị ọ sị ụkata za wa ka ệ tụ ẹkẹhị irehi ẹbanyị-ẹbanyị. 15Ụmẹ ọnọọ Anisirẹrị nịnị ê na owu na za Ẹnẹyịmavara, dị ọ sị ọnọrụ ana aā hị́ Ehudi ka ọ dọ wa ha nị. Ehudi vị ozi Igera, dị ọ vị Anịbẹnjamịnị nị. Ọnị ọnụvọha ọ vị nị. Anisirẹrị nịnị ệ sị ẹyịza tụ́ ọ ụtụ hi Egirọnị, Ohinọyị Imowabi. 16Ehudi ô tu ụhwọ ana gọdọ ahụ ọnya rị ẹjịjị. Dị ọ sị ọ chire achị eyi ụvọrị. 17Dị ọ sị ẹyịza na yị Egirọnị nị. Egirọnị vị ọza ana banyị ẹtẹẹtẹrẹ. 18Ịjị Ehudi reè ụta ẹkẹhị irehi yọ, dị ọ kà a yị anọrụ ana sị ẹkẹhị ọnọọ saasa a vẹ ka ẹẹ nọ eehi nị. 19Ama Ehudi me tu ịzị ịrẹta ana a bẹ hi, ọ̀ sị gụrị Igirigari, dị ọnị ịnya varẹma ne tu Egirọnị ohinọyị nị. Ộ kà yị Ohinọyị ka ọnị ọ nyị ịrẹyị ọyị were pe e ka nị. Agụvị avọọ, dị ohinọyị dụ ezi ahụ anị tụ ẹhẹ yị ọ nị. 20Ehudi ô ne tu ọ ịzị ọ yaayịtẹ ịnị ọtụrọsa anị aa dọ ahị, dị ọ kà Ohomorihi ộ tụ́ ọnị hi ọ. Egirọnị maa kwẹẹtẹ hụrị ịrẹsụ aga anị jẹẹ kẹnẹ, 21Ehudi sị ụvọha anị tụ́ ụhwọ́ hụụnị usi eyi ụvọrị anị, dị ọ jị ụhwọ ọnọọ ngụ ọ ịnẹ nị. 22Avaba ụhwọ ọnịrị ọchị anị ộ ngụ ọ ẹngụ na tụ́ ẹhẹ ịrẹma anị nị. Agụvị ka ộ banyị, di uye ịrẹka anị va ku ọchị ụhwọ ọnọọ nị. 23Dị Ehudi jịnẹ tụ ẹhẹ dị ọ gu oze, dị o chere e hi ọ tụ ịzọọ, nị. 24Ịrẹma ọnị Ehudi sị hu, di ezi ahụ Egirọnị ve tu ka avaba oze anị vị oyichire nị. Dị ẹnịnị ro ka vị aa tana ẹngụ kẹnẹ nị. 25Ẹnịnị ê zi pooro ne tu ụmẹ ana vọrọ ka ọ sị kwẹẹtẹ, dị ẹ sị ụkọkọrọ na oze, di e ne tu ka ô wusu tụ ini eteesu nị. 26Ụmẹ ọnị ezi ahụ Egirọnị ee si zi ka ọ ha, Ehudi si re oze zwe para ori ẹnẹ ẹ bẹ́ jẹẹ hu na ngụ ịzị aā hị́ Iseyira nị. 27Ịjị ọ na sị ngụ ịzọọ, dị o hú ọpanyị ịrẹkụ ịnị ẹkụra ana ya ịrẹsụ otutu ịnị ẹtẹ Ehwireemi, dị anọrụ Anisirẹrị kwẹẹtẹ, dị ọ kụ wa chi hi ẹtẹ, aa nọ ịrẹkụ aza Egirọnị nị. 28Ehudi ka, ẹ̀ saasa ọnị agụvị ka Ẹnẹyịmavara ọ raà sị ẹnị nyị ẹbẹẹba Animowabi ana vị ọnịvị ẹnịnị. Agụvị avọọ dị ẹ saasa chi na na dọ ẹtẹ Animowabi nịnị, hụrị ịzị ẹẹ̄ zịị jịnẹ irehu Ijodani nị. Ẹnịnị ẹ yị zẹẹ ka à nyị ọza ana jịnẹ enyi tụ́ akẹnẹ. 29Ịhị ọnọọ Anisirẹrị nịnị ệ wụ̀ aza akawụ-akawụ oze ẹẹhị. Ẹ yị nyị ọnọrụ Animowabi ana ha. 30Ịhị ọnọọ Anisirẹrị huna Animowabi, dị a vana nyị ẹngwọọrọ ịrayị ẹbẹẹna nị.
