Ayịsaya 40
40
Ẹnẹyịmavara vaa dọ aza anị ha
Ohomorihi aa tụ aza ọtụtụrụma
1Ohomorihi awụ kà: “Sị ayị aza anị nẹtẹ, sị ayị aza anị nẹtẹ.
2Sị ụmẹnụmẹnẹ kà ịrẹyị yị Anijerusarẹmị.
Kà yị wa ka ẹkụhị ayodu ẹnịnị ọ sị parahu,
Ẹnẹyịmavara kà ọnị ọ raà vagu wa ịnị ịvị ẹnịnị.
Ẹnịnị ẹ raà rị ụya ana ngụ ajẹ agụvị ebira odivi ẹnịnị.”
3 #
Imt 3.3; Ịmk 1.3; Ịjọ 1.23 #
Irk 3.4-6
 nyị ọza ịnya ana vaa yà ịnị ụnọmị ana aa nọ̀ọ ka:
“Tenyi oze Ẹnẹyịmavara tịtẹ yọ nịnị!
Tenyi oze anị, dị ọ̀ vọrọ ẹtẹẹtẹrẹ!
4È hí avaba inozi;
di è re chì avaba ataba nịnị!
E chí avaba otutu,
Oze ana àa rara, à vọrọọ; oze ana àa rẹ yà boga-boga, dị à swaa!
5Ẹnẹyịmavara vaa sị ụbanyị anị zụ,
dị avaba anẹhẹ re.
Ẹnẹyịmavara ụvọta anị o wo oto ịsa ọnọnị nị.”
6 #
Ije 1.10,11; 1 Ipi 1.24,25 Ọngwẹ ọnya kà nowu tụ́,
dị Ayịsaya họ̀ ka enube ịsị ọnị vaa ka kẹ?
Ọ kà Ayịsaya ọ̀ kà a a ka, avaba aza vị ana sị mẹẹ anka avị ẹnẹ ẹ̀ yị mā jẹẹ dị è sú.
Uzoza ọza vị ana sị mẹẹ anka ododo avị ẹnẹ ẹ̀ yị mā jẹẹ dị ẹ̀ wọ̀rọ̀ va ha. 7Avị ọ̀ọ sị wụ̀, di ododo anị za.
Ịjị Ẹnẹyịmavara ọ̀ọ tụ́ ahị, dị ẹ wọrọ va ha.
Avọọ gẹdẹ-gẹdẹ aza mẹ ya nị.
8Ịzẹyịza, avị ẹnẹ ẹ̀ yị mā jẹẹ dị è sú, di ododo anị wọ̀rọ̀ va ha.
Ama àa vị ịrẹyị Ohomorihi ayịị ịzọọ pooro zịna-zịna. 9Ẹwụnị ene hi Ijerusarẹmị hịrẹ nọ ịrẹsụ ataba,
dị waa ka enube ọyịza yị Ịzayọnị.
Sị ọngwẹ tụ́ ẹba, dị ụ wa nọ ka Ijerusarẹmị ọ kụ̀rà eyi tụ ẹba asị o hí angwa.
Kà ẹ yị ẹkụra-ẹkụra ene hi Ijuda ka Ohomorihi ẹnịnị yị. 10#Ayị 62.11; Ẹtẹ 22.12Ẹnẹyịmavara Ochẹtẹẹngụ a vaa sị ụkata mẹ ịjọva tụra wa ịrẹsụ.
Re, ọgụ ana a sị yị ọzọza yarị ọ. Utosi anị vị ana ya ọvịdị anị. 11#Ezk 34.15; Ịjọ 10.11Ọ vaa sị eyi pe atẹmẹ anị anka oseratẹmẹ avọọ.
