Ayịsaya 55
55
1 #
Ẹtẹ 21.6; 22.17 Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị. 2Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine. 3#Ụkọ 13.34Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị. 4Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị, 5Ụ vaa hị́ anẹkụra ọsa nịnị, dị anẹkụra ẹnẹẹ ẹnẹ ẹ̀ yị vịdị yẹ wụ nịnị zwè ve tu wu. Ẹmị Ẹnẹyịmavara, Ohomorihi awụ nịnị, Ohomorihi Ọnịnị Ísirẹrị ọ vaa mẹ ka ọ̀ vavọọ ya nị. Mị vaa sị ụbanyị ọnịrị igirimaa yị wụ nịnị. 6Sì Ẹnẹyịmavara ịnị ụmẹ ene nyengu si re e, Hị́ ọ booro aanị ọnị ọ gụrị ẹtẹ. 7Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ. 8Ẹnẹyịmavara kà, “Agụvị ka aro amị ọnịrị aro awụ nịnị ẹ yị vene ẹngụ. Oze ẹmịrị ẹwụ nịnị ẹ yị rẹ jịrị ẹngụ. 9Agụvị ka Ẹbẹẹba mẹ̀ nẹba huna ẹtẹ, avọọ oze amị ọnịrị aro amị mẹ̀ nẹba huna awụ nịnị nị. 10#2 Ịkọ 9.10Orihi ọnịrị ata orihi vị anaā hụrẹ ẹbẹẹba vẹ, dị ẹ yị vavẹ ịzọọ, ẹ̀ yị vị ịjị ẹtẹ sị enyi hú. Ẹtẹ ọ̀ọ sị enyi hú, dị ọ mẹ ka ịsa ịnị aarẹ ẹ̀ chị́ hi ẹhẹ, dị ẹ si ihu yị ọza eneē mí ịsa ọyịna, dị ọ sị ịsọyịrị yị ọza. 11Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ. 12Ịrajẹ ụ vaa sị hụrẹ Ịbabịrọnị nịnị nị; ẹngwọọrọ a vaa sịị kụ́ wụ nịnị varẹma hụrẹ ẹkụra ọnọọ nị. Ataba ẹbanyị ẹnịrị ataba eweyi vee nyima aa jị ahẹ, dị avaba ọchị ịnị avị aa kụ̀rà ụvọ ẹnịnị. 13Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”
Currently Selected:
Ayịsaya 55: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 55
55
1 #
Ẹtẹ 21.6; 22.17 Ẹnẹyịmavara kà, avaba ẹwụ nịnị oni onyi aa kụ̀, wa vẹ nịnị. Enyi yị! Ẹwụ nịnị ẹnẹ ẹ̀ yị nyị ẹkẹhị, wa vẹ. Vá hị́ apaapa dị ụ wa rị ọ. Vá hị́ eche ọnịrị ịrẹva ụnọ ọọhẹ nịnị. 2Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine. 3#Ụkọ 13.34Ẹwụ nịnị aza amị ọ̀ sị ụtọ pe ẹtẹ, dị ụ wa ká mị vẹ nịnị. Ká mị vẹ nịnị, ka ụ vaa yàra nịnị. Mi vee wo otoo yị wụ nịnị ọnị mị vaa mẹ pooro. Ize ọnị mị wo oto anị yị Idevidi, mị vaa sịị yị wụ nịnị. 4Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị, 5Ụ vaa hị́ anẹkụra ọsa nịnị, dị anẹkụra ẹnẹẹ ẹnẹ ẹ̀ yị vịdị yẹ wụ nịnị zwè ve tu wu. Ẹmị Ẹnẹyịmavara, Ohomorihi awụ nịnị, Ohomorihi Ọnịnị Ísirẹrị ọ vaa mẹ ka ọ̀ vavọọ ya nị. Mị vaa sị ụbanyị ọnịrị igirimaa yị wụ nịnị. 6Sì Ẹnẹyịmavara ịnị ụmẹ ene nyengu si re e, Hị́ ọ booro aanị ọnị ọ gụrị ẹtẹ. 7Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ. 8Ẹnẹyịmavara kà, “Agụvị ka aro amị ọnịrị aro awụ nịnị ẹ yị vene ẹngụ. Oze ẹmịrị ẹwụ nịnị ẹ yị rẹ jịrị ẹngụ. 9Agụvị ka Ẹbẹẹba mẹ̀ nẹba huna ẹtẹ, avọọ oze amị ọnịrị aro amị mẹ̀ nẹba huna awụ nịnị nị. 10#2 Ịkọ 9.10Orihi ọnịrị ata orihi vị anaā hụrẹ ẹbẹẹba vẹ, dị ẹ yị vavẹ ịzọọ, ẹ̀ yị vị ịjị ẹtẹ sị enyi hú. Ẹtẹ ọ̀ọ sị enyi hú, dị ọ mẹ ka ịsa ịnị aarẹ ẹ̀ chị́ hi ẹhẹ, dị ẹ si ihu yị ọza eneē mí ịsa ọyịna, dị ọ sị ịsọyịrị yị ọza. 11Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ. 12Ịrajẹ ụ vaa sị hụrẹ Ịbabịrọnị nịnị nị; ẹngwọọrọ a vaa sịị kụ́ wụ nịnị varẹma hụrẹ ẹkụra ọnọọ nị. Ataba ẹbanyị ẹnịrị ataba eweyi vee nyima aa jị ahẹ, dị avaba ọchị ịnị avị aa kụ̀rà ụvọ ẹnịnị. 13Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.