Ayịsaya 9
9
Ohinọyị anaa vẹ
1 #
Imt 4.15
Aza ana aa rị ụya booro aanị, ẹ yị vị avọọ ẹnịnị mè vee hi ịnị ịrahụ pooro. Ịyẹẹyẹ Ohomorihi ộ vịdị za Anizeburuni ọnịrị Aninahwitari dị ọ tẹ wa nị. Ama ịnị ụmẹ ọdịrẹma, ọ vaa sị ụbanyịị yị anokokooro ọnọọ hụrẹ Òkū Imeditareniya na ngụ akẹnẹ Ijodani. Ụbanyị ọnọọ vee tù Igariri bẹẹ ịzị azọga ra hi.
2 #
Imt 4.16; Irk 1.79 Aza ene hi ịnị ịrahụ
e reè ẹtohweyi ọbanyị ọnya.
Ẹtẹ ene vịdị hozi kara wa
ama ẹ sị ẹtohweyi re.
3Wa raà mẹ ka aza ẹnẹẹ ẹ̀ rụrụ,
avọọ ụ mẹ̀ rẹ mẹ ka inohine ẹnịnị ọ̀ rẹ dẹngụ nị.
Ayị ẹnịnị ô hine é mè re ịsị ụ mẹ̀,
ẹ yaa jẹ anka aza ana aa kụ ịsa ọyịna ịnị aarẹ gụ avọọ.
Ịnẹ ẹnịnị ee hine anka aza ana nyị ẹbẹẹba ịrẹkụ dị ẹ yaa gà ogu ẹnị ẹ kụ́ ózee eyi ịrẹkụ avọọ.
4Aza ana vịdị aa mẹ ẹchakaa yị wa, wa kụ́ aza ẹnẹẹ gara ha.
Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa.
Wa raà nyị ẹbẹẹba anẹkụra ọnọọ
ana mẹ̀ ẹvaya, dị ẹ yaa kụ ogu ẹnịnị
Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.
5Adava oku isoja nịnị ana ngụ tu wa
ọnịrị awuru anya-anya ẹnịnị
vị ana vaa rị ịra vaa ha.
 sị ozi ma
6A sị ozi ọnya ma yị!
A raà sị ozi ọnọrụ ọnya yị!
Ozi ọnọọ ọ vaa nyị ịjọva nị.
A vaa hị́ ọ Ohyozirenu, Ọpọzajuwe,
Ohomorihi Ochẹtẹẹngụ, Ada ana yà ịzọọ pooro zịna-zịna,
Ohinọyị ẹngwọọrọ.
7 #
Irk 1.32,33 Ụkata Ịjọva anị vị ana vaa hịrẹ ūna hu avọọ,
Ẹngwọọrọ ọnị ọ vaa sị vẹ ọ ma vana ta pàá zịna-zịna.
Ọnị ọ vaa vị ohinọyị dọ Idevidi ịrẹsụ nị.
Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị.
Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.
