Ọdọvịdị 1
1
Anisirẹrị nịnị ẹ̀ gẹ ịrẹkụ tu Anikenaani nịnị
1Â nyị ụmẹ ọnya aanị, ịnị ụmẹ ọnọọ Ijosuwa ô wusu, dị Anisirẹrị nịnị họ̀ Ẹnẹyịmavara use ka, yere ịrẹsụ ọnị ọ vọrọ tụra ka ẹ vịdị nọ ịrẹkụ Anikenaani nịnị? 2Dị Ẹnẹyịmavara kà ezi Ijuda yọ nị. Dị ọ kà ọnị vaa sị wa nyị ẹbẹẹba Anẹkụra ẹnẹẹ nị. 3Dị ezi Ijuda na hị́ anda ẹnịnị ana vị ezi Isimiyọnị ẹnẹbẹnị ada ẹnịnị ka ẹ saasa ẹnị nọ ịrẹkụ Anikenaani ana ra ịnị ẹtẹ ana ga tu ịrẹsụ ẹnịnị. Ẹnị rẹ vaa saasa wa nọ ịrẹkụ ịhị òo tu wa. Ịzẹyịza dị ezi Isimiyọnị nịnị na gụ wa ụvọ nị. 4Ẹ́nịnị mẹ nọ ịrẹkụ ọnọọ, dị Ẹnẹyịmavara sị wa nyị ẹbẹẹba Anikenaani ọnịrị Aniperizi nịnị nị. Dị ẹ̀ wụ̀ aza ịrịka akawụ-akawụ oze ẹẹhị eyi ịrẹkụ ẹkụra ana aā hị́ Ibezeki nị. 5Ibezeki ịzọọ ẹnịnị ya hara ịrachị tụra Adoni-Ibezeki ana vị ohinọyị nị. Dị ẹ nyị ẹbẹẹba ọnịrị Anikenaani ne beri Aniperizi ẹ mẹẹ gẹ ịrẹkụ nị. 6Ịjị ẹtẹ ka ịra za a, di o zwe nị, Dị ẹnịnị dụ ọ dị ẹ̀ za a, dị ẹ̀ da a ozi igege ọbanyị ahụ anị ọnịrị ụvọ anị nị. 7Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.
Ezi Ijuda ệ nyị ẹbẹẹba aza ana ya Ijerusarẹmị ọnịrị Ihebirọnị
8Ịnị ọnọọ ọnyọọnya ezi Ijuda rẹ kụ́ ịrẹkụ ne tu Anijerusarẹmị dị rị ẹkụra ọnọọ nị. Dị ẹnịnị ệ sị ụ̀hwọ̀ wụ̀ aza ene hi ịzọọ ha, dị rị ẹkụra ẹnịnị ịra nị. 9Ịrẹma ọnọọ, Anijuda nịnị va chi kụ ịrẹkụ ne tu Anikenaani nịnị ana ra ịnị ẹkụra ene hi ịrẹsụ ataba ọnịrị ẹtẹ Ịnẹgẹvị ne beri inozi. 10Avọọ ẹ̀ mẹ rẹ kụ ịrẹkụ tu Anikenaani ene hi Ihebirọnị ana a vịdị aā hị́ Ikiriyati-Arịba, dị ẹ́ nyị ẹbẹẹba isoja Anisesayi ọnịrị Anahimani ne beri Itarimayi.
Ọtịnẹrị ộ rị ẹkụra ọbanyị ana aā hị́ Idebiri
(Ijov 15.13-19)
11Ẹ vavọọ sị wa huna, dị ẹ hụụ ịzọọ kụ ịrẹkụ ne tu aza ene hi Idebiri nị. Ẹkụra ọnọọ vị ana vịdị aā hị́ Ikiriyati-Isehwa. 12Â nyị ọnọrụ ịnya aanị ana aā hị́ Ịkarẹbị. Ộ ma ozi ọnẹẹ ọnya aanị ọnị ịrẹha anị rị Akịsa. Dị ọ kà ọnị vaa sị ozi anị ọnọọ ga ọza tụra ọza anaa zụ kụ ịrẹkụ ne tu Ikiriyati-Isehwa ọnọọ dị ọ rị ọ. 13Ịzẹyịza, dị Ọtịnẹrị ana vị ozi Ikenazi ana vị ọhụva Ịkarẹbị nọ ịrẹkụ ọnọọ, dị ộ nyị ẹbẹẹba aza ẹnẹẹ nị. Avọọ Ikarẹbị mẹmẹ sị ga Ọtịnẹrị dị ộ nyị ọ nị. 14Ọ̀ mẹ ngụ ịdị ọva anị kẹnẹ, ọva anị nyima aa kụ ọ hi ọ ẹngụ ka ọ kà a yị ada anị ọ sị ẹtẹ yị ẹnị nị. Â vaa nyị ụmẹ ọnya ọnị o ne heyi ada anị. Ada me re e kẹnẹ ka ee chi hụrẹ ịrẹsụ ịkẹrịkẹtẹ anị, ọ́ họ̀ ọ ka ịsị e si ka ọnị ọ mẹ yọ nị. 15Dị ọ ka ada anị ọ sị ẹtẹ apasị anị mẹ̀ ọnị ẹyịza vaka ẹtẹ ana ya Ịnẹgẹvị ọnị ọ vịdị sị yị ọnị nị. Ịzẹyịza, dị Ịkarẹbị sị ẹtẹ apasị eyi ẹbẹẹba ọnịrị eyi ụvẹtẹ yọ nị.
