Ayịsaya 34
34
Ohomorihi vaa sị ụyaa rị ọnịvị anị
1Ẹwụ nịnị avaba anẹhẹ, vẹ dị wa va wụ́ ịrẹyị nịnị. Avaba ẹhẹ ọnịrị avaba ịsị e hi ịnị anị ẹ̀ batọ dị ẹ̀ wụ́ ịrẹyị. 2Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka. 3Oku ẹnịnị vi eni e vee nee vàa hi ẹhẹ, dị ẹ yaa dà agụ tútútú. Ẹ yị nyị ataba ana ẹnịnị è yi vee chee kú. 4#Imt 24.29; Ịmk 13.25; Irk 21.26; Ẹtẹ 6.13,14Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.
5 #
Ayị 63.1-6; Ijer 49.7-22; Ezk 25.12-14; 35.1-15; Emọ 1.11,12; Ọba 1.1-14; Ịma 1.2-5 Ẹnẹyịmavara ọ sị ụhwọ anị ne rị ụvọ tụ́ ẹbẹẹba. Ọnị ọ vaa sị wụ̀ Anedomii vaa ha nị. Ộ vịdị raà mẹ̀ ọkarẹyị ẹnịnị ka à wụ̀ wa và ha. 6Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị. 7Aza ẹnẹẹ vị ana a vaa wụ̀ anka ụnọ ọnịrị ẹya avọọ. Di a vavọọ jị wa và hi ẹtẹ, dị ọnịrị ụhị ẹnịnị vavọọ chaka hi ẹtẹ ini eteesu. 8Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.
9Okuha Anedomi vaa vara ọ̀dà, dị eteesu anị aa rị ịra anka ohuru avọọ. Ẹtẹ anị vị ana vaa vara ọ̀dà ịrịịra 10#Ẹtẹ 14.11; 19.3Ịra ọnọọ vị ana vaa za pooro ọọdụ ọnịrị ịrahụ, dị areyi anị aa dàa vàa hịrẹ. O yi vee mi pooro. Ẹtẹ ọnọọ vị ana vanaa tụ́ osusu pooro zịna-zịna, ọza ọ mā vana zi oze avọọ para hu. 11Inomi edivi irenyi-irenyi e venee hi ịzọọ nị. Ohomorihi vị ana vaa vara ẹtẹ Anedomi ẹtẹ ọpaapara ana ahịka ẹ yị nyị ịsị ọ zụ mẹ. 12Avaba aza ẹbanyị anị vi ene vee súu vàa ha, kụkụ nyị ịsị a vaa hị́ ohinọyị ịzọọ. 13Avị edivi ọnịrị ikeyi e venee nyii hi ịzị irehi ẹbanyị-ẹbanyị ọnịrị irehi ana aza naa tẹ ẹnị vịdị hi nị. Uye edivi ọnịrị inomi nịnị e venee hi ịzọọ nị. 14Uye ịnị ụnọmị ọnịrị ọdụmị nịnị vaa gẹ ịzọọ. Dị akọnọ eni ee nowu ngụ ịzọọ zị. Dị avaba uye ana aā zị ịrahụ kuku sì aha, dị ẹ yaa tụ́ ụhwọ ịzọọ. 15Ogugu nịnị vaa mẹ ịrẹngwẹ hi ịzọọ, dị ẹ tụ́ ajẹ, dị ẹ chị ozi ẹnịnị dị ẹ pa wa. Avọọ ụba nịnị ẹnị mẹ̀ rẹ vaa gẹ ịzọọ nị.
16Na ka iwe Ẹnẹyịmavara di wee re ịsa ọnị ọ̀ vaa mẹ. Ẹ yị nyị inomi ọnịrị uye ene vee vu, ẹ yị ọnị ẹyị vaa nyị ọnọhụva. Ẹnẹyịmavara o reè wo oto anị. Ọnị ụvọta vaa sị ọ sị. 17Ẹnẹyịmavara ò reè re ẹtẹ ne hu, dị ọ ga a, dị ọ sị ẹhwị ẹtẹ ọzọza yọ nị. Ẹnị ẹ vaa nyị ẹtẹ ọnọọ pooro zịna-zịna, hụrẹ ụmẹ ọnyị na ngụ ọsa.
