Ọdọvịdị 15
15
Ịsamịsịnị ô si Anihwirisiti nịnị atọ.
1Â nyị ụmẹ ọnya aanị ịnị ụmẹ ọnọọ a sịị mẹ̀ ịsa ọyịna anaā hị́ ihwiti nị. Ịnị ụmẹ ọnọọ Ịsamịsịnị ne heeyi ose anị nị. Ọ maa na, dị ọ sị ozi ẹvụ za ọnị ọ sị na mẹ ose anị ẹyịza nị. Ịjị o tu ịzọọ dị ọ ka a sị ose anị yị ọnị agụvị ka ọ̀ sị́ hụ òrìhì. Ama ada ose anị ọ yị dọ ọ irenu. 2Dị ose Ịsamịsịnị ka yị ọ ka vị ọnị roo ka vị ọ yị sì ịrẹyị ozi anị nị; avọ ọnị ọ ra sị ọ ga ọta Ịsamịsịnị ọnyara aanị. Dị ọ ka atụra ose anị o zoza huna onyeyiza anị nị, dị o da ịpẹ yị Ịsamịsịnị ka ọ nyị atụra anị ọnọọ dọ ịrẹsụ anị nị. 3Dị Ịsamịsịnị va ohi ka, booro anị ọnị oze ọ sị tụ yị ọ nị ọyị mẹ̀ ebira odivi hi anị Anihwirisiti. 4Ịjị ọ maanị ra tụ ọ ịrẹka, dị Ịsamịsịnị na dị ọ za ahaka ịrẹka ẹchẹhị ireyi-ireyi nị, ọ kụ ahaka ẹnẹẹ ẹvẹẹva dị ọ sụ wa omuta za ẹngụ nị, ọ mẹ vavọọ sị wa mẹ dị Ịsamịsịnị na sị avị ọyị wu dị o kuru wa gẹ omuta ahaka ẹnẹẹ ẹvẹẹva hi ẹtẹ nị. 5Ịsamịsịnị mẹ ra kụ avị chire wa omuta ne hu dị ọ jị ịra da avị ẹnẹ nị. Dị ọ navọ ka ahaka ẹnẹẹ ẹ̀ sị ịra ịnị omuta ẹnịnị zwe na ngụ ọ̀ ihwiti ọnị Anihwirisiti nịnị gu jẹ, ọnịrị ihwiti ana vọrọ jẹẹ ịnị aarẹ ne beri aha ene chire ọchị orivi ọnịrị ọchị anaā tụ́ ẹtụtụ ohine-ohine hi. 6Ịjị Anihwirisiti nịnị ne tu ka ịta ọ maanị sị mẹ dị e na owu zẹtẹ ka Ẹnẹ maanị mẹ ẹnị aanị? Dị e tu wa ohi ka Ịsamịsịnị ana vị ọyẹ anị Itimina, ọnị ọ vavọọ mẹ nị agụvị ka ọyẹ anị ọ raà dọ ọnị ose anị na ga ọta anị nị. Avọọ dị Anihwirisiti nịnị na dị ẹ na rị ọyẹ anị ọnọọ ọnịrị ozi anị ịra nị. 7Ịjọnọọ dị Ịsamịsịnị ka yị Anihwirisiti ka agụvị ịsa ẹnẹẹ mẹ aanị ọnị ọyị vaa va ẹyị vẹ ẹ vị ọnị sị wa atọ. 8Obonobono dị Ịsamịsịnị tana ụvọ za wa ẹtẹẹtẹrẹ nị. Dị ọ wụ̀ aza ọrụrụ-ọrụrụ ẹnịnị nị. Ịrẹma ọnọọ dị Ịsamịsịnị na ngụ ụtẹha ọnya ịnị ataba Etami nị. Dị ọza ahụ jẹ ịzọọ nị. 9Ịjọnọọ dị Anihwirisiti nịnị kụ ẹnya ịrẹkụ ẹnịnị dị ẹ na kara Anijuda nịnị hi nị. Dị ẹ vavọọ tara na ngụ ọgụrị ẹkụra ana hị́ Ireehi nị. 10Ịjọnọọ dị Anijuda nịnị họ̀ use ka sị ẹ vẹ dị ẹ kụ ịrẹkụ ee ve tu ẹnị? Dị Anihwirisiti nịnị tụ́ ohi ka vị ẹnị vẹ ka ẹnị