Evere Ịbẹnjamịnị ẹnịrị Ijuda nịnị ệ nyị ẹbẹẹba ọnịvị ẹnịnị
16Â nyị evere Ikeeni ana vị ọyẹ Imosiisi ana vịdị ra Ijeriko. Ẹkụra ọnọọ vị ana aā rẹ hị́ ẹkụra ọsọchị. Aza ẹnẹnị ệ kụ̀rà hụrẹ ịzọọ saasa Anijuda nịnị na ra ịnị ụnọmị eyi ụvẹtẹ Ijuda ana gụrị ẹkụra ana aā hị́ Aradi. 17Ezi Ijuda ẹnịrị ezi Isimiyọnị ẹ rẹ nọ ịrẹkụ Anikenaani ene hi Izehwati, dị ẹ wụ̀ avaba ẹnịnị saka-saka va ha nị. Dị ẹnịnị sị ịrẹha yị ịzọọ ka ọnị ọ rị Ịhọma nị. Uruvo anị ọ vị ịzị ê du ta. 18Ịrẹma ọnọọ, ezi Ijuda vana rẹ rị ẹtẹ Igaza ọnịrị Asikeroni ne beri Ekironi ọnịrị ẹkụra eweyi-eweyi ana kara wa nị. 19Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ. 20#Ijos 15.13,14Ẹkụra Ihebirọnị vị ana a sị yị Ịkarẹbị anka Imosiisi mẹ̀ vịdị kà a. Dị Ịkarẹbị dụ aza ana vị evere ezi Anaki ẹyịta hụụnị ẹtẹ ọnọọ nị. 21#Ijos 15.63; 2 Ịsa 5.6; 1 Ịtọ 11.4Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.
Ịrẹsụ Ehwireemi ọnịrị Ịmanasẹ ệ rị Ịbẹtẹrị
22Evere Ijosẹẹhụ ệ nọ ịrẹkụ anẹkụra Ịbẹtẹrị, dị Ẹnẹyịmavara jẹẹ wa ịrẹma nị. 23Ẹnịnị ệ vịdị tụ aza were-were nee re ẹtẹ Ịbẹtẹrị ana vịdị aa hị́ Iruzi. 24Aza ẹnẹẹ màa ngụ ẹkụra ọnọọ na, di e re ọnọrụ ọnya ana a jịnẹ vẹ, dị ẹ ka ọ zụ ẹnị oze ana na ngụ ịnị ẹkụra ka ẹ yị nyị ịsa anaa vaa mẹ̀ ẹ. 25Dị ọnọrụ ọnọọ sị oze zụ wa nị. Dị ẹ sị ụ̀hwọ̀ wụ̀ avaba aza ene hi ịzọọ, dị ẹ navọ ọnọrụ ọnọọ ọnịrị anovwoovu anị ka ẹ jịnẹ hụụ ịzọọ nị. 26Dị ẹnịnị nọ ẹtẹ Anihiti dị ẹ da ẹkụra ọnị ẹ yaā hị́ Iruzi pooro ve ajịnị nị.
