Ayịsaya 59
59
1Re, u wéé ro ka Ẹnẹyịmavara ẹ yị nyị ụkata dọ ọza ha, a vị o gu ụtọ dị ẹ yị wụ́ aduwa awụ nịnị nị? 2Eyee, ịvị awụ nịnị ọ vị ọchị jị oze ịnị akakana ẹwụrị ọ nị. Ebira odivi awụ nịnị ọ ha ẹwụrị Ohomorihi hi, dị ẹ yị zụ wụ̀ nịnị nị. 3Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị. 4Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na. 5Ịrẹyị ẹnịnị divi anka ajẹ ẹwụ ana a hị́ ụ̀hị̀ avọọ nị. Wàa rị ọ vị ịrẹyị, ọ̀ọ chaka dị ọ chị ibe. Ebira ẹnịnị vị ana sị mẹ anka ịta arahị avọọ. 6Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị. 7#Iro 3.15-17Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha. 8Ẹnịnị ẹ yị yẹ oze ẹngwọọrọ, ẹ yị nyị ịzẹyịza. Ẹhẹ akụvị ẹ yaa mẹ nị; ẹ yị nyị ọza ana saasa ebira ẹnịnị ana a nyị ẹngwọọrọ.
Aza ệ dọ irenu ịvị ẹnịnị
9Agụvị avọọ Ohomorihi ẹ yị dọ wa ha hụrẹ ụvọ aza ana mẹ ẹvaya yị wa nị. Èe zi eyi ẹtohweyi, dị ahịka etohozi e re nị. Ịnị etohozi ruma-ruma ẹ yaa zị ụsẹ nị. 10Ẹ ka ẹnị aa sị ụvọ sì ẹtẹ anka ogweyi avọọ nị. Ọọdụ vị ọnị ẹnị aa hyẹdụ anka ịrahụ avọọ. Eni e yi dahi hụụnị ọza ene su. 11Ẹnị aa ha iduma anka ọdụmị, di eni e tii anka arivadi avọọ nị. Ẹnị aa tụra eyi ka Ohomorihi ọ dọ ẹnị ha hụụnị ẹvaya ọnịrị akụvị ama ẹ yị nyị ịsa ọ mẹ̀. 12Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀. 13Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị. 14Ẹ raà dụ ịzẹyịza ne vu, ẹnịrị ọ ẹ sị tara ẹngụ. Ịzẹyịza vị ọnị ẹ gụ hyẹdụ ịnị ikootu, dị ẹ sị tụ akaha ọnya. 15Ọzọza vị ene cheeche; ọza ana nyị ịhyẹrẹ ebira odivi vị ọnị ẹ yaa za mẹ ụngwẹ. Ịjị Ẹnẹyịmavara re ka ịzẹyịza ộ ta hụrẹ ẹtẹ, dị ayị anị du chuku-chuku nị. 16#Ayị 63.5Ộ zị ọ ka ẹ yị nyị ọza ana vọrọ ka ọ mẹ ọgụvọ yị aza ana aa mẹ ẹvaya yị. Agụvị avọọ ọnị vaa sị ụkata anị dọ wa ha, dị ẹ nyị ẹbẹẹba ọnịvị ẹnịnị. 17#Ẹhw 6.14,17; 1 Ịtẹ 5.8Ẹnẹyịmavara vaa sị ịzẹyịza jị awuru chire anka awuru ịrẹkụ, dị ọ sị ụkata ẹdọha ku ịrẹsụ anka amu ịrẹkụ enyusẹ-enyusẹ avọọ. Ọ vaa sị oyisì ọkatẹngụ mẹ awuru chire, dị ọ sị ụya rị anayịchama nịnị, di o họ̀ oponu aza ana mẹ akụvị hi. 18Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị. 19Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị. 20#Iro 11.26Ô wo oto ka ọnị aa dọ ẹkụra Ịzayọnị ha, dị evere Ijekọvụ nịnị ro ịnẹ hụụnị ebira odivi ẹnịnị. 21Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.