ẹ va za Ịsamịsịnị dị ẹnị họ̀ ọ oponu ịsị ọ mẹ hi ẹnị nị. 11Ịjọnọọ dị aza ịrẹkarẹchẹhị tọ̀ọ́ ẹngụ hụrẹ Ijuda dị ẹ nọ ịnị ụtẹha ana yị ịnị ataba Etami ne tu Ịsamịsịnị nị. Dị ẹ họ̀ ọ use ka aanịka ọ yị yẹ ka Anihwirisiti nịnị aa mẹ ịjọva tụra ẹnị ịrẹsụ nị. Dị ẹ ka tẹ! Sị ọ na si ẹnị mẹ anị? Dị Ịsamịsịnị tu wa ohi ka ọpa ebira odivi ọnị ẹnịnị mẹ hi ọnị kẹnẹ ọnị rẹ si wa atọ anị nị. 12Ịjọnọọ dị Anijuda, aza Ịsamịsịnị kà a yị ọ ka vị ẹnị vẹ ka ẹnị ẹ va tụ ọ obo dị ẹnị ẹ sị ọ ne chire Anihwirisiti nịnị ụvọ. Dị Ịsamịsịnị ka yị wa ka ẹ hị́ eku yị ọnị ka ẹ yị vị ẹnị ụvọta e si ka ẹnị ẹ va wụ ọnị. 13Ịjọnọọ dị aza Ịsamịsịnị tụ́ ohi ka heyiye, vị ẹnị vẹ ka ẹnị ẹ va zaa ne chire wa ụvọ kẹnẹ nị. Dị ẹ ka ẹnị ẹ yị vaa wụ ọ. Ịjọnọọ dị ẹ sị obo ọwọọwa ẹẹva dị e sị sụ ọ nị dị ẹ sị ọ chi ataba ne hu nị. 14Ịsamịsịnị maa ngụ ireehi na dị Anihwirisiti nịnị nowu zẹtẹ dị ẹ na gẹrị ọ nị, obobooro dị ụhwẹ Ẹnẹyịmavara kụ hi Ịsamịsịnị ịnẹ nị dị ọ sị ụkata yị ọ nị. Ịjọnọọ dị obo ana sị sụ Ịsamịsịnị ụvọ ngwara wuuru va ha anka ụsụ mẹẹ nā aa sị ịra gụrị ọ avọọ. 15Ịhị ọnọọ dị Ịsamịsịnị kana eyi dị o re ka ẹchụkụ ọwọọwa abamị ẹtẹ ịkẹrịkẹtẹ tịtẹ nị, ọ tana ụvọ sị ọ dị ọ sị wụ̀ aza akahị ịnị Anihwirisiti nịnị nị. 16Ịsamịsịnị mẹ va vọ ra wu wa, dị ọ kụkụ a sị jị ahẹ ka ẹchụkụ abamị ẹtẹ ịkẹrịkẹtẹ kẹnẹ ọnị sị wụ ọmụha akahị vẹẹrẹ hi ẹtẹ anị nị. 17Ịjị Ịsamịsịnị maanị sị ahẹ anị jị ta, di o ne ẹchụkụ ọnọọ ta nị. Dị ọ yị ịzọọ ịrẹha Iramati Ireehi nị (otutu ẹchụkụ abamị ẹtẹ). 18Ịjọnọọ enyi vị ana nyayịnẹ a ku Ịsamịsịnị ẹtẹẹtẹrẹ, Ô sị ọngwẹ tụ ẹba hị́ Ẹnẹyịmavara, dị ọ ka, “Ẹwụ waa sị ozi ahụ nyị ẹbẹẹba ọbanyị ọnọnị. Ụ wáá va navọ ka onyi ọ wụ̀ mị, dị ma ngụ aza ẹnẹ ẹ yị yẹ ẹwụ Ohomorihi ụvọ nị?” 19Agụvị avọọ dị Ohomorihi na ụsị iruvo ẹtẹ ana yị Ireehi, dị enyi ee si jịnẹ ẹ vẹ ẹhẹ nị. Dị Ịsamịsịnị hú enyi dị ọ varẹma nyị ụkata nị. Ịsamịsịnị ộ sị ịrẹha yị aha enyi ọnọọ ka ọnị ọ rị Enihakore nị (Oswe Enehuse) Enyi ọnọọ yị yị ịzị aā hị́ Ireehi pooro tu ajịnị. 20Ịsamịsịnị ộ mẹ̀ ọdọvịdị Anisirẹrị mẹ ịrayị oohu ịnị ụmẹ Anihwirisiti nịnị.