Currently Selected:
Ayịsaya 34: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 34
34
Ohomorihi vaa sị ụyaa rị ọnịvị anị
1Ẹwụ nịnị avaba anẹhẹ, vẹ dị wa va wụ́ ịrẹyị nịnị. Avaba ẹhẹ ọnịrị avaba ịsị e hi ịnị anị ẹ̀ batọ dị ẹ̀ wụ́ ịrẹyị. 2Ẹnẹyịmavara aa kụ́ ayịị hi avaba anẹhẹ ọnịrị avaba isoja ẹnịnị. Avaba ẹnịnị vị ọnị ọ vaa mẹ ka à wụ và ha saka-saka. 3Oku ẹnịnị vi eni e vee nee vàa hi ẹhẹ, dị ẹ yaa dà agụ tútútú. Ẹ yị nyị ataba ana ẹnịnị è yi vee chee kú. 4#Imt 24.29; Ịmk 13.25; Irk 21.26; Ẹtẹ 6.13,14Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.
5 #
Ayị 63.1-6; Ijer 49.7-22; Ezk 25.12-14; 35.1-15; Emọ 1.11,12; Ọba 1.1-14; Ịma 1.2-5 Ẹnẹyịmavara ọ sị ụhwọ anị ne rị ụvọ tụ́ ẹbẹẹba. Ọnị ọ vaa sị wụ̀ Anedomii vaa ha nị. Ộ vịdị raà mẹ̀ ọkarẹyị ẹnịnị ka à wụ̀ wa và ha. 6Ụhwọ Ẹnẹyịmavara vị ana vaa vị anyaanya, dị ụhị maanị para a. Vị ọ va sị mẹẹ anka ụhwọ ana a sị na vọ uye ịsọvọ ọnị ịdẹba ọnịrị ẹvụ ne beri ụhị ẹnịnị para hi hi ẹtẹ nị. Anẹkụra Ịbọrịza ọnịrị Edomi ọ vavọọ vaa sị mẹ̀ ịsọvọ ọnọọ nị. 7Aza ẹnẹẹ vị ana a vaa wụ̀ anka ụnọ ọnịrị ẹya avọọ. Di a vavọọ jị wa và hi ẹtẹ, dị ọnịrị ụhị ẹnịnị vavọọ chaka hi ẹtẹ ini eteesu. 8Ịhị ọnọọ Ẹnẹyịmavara vee si atọ ịsa ana a mẹ Anịzayọnị, dị ọ dọ Anịzayọnị há nị.
9Okuha Anedomi vaa vara ọ̀dà, dị eteesu anị aa rị ịra anka ohuru avọọ. Ẹtẹ anị vị ana vaa vara ọ̀dà ịrịịra 10#Ẹtẹ 14.11; 19.3Ịra ọnọọ vị ana vaa za pooro ọọdụ ọnịrị ịrahụ, dị areyi anị aa dàa vàa hịrẹ. O yi vee mi pooro. Ẹtẹ ọnọọ vị ana vanaa tụ́ osusu pooro zịna-zịna, ọza ọ mā vana zi oze avọọ para hu. 11Inomi edivi irenyi-irenyi e venee hi ịzọọ nị. Ohomorihi vị ana vaa vara ẹtẹ Anedomi ẹtẹ ọpaapara ana ahịka ẹ yị nyị ịsị ọ zụ mẹ. 12Avaba aza ẹbanyị anị vi ene vee súu vàa ha, kụkụ nyị ịsị a vaa hị́ ohinọyị ịzọọ. 13Avị edivi ọnịrị ikeyi e venee nyii hi ịzị irehi ẹbanyị-ẹbanyị ọnịrị irehi ana aza naa tẹ ẹnị vịdị hi nị. Uye edivi ọnịrị inomi nịnị e venee hi ịzọọ nị. 14Uye ịnị ụnọmị ọnịrị ọdụmị nịnị vaa gẹ ịzọọ. Dị akọnọ eni ee nowu ngụ ịzọọ zị. Dị avaba uye ana aā zị ịrahụ kuku sì aha, dị ẹ yaa tụ́ ụhwọ ịzọọ. 15Ogugu nịnị vaa mẹ ịrẹngwẹ hi ịzọọ, dị ẹ tụ́ ajẹ, dị ẹ chị ozi ẹnịnị dị ẹ pa wa. Avọọ ụba nịnị ẹnị mẹ̀ rẹ vaa gẹ ịzọọ nị.
16Na ka iwe Ẹnẹyịmavara di wee re ịsa ọnị ọ̀ vaa mẹ. Ẹ yị nyị inomi ọnịrị uye ene vee vu, ẹ yị ọnị ẹyị vaa nyị ọnọhụva. Ẹnẹyịmavara o reè wo oto anị. Ọnị ụvọta vaa sị ọ sị. 17Ẹnẹyịmavara ò reè re ẹtẹ ne hu, dị ọ ga a, dị ọ sị ẹhwị ẹtẹ ọzọza yọ nị. Ẹnị ẹ vaa nyị ẹtẹ ọnọọ pooro zịna-zịna, hụrẹ ụmẹ ọnyị na ngụ ọsa.
Ebira First Bible © Bible Society of Nigeria, 2014.