Currently Selected:
Ayịsaya 59: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 59
59
1Re, u wéé ro ka Ẹnẹyịmavara ẹ yị nyị ụkata dọ ọza ha, a vị o gu ụtọ dị ẹ yị wụ́ aduwa awụ nịnị nị? 2Eyee, ịvị awụ nịnị ọ vị ọchị jị oze ịnị akakana ẹwụrị ọ nị. Ebira odivi awụ nịnị ọ ha ẹwụrị Ohomorihi hi, dị ẹ yị zụ wụ̀ nịnị nị. 3Anya aza ọnị ụ wụ o reè du wu nini ẹngụ, wa raà rị ịvị aza ọnị u chamayị yị, ireche ẹ yị tara wụ nịnị, dị ịrarẹ awụ nịnị ọ yị mā ka ọyịza nị. 4Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na. 5Ịrẹyị ẹnịnị divi anka ajẹ ẹwụ ana a hị́ ụ̀hị̀ avọọ nị. Wàa rị ọ vị ịrẹyị, ọ̀ọ chaka dị ọ chị ibe. Ebira ẹnịnị vị ana sị mẹ anka ịta arahị avọọ. 6Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị. 7#Iro 3.15-17Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha. 8Ẹnịnị ẹ yị yẹ oze ẹngwọọrọ, ẹ yị nyị ịzẹyịza. Ẹhẹ akụvị ẹ yaa mẹ nị; ẹ yị nyị ọza ana saasa ebira ẹnịnị ana a nyị ẹngwọọrọ.
Aza ệ dọ irenu ịvị ẹnịnị
9Agụvị avọọ Ohomorihi ẹ yị dọ wa ha hụrẹ ụvọ aza ana mẹ ẹvaya yị wa nị. Èe zi eyi ẹtohweyi, dị ahịka etohozi e re nị. Ịnị etohozi ruma-ruma ẹ yaa zị ụsẹ nị. 10Ẹ ka ẹnị aa sị ụvọ sì ẹtẹ anka ogweyi avọọ nị. Ọọdụ vị ọnị ẹnị aa hyẹdụ anka ịrahụ avọọ. Eni e yi dahi hụụnị ọza ene su. 11Ẹnị aa ha iduma anka ọdụmị, di eni e tii anka arivadi avọọ nị. Ẹnị aa tụra eyi ka Ohomorihi ọ dọ ẹnị ha hụụnị ẹvaya ọnịrị akụvị ama ẹ yị nyị ịsa ọ mẹ̀. 12Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀. 13Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị. 14Ẹ raà dụ ịzẹyịza ne vu, ẹnịrị ọ ẹ sị tara ẹngụ. Ịzẹyịza vị ọnị ẹ gụ hyẹdụ ịnị ikootu, dị ẹ sị tụ akaha ọnya. 15Ọzọza vị ene cheeche; ọza ana nyị ịhyẹrẹ ebira odivi vị ọnị ẹ yaa za mẹ ụngwẹ. Ịjị Ẹnẹyịmavara re ka ịzẹyịza ộ ta hụrẹ ẹtẹ, dị ayị anị du chuku-chuku nị. 16#Ayị 63.5Ộ zị ọ ka ẹ yị nyị ọza ana vọrọ ka ọ mẹ ọgụvọ yị aza ana aa mẹ ẹvaya yị. Agụvị avọọ ọnị vaa sị ụkata anị dọ wa ha, dị ẹ nyị ẹbẹẹba ọnịvị ẹnịnị. 17#Ẹhw 6.14,17; 1 Ịtẹ 5.8Ẹnẹyịmavara vaa sị ịzẹyịza jị awuru chire anka awuru ịrẹkụ, dị ọ sị ụkata ẹdọha ku ịrẹsụ anka amu ịrẹkụ enyusẹ-enyusẹ avọọ. Ọ vaa sị oyisì ọkatẹngụ mẹ awuru chire, dị ọ sị ụya rị anayịchama nịnị, di o họ̀ oponu aza ana mẹ akụvị hi. 18Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị. 19Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị. 20#Iro 11.26Ô wo oto ka ọnị aa dọ ẹkụra Ịzayọnị ha, dị evere Ijekọvụ nịnị ro ịnẹ hụụnị ebira odivi ẹnịnị. 21Ẹnẹyịmavara ộ kà yị aza anị ka ọnị vaa sị ụkata anị ọnịrị ịrẹyị anị yị wa pooro zịna-zịna. Ẹ sị ịrẹyị anị zụ ezi ẹnịnị ne tu ezi ịrẹma-ịrẹma ka ẹ wụ́ chire ọnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.