Ayịsaya 24
24
OHOMORIHI VAA SỊ ỤYAA RỊ ANẸHẸ
1Ẹnẹyịmavara aa vaa za ẹhẹ dị ọ jị ọ eburu. Ọ vaa za ẹhẹ dị ọ gara a, dị ọ tụ́ aza ene hi ịnị anị ikiiko zị. 2Ịngọ ọnya ọ vaa sị aza avaba aza ọnị maa hị́ aanị nị. Ohirẹsụ irehi Ohomorihi ọnịrị aza ana vọ, ọga ọnịrị ozi ahụ, ọza ana aa ná ịsa ọnịrị ọza ana aa hị́ ịsa ne bari ọza ana rị ụta ọnịrị ọza ana a rị ụta. 3Ohomorihi vaa za avaba ẹhẹ dị ọ tụ́ ọ osusu. Ẹnẹyịmavara kà ọnị ọ̀ kà avọọ nị.
4Ịrẹyị ô tù ẹtẹ ẹngụ, ẹngụ anị ọ sị vahi. Ẹbẹẹba ọnị nyẹmba yà ịnị ẹngụkata, ộ yẹ ka aanị ọ́ ta. 5Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ. 6Agụvị avọọ Óhomorihi chì hi anẹhẹ nị. Anẹhẹ vaa rị ọgụ ebira odivi ẹnị ẹ yaa mẹ. Aza ene hi ịnị ẹhẹ aa ta, aza chee kẹnẹ ọ kụkụ vọ nị.
7Ẹtụtụ ọchị ịvayịnị ana a sịị̄ mẹ eche e kụ́ sụ và ha. Ọza o yi kuku re eche. Avaba aza ana vịdị aa mẹrị zị vi ene kuku ee sụ ùnè. 8Ọkangga ana aā vịdịị hú dị aza aa jẹ, dị ẹ yaa mẹrị ọ va ta; 9kụkụ nyị ọza ene ee hú eche dị ọ̀ọ jị ahẹ. Eche vị ana hyakụ kụkụ aa nyịrẹyị ini irenu aza ene ee hú ọ.
10Avaba ẹkụra kụkụ tịtẹ hyo, ọzọza vi ene chire oze hi ẹngụ tụ́ ini eehi. 11Aza ene hi ịnị ẹkụra ee nowu ka ẹ yị kụkụ nyị eche, kụkụ nyị ọza ana aa jẹ ịrajẹ ịnị ẹhẹ. Avaba aza vị ana kụkụ aa jị òrèrè. 12Ẹkụra vị ana jị eburu hi ẹtẹ, a kụ́ oze anị chaka.
13Anẹhẹ ọnịrị avaba anẹkụra vị ana vaa tịtẹ gere-gere anka èe rere kụ avaba ẹtụtụ ọchị ha dị ịrẹsụ anị kụkụ tịtẹ hwesee avọọ.
14Aza ana vọ vaa jẹ ịrajẹ dị ẹ yaa jị ahẹ. Aza ana ra hi eyi ọnị ọyịị̄ zị naa ngụ ẹtẹ vaa kà ịrẹyị ụbanyị Ẹnẹyịmavara. 15Dị aza ana ra hi eyi ịzị ọyịị̄ zịị hụrẹ ẹnị raa kà ịrẹyị ụbanyị Ẹnẹyịmavara. Aza ana ra hi ini òkū vaa sị Ẹnẹyịmavara ana vị Ohomorihi Anisirẹrị tụ́ ẹba.
16Yâ wụ́ aza ene hi ụnọngụ-ụnọngụ ẹhẹ màa jị ahẹ ka, “Ohomorihi ọ nyị ụbanyị nị.”
Ama dị ẹmị ka ịrẹyị ô tù mị, ma sị dà. Enevene nịnị ee yii vene aza naa yị ọnịvị, mị ka eyee vene aza naa yị ọnịvị. 17Ẹwụ nịnị anẹhẹ, wa sị ngụ ịrẹpa nịnị, ịrẹyị ô tù wu nịnị. 18Ọza ana àa ka ọnị ò zwe hụụnị ịrẹyị, di o ne na ngụ ụsị. Ọza ana àa tụ̀ hụụnị ụsị, dị ọ na ngụ ịrẹpa. Orihi ọbanyị vaa zụ̀ dị avaba ẹhẹ henyi. 19Ẹhẹ vaa ha anaha, di o henyi jigi-jigi. 20Dị ọ kụkụ aa mẹrị anka ọ́za ene eche aa mẹrị avọọ. Dị aa ba anka ahị mẹ̀ẹ ba ajẹngụ avọọ. Ịvị akamawụ anẹhẹ vaa rataa tụra wa. Ọ vaa gụ waa hyẹdụ dị ẹ yị mā vana zụ kwẹẹtẹ.
21Ụmẹ ọnya aa vẹ, ịhị ọnọọ Ẹnẹyịmavara vaa za aza ana nyị ụkata hi ẹbẹẹba ọnịrị ohinọyị ẹhẹ ọnọnị, dị ọ sị ụya rị wa. 22Dị ọ kụ́ wa anka anịnẹngwa avọọ di o ne gu oze hi wa. Ẹnịnị vaa yà ịzọọ kù. 23Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.