Currently Selected:
Ọdọvịdị 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọdọvịdị 15
15
Ịsamịsịnị ô si Anihwirisiti nịnị atọ.
1Â nyị ụmẹ ọnya aanị ịnị ụmẹ ọnọọ a sịị mẹ̀ ịsa ọyịna anaā hị́ ihwiti nị. Ịnị ụmẹ ọnọọ Ịsamịsịnị ne heeyi ose anị nị. Ọ maa na, dị ọ sị ozi ẹvụ za ọnị ọ sị na mẹ ose anị ẹyịza nị. Ịjị o tu ịzọọ dị ọ ka a sị ose anị yị ọnị agụvị ka ọ̀ sị́ hụ òrìhì. Ama ada ose anị ọ yị dọ ọ irenu. 2Dị ose Ịsamịsịnị ka yị ọ ka vị ọnị roo ka vị ọ yị sì ịrẹyị ozi anị nị; avọ ọnị ọ ra sị ọ ga ọta Ịsamịsịnị ọnyara aanị. Dị ọ ka atụra ose anị o zoza huna onyeyiza anị nị, dị o da ịpẹ yị Ịsamịsịnị ka ọ nyị atụra anị ọnọọ dọ ịrẹsụ anị nị. 3Dị Ịsamịsịnị va ohi ka, booro anị ọnị oze ọ sị tụ yị ọ nị ọyị mẹ̀ ebira odivi hi anị Anihwirisiti. 4Ịjị ọ maanị ra tụ ọ ịrẹka, dị Ịsamịsịnị na dị ọ za ahaka ịrẹka ẹchẹhị ireyi-ireyi nị, ọ kụ ahaka ẹnẹẹ ẹvẹẹva dị ọ sụ wa omuta za ẹngụ nị, ọ mẹ vavọọ sị wa mẹ dị Ịsamịsịnị na sị avị ọyị wu dị o kuru wa gẹ omuta ahaka ẹnẹẹ ẹvẹẹva hi ẹtẹ nị. 5Ịsamịsịnị mẹ ra kụ avị chire wa omuta ne hu dị ọ jị ịra da avị ẹnẹ nị. Dị ọ navọ ka ahaka ẹnẹẹ ẹ̀ sị ịra ịnị omuta ẹnịnị zwe na ngụ ọ̀ ihwiti ọnị Anihwirisiti nịnị gu jẹ, ọnịrị ihwiti ana vọrọ jẹẹ ịnị aarẹ ne beri aha ene chire ọchị orivi ọnịrị ọchị anaā tụ́ ẹtụtụ ohine-ohine hi. 6Ịjị Anihwirisiti nịnị ne tu ka ịta ọ maanị sị mẹ dị e na owu zẹtẹ ka Ẹnẹ maanị mẹ ẹnị aanị? Dị e tu wa ohi ka Ịsamịsịnị ana vị ọyẹ anị Itimina, ọnị ọ vavọọ mẹ nị agụvị ka ọyẹ anị ọ raà dọ ọnị ose anị na ga ọta anị nị. Avọọ dị Anihwirisiti nịnị na dị ẹ na rị ọyẹ anị ọnọọ ọnịrị ozi anị ịra nị. 7Ịjọnọọ dị Ịsamịsịnị ka yị Anihwirisiti ka agụvị ịsa ẹnẹẹ mẹ aanị ọnị ọyị vaa va ẹyị vẹ ẹ vị ọnị sị wa atọ. 8Obonobono dị Ịsamịsịnị tana ụvọ za wa ẹtẹẹtẹrẹ nị. Dị ọ wụ̀ aza ọrụrụ-ọrụrụ ẹnịnị nị. Ịrẹma ọnọọ dị Ịsamịsịnị na ngụ ụtẹha ọnya ịnị ataba Etami nị. Dị ọza ahụ jẹ ịzọọ nị. 9Ịjọnọọ dị Anihwirisiti nịnị kụ ẹnya ịrẹkụ ẹnịnị dị ẹ na kara Anijuda nịnị hi nị. Dị ẹ vavọọ tara na ngụ ọgụrị ẹkụra ana hị́ Ireehi nị. 10Ịjọnọọ dị Anijuda nịnị họ̀ use ka sị ẹ vẹ dị ẹ kụ ịrẹkụ ee ve tu ẹnị? Dị Anihwirisiti nịnị tụ́ ohi ka vị