Ayịsaya 57
57
Aza Ohomorihi ẹnẹ ẹ yị nyị ịzẹyịza ệ rị ụya.
1Ọnịrẹyịzẹyịza nịnị ee sú, ẹ yị nyị ọza ana daba roo. Aza anaa sị ịzẹyịzaa hẹkẹ Ohomorihi aa tá, ẹ yị nyị ọza ana yẹẹ. Ọnịrẹyịzẹyịza nịnị ene sú, vị ana a kụ́ụ hụụnị ẹngụkata. 2Aza ana ra ẹhẹ ọyịza vị ana na tụ́ ụhwọ́, dị ẹẹ yà ịnị ẹngwọọrọ. 3Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa. 4Ẹnị ụ waa mẹ̀ isiya nịnị? Ẹnị u wee nyí unyi, dị ụ waa kà kẹnẹ-kẹnẹ hi nịnị? Áa vị ezi aza ana mẹ̀ ebira odivi ụ vị nịnị; anapẹ ẹ ma wụ nịnị nị. 5Ẹwụ nịnị anaa hẹkẹ ori ọnị ụ ka ọ zụ mẹ ka ọza ọ̀ ma ozi, dị ẹwụrị ọnyẹnẹẹ aa na sụ̀ ara iruvo ọchị ọnị ụ jị ori nịnị. Waa sị ezi ewu nịnị nọ ịnị ụtẹha ịrẹta ọnịrị ụtọ okuha naa mẹ̀ ịsọvọ nịnị. 6Wâ sị ịrẹta ana swa hụụ ịzọọ nịnị, dị ụ sị mẹ ori ọnị ụ waa hẹkẹ nịnị nị. Waa sị echee mẹ ịsọvọọ yị wa, dị ụ ka a hi ẹtẹ yị wa. Dị ụ rẹ sị akụ àa vị apaapa va mẹ̀ ịsọvọ yị wa nịnị. Ví u wéé ro ka ayị amị ô hine tụ ịnị avaba ẹsẹnị nị? 7Waa nọ ịrẹsụ ataba na mẹ̀ ịsọvọ nịnị, dị ẹwụrị ayẹnẹẹ aa sụ̀ ara ịzọọ nịnị. 8Ori ẹhịmị awụ nịnị vị ọnị ụ sị jẹẹ enoze awụ nịnị, dị ụ và ịrẹma amị nịnị. Wâ ngwa ẹnya awụ nịnị, dị ẹwụrị onyeehi awụ hịrẹ ịvẹẹdị ọnị ụ tụ́ nyanggada tịtẹ nịnị nị. Onyeehi awụ nịnị vị ọnị u si ụta ka ọ̀ va sụ pe wụ nịnị. Dị ụ yà ịzọọ aa mẹ ọsọọsa ọnị u sì nịnị nị. 9Wê che eturare ọnịrị angwẹ sẹ ẹngụ, dị ụ sị hu aa naa hẹkẹ ori ana aā hị́ Imorẹkị. Wâ tụ́ aza nọ aha ẹnẹẹnẹ nị ne sì ori ọnị ụ waa hẹkẹ nịnị. Ụ hyakụ aa tụ́ụ nọ ịdị aneku nịnị bẹẹ. 10Ộ ta chi wu nịnị ẹngụ u mee sì orii zị nịnị, ama wẹ yị kà a ka ọ sị wụ nịnị tụ́. Wê ro ka ori ẹhịmị awụ nịnị ẹnẹnị aa sị ụkataa wụ nịnị, agụvị avọọ ẹ́ẹ́ yị ngụ wụ nịnị ẹngụ nị. 11Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị? 12Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ. 13Ịjị u wee nowu ka à va gụ wụ nịnị ụvọ, jẹẹ di ori awụ nịnị ẹ̀ va dọ wụ nịnị tụ o. Ahị vaa tụ́, dị ọ kụ́ wa kwooze. Ama aza ana sị ayị tụra amị vaa ra ịnị ẹtẹ ọnọọ, dị ẹyaa hẹkẹ mị ini Irehi amị.”
Ohomorihi ô wo oto ka ọnị vaa mẹ ọgụvọ, dị ọnị sị Anisirẹrị ẹngụ nịya.
14Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.” 15Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi. 16Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị. 17Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị. 18“Me reè re ịsị ẹ mẹ, ama mị vaa mẹ wa ụkụ. Mi vaa zụ wa oze, dị maa mẹ̀ ọgụvọọ yị wa. Ẹnịnị enee su ùnè, mi vee hunẹnẹ wa ayị. 19#Ẹhw 2.17Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ. 20Ama aza ẹhịmị vị ana vaa sị mẹẹ enyi ini òkū avọọ. Enyi ini òkū ẹ yị ma tịtẹ sisisii. Ahị vị anaā kụ ọ vaa hịrẹ dị ọ vị ọnịrị ịdọtị beri ụdọ.” 21#Ayị 48.22Ohomorihi amị ka, aza edivi ẹ yị vaa nyị ẹngwọọrọ.
Currently Selected:
Ayịsaya 57: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 57
57
Aza Ohomorihi ẹnẹ ẹ yị nyị ịzẹyịza ệ rị ụya.