Ọ vaa kụ ezi atẹmẹ anị gụ vabẹ
dị ọ kụ wa rị ụvọ;
dị ọ tangwa aa zụ ọnyị ẹnịnị oze nị. 12Áá nyị ọza ana nyẹngụ sị ụvọta anị mọ̄ enyi ini òkū dị ọ yẹ ọ mẹmẹ rụrụ
a vị dị ọ sị ụvọ mọ̄ eguhi dị ọ yẹ ọ mẹmẹ gana?
Áá nyị ọza ana nyẹngụ sị aku za èzi ene hi ịrẹsụ ẹtẹ
a vị dị ọza ọ ịngọ ngọ ataba ọnịrị otutu nini dị ọ yẹ ẹ mẹmẹ rata?
13 #
Iro 11.34; 1 Ịkọ 2.16 Ẹnẹ kà ọnị ọ̀ kà yị Ẹnẹyịmavara ịsa avọrọ ka ọ mẹ nị?
Ẹnẹ hụ ọ zụ ọ ịsa, à vị ka ọ sị ajiwe yọ?
14Ẹnẹ ọ họ̀ use ajiwe hụụnị ụvọ anị
ka ọnị ọ̀ nyị ịrẹyọyẹ,
dị ọnị ò yẹ a mẹ vọrọ ka a mẹmẹ mẹ̀ ịsa ọnyọọnyị nị?
15Ẹnẹyịmavara vene re avaba anẹhẹ ka ẹ yị nyị ịsị ẹ vị.
Ẹ yị huni atẹ orihi ụpọnya ini ibokiti;
Avaba ẹkụra ene enyi kara vị ana hẹrẹ eyi anị anka edudu ịrẹsụ ịngọ avọọ.
16Avaba uye ene hi ini iruku Ịrẹbanọnị
ẹ yị hụ mẹ̀ ịsọvọ yị Ohomorihi.
Ọchị ene hi ịnị iruku ọnọọ ẹ yị hụ ka ịra ịsọvọ anị.
17Ẹ yị nyị ịsị avaba anẹhẹ vị vụrụ-vụrụ eyi anị.
18 #
Ụkọ 17.29
Ẹnẹ a nyẹngụ sị juwe Ohomorihi kẹ?
Sị a zụ sị jiwe anị kẹ?
19Ẹ yị vene ori ọnị azaā bẹ,
dị a wụ́ igooru ku,
dị a sị ọ jẹẹ ịrẹsụ enyusẹ isiriva.
20Ọza ọnị ẹ yị nyị igooru a vị isiriva
sị ọchị ana vịchị ana a sị bẹ ori anị.
Óo sì ọza ana yara bẹ ẹ,
dị ọ̀ bẹ ẹ yọ agụvị dị ọ jẹẹ, dị asị ọ ma nya ẹtẹ.
Ohomorihi aa mẹ ohinọyị tụra ịrẹsụ avaba ẹhẹ nị.
21Aanịka wẹ yị yẹ?
Aanịka ọza ẹ yị ka yị wụ?
Aanịka wẹ yị wụ́ ọ ẹhẹ mẹmẹ nyima?
22Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị
ẹbẹẹba ẹteesu ọnịrị eguhi.
Ẹyị aza ana ya ịrẹsụ ẹtẹ vi ene weyi anka ihine avọọ.
Ọnị ọ́ gana eguhi anka ịta anaā sịị jị oze avọọ nị.
Ọ gana a anka ajẹngụ ana aā ra ịnị anị avọọ nị.
23Ohomorihi ọọ̄ va ohinọyị nịnị ana nyị ụkata nọ ẹtẹ nị.
Ọnị ọ va wa nọ ẹtẹ nẹrẹ-nẹrẹ.
24Ẹnịnị sị mẹ anka avị ohwoohu avọọ nị,
ịịjịjọọ dị ẹ chị ama ẹpa ẹnịnị ẹ yị ngụ ẹtẹ.
Ẹnẹyịmavara ọ̀ọ tụ ahị ku wa, dị ẹ wụ̀,
dị ahị kụ wa anka azịzẹ avọọ.
