Ayịsaya 30
30
Anẹkụra ana ka ẹnị ẹ mā wụ́ ịrẹyị ẹ sị dà
1Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị. 2We si hu ee nee tù Anijipiti ka ẹ̀ va gụ wụ nịnị ụvọ Ẹnẹyịmavara da nịnị. Wee si ka Anijipiti ọ̀ va gụ wụ nịnị ụvọ dị ahịka ohinọyị Anijipiti ụ kụkụ sị ayị tụra nịnị nị. 3Ohinọyị Anijipiti ọ yị va zụụ gụ wụ nịnị ụvọ, ama vị ọ vaa mẹ ụhịị nyị wụ nịnị nị. Mị ka ụsẹ ụtẹ ọ vaa sị wụ nịnị zị nị. 4Mâ yẹ ka ọnụtụ awụ nịnị ẹ na sị ngụ ẹkụra Ijipiti ana aā hị́ Izowanị ọnịrị Ihanesi, 5ama ụhị ọ vị vaa nyị avaba awụ nịnị nị. Wa na sị ayị tụra anẹkụra ẹnẹ ẹ̀ yị rụra sị ayị tụra nịnị. Ụmẹ oni wee ro ka o si tù ka ẹ̀ gụ wụ nịnị ụvọ ụmẹ ọnọọ gẹdẹ-gẹdẹ ẹ vaa sị mẹ ụhịị nyị wụ nịnị nị.
6Ịrẹyị oni Ohomorihi kà ini oze uye ene hi ịnị ụnọmị éyi ụvẹtẹ yị. Ọnịtụ ẹnẹẹ ệ zi oze ịnị ụnọmị odivi ọnọọ na para hu. Idu ọnịrị ẹwụ edivi irenyi-irenyi vi ene hi ịnị ụnọmị ọnọọ. Ọnịtụ ẹnẹẹ ệ hara ogu ẹnịnị di e kune e tụra ịnyaakụmị dị ẹ kụ́ ọ aa nọ ẹkụra ịzị ẹ̀ yị nyị ọgụ ene e vee re ịzọọ nị. 7Mị ka ệ kụ́ ọ aa nọ Ijipiti ana ahịka ẹ yị va zụụ gụ wa ụvọ vụrụ-vụrụ. Agụvị avọọ m maa sịị hị́ Ijipiti Ịrahabị nị. Ọnị ọ vị ka ẹ yị nyị ịsị ọ zụ mẹ.
Aza ana vị anakamawụ
8Ohomorihi ka ma chẹrẹ ebira ana aza ẹnẹẹ aa mẹẹ tịtẹ. Ọ kà iwe ọnọọ ọ vaa vị ivenu pooro zịna-zịna ịrẹma ụhwọọ nị ka aza edivi aza ẹnẹẹ vị nị. 9Aza ẹnẹnị vi anakamawụ, dị ẹ rẹ vi enevene nị. Ẹnịnị e yi sì ka ẹnị ẹ̀ wụ́ ịrẹyị ẹnị Ẹnẹyịmavara ọ̀ọ kà. 10Ẹ ka asị ọnịsẹ nịnị rè kuku re ẹtẹ ẹ̀ ka yị ẹnị. Ẹ ka asị ẹ rè kà a yi ẹnị ka ịsa ana vọrọ ka àa mẹ yị. Ẹ ka ọnịsẹ nịnị èe cheeche ene hinee yị ẹnị kẹnẹ. 11Ẹka ọnịsẹ nịnị è jesi hụrẹ ẹnị eyi, asị ẹ rẹ kụkụ va kà ịrẹyị Ohomorihi ẹnịnị ana Anisirẹrị aa hẹkẹ ẹ yị ẹnị.