1Ọnịrẹyịzẹyịza nịnị ee sú, ẹ yị nyị ọza ana daba roo. Aza anaa sị ịzẹyịzaa hẹkẹ Ohomorihi aa tá, ẹ yị nyị ọza ana yẹẹ. Ọnịrẹyịzẹyịza nịnị ene sú, vị ana a kụ́ụ hụụnị ẹngụkata. 2Aza ana ra ẹhẹ ọyịza vị ana na tụ́ ụhwọ́, dị ẹẹ yà ịnị ẹngwọọrọ. 3Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa. 4Ẹnị ụ waa mẹ̀ isiya nịnị? Ẹnị u wee nyí unyi, dị ụ waa kà kẹnẹ-kẹnẹ hi nịnị? Áa vị ezi aza ana mẹ̀ ebira odivi ụ vị nịnị; anapẹ ẹ ma wụ nịnị nị. 5Ẹwụ nịnị anaa hẹkẹ ori ọnị ụ ka ọ zụ mẹ ka ọza ọ̀ ma ozi, dị ẹwụrị ọnyẹnẹẹ aa na sụ̀ ara iruvo ọchị ọnị ụ jị ori nịnị. Waa sị ezi ewu nịnị nọ ịnị ụtẹha ịrẹta ọnịrị ụtọ okuha naa mẹ̀ ịsọvọ nịnị. 6Wâ sị ịrẹta ana swa hụụ ịzọọ nịnị, dị ụ sị mẹ ori ọnị ụ waa hẹkẹ nịnị nị. Waa sị echee mẹ ịsọvọọ yị wa, dị ụ ka a hi ẹtẹ yị wa. Dị ụ rẹ sị akụ àa vị apaapa va mẹ̀ ịsọvọ yị wa nịnị. Ví u wéé ro ka ayị amị ô hine tụ ịnị avaba ẹsẹnị nị? 7Waa nọ ịrẹsụ ataba na mẹ̀ ịsọvọ nịnị, dị ẹwụrị ayẹnẹẹ aa sụ̀ ara ịzọọ nịnị. 8Ori ẹhịmị awụ nịnị vị ọnị ụ sị jẹẹ enoze awụ nịnị, dị ụ và ịrẹma amị nịnị. Wâ ngwa ẹnya awụ nịnị, dị ẹwụrị onyeehi awụ hịrẹ ịvẹẹdị ọnị ụ tụ́ nyanggada tịtẹ nịnị nị. Onyeehi awụ nịnị vị ọnị u si ụta ka ọ̀ va sụ pe wụ nịnị. Dị ụ yà ịzọọ aa mẹ ọsọọsa ọnị u sì nịnị nị. 9Wê che eturare ọnịrị angwẹ sẹ ẹngụ, dị ụ sị hu aa naa hẹkẹ ori ana aā hị́ Imorẹkị. Wâ tụ́ aza nọ aha ẹnẹẹnẹ nị ne sì ori ọnị ụ waa hẹkẹ nịnị. Ụ hyakụ aa tụ́ụ nọ ịdị aneku nịnị bẹẹ. 10Ộ ta chi wu nịnị ẹngụ u mee sì orii zị nịnị, ama wẹ yị kà a ka ọ sị wụ nịnị tụ́. Wê ro ka ori ẹhịmị awụ nịnị ẹnẹnị aa sị ụkataa wụ nịnị, agụvị avọọ ẹ́ẹ́ yị ngụ wụ nịnị ẹngụ nị. 11Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị? 12Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ. 13Ịjị u wee nowu ka à va gụ wụ nịnị ụvọ, jẹẹ di ori awụ nịnị ẹ̀ va dọ wụ nịnị tụ o. Ahị vaa tụ́, dị ọ kụ́ wa kwooze. Ama aza ana sị ayị tụra amị vaa ra ịnị ẹtẹ ọnọọ, dị ẹyaa hẹkẹ mị ini Irehi amị.”
Ohomorihi ô wo oto ka ọnị vaa mẹ ọgụvọ, dị ọnị sị Anisirẹrị ẹngụ nịya.
14Ẹnẹyịmavara kà, “jẹẹ aza amị ẹ̀ vàka mị vẹ. Kụ́ ịsị ẹ dọ wa oro hụrẹ oze yị wa. Tụ́ oze yi wa, di u we tenyi oze ọnọọ tịtẹ.” 15Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi. 16Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị. 17Mâ kụ ayị hi wa agụvị ebira edivi ọnịrị ọhọọha ẹnịnị. Mâ sị ụya rị wa, dị mị hụrẹ wa ụvọ nị. Ama ẹnịnị vị ana ayị ẹnịnị yị katẹngụ, dị ẹyị và tụ oze ẹnịnị. 18“Me reè re ịsị ẹ mẹ, ama mị vaa mẹ wa ụkụ. Mi vaa zụ wa oze, dị maa mẹ̀ ọgụvọọ yị wa. Ẹnịnị enee su ùnè, mi vee hunẹnẹ wa ayị. 19#Ẹhw 2.17Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ. 20Ama aza ẹhịmị vị ana vaa sị mẹẹ enyi ini òkū avọọ. Enyi ini òkū ẹ yị ma tịtẹ sisisii. Ahị vị anaā kụ ọ vaa hịrẹ dị ọ vị ọnịrị ịdọtị beri ụdọ.” 21#Ayị 48.22Ohomorihi amị ka, aza edivi ẹ yị vaa nyị ẹngwọọrọ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.