Aza ana Anisirẹrị nịnị ẹ yị rẹ va zụ dụ
27 #
Ijos 17.11-13
Ezi Ịmanasẹ nịnị ẹ yị zụ dụ Anikenaani ana ra Ịbẹtị-Isani, Itaanaki, Ịdọ, Ibirimi, ọnịrị Imegido ne beri ẹkụra eweyi-eweyi ana kara wa Anikenaani ẹnẹẹ vị ene nyị jẹẹ ka ẹnị e hu ahụ hụrẹ aha ẹnịnị. 28Ịjị Anisirẹrị nịnị sị huna wa, dị ẹ sị ụkata za wa ọrịhị, ama ẹnịnị ẹ yị dụ wa hụrẹ ẹkụra saka-saka. 29#Ijos 16.10Ezi Ehwireemi nịnị e yị dụ Anikenaani hụrẹ ẹtẹ Ịgẹzẹrị. Ẹnịnị ẹ navọ wa ka ẹnịrị wa ẹ ra vabẹ. 30Ezi Izeburuni nịnị ẹ yị dụ Anikenaani ana ra hi Ikitironi ọnịrị Ịnaharori. Dị ẹnịrị wa ra vabẹ nị, ama dị Ezi Izeburuni va na za wa ọrịhị nị. 31Ezi Aseri ẹnị ẹ yị rẹ dụ Anikenaani ana ra hi Ako, Ịsịdọnị, Ahịravị, Achizibi, Iheriba, Ahwiki, ọnịrị Ịrẹhọbị. 32Avọọ Ezi Aseri mẹ ra ịnị akakana Anikenaani nịnị ana nyị ẹtẹ ọnọọ nị. Ẹnịnị ẹ yị dụ wa. 33Ezi Inahwitari ẹ yị dụ Anikenaani ana ra Ịbẹtị-Isemesi, ọnịrị Ịbẹtị Anati. Dị ezi Inahwitari ra beri wa ama dị ẹ za wa ọrịhị nị. 34Ezi Ịdanị vị Anamọrị nịnị dụ varẹma ne hi ẹkụra ana ya ịrẹsụ otutu. Ẹnịnị ẹ yị zẹẹ ka e chi vẹ inozi. 35Dị Anamọrị nịnị ra hi Ayijaroni, Isaaribimi, ọnịrị ataba Ịharị-Ịhẹrẹsị nị. Ama dị ezi Ịmanasẹ ọnịrị ezi Ehwireemi za wa ọrịhị ka è hẹkẹ ẹnị nị. 36Ẹhwị ẹtẹ Anamọrị vị ana kwẹẹtẹ hụrị oze Akirabimi na ngụ Ịsẹra vavọọ va hịrẹ.
Currently Selected:
Ọdọvịdị 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọdọvịdị 1
1
Anisirẹrị nịnị ẹ̀ gẹ ịrẹkụ tu Anikenaani nịnị
1Â nyị ụmẹ ọnya aanị, ịnị ụmẹ ọnọọ Ijosuwa ô wusu, dị Anisirẹrị nịnị họ̀ Ẹnẹyịmavara use ka, yere ịrẹsụ ọnị ọ vọrọ tụra ka ẹ vịdị nọ ịrẹkụ Anikenaani nịnị? 2Dị Ẹnẹyịmavara kà ezi Ijuda yọ nị. Dị ọ kà ọnị vaa sị wa nyị ẹbẹẹba Anẹkụra ẹnẹẹ nị. 3Dị ezi Ijuda na hị́ anda ẹnịnị ana vị ezi Isimiyọnị ẹnẹbẹnị ada ẹnịnị ka ẹ saasa ẹnị nọ ịrẹkụ Anikenaani ana ra ịnị ẹtẹ ana ga tu ịrẹsụ ẹnịnị. Ẹnị rẹ vaa saasa wa nọ ịrẹkụ ịhị òo tu wa. Ịzẹyịza dị ezi Isimiyọnị nịnị na gụ wa ụvọ nị. 4Ẹ́nịnị mẹ nọ ịrẹkụ ọnọọ, dị Ẹnẹyịmavara sị wa nyị ẹbẹẹba Anikenaani ọnịrị Aniperizi nịnị nị. Dị ẹ̀ wụ̀ aza ịrịka akawụ-akawụ oze ẹẹhị eyi ịrẹkụ ẹkụra ana aā hị́ Ibezeki nị. 5Ibezeki ịzọọ ẹnịnị ya hara ịrachị tụra Adoni-Ibezeki ana vị ohinọyị nị. Dị ẹ nyị ẹbẹẹba ọnịrị Anikenaani ne beri Aniperizi ẹ mẹẹ gẹ ịrẹkụ nị. 6Ịjị ẹtẹ ka ịra za a, di o zwe nị, Dị ẹnịnị dụ ọ dị ẹ̀ za a, dị ẹ̀ da a ozi igege ọbanyị ahụ anị ọnịrị ụvọ anị nị. 7Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.