ẹnị vẹ ka ẹnị ẹ va za Ịsamịsịnị dị ẹnị họ̀ ọ oponu ịsị ọ mẹ hi ẹnị nị. 11Ịjọnọọ dị aza ịrẹkarẹchẹhị tọ̀ọ́ ẹngụ hụrẹ Ijuda dị ẹ nọ ịnị ụtẹha ana yị ịnị ataba Etami ne tu Ịsamịsịnị nị. Dị ẹ họ̀ ọ use ka aanịka ọ yị yẹ ka Anihwirisiti nịnị aa mẹ ịjọva tụra ẹnị ịrẹsụ nị. Dị ẹ ka tẹ! Sị ọ na si ẹnị mẹ anị? Dị Ịsamịsịnị tu wa ohi ka ọpa ebira odivi ọnị ẹnịnị mẹ hi ọnị kẹnẹ ọnị rẹ si wa atọ anị nị. 12Ịjọnọọ dị Anijuda, aza Ịsamịsịnị kà a yị ọ ka vị ẹnị vẹ ka ẹnị ẹ va tụ ọ obo dị ẹnị ẹ sị ọ ne chire Anihwirisiti nịnị ụvọ. Dị Ịsamịsịnị ka yị wa ka ẹ hị́ eku yị ọnị ka ẹ yị vị ẹnị ụvọta e si ka ẹnị ẹ va wụ ọnị. 13Ịjọnọọ dị aza Ịsamịsịnị tụ́ ohi ka heyiye, vị ẹnị vẹ ka ẹnị ẹ va zaa ne chire wa ụvọ kẹnẹ nị. Dị ẹ ka ẹnị ẹ yị vaa wụ ọ. Ịjọnọọ dị ẹ sị obo ọwọọwa ẹẹva dị e sị sụ ọ nị dị ẹ sị ọ chi ataba ne hu nị. 14Ịsamịsịnị maa ngụ ireehi na dị Anihwirisiti nịnị nowu zẹtẹ dị ẹ na gẹrị ọ nị, obobooro dị ụhwẹ Ẹnẹyịmavara kụ hi Ịsamịsịnị ịnẹ nị dị ọ sị ụkata yị ọ nị. Ịjọnọọ dị obo ana sị sụ Ịsamịsịnị ụvọ ngwara wuuru va ha anka ụsụ mẹẹ nā aa sị ịra gụrị ọ avọọ. 15Ịhị ọnọọ dị Ịsamịsịnị kana eyi dị o re ka ẹchụkụ ọwọọwa abamị ẹtẹ ịkẹrịkẹtẹ tịtẹ nị, ọ tana ụvọ sị ọ dị ọ sị wụ̀ aza akahị ịnị Anihwirisiti nịnị nị. 16Ịsamịsịnị mẹ va vọ ra wu wa, dị ọ kụkụ a sị jị ahẹ ka ẹchụkụ abamị ẹtẹ ịkẹrịkẹtẹ kẹnẹ ọnị sị wụ ọmụha akahị vẹẹrẹ hi ẹtẹ anị nị. 17Ịjị Ịsamịsịnị maanị sị ahẹ anị jị ta, di o ne ẹchụkụ ọnọọ ta nị. Dị ọ yị ịzọọ ịrẹha Iramati Ireehi nị (otutu ẹchụkụ abamị ẹtẹ). 18Ịjọnọọ enyi vị ana nyayịnẹ a ku Ịsamịsịnị ẹtẹẹtẹrẹ, Ô sị ọngwẹ tụ ẹba hị́ Ẹnẹyịmavara, dị ọ ka, “Ẹwụ waa sị ozi ahụ nyị ẹbẹẹba ọbanyị ọnọnị. Ụ wáá va navọ ka onyi ọ wụ̀ mị, dị ma ngụ aza ẹnẹ ẹ yị yẹ ẹwụ Ohomorihi ụvọ nị?” 19Agụvị avọọ dị Ohomorihi na ụsị iruvo ẹtẹ ana yị Ireehi, dị enyi ee si jịnẹ ẹ vẹ ẹhẹ nị. Dị Ịsamịsịnị hú enyi dị ọ varẹma nyị ụkata nị. Ịsamịsịnị ộ sị ịrẹha yị aha enyi ọnọọ ka ọnị ọ rị Enihakore nị (Oswe Enehuse) Enyi ọnọọ yị yị ịzị aā hị́ Ireehi pooro tu ajịnị. 20Ịsamịsịnị ộ mẹ̀ ọdọvịdị Anisirẹrị mẹ ịrayị oohu ịnị ụmẹ Anihwirisiti nịnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.