25Ẹnị a zụ sị juwe yị Ẹnẹyịmavara kẹ?
Áá nyị ọza ene vene e?
26Re ẹbẹẹba di u wee re!
Ẹnẹ mẹ ụzọmị ọnị wee re?
Ẹnẹyịmavara ana kụ wa tụ ẹhẹ anka ọkọnị isoja,
ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị.
Agụvị ụkata ọdẹngụ anị ene e si sere wa,
ẹ yị nyị ene vu ịnị ẹnịnị.
27Ẹwụ nịnị Anisirẹrị, sị ẹ vị dị waa rị uhuhu
ka Ẹnẹyịmavara ẹ yị yẹ akanya awụ nịnị,
dị ọ hyakụ va tẹsị àa mẹ awụ nịnị rị?
28Aanịka wẹ́ẹ́ yị yẹ? Wẹ́ẹ́ yị wụ̀?
Ẹnẹyịmavara ọ vị Ohomorihi ana yara pooro nị.
Ọnị ọ tụ ẹhẹ vẹ nị.
Ọ yị mā ngụ ọ ẹngụ, ọ yị mā ha a.
Ẹ yị nyị ọza ana yẹ ịsị vị aro anị.
29Ọnị ọọ̄ sị ụkata yị ọkụmị ọnịrị ọza ọnị ọ sị ngụ ẹngụ.
30Ọọ̄ ngụ ọpa ozweyi ẹngụ, ọọ̄ ha wa,
dị ẹ hyakụ aa vanga hyẹdụ.
31Ama aza ana sị ayị tụra Ẹnẹyịmavara
vị ọnị ụkata ẹnịnị vaa hịrẹ ụna hu avọọ.
E ve hira nọ ẹba anka ọkasịmẹ avọọ nị.
Ẹnịnị èe zwe echi, ọ yị vaa ha wa;
Ẹ vaa zị ụsẹ, ẹ yị vaa tụ wa.
Currently Selected:
Ayịsaya 40: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 40
40
Ẹnẹyịmavara vaa dọ aza anị ha
Ohomorihi aa tụ aza ọtụtụrụma
1Ohomorihi awụ kà: “Sị ayị aza anị nẹtẹ, sị ayị aza anị nẹtẹ.
2Sị ụmẹnụmẹnẹ kà ịrẹyị yị Anijerusarẹmị.
Kà yị wa ka ẹkụhị ayodu ẹnịnị ọ sị parahu,
Ẹnẹyịmavara kà ọnị ọ raà vagu wa ịnị ịvị ẹnịnị.
Ẹnịnị ẹ raà rị ụya ana ngụ ajẹ agụvị ebira odivi ẹnịnị.”
3 #
Imt 3.3; Ịmk 1.3; Ịjọ 1.23 #
Irk 3.4-6
 nyị ọza ịnya ana vaa yà ịnị ụnọmị ana aa nọ̀ọ ka:
“Tenyi oze Ẹnẹyịmavara tịtẹ yọ nịnị!
Tenyi oze anị, dị ọ̀ vọrọ ẹtẹẹtẹrẹ!
4È hí avaba inozi;
di è re chì avaba ataba nịnị!
E chí avaba otutu,
Oze ana àa rara, à vọrọọ; oze ana àa rẹ yà boga-boga, dị à swaa!
5Ẹnẹyịmavara vaa sị ụbanyị anị zụ,
dị avaba anẹhẹ re.
Ẹnẹyịmavara ụvọta anị o wo oto ịsa ọnọnị nị.”
6 #
Ije 1.10,11; 1 Ipi 1.24,25 Ọngwẹ ọnya kà nowu tụ́,
dị Ayịsaya họ̀ ka enube ịsị ọnị vaa ka kẹ?
Ọ kà Ayịsaya ọ̀ kà a a ka, avaba aza vị ana sị mẹẹ anka avị ẹnẹ ẹ̀ yị mā jẹẹ dị è sú.