Ezi Ijuda ệ nyị ẹbẹẹba aza ana ya Ijerusarẹmị ọnịrị Ihebirọnị
8Ịnị ọnọọ ọnyọọnya ezi Ijuda rẹ kụ́ ịrẹkụ ne tu Anijerusarẹmị dị rị ẹkụra ọnọọ nị. Dị ẹnịnị ệ sị ụ̀hwọ̀ wụ̀ aza ene hi ịzọọ ha, dị rị ẹkụra ẹnịnị ịra nị. 9Ịrẹma ọnọọ, Anijuda nịnị va chi kụ ịrẹkụ ne tu Anikenaani nịnị ana ra ịnị ẹkụra ene hi ịrẹsụ ataba ọnịrị ẹtẹ Ịnẹgẹvị ne beri inozi. 10Avọọ ẹ̀ mẹ rẹ kụ ịrẹkụ tu Anikenaani ene hi Ihebirọnị ana a vịdị aā hị́ Ikiriyati-Arịba, dị ẹ́ nyị ẹbẹẹba isoja Anisesayi ọnịrị Anahimani ne beri Itarimayi.
Ọtịnẹrị ộ rị ẹkụra ọbanyị ana aā hị́ Idebiri
(Ijov 15.13-19)
11Ẹ vavọọ sị wa huna, dị ẹ hụụ ịzọọ kụ ịrẹkụ ne tu aza ene hi Idebiri nị. Ẹkụra ọnọọ vị ana vịdị aā hị́ Ikiriyati-Isehwa. 12Â nyị ọnọrụ ịnya aanị ana aā hị́ Ịkarẹbị. Ộ ma ozi ọnẹẹ ọnya aanị ọnị ịrẹha anị rị Akịsa. Dị ọ kà ọnị vaa sị ozi anị ọnọọ ga ọza tụra ọza anaa zụ kụ ịrẹkụ ne tu Ikiriyati-Isehwa ọnọọ dị ọ rị ọ. 13Ịzẹyịza, dị Ọtịnẹrị ana vị ozi Ikenazi ana vị ọhụva Ịkarẹbị nọ ịrẹkụ ọnọọ, dị ộ nyị ẹbẹẹba aza ẹnẹẹ nị. Avọọ Ikarẹbị mẹmẹ sị ga Ọtịnẹrị dị ộ nyị ọ nị. 14Ọ̀ mẹ ngụ ịdị ọva anị kẹnẹ, ọva anị nyima aa kụ ọ hi ọ ẹngụ ka ọ kà a yị ada anị ọ sị ẹtẹ yị ẹnị nị. Â vaa nyị ụmẹ ọnya ọnị o ne heyi ada anị. Ada me re e kẹnẹ ka ee chi hụrẹ ịrẹsụ ịkẹrịkẹtẹ anị, ọ́ họ̀ ọ ka ịsị e si ka ọnị ọ mẹ yọ nị. 15Dị ọ ka ada anị ọ sị ẹtẹ apasị anị mẹ̀ ọnị ẹyịza vaka ẹtẹ ana ya Ịnẹgẹvị ọnị ọ vịdị sị yị ọnị nị. Ịzẹyịza, dị Ịkarẹbị sị ẹtẹ apasị eyi ẹbẹẹba ọnịrị eyi ụvẹtẹ yọ nị.
Evere Ịbẹnjamịnị ẹnịrị Ijuda nịnị ệ nyị ẹbẹẹba ọnịvị ẹnịnị
16Â nyị evere Ikeeni ana vị ọyẹ Imosiisi ana vịdị ra Ijeriko. Ẹkụra ọnọọ vị ana aā rẹ hị́ ẹkụra ọsọchị. Aza ẹnẹnị ệ kụ̀rà hụrẹ ịzọọ saasa Anijuda nịnị na ra ịnị ụnọmị eyi ụvẹtẹ Ijuda ana gụrị ẹkụra ana aā hị́ Aradi. 17Ezi Ijuda ẹnịrị ezi Isimiyọnị ẹ rẹ nọ ịrẹkụ Anikenaani ene hi Izehwati, dị ẹ wụ̀ avaba ẹnịnị saka-saka va ha nị. Dị ẹnịnị sị ịrẹha yị ịzọọ ka ọnị ọ rị Ịhọma nị. Uruvo anị ọ vị ịzị ê du ta. 18Ịrẹma ọnọọ, ezi Ijuda vana rẹ rị ẹtẹ Igaza ọnịrị Asikeroni ne beri Ekironi ọnịrị ẹkụra eweyi-eweyi ana kara wa nị. 19Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ. 20#Ijos 15.13,14Ẹkụra Ihebirọnị vị ana a sị yị Ịkarẹbị anka Imosiisi mẹ̀ vịdị kà a. Dị Ịkarẹbị dụ aza ana vị evere ezi Anaki ẹyịta hụụnị ẹtẹ ọnọọ nị. 21#Ijos 15.63; 2 Ịsa 5.6; 1 Ịtọ 11.4Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.