Ịsamịga
31Ọdọvịdị ọsa ọnị Isirẹrị vị ana nyị ọ vị Ịsamịga ozi Anati nị, ọnị ọ sị akokoro ịrẹsụ ụnọ wụ̀ Anihwirisiti akata, dị ọ dọ Anisirẹrị nịnị tụ nị.
Currently Selected:
Ọdọvịdị 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọdọvịdị 3
3
Anẹkụra ana vọ tụ ịnị ẹtẹ Ikanaani
1Ẹnẹyịmavara ộ navọ anẹkụra ẹnyị tụ ịnị ẹtẹ Ikanaani ka ọnị ọ sị zama Anisirẹrị nịnị ẹnẹ ẹ yị vịdị nọ ịrẹkụ re. 2Ọ vavọọ mẹ̀ wa agụvị dị anụmẹ ọzọza ẹ yẹ ịsị a hị́ ịrẹkụ, hu kere-kere ẹnị ẹnẹ ẹ yị vịdị nọ ịrẹkụ da. 3Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati. 4Ẹnẹyịmavara vị ana sị wa zama Anisirẹrị nịnị re ka ọnị ọ yẹ ẹ̀ẹ vaa saasa ọda anị ọnị ọ tụ Imosiisi ka ọ mẹ yị ohiku ẹnịnị. 5Avọọ Anisirẹrị nịnị mẹ ra ịnị akakana Anikenaani, Anihiti, Anamọrị, Aniperizi, Anihivi ọnịrị Anijebusi nịnị nị. 6Ẹnịrị Anisirẹrị nịnị vị ana nyị ẹngụ vahi, dị Anisirẹrị nịnị aa hẹkẹ ori ẹnịnị nị.
Ọtịnẹrị
7Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra. 8Agụvị avọọ Ẹnẹyịmavara du ayị hi Anisirẹrị nịnị, dị ọ navọ ka Ikusani-Irisatayimi ana vị ohinọyị Arami-Inaharayimi ộ nyị ẹbẹẹba ẹnịnị, dị ẹ mẹ ịjọva tụra wa ịrẹsụ ịrayị ịhịnta. 9Anisirẹrị nịnị ệ da ịpẹ yị Ẹnẹyịmavara kà ọ gụ ẹnị ụvọ, dị ọ nyị Ọtịnẹrị dị ọ dọ ẹnị ha. Ọtịnẹrị vị ozi Ikenazi ana vị ọhụva Ịkarẹbị ana vị ozweyi. 10Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị. 11Â nyị ẹngwọọrọ ịnị Isirẹrị ịrayị ẹbẹẹva dị Ọtịnẹrị ozi Ikenazi ve su.
Ehudi
12Ịrẹma anị, Anisirẹrị rẹ mẹ̀ ebira odivi hi Ẹnẹyịmavara nị. Agụvị avọọ, ọ sị ụkata yị Egirọnị ohinọyị Imowabi ô huna Anisirẹrị nị. 13Egirọnị ộ va ụvọ beri Anamọnị ọnịrị Anamarẹkị, dị ẹ nyị ẹbẹẹba Anisirẹrị nịnị, dị ẹ dọ Ijeriko ana vị ẹkụra ọsọchị. 14Ộ mẹ ịjọva tụra wa ịrẹsụ ịrayị ẹwụrịhịnta, dị ọ sị ụkata za wa ka ệ tụ ẹkẹhị irehi ẹbanyị-ẹbanyị. 15Ụmẹ ọnọọ Anisirẹrị nịnị ê na owu na za Ẹnẹyịmavara, dị ọ sị ọnọrụ ana aā hị́ Ehudi ka ọ dọ wa ha nị. Ehudi vị ozi Igera, dị ọ vị Anịbẹnjamịnị nị. Ọnị ọnụvọha ọ vị nị. Anisirẹrị nịnị ệ sị ẹyịza tụ́ ọ ụtụ hi Egirọnị, Ohinọyị Imowabi. 