Uzoza ọza vị ana sị mẹẹ anka ododo avị ẹnẹ ẹ̀ yị mā jẹẹ dị ẹ̀ wọ̀rọ̀ va ha. 7Avị ọ̀ọ sị wụ̀, di ododo anị za.
Ịjị Ẹnẹyịmavara ọ̀ọ tụ́ ahị, dị ẹ wọrọ va ha.
Avọọ gẹdẹ-gẹdẹ aza mẹ ya nị.
8Ịzẹyịza, avị ẹnẹ ẹ̀ yị mā jẹẹ dị è sú, di ododo anị wọ̀rọ̀ va ha.
Ama àa vị ịrẹyị Ohomorihi ayịị ịzọọ pooro zịna-zịna. 9Ẹwụnị ene hi Ijerusarẹmị hịrẹ nọ ịrẹsụ ataba,
dị waa ka enube ọyịza yị Ịzayọnị.
Sị ọngwẹ tụ́ ẹba, dị ụ wa nọ ka Ijerusarẹmị ọ kụ̀rà eyi tụ ẹba asị o hí angwa.
Kà ẹ yị ẹkụra-ẹkụra ene hi Ijuda ka Ohomorihi ẹnịnị yị. 10#Ayị 62.11; Ẹtẹ 22.12Ẹnẹyịmavara Ochẹtẹẹngụ a vaa sị ụkata mẹ ịjọva tụra wa ịrẹsụ.
Re, ọgụ ana a sị yị ọzọza yarị ọ. Utosi anị vị ana ya ọvịdị anị. 11#Ezk 34.15; Ịjọ 10.11Ọ vaa sị eyi pe atẹmẹ anị anka oseratẹmẹ avọọ.
Ọ vaa kụ ezi atẹmẹ anị gụ vabẹ
dị ọ kụ wa rị ụvọ;
dị ọ tangwa aa zụ ọnyị ẹnịnị oze nị. 12Áá nyị ọza ana nyẹngụ sị ụvọta anị mọ̄ enyi ini òkū dị ọ yẹ ọ mẹmẹ rụrụ
a vị dị ọ sị ụvọ mọ̄ eguhi dị ọ yẹ ọ mẹmẹ gana?
Áá nyị ọza ana nyẹngụ sị aku za èzi ene hi ịrẹsụ ẹtẹ
a vị dị ọza ọ ịngọ ngọ ataba ọnịrị otutu nini dị ọ yẹ ẹ mẹmẹ rata?
13 #
Iro 11.34; 1 Ịkọ 2.16 Ẹnẹ kà ọnị ọ̀ kà yị Ẹnẹyịmavara ịsa avọrọ ka ọ mẹ nị?
Ẹnẹ hụ ọ zụ ọ ịsa, à vị ka ọ sị ajiwe yọ?
14Ẹnẹ ọ họ̀ use ajiwe hụụnị ụvọ anị
ka ọnị ọ̀ nyị ịrẹyọyẹ,
dị ọnị ò yẹ a mẹ vọrọ ka a mẹmẹ mẹ̀ ịsa ọnyọọnyị nị?
15Ẹnẹyịmavara vene re avaba anẹhẹ ka ẹ yị nyị ịsị ẹ vị.
Ẹ yị huni atẹ orihi ụpọnya ini ibokiti;
Avaba ẹkụra ene enyi kara vị ana hẹrẹ eyi anị anka edudu ịrẹsụ ịngọ avọọ.
16Avaba uye ene hi ini iruku Ịrẹbanọnị
ẹ yị hụ mẹ̀ ịsọvọ yị Ohomorihi.
Ọchị ene hi ịnị iruku ọnọọ ẹ yị hụ ka ịra ịsọvọ anị.
17Ẹ yị nyị ịsị avaba anẹhẹ vị vụrụ-vụrụ eyi anị.