12Avọọ Ohomorihi Ọnịnị ana Anisirẹrị aa hẹkẹ va kà a ka A vị ụ ka wẹ dọ ịrẹyị ana a va kà wụ nịnị dị ahịka ayịchama ọnịrị amẹrị ụ sị ayị tụra nịnị nịị? 13Ebira odivi ọnọọ vị ana vaa mẹ wụ nịnị anka ọvọ ana nẹba di o si chaka gẹnẹ avọọ. Ịsọnị-ịsọnị di o wu và hi ẹtẹ wuuru kẹnẹ nị. 14Avọọ ụ mẹ̀ vaa sẹ̀ rugu-rugu anka irura avọọ dị ọza ọ yị hyakụ re sị ịnị anị na nyị ịra hụụnị arasị. Ọza ọ yị hyakụ vee re ana hụ kụ́ enyi hụụnị okunsere va ha.
15Ẹnẹyịmavara ana vị ohinọyị keekere, Ohomorihi ọnịnị ana Anisirẹrị aa hẹkẹ ka wàa yaanị và hụụnị ebira odivi awụ nịnị dị ụ mẹ ẹngụ awụ nịnị hẹẹ, dị ụ sị ayị tụra ọnị nị, ụ yaanị sị há dị ụ rẹ nyị ụkata nịnị. 16Ama wê yi nịnị. Ụ ka u waa tụra umaata di wee zwe nịnị nị. Ịzẹyịza u vee zwe nịnị nị. Wê ro ka umaata awụ nịnị ệ rẹ, yẹ ka umaata ọnịrị awụ nịnị ẹnị vị ana rẹ rẹ́. 17Isoja ikonya vaa dụ aza ana akahị awụ nịnị. Isoja ẹẹhị ọ̀ọ há ẹtẹ hi wu nịnị, avaba awụ nịnị vi ene ee zwe. Ẹ yị nyị isoja awụ nịnị ikonya ana vaa vọ. Uyi ọnị ụ sị gẹ ọchị nịnị kẹnẹ ọ vanaa jẹẹ ịrẹsụ ataba nị. 18Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.
Ohomorihi vaa mẹ ka ò zee yị aza anị
19Ẹwụ nịnị Anijerusarẹmị we yi kuku vee sụ ùnè nịnị. Ẹnẹyịmavara vị anaā vayị ọza. Wèe nowu na za a, ọ vaa ba wụ nịnị owu. 20Ananyị yị vaa mẹ ka wa rị ụya nịnị ẹtẹẹtẹrẹ, ama ọ vaa jẹẹ pè wụ nịnị dị ọ̀ọ sị ịrẹyị zụ̀ wụ nịnị, vị ka u kuku ee nee sì ọ nịnị nị, ụ vaa sị eyi awụ nịnị re e. 21Wàa daka nyee eyi zị oze ụvọrị aa vị oze ụvọha, Ohomorihi vaa jẹẹ ịrẹma awụ, dị waa wụ́ ọ́ màa kà a ka, “oze yi, và tụra a.” 22Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!” 23Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị. 24Imaaru ọnịrị ịkẹrịkẹtẹ awụ ọnị ụ sị mẹ̀ ụkọrọ ịnị aarẹ vị ana vaa rị avị ene zoza hu. 25Wâ yẹ irehi oni isoja ana vị ọnịvị awụ nịnị dà ẹnị ẹ tẹ̀ hi ịnị anị. Ẹkụhị ọnya aa vẹ ẹnị ịrẹkụ vaa rị irehi ọnọọ. A vaa wụ̀ aza ịhị ọnọọ ẹtẹẹtẹrẹ. Ịhị ọnọọ, enyi vị ana vaa tụ̀ụ hụrẹ iruvo avaba atabaa vẹ. 26Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.
Ohomorihi vaa sị ụyaa rị Anasiriya
27Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.