Ohomorihi vaa sị ụyaa rị Anisirẹrị
8Ananyị yị ọ sị ọkarẹyị mẹ yị Ijekọvụ. Mị ka ịrẹyị ô tù Anisirẹrị. 9Avaba aza vaa yẹ, Anehwireemi ọnịrị Anịsamarịya vi ene ee wuu zị dị ẹ ka 10ọvọ ẹnịnị ene wú aanị ụvụ ẹnị vịdị sị tụra a. Ẹ rẹ ka ọchị ẹnịnị ana aā hị́ ihwigi a sị wa ma. Ẹ ka ọchị ọbanyị ana nyị ụkata hu avọọ ana aā hị́ Isida ẹnị vanaa hị́ dọ ihwigi ẹnẹẹ ịrẹsụ nị. 11Ama Ẹnẹyịmavara ọ raà tụ́ ọnịvị Irezini ịrẹyị ka ẹ̀ kụ́ ịrẹkụ ne tù Anisirẹrị. 12Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị. 13Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ. 14Ịnị ẹkụhị ọnya chọ̀chọ̀chọ̀, Ẹnẹyịmavara vaa sị ụya rị avaba Anisirẹrị ọnịrị ọdọvịdị ẹnịnị Ịrẹsụ ne beri omu ọ vaa kụ́ụ kwooze nị. 15Azọkụ ana aza aa sị ụbanyị yị ẹ vị ịrẹsụ ọnọọ nị, dị ọnịsẹ ana aa sị ịrẹyị ireche kọ aza ẹnị vị omuta nị. 16Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi. 17Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị. 18Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị. 19Ẹnẹyịmavara Ochẹtẹẹngụ vị ana nyayịnẹ aa kụ́ ayịị hi aza ẹnẹẹ. Ọyịkụ vaa ngụraa za aza ẹnẹẹ, dị ẹ yaa rị ịra anka ọkụ avọọ, ọzọza ọnịrị ọhụva anị vị ana vaa và eyii kà ẹngụ. 20Avaba ịzị aza ẹ̀ẹ ya re ịsọyịrị ịnị ẹkụra ọnọọ vị ene vee zunee rị, ama dị ụngwẹ aa kịị kụ̀ wa. Ẹ hyakụ vaa wụ̀ ozi ẹnịnịị rị bẹẹ. 21Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.
Currently Selected:
Ayịsaya 9: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 9
9
Ohinọyị anaa vẹ
1 #
Imt 4.15
Aza ana aa rị ụya booro aanị, ẹ yị vị avọọ ẹnịnị mè vee hi ịnị ịrahụ pooro. Ịyẹẹyẹ Ohomorihi ộ vịdị za Anizeburuni ọnịrị Aninahwitari dị ọ tẹ wa nị. Ama ịnị ụmẹ ọdịrẹma, ọ vaa sị ụbanyịị yị anokokooro ọnọọ hụrẹ Òkū Imeditareniya na ngụ akẹnẹ Ijodani. Ụbanyị ọnọọ vee tù Igariri bẹẹ ịzị azọga ra hi.
2 #
Imt 4.16; Irk 1.79 Aza ene hi ịnị ịrahụ
e reè ẹtohweyi ọbanyị ọnya.
Ẹtẹ ene vịdị hozi kara wa
ama ẹ sị ẹtohweyi re.
3Wa raà mẹ ka aza ẹnẹẹ ẹ̀ rụrụ,
avọọ ụ mẹ̀ rẹ mẹ ka inohine ẹnịnị ọ̀ rẹ dẹngụ nị.
Ayị ẹnịnị ô hine é mè re ịsị ụ mẹ̀,
ẹ yaa jẹ anka aza ana aa kụ ịsa ọyịna ịnị aarẹ gụ avọọ.
Ịnẹ ẹnịnị ee hine anka aza ana nyị ẹbẹẹba ịrẹkụ dị ẹ yaa gà ogu ẹnị ẹ kụ́ ózee eyi ịrẹkụ avọọ.
4Aza ana vịdị aa mẹ ẹchakaa yị wa, wa kụ́ aza ẹnẹẹ gara ha.
Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa.
Wa raà nyị ẹbẹẹba anẹkụra ọnọọ
ana mẹ̀ ẹvaya, dị ẹ yaa kụ ogu ẹnịnị
Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.
5Adava oku isoja nịnị ana ngụ tu wa
ọnịrị awuru anya-anya ẹnịnị
vị ana vaa rị ịra vaa ha.
 sị ozi ma
6A sị ozi ọnya ma yị!
A raà sị ozi ọnọrụ ọnya yị!
Ozi ọnọọ ọ vaa nyị ịjọva nị.
A vaa hị́ ọ Ohyozirenu, Ọpọzajuwe,
Ohomorihi Ochẹtẹẹngụ, Ada ana yà ịzọọ pooro zịna-zịna,
Ohinọyị ẹngwọọrọ.