18 #
Ụkọ 17.29
Ẹnẹ a nyẹngụ sị juwe Ohomorihi kẹ?
Sị a zụ sị jiwe anị kẹ?
19Ẹ yị vene ori ọnị azaā bẹ,
dị a wụ́ igooru ku,
dị a sị ọ jẹẹ ịrẹsụ enyusẹ isiriva.
20Ọza ọnị ẹ yị nyị igooru a vị isiriva
sị ọchị ana vịchị ana a sị bẹ ori anị.
Óo sì ọza ana yara bẹ ẹ,
dị ọ̀ bẹ ẹ yọ agụvị dị ọ jẹẹ, dị asị ọ ma nya ẹtẹ.
Ohomorihi aa mẹ ohinọyị tụra ịrẹsụ avaba ẹhẹ nị.
21Aanịka wẹ yị yẹ?
Aanịka ọza ẹ yị ka yị wụ?
Aanịka wẹ yị wụ́ ọ ẹhẹ mẹmẹ nyima?
22Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị
ẹbẹẹba ẹteesu ọnịrị eguhi.
Ẹyị aza ana ya ịrẹsụ ẹtẹ vi ene weyi anka ihine avọọ.
Ọnị ọ́ gana eguhi anka ịta anaā sịị jị oze avọọ nị.
Ọ gana a anka ajẹngụ ana aā ra ịnị anị avọọ nị.
23Ohomorihi ọọ̄ va ohinọyị nịnị ana nyị ụkata nọ ẹtẹ nị.
Ọnị ọ va wa nọ ẹtẹ nẹrẹ-nẹrẹ.
24Ẹnịnị sị mẹ anka avị ohwoohu avọọ nị,
ịịjịjọọ dị ẹ chị ama ẹpa ẹnịnị ẹ yị ngụ ẹtẹ.
Ẹnẹyịmavara ọ̀ọ tụ ahị ku wa, dị ẹ wụ̀,
dị ahị kụ wa anka azịzẹ avọọ.
25Ẹnị a zụ sị juwe yị Ẹnẹyịmavara kẹ?
Áá nyị ọza ene vene e?
26Re ẹbẹẹba di u wee re!
Ẹnẹ mẹ ụzọmị ọnị wee re?
Ẹnẹyịmavara ana kụ wa tụ ẹhẹ anka ọkọnị isoja,
ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị.
Agụvị ụkata ọdẹngụ anị ene e si sere wa,
ẹ yị nyị ene vu ịnị ẹnịnị.
27Ẹwụ nịnị Anisirẹrị, sị ẹ vị dị waa rị uhuhu
ka Ẹnẹyịmavara ẹ yị yẹ akanya awụ nịnị,
dị ọ hyakụ va tẹsị àa mẹ awụ nịnị rị?
28Aanịka wẹ́ẹ́ yị yẹ? Wẹ́ẹ́ yị wụ̀?
Ẹnẹyịmavara ọ vị Ohomorihi ana yara pooro nị.
Ọnị ọ tụ ẹhẹ vẹ nị.
Ọ yị mā ngụ ọ ẹngụ, ọ yị mā ha a.
Ẹ yị nyị ọza ana yẹ ịsị vị aro anị.
29Ọnị ọọ̄ sị ụkata yị ọkụmị ọnịrị ọza ọnị ọ sị ngụ ẹngụ.
30Ọọ̄ ngụ ọpa ozweyi ẹngụ, ọọ̄ ha wa,
dị ẹ hyakụ aa vanga hyẹdụ.
31Ama aza ana sị ayị tụra Ẹnẹyịmavara
vị ọnị ụkata ẹnịnị vaa hịrẹ ụna hu avọọ.
E ve hira nọ ẹba anka ọkasịmẹ avọọ nị.
Ẹnịnị èe zwe echi, ọ yị vaa ha wa;
Ẹ vaa zị ụsẹ, ẹ yị vaa tụ wa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.