28Ụhwẹ ana aa tụ́ vị ana sị mẹẹ ọhaara enyi ana kụ́ avaba ịsa ne hu. Enyi ọnọọ ô tù ọza ọrọkọ, ọ mẹ̀ nyịnẹ. Ộ za anẹkụra dị ọ banyị wa va ha nị. Dị ọ jị ọgọ chire wa irenu, dị ọ sị kụ́ wa hụrẹ oze nị. 29Ama ẹwụ nịnị aza Ohomorihi vaa jẹ, dị waa jị ahẹ nịnị anka ẹkụhị ọnị ụ sịị̄ rị eche nịnị avọọ. Ịnẹ awụ nịnị vee hine anka aza ana aa nọ ini ataba Ẹnẹyịmavara di eyee hú okokoro na avọọ. Ẹnẹyịmavara ọnọọ ee sere Anisirẹrị ka asị a nyị ịsị ẹ kanyị wa nị.
30Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ. 31Ịjị Anasiriya ẹ̀ẹ wụ́ ka Ẹnẹyịmavara ộ kà ịrẹyị, angwa vee hí wa. Ẹnẹyịmavara vị ana vaa sị okutẹ anị dị ọ sị wụ̀ wa va hi ẹtẹ. 32Ịjị Ẹnẹyịmavara ọ̀ọ vavọọ ee tụ́ Anasiriya, dị aza anị ẹnị ee hú ịsa, dị ẹ yaa nyị ẹzẹ. Ohomorihi ọnị ụvọta ọ vaa tana ụvọọ za Anasiriya nị. 33O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.
Currently Selected:
Ayịsaya 30: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 30
30
Anẹkụra ana ka ẹnị ẹ mā wụ́ ịrẹyị ẹ sị dà
1Ẹnẹyịmavara kà wa sị dà nịnị ẹwụ nịnị anakamawụ ẹnẹnị. Ẹwụ nịnị ana ahịka ẹẹngụ awụ nịnị kẹnẹ ụụ̄ dàa mẹ nị, dị wẹ̀ yị zẹẹ ka ò pè wu nịnị juwe. Ẹwụrị aza aa naa vaa bẹ nịnị, ama wâ yẹ ka ọ yị nyị ụvọ tụ́ ọ. Dị ụ vavọọ aa mẹ̀ ebira odivi ẹnyị tụra ọsa nịnị. Mị ka wa sị dà nịnị. 2We si hu ee nee tù Anijipiti ka ẹ̀ va gụ wụ nịnị ụvọ Ẹnẹyịmavara da nịnị. Wee si ka Anijipiti ọ̀ va gụ wụ nịnị ụvọ dị ahịka ohinọyị Anijipiti ụ kụkụ sị ayị tụra nịnị nị. 3Ohinọyị Anijipiti ọ yị va zụụ gụ wụ nịnị ụvọ, ama vị ọ vaa mẹ ụhịị nyị wụ nịnị nị. Mị ka ụsẹ ụtẹ ọ vaa sị wụ nịnị zị nị. 4Mâ yẹ ka ọnụtụ awụ nịnị ẹ na sị ngụ ẹkụra Ijipiti ana aā hị́ Izowanị ọnịrị Ihanesi, 5ama ụhị ọ vị vaa nyị avaba awụ nịnị nị. Wa na sị ayị tụra anẹkụra ẹnẹ ẹ̀ yị rụra sị ayị tụra nịnị. Ụmẹ oni wee ro ka o si tù ka ẹ̀ gụ wụ nịnị ụvọ ụmẹ ọnọọ gẹdẹ-gẹdẹ ẹ vaa sị mẹ ụhịị nyị wụ nịnị nị.
6Ịrẹyị oni Ohomorihi kà ini oze uye ene hi ịnị ụnọmị éyi ụvẹtẹ yị. Ọnịtụ ẹnẹẹ ệ zi oze ịnị ụnọmị odivi ọnọọ na para hu. Idu ọnịrị ẹwụ edivi irenyi-irenyi vi ene hi ịnị ụnọmị ọnọọ. Ọnịtụ ẹnẹẹ ệ hara ogu ẹnịnị di e kune e tụra ịnyaakụmị dị ẹ kụ́ ọ aa nọ ẹkụra ịzị ẹ̀ yị nyị ọgụ ene e vee re ịzọọ nị. 7Mị ka ệ kụ́ ọ aa nọ Ijipiti ana ahịka ẹ yị va zụụ gụ wa ụvọ vụrụ-vụrụ. Agụvị avọọ m maa sịị hị́ Ijipiti Ịrahabị nị. Ọnị ọ vị ka ẹ yị nyị ịsị ọ zụ mẹ.