16Ehudi ô tu ụhwọ ana gọdọ ahụ ọnya rị ẹjịjị. Dị ọ sị ọ chire achị eyi ụvọrị. 17Dị ọ sị ẹyịza na yị Egirọnị nị. Egirọnị vị ọza ana banyị ẹtẹẹtẹrẹ. 18Ịjị Ehudi reè ụta ẹkẹhị irehi yọ, dị ọ kà a yị anọrụ ana sị ẹkẹhị ọnọọ saasa a vẹ ka ẹẹ nọ eehi nị. 19Ama Ehudi me tu ịzị ịrẹta ana a bẹ hi, ọ̀ sị gụrị Igirigari, dị ọnị ịnya varẹma ne tu Egirọnị ohinọyị nị. Ộ kà yị Ohinọyị ka ọnị ọ nyị ịrẹyị ọyị were pe e ka nị. Agụvị avọọ, dị ohinọyị dụ ezi ahụ anị tụ ẹhẹ yị ọ nị. 20Ehudi ô ne tu ọ ịzị ọ yaayịtẹ ịnị ọtụrọsa anị aa dọ ahị, dị ọ kà Ohomorihi ộ tụ́ ọnị hi ọ. Egirọnị maa kwẹẹtẹ hụrị ịrẹsụ aga anị jẹẹ kẹnẹ, 21Ehudi sị ụvọha anị tụ́ ụhwọ́ hụụnị usi eyi ụvọrị anị, dị ọ jị ụhwọ ọnọọ ngụ ọ ịnẹ nị. 22Avaba ụhwọ ọnịrị ọchị anị ộ ngụ ọ ẹngụ na tụ́ ẹhẹ ịrẹma anị nị. Agụvị ka ộ banyị, di uye ịrẹka anị va ku ọchị ụhwọ ọnọọ nị. 23Dị Ehudi jịnẹ tụ ẹhẹ dị ọ gu oze, dị o chere e hi ọ tụ ịzọọ, nị. 24Ịrẹma ọnị Ehudi sị hu, di ezi ahụ Egirọnị ve tu ka avaba oze anị vị oyichire nị. Dị ẹnịnị ro ka vị aa tana ẹngụ kẹnẹ nị. 25Ẹnịnị ê zi pooro ne tu ụmẹ ana vọrọ ka ọ sị kwẹẹtẹ, dị ẹ sị ụkọkọrọ na oze, di e ne tu ka ô wusu tụ ini eteesu nị. 26Ụmẹ ọnị ezi ahụ Egirọnị ee si zi ka ọ ha, Ehudi si re oze zwe para ori ẹnẹ ẹ bẹ́ jẹẹ hu na ngụ ịzị aā hị́ Iseyira nị. 27Ịjị ọ na sị ngụ ịzọọ, dị o hú ọpanyị ịrẹkụ ịnị ẹkụra ana ya ịrẹsụ otutu ịnị ẹtẹ Ehwireemi, dị anọrụ Anisirẹrị kwẹẹtẹ, dị ọ kụ wa chi hi ẹtẹ, aa nọ ịrẹkụ aza Egirọnị nị. 28Ehudi ka, ẹ̀ saasa ọnị agụvị ka Ẹnẹyịmavara ọ raà sị ẹnị nyị ẹbẹẹba Animowabi ana vị ọnịvị ẹnịnị. Agụvị avọọ dị ẹ saasa chi na na dọ ẹtẹ Animowabi nịnị, hụrị ịzị ẹẹ̄ zịị jịnẹ irehu Ijodani nị. Ẹnịnị ẹ yị zẹẹ ka à nyị ọza ana jịnẹ enyi tụ́ akẹnẹ. 29Ịhị ọnọọ Anisirẹrị nịnị ệ wụ̀ aza akawụ-akawụ oze ẹẹhị. Ẹ yị nyị ọnọrụ Animowabi ana ha. 30Ịhị ọnọọ Anisirẹrị huna Animowabi, dị a vana nyị ẹngwọọrọ ịrayị ẹbẹẹna nị.
Ịsamịga
31Ọdọvịdị ọsa ọnị Isirẹrị vị ana nyị ọ vị Ịsamịga ozi Anati nị, ọnị ọ sị akokoro ịrẹsụ ụnọ wụ̀ Anihwirisiti akata, dị ọ dọ Anisirẹrị nịnị tụ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.