Ayịsaya 6
6
Ohomorihi ô hị́ Ayịsaya ka ọnị aa tụ́ ọ ụtụ
1 #
2 Ohi 15.7; 2 Ịtọ 26.23 Â nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi. 2Â nyị ịsa ịrịịra ẹnyị aanị ana nyị avaka ịhịnọnyị, dị ẹnị maanị hi ẹbẹẹba nị. Ệ sị ẹvaka ẹẹva kú eyi, dị ẹ sị ẹẹva kú ahụ, dị ẹ yaa sị ẹẹva ana vọ hira nị. 3#Ẹtẹ 4.8Dị ẹ yaa hị́ ẹngụ, dị ẹ ka
“Ọnịnị, Ọnịnị Ọnịnị!
Ẹnẹyịmavara Ochẹtẹẹngụ vị ọnịnị.
Ụbanyị anị vi ene chi avaba ẹhẹ ẹngụ.”
4 #
Ẹtẹ 15.8
Ẹ mẹ̀ maanị nowu, di irehi Ohomorihi henyi jigijigi na ngụ ịzị a ka a ẹtẹ, dị irehi Ohomorihi hi yị areyi nị. 5Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”
6Dị ọnya ịnị ịsa ịrịịra ẹnẹẹ sị apụka dị ọ sị akịna hụụnị ụta ịzị a yàa rị ịsọvọ ịra di o hira ve tù mi nị. 7Dị ọ sị akịna ọnọọ kanyị mi irenu dị ọ ka emi éē re ịra ọnị ọnị sị kanyị mi irenu aanị. Ọ kà a raà sị ịvị ọnị mị rị kwooze, a rẹ raà mẹ̀ ịsọvọ ịvị ọnị mị mẹ.
8Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.” 9#Imt 13.14,15; Ịmk 4.12; Irk 8.10; Ịjọ 12.40; Ụkọ 28.26,27Dị ọ ka ma na kà a yị aza ẹnẹẹ ka ẹ raa sị ụtọ pè ẹtẹ pooro dị ẹ yị wụ́, e re vee re ẹtẹ pooro dị ẹ yị yẹ ịsị eyee re. 10Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.
11Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha. 12Ụmẹ ọnọọ Ẹnẹyịmavara raà dụ avaba aza na huu, dị ẹtẹ kụkụ vị osusu. 13Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.
Currently Selected:
Ayịsaya 6: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 6
6
Ohomorihi ô hị́ Ayịsaya ka ọnị aa tụ́ ọ ụtụ
1 #
2 Ohi 15.7; 2 Ịtọ 26.23 Â nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi. 2Â nyị ịsa ịrịịra ẹnyị aanị ana nyị avaka ịhịnọnyị, dị ẹnị maanị hi ẹbẹẹba nị. Ệ sị ẹvaka ẹẹva kú eyi, dị ẹ sị ẹẹva kú ahụ, dị ẹ yaa sị ẹẹva ana vọ hira nị. 3#Ẹtẹ 4.8Dị ẹ yaa hị́ ẹngụ, dị ẹ ka
“Ọnịnị, Ọnịnị Ọnịnị!
Ẹnẹyịmavara Ochẹtẹẹngụ vị ọnịnị.
Ụbanyị anị vi ene chi avaba ẹhẹ ẹngụ.”
4 #
Ẹtẹ 15.8
Ẹ mẹ̀ maanị nowu, di irehi Ohomorihi henyi jigijigi na ngụ ịzị a ka a ẹtẹ, dị irehi Ohomorihi hi yị areyi nị. 5Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”
6Dị ọnya ịnị ịsa ịrịịra ẹnẹẹ sị apụka dị ọ sị akịna hụụnị ụta ịzị a yàa rị ịsọvọ ịra di o hira ve tù mi nị. 7Dị ọ sị akịna ọnọọ kanyị mi irenu dị ọ ka emi éē re ịra ọnị ọnị sị kanyị mi irenu aanị. Ọ kà a raà sị ịvị ọnị mị rị kwooze, a rẹ raà mẹ̀ ịsọvọ ịvị ọnị mị mẹ.
8Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.” 9#Imt 13.14,15; Ịmk 4.12; Irk 8.10; Ịjọ 12.40; Ụkọ 28.26,27Dị ọ ka ma na kà a yị aza ẹnẹẹ ka ẹ raa sị ụtọ pè ẹtẹ pooro dị ẹ yị wụ́, e re vee re ẹtẹ pooro dị ẹ yị yẹ ịsị eyee re. 10Ọ kà ma mẹ ka azị aza ẹnẹẹ kụkụ tẹsị ịrẹyị anị, dị asị ẹ kụkụ zụ wụ́ ịrẹyị dị asị ẹ rẹ kụkụ zụ sị eyi ẹnịnị re ẹtẹ. Ọ kà ẹnịnị èe sị eyi ẹnịnị re ẹtẹ, dị ẹ na sị ịrẹyị wụ́ nị, ẹ nyayịnẹ vara ebira ana vaa mẹ ka a dọ wa ha.
11Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha. 12Ụmẹ ọnọọ Ẹnẹyịmavara raà dụ avaba aza na huu, dị ẹtẹ kụkụ vị osusu. 13Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.
Ebira First Bible © Bible Society of Nigeria, 2014.