Aza ana vị anakamawụ
8Ohomorihi ka ma chẹrẹ ebira ana aza ẹnẹẹ aa mẹẹ tịtẹ. Ọ kà iwe ọnọọ ọ vaa vị ivenu pooro zịna-zịna ịrẹma ụhwọọ nị ka aza edivi aza ẹnẹẹ vị nị. 9Aza ẹnẹnị vi anakamawụ, dị ẹ rẹ vi enevene nị. Ẹnịnị e yi sì ka ẹnị ẹ̀ wụ́ ịrẹyị ẹnị Ẹnẹyịmavara ọ̀ọ kà. 10Ẹ ka asị ọnịsẹ nịnị rè kuku re ẹtẹ ẹ̀ ka yị ẹnị. Ẹ ka asị ẹ rè kà a yi ẹnị ka ịsa ana vọrọ ka àa mẹ yị. Ẹ ka ọnịsẹ nịnị èe cheeche ene hinee yị ẹnị kẹnẹ. 11Ẹka ọnịsẹ nịnị è jesi hụrẹ ẹnị eyi, asị ẹ rẹ kụkụ va kà ịrẹyị Ohomorihi ẹnịnị ana Anisirẹrị aa hẹkẹ ẹ yị ẹnị.
12Avọọ Ohomorihi Ọnịnị ana Anisirẹrị aa hẹkẹ va kà a ka A vị ụ ka wẹ dọ ịrẹyị ana a va kà wụ nịnị dị ahịka ayịchama ọnịrị amẹrị ụ sị ayị tụra nịnị nịị? 13Ebira odivi ọnọọ vị ana vaa mẹ wụ nịnị anka ọvọ ana nẹba di o si chaka gẹnẹ avọọ. Ịsọnị-ịsọnị di o wu và hi ẹtẹ wuuru kẹnẹ nị. 14Avọọ ụ mẹ̀ vaa sẹ̀ rugu-rugu anka irura avọọ dị ọza ọ yị hyakụ re sị ịnị anị na nyị ịra hụụnị arasị. Ọza ọ yị hyakụ vee re ana hụ kụ́ enyi hụụnị okunsere va ha.
15Ẹnẹyịmavara ana vị ohinọyị keekere, Ohomorihi ọnịnị ana Anisirẹrị aa hẹkẹ ka wàa yaanị và hụụnị ebira odivi awụ nịnị dị ụ mẹ ẹngụ awụ nịnị hẹẹ, dị ụ sị ayị tụra ọnị nị, ụ yaanị sị há dị ụ rẹ nyị ụkata nịnị. 16Ama wê yi nịnị. Ụ ka u waa tụra umaata di wee zwe nịnị nị. Ịzẹyịza u vee zwe nịnị nị. Wê ro ka umaata awụ nịnị ệ rẹ, yẹ ka umaata ọnịrị awụ nịnị ẹnị vị ana rẹ rẹ́. 17Isoja ikonya vaa dụ aza ana akahị awụ nịnị. Isoja ẹẹhị ọ̀ọ há ẹtẹ hi wu nịnị, avaba awụ nịnị vi ene ee zwe. Ẹ yị nyị isoja awụ nịnị ikonya ana vaa vọ. Uyi ọnị ụ sị gẹ ọchị nịnị kẹnẹ ọ vanaa jẹẹ ịrẹsụ ataba nị. 18Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.
