Ayịsaya 53
53
1 #
Iro 10.16; Ịjọ 12.38 Aza ẹnẹẹ ê tụ́ ohi ka: Ẹnẹ yaanị dọ enube ọnị ị kà aanị wụ? Ẹnẹ Ẹnẹyịmavara raà sị ụkata anị zụ da? 2Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e. 3Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị. 4#Imt 8.17Ama ụya ayị ọ́ dọ rị nị. Ẹngụ ana a vọrọ ka ọ̀ zị yị, ộ dọ ka ọ̀ zị ọnị. Eyi ê ro o ka Ohomorihi ọ vavọọ kụ ẹngụkata tụ ọ ọ̀yịsị ụya rị ọ nị. 5#1 Ipi 2.24Ama agụvị ịvị ọnị rị a sị tọ ọ ụnava nị, Ê tụ́ ọ agụvị ebira odivi ọnị ị mẹ. Ụya ọnị ọ rị asị sị mẹ yị ụkụ nị. Upono ene e tụ́ ọ, ọ mẹ ka ẹngụ ayị ọ̀ nịya nị. 6#1 Ipi 2.25Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị. 7#Ẹtẹ 5.6#Ụkọ 8.32,33Â mẹ ẹvaya yọ, dị a sị ụya rị ọ nị, ama ẹ yị ha irenu ka ịrẹyị ọnyọọnyị. Anka ozi atẹmẹ ana a sị aa naa wụ avọọ, atẹmẹ ana aa naa wụ mẹẹ̄ jẹẹ sii, avọọ o mee re ẹtẹ kẹnẹ, dị ẹ̀ yị kà ịrẹyị nị. 8Aza ẹ yị sị ịzẹyịza mẹ̀ ọkarẹyị yọ, dị ẹ sị ọ ka à na wụ ọ. Ẹ yị nyị ọza ene ro o ka sị ẹhẹ anị vaa vị̀ ụhwọ. Â wụ ọ agụvị ebira edivi ana aza ayị mẹ. 9#1 Ipi 2.22Ệ sị ọ tụ ini ikuta pe aza ọhịmị nịnị. Ê ne e pe opisa ọnya. Ẹ yị nyị ụmẹ ọnị ọ sị sị ụkata-ụkata mẹ ọza ịrẹyị. E yi cheeche ọnyọọnyị. 10Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị. 11Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị. 12#Ịmk 15.28; Irk 22.37Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”
Currently Selected:
Ayịsaya 53: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 53
53
1 #
Iro 10.16; Ịjọ 12.38 Aza ẹnẹẹ ê tụ́ ohi ka: Ẹnẹ yaanị dọ enube ọnị ị kà aanị wụ? Ẹnẹ Ẹnẹyịmavara raà sị ụkata anị zụ da? 2Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e. 3Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị. 4#Imt 8.17Ama ụya ayị ọ́ dọ rị nị. Ẹngụ ana a vọrọ ka ọ̀ zị yị, ộ dọ ka ọ̀ zị ọnị. Eyi ê ro o ka Ohomorihi ọ vavọọ kụ ẹngụkata tụ ọ ọ̀yịsị ụya rị ọ nị. 5#1 Ipi 2.24Ama agụvị ịvị ọnị rị a sị tọ ọ ụnava nị, Ê tụ́ ọ agụvị ebira odivi ọnị ị mẹ. Ụya ọnị ọ rị asị sị mẹ yị ụkụ nị. Upono ene e tụ́ ọ, ọ mẹ ka ẹngụ ayị ọ̀ nịya nị. 6#1 Ipi 2.25Avaba ayị vị ene nyeeyi anka atẹmẹ avọọ. Ọzọza ọ sị vàtụ oze anị, dị Ẹnẹyịmavara kune ẹnya akụvị ọnị mẹ tụra a nị. 7#Ẹtẹ 5.6#Ụkọ 8.32,33Â mẹ ẹvaya yọ, dị a sị ụya rị ọ nị, ama ẹ yị ha irenu ka ịrẹyị ọnyọọnyị. Anka ozi atẹmẹ ana a sị aa naa wụ avọọ, atẹmẹ ana aa naa wụ mẹẹ̄ jẹẹ sii, avọọ o mee re ẹtẹ kẹnẹ, dị ẹ̀ yị kà ịrẹyị nị. 8Aza ẹ yị sị ịzẹyịza mẹ̀ ọkarẹyị yọ, dị ẹ sị ọ ka à na wụ ọ. Ẹ yị nyị ọza ene ro o ka sị ẹhẹ anị vaa vị̀ ụhwọ. Â wụ ọ agụvị ebira edivi ana aza ayị mẹ. 9#1 Ipi 2.22Ệ sị ọ tụ ini ikuta pe aza ọhịmị nịnị. Ê ne e pe opisa ọnya. Ẹ yị nyị ụmẹ ọnị ọ sị sị ụkata-ụkata mẹ ọza ịrẹyị. E yi cheeche ọnyọọnyị. 10Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị. 11Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị. 12#Ịmk 15.28; Irk 22.37Agụvị avọọ, Ẹnẹyịmavara kà, “Mị vaa sị udi ụbanyị yọ ẹtẹẹtẹrẹ. Ọnịrị aza ana nyị ụbanyị beri aza ana nyị ụkata vee hi aha ọnya. Ộ dọ ka oni ò sú, dị á za a ịrịka beri aza ana rị ịvị nị, ama ụya ịvị aza ọrụrụ ọ rị nị, dị aa da ịpẹ agụvị aza ana rị ịvị nị.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.