Ịrẹsụ Ehwireemi ọnịrị Ịmanasẹ ệ rị Ịbẹtẹrị
22Evere Ijosẹẹhụ ệ nọ ịrẹkụ anẹkụra Ịbẹtẹrị, dị Ẹnẹyịmavara jẹẹ wa ịrẹma nị. 23Ẹnịnị ệ vịdị tụ aza were-were nee re ẹtẹ Ịbẹtẹrị ana vịdị aa hị́ Iruzi. 24Aza ẹnẹẹ màa ngụ ẹkụra ọnọọ na, di e re ọnọrụ ọnya ana a jịnẹ vẹ, dị ẹ ka ọ zụ ẹnị oze ana na ngụ ịnị ẹkụra ka ẹ yị nyị ịsa anaa vaa mẹ̀ ẹ. 25Dị ọnọrụ ọnọọ sị oze zụ wa nị. Dị ẹ sị ụ̀hwọ̀ wụ̀ avaba aza ene hi ịzọọ, dị ẹ navọ ọnọrụ ọnọọ ọnịrị anovwoovu anị ka ẹ jịnẹ hụụ ịzọọ nị. 26Dị ẹnịnị nọ ẹtẹ Anihiti dị ẹ da ẹkụra ọnị ẹ yaā hị́ Iruzi pooro ve ajịnị nị.
Aza ana Anisirẹrị nịnị ẹ yị rẹ va zụ dụ
27 #
Ijos 17.11-13
Ezi Ịmanasẹ nịnị ẹ yị zụ dụ Anikenaani ana ra Ịbẹtị-Isani, Itaanaki, Ịdọ, Ibirimi, ọnịrị Imegido ne beri ẹkụra eweyi-eweyi ana kara wa Anikenaani ẹnẹẹ vị ene nyị jẹẹ ka ẹnị e hu ahụ hụrẹ aha ẹnịnị. 28Ịjị Anisirẹrị nịnị sị huna wa, dị ẹ sị ụkata za wa ọrịhị, ama ẹnịnị ẹ yị dụ wa hụrẹ ẹkụra saka-saka. 29#Ijos 16.10Ezi Ehwireemi nịnị e yị dụ Anikenaani hụrẹ ẹtẹ Ịgẹzẹrị. Ẹnịnị ẹ navọ wa ka ẹnịrị wa ẹ ra vabẹ. 30Ezi Izeburuni nịnị ẹ yị dụ Anikenaani ana ra hi Ikitironi ọnịrị Ịnaharori. Dị ẹnịrị wa ra vabẹ nị, ama dị Ezi Izeburuni va na za wa ọrịhị nị. 31Ezi Aseri ẹnị ẹ yị rẹ dụ Anikenaani ana ra hi Ako, Ịsịdọnị, Ahịravị, Achizibi, Iheriba, Ahwiki, ọnịrị Ịrẹhọbị. 32Avọọ Ezi Aseri mẹ ra ịnị akakana Anikenaani nịnị ana nyị ẹtẹ ọnọọ nị. Ẹnịnị ẹ yị dụ wa. 33Ezi Inahwitari ẹ yị dụ Anikenaani ana ra Ịbẹtị-Isemesi, ọnịrị Ịbẹtị Anati. Dị ezi Inahwitari ra beri wa ama dị ẹ za wa ọrịhị nị. 34Ezi Ịdanị vị Anamọrị nịnị dụ varẹma ne hi ẹkụra ana ya ịrẹsụ otutu. Ẹnịnị ẹ yị zẹẹ ka e chi vẹ inozi. 35Dị Anamọrị nịnị ra hi Ayijaroni, Isaaribimi, ọnịrị ataba Ịharị-Ịhẹrẹsị nị. Ama dị ezi Ịmanasẹ ọnịrị ezi Ehwireemi za wa ọrịhị ka è hẹkẹ ẹnị nị. 36Ẹhwị ẹtẹ Anamọrị vị ana kwẹẹtẹ hụrị oze Akirabimi na ngụ Ịsẹra vavọọ va hịrẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.