7 #
Irk 1.32,33 Ụkata Ịjọva anị vị ana vaa hịrẹ ūna hu avọọ,
Ẹngwọọrọ ọnị ọ vaa sị vẹ ọ ma vana ta pàá zịna-zịna.
Ọnị ọ vaa vị ohinọyị dọ Idevidi ịrẹsụ nị.
Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị.
Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.
Ohomorihi vaa sị ụyaa rị Anisirẹrị
8Ananyị yị ọ sị ọkarẹyị mẹ yị Ijekọvụ. Mị ka ịrẹyị ô tù Anisirẹrị. 9Avaba aza vaa yẹ, Anehwireemi ọnịrị Anịsamarịya vi ene ee wuu zị dị ẹ ka 10ọvọ ẹnịnị ene wú aanị ụvụ ẹnị vịdị sị tụra a. Ẹ rẹ ka ọchị ẹnịnị ana aā hị́ ihwigi a sị wa ma. Ẹ ka ọchị ọbanyị ana nyị ụkata hu avọọ ana aā hị́ Isida ẹnị vanaa hị́ dọ ihwigi ẹnẹẹ ịrẹsụ nị. 11Ama Ẹnẹyịmavara ọ raà tụ́ ọnịvị Irezini ịrẹyị ka ẹ̀ kụ́ ịrẹkụ ne tù Anisirẹrị. 12Anisiriya ene hi oze ọnị ọyịị̄ zịị vẹ ọnịrị Anihwirisiti ene hi oze ọnị ọyịị̄ zịị naa ngụ ẹtẹ vaa za Anisirẹrị dị ẹ wụ̀ wa va ha. Ẹ maanị sị ụya rị, Ohomorihi ọ yị vị vaa vàa hụụnị ọyịkụ anị. Vị aa tịị tana ụvọọ za wa hu avọọ nị. 13Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ. 14Ịnị ẹkụhị ọnya chọ̀chọ̀chọ̀, Ẹnẹyịmavara vaa sị ụya rị avaba Anisirẹrị ọnịrị ọdọvịdị ẹnịnị Ịrẹsụ ne beri omu ọ vaa kụ́ụ kwooze nị. 15Azọkụ ana aza aa sị ụbanyị yị ẹ vị ịrẹsụ ọnọọ nị, dị ọnịsẹ ana aa sị ịrẹyị ireche kọ aza ẹnị vị omuta nị. 16Aza ana ka vị ẹnị aa sị oze zụ̀ aza ẹnẹẹ nị vị ana aa kụ́ waa nyeeyi. Aza ana a ka vị a zụ̀ oze zi nị vi ana a kụ́ nyeeyi. 17Ẹsẹnị Ananyị yị ọ yị vaa zẹẹ ka à nyị ọpa ozweyi ana ha. Ọ yị rẹ vaa vayị ozi oku ọnịrị osoku nịnị. Avaba ẹnịnị vị ana aa mẹ̀ ebira odivi, dị ahịka ịrẹyị odivi ẹ rẹẹ̄ kà nị. Agụvị avọọ Ẹnẹyịmavara ọ yị vaa vàa hụụnị ọyịkụ anị. Vị aa tịị tana ụvọọ za wa nị. 18Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị. 19Ẹnẹyịmavara Ochẹtẹẹngụ vị ana nyayịnẹ aa kụ́ ayịị hi aza ẹnẹẹ. Ọyịkụ vaa ngụraa za aza ẹnẹẹ, dị ẹ yaa rị ịra anka ọkụ avọọ, ọzọza ọnịrị ọhụva anị vị ana vaa và eyii kà ẹngụ. 20Avaba ịzị aza ẹ̀ẹ ya re ịsọyịrị ịnị ẹkụra ọnọọ vị ene vee zunee rị, ama dị ụngwẹ aa kịị kụ̀ wa. Ẹ hyakụ vaa wụ̀ ozi ẹnịnịị rị bẹẹ. 21Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.
Ebira First Bible © Bible Society of Nigeria, 2014.