Ohomorihi vaa mẹ ka ò zee yị aza anị
19Ẹwụ nịnị Anijerusarẹmị we yi kuku vee sụ ùnè nịnị. Ẹnẹyịmavara vị anaā vayị ọza. Wèe nowu na za a, ọ vaa ba wụ nịnị owu. 20Ananyị yị vaa mẹ ka wa rị ụya nịnị ẹtẹẹtẹrẹ, ama ọ vaa jẹẹ pè wụ nịnị dị ọ̀ọ sị ịrẹyị zụ̀ wụ nịnị, vị ka u kuku ee nee sì ọ nịnị nị, ụ vaa sị eyi awụ nịnị re e. 21Wàa daka nyee eyi zị oze ụvọrị aa vị oze ụvọha, Ohomorihi vaa jẹẹ ịrẹma awụ, dị waa wụ́ ọ́ màa kà a ka, “oze yi, và tụra a.” 22Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!” 23Wèe chire ịsa, Ohomorihi vaa zụ̀ orihii hị́ ọ wụ, dị ẹtẹ awụ nyayịnẹ mẹ, dị ọ gwẹtẹ. Avị vị ana vaa gwẹtẹ ọnị ịsụpa awụ aa rị. 24Imaaru ọnịrị ịkẹrịkẹtẹ awụ ọnị ụ sị mẹ̀ ụkọrọ ịnị aarẹ vị ana vaa rị avị ene zoza hu. 25Wâ yẹ irehi oni isoja ana vị ọnịvị awụ nịnị dà ẹnị ẹ tẹ̀ hi ịnị anị. Ẹkụhị ọnya aa vẹ ẹnị ịrẹkụ vaa rị irehi ọnọọ. A vaa wụ̀ aza ịhị ọnọọ ẹtẹẹtẹrẹ. Ịhị ọnọọ, enyi vị ana vaa tụ̀ụ hụrẹ iruvo avaba atabaa vẹ. 26Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.
Ohomorihi vaa sị ụyaa rị Anasiriya
27Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.
28Ụhwẹ ana aa tụ́ vị ana sị mẹẹ ọhaara enyi ana kụ́ avaba ịsa ne hu. Enyi ọnọọ ô tù ọza ọrọkọ, ọ mẹ̀ nyịnẹ. Ộ za anẹkụra dị ọ banyị wa va ha nị. Dị ọ jị ọgọ chire wa irenu, dị ọ sị kụ́ wa hụrẹ oze nị. 29Ama ẹwụ nịnị aza Ohomorihi vaa jẹ, dị waa jị ahẹ nịnị anka ẹkụhị ọnị ụ sịị̄ rị eche nịnị avọọ. Ịnẹ awụ nịnị vee hine anka aza ana aa nọ ini ataba Ẹnẹyịmavara di eyee hú okokoro na avọọ. Ẹnẹyịmavara ọnọọ ee sere Anisirẹrị ka asị a nyị ịsị ẹ kanyị wa nị.
30Ịjị Ẹnẹyịmavara aa kà ịrẹyị ịnị ụbanyị ẹngụ anị, ọ vaa mẹ ka aza ẹ̀ wụ́. Ọ rẹ vaa mẹ ka ẹ̀ yẹ ka ayị aa kụ́ ọnị. E vee re ọ́ màa sị ụkataa kụ́ ayị ka ọyịkụ ọnọọ ộ ngụra ẹtẹẹtẹrẹ. Eguhi vị ana aa dà, dị apaana ihinẹba aa há, dị ata ihinẹba aa zụụ hi ẹtẹ. 31Ịjị Anasiriya ẹ̀ẹ wụ́ ka Ẹnẹyịmavara ộ kà ịrẹyị, angwa vee hí wa. Ẹnẹyịmavara vị ana vaa sị okutẹ anị dị ọ sị wụ̀ wa va hi ẹtẹ. 32Ịjị Ẹnẹyịmavara ọ̀ọ vavọọ ee tụ́ Anasiriya, dị aza anị ẹnị ee hú ịsa, dị ẹ yaa nyị ẹzẹ. Ohomorihi ọnị ụvọta ọ vaa tana ụvọọ za Anasiriya nị. 33O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.
Ebira First Bible © Bible Society of Nigeria, 2014.