Currently Selected:
Ayịsaya 24: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 24
24
OHOMORIHI VAA SỊ ỤYAA RỊ ANẸHẸ
1Ẹnẹyịmavara aa vaa za ẹhẹ dị ọ jị ọ eburu. Ọ vaa za ẹhẹ dị ọ gara a, dị ọ tụ́ aza ene hi ịnị anị ikiiko zị. 2Ịngọ ọnya ọ vaa sị aza avaba aza ọnị maa hị́ aanị nị. Ohirẹsụ irehi Ohomorihi ọnịrị aza ana vọ, ọga ọnịrị ozi ahụ, ọza ana aa ná ịsa ọnịrị ọza ana aa hị́ ịsa ne bari ọza ana rị ụta ọnịrị ọza ana a rị ụta. 3Ohomorihi vaa za avaba ẹhẹ dị ọ tụ́ ọ osusu. Ẹnẹyịmavara kà ọnị ọ̀ kà avọọ nị.
4Ịrẹyị ô tù ẹtẹ ẹngụ, ẹngụ anị ọ sị vahi. Ẹbẹẹba ọnị nyẹmba yà ịnị ẹngụkata, ộ yẹ ka aanị ọ́ ta. 5Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ. 6Agụvị avọọ Óhomorihi chì hi anẹhẹ nị. Anẹhẹ vaa rị ọgụ ebira odivi ẹnị ẹ yaa mẹ. Aza ene hi ịnị ẹhẹ aa ta, aza chee kẹnẹ ọ kụkụ vọ nị.
7Ẹtụtụ ọchị ịvayịnị ana a sịị̄ mẹ eche e kụ́ sụ và ha. Ọza o yi kuku re eche. Avaba aza ana vịdị aa mẹrị zị vi ene kuku ee sụ ùnè. 8Ọkangga ana aā vịdịị hú dị aza aa jẹ, dị ẹ yaa mẹrị ọ va ta; 9kụkụ nyị ọza ene ee hú eche dị ọ̀ọ jị ahẹ. Eche vị ana hyakụ kụkụ aa nyịrẹyị ini irenu aza ene ee hú ọ.
10Avaba ẹkụra kụkụ tịtẹ hyo, ọzọza vi ene chire oze hi ẹngụ tụ́ ini eehi. 11Aza ene hi ịnị ẹkụra ee nowu ka ẹ yị kụkụ nyị eche, kụkụ nyị ọza ana aa jẹ ịrajẹ ịnị ẹhẹ. Avaba aza vị ana kụkụ aa jị òrèrè. 12Ẹkụra vị ana jị eburu hi ẹtẹ, a kụ́ oze anị chaka.
13Anẹhẹ ọnịrị avaba anẹkụra vị ana vaa tịtẹ gere-gere anka èe rere kụ avaba ẹtụtụ ọchị ha dị ịrẹsụ anị kụkụ tịtẹ hwesee avọọ.
14Aza ana vọ vaa jẹ ịrajẹ dị ẹ yaa jị ahẹ. Aza ana ra hi eyi ọnị ọyịị̄ zị naa ngụ ẹtẹ vaa kà ịrẹyị ụbanyị Ẹnẹyịmavara. 15Dị aza ana ra hi eyi ịzị ọyịị̄ zịị hụrẹ ẹnị raa kà ịrẹyị ụbanyị Ẹnẹyịmavara. Aza ana ra hi ini òkū vaa sị Ẹnẹyịmavara ana vị Ohomorihi Anisirẹrị tụ́ ẹba.
16Yâ wụ́ aza ene hi ụnọngụ-ụnọngụ ẹhẹ màa jị ahẹ ka, “Ohomorihi ọ nyị ụbanyị nị.”
Ama dị ẹmị ka ịrẹyị ô tù mị, ma sị dà. Enevene nịnị ee yii vene aza naa yị ọnịvị, mị ka eyee vene aza naa yị ọnịvị. 17Ẹwụ nịnị anẹhẹ, wa sị ngụ ịrẹpa nịnị, ịrẹyị ô tù wu nịnị. 18Ọza ana àa ka ọnị ò zwe hụụnị ịrẹyị, di o ne na ngụ ụsị. Ọza ana àa tụ̀ hụụnị ụsị, dị ọ na ngụ ịrẹpa. Orihi ọbanyị vaa zụ̀ dị avaba ẹhẹ henyi. 19Ẹhẹ vaa ha anaha, di o henyi jigi-jigi. 20Dị ọ kụkụ aa mẹrị anka ọ́za ene eche aa mẹrị avọọ. Dị aa ba anka ahị mẹ̀ẹ ba ajẹngụ avọọ. Ịvị akamawụ anẹhẹ vaa rataa tụra wa. Ọ vaa gụ waa hyẹdụ dị ẹ yị mā vana zụ kwẹẹtẹ.
21Ụmẹ ọnya aa vẹ, ịhị ọnọọ Ẹnẹyịmavara vaa za aza ana nyị ụkata hi ẹbẹẹba ọnịrị ohinọyị ẹhẹ ọnọnị, dị ọ sị ụya rị wa. 22Dị ọ kụ́ wa anka anịnẹngwa avọọ di o ne gu oze hi wa. Ẹnịnị vaa yà ịzọọ kù. 23Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.
Ebira First Bible © Bible Society of Nigeria, 2014.