Ayịsaya 21
21
Ịrẹyị ene ve tù Anibabironi
1Ịrẹyị ene vee tù anẹkụra ene hi ịnị ụnọmị ózee eyi oku yị: Wáā yẹ opomi mẹ̀ẹ tụ́ ịnị ụnọmị di ee hì avaba ẹchịchị naa parahu avọọ, avọọ a mẹ̀ vaa kụ́ ịrẹyị odivi ve tù Anibabironi nị. Anẹkụra ana kụ́ ẹngụkata ọnọọ aa vẹ vị ana angwa ẹnịnịị hi ọza.
2Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza. 3Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa. 4Angwahi ọ sị ngụ mị ẹngụ, ẹngụ amị aa dá ẹgahị. Mê ro ka oruva ọ̀ọ vẹ mị daba vaa nyị ẹngwọọrọ, ama ayịhụrịnẹ kẹnẹ ọ kụ́ ve tù mi nị.
5Ịnị ẹtẹ ọnị mị vavọọ re, mê re ka a kụ́ ịsọyịrị tenyi hi ẹtẹ. A rẹ kụ́ aha ana aza vaa yàa tenyi hi ẹtẹ. Dị aza nyima dị ẹ yaa rị di e re yèe hú nị. Dị mị vana wụ́ ka ê nowu ka, “Ẹwụ nịnị isoja, tenyi ogonto awụ nịnị!”
6Dị Ananyị yị hị́ mị dị ọ ka ma na kà a yị oserẹtẹ ka ọ na jẹẹ ịzị a yàa sere ẹtẹ. Ọ kà ma kà a yọ ka ịsị òo re ọ̀ va kà a. 7Ọ kà ma kà a ka òo re ka aza ệ tụra umaata aa vẹ dị ẹ vị ẹvẹẹva nị, dị aza ẹnyị tụra ịkẹrịkẹtẹ, dị ọsa rẹ tụra ịnyaakụmị nị, ọ̀ nyayịnẹ sị eyi pè wa di ò re ụsẹ ẹnị ẹ yaa zị. 8Di oserẹtẹ ọnọọ ka ooho nị. Dị ọ ka avọọ ọnị mèe sere ẹtẹ pooro nị. 9#Ẹtẹ 14.8; 18.2Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”
10Ẹwụ nịnị aza amị ana a raà za eyi kwọrọ ẹtẹ, ịrẹyị ẹnẹ Ẹnẹyịmavara Ochẹtẹẹngụ sị zụ̀ mị mị kà wụ nịnị avọọ nị.
Ịrẹyị ene vee tù Anedomi
11Ịrẹyị ene vee tù Anedomi yị: Ọza ịnya ộ hụrẹ Edomi vẹ dị ọ họ̀ mị dị ọ ka, “oserẹtẹ, eyi wáá vaa hụra nị̄, kà a mị de!” 12Dị mị ka eyi aa vaa nị̄, ama ẹtẹ re venee hozi. Mị ka ọ̀ọ ka ọnị ee hii họ̀ use, ọ̀ vavẹ di ò re ve họ̀ use.
Ịrẹyị ene vee tù Anarebiya
13Ịrẹyị ene re vee tù Anarebiya yị: Ẹwụ nịnị anẹkụra Idedanị ana aza anịị̄ kụ́ udi tụ́ ịnị ụnọmị Arebiya ẹ̀ẹ maanị aa hụrẹ eehi, 14aza ene enyi aa kụ̀ ene ve tù wụ ká enyi yị́ wa di è hú ọ. Ẹwụ nịnị ana ra hi ẹkụra Itema, kụ́ ịsọyịrị va yị aza ana tụ̀ hụụnị ịrẹkụ vẹ. 15Aza e kú zwe agụvị ịrẹkụ ka a va sị ụhwọ ọnịrị ọpa wụ ẹnị. Ẹnịnị e si zwe ịrẹkụ mèe nyị Ananyị. 16Ananyị yị ộ kà a mị, ọ ka pooro dị ọ̀ naa mẹ ịrayị ọnya, anka ọnụkọrọ mẹ̀ẹ za ịrayị ịrịka, avaba ụbanyị Anikeda vaa ta. 17Avaba isoja Anikeda ana vọ vị ana kụkụ vaa yà chẹkẹẹ aanị. Ọ kà ọnị Ẹnẹyịmavara ana vị Ohomorihi Anisirẹrị ọ kà avọọ nị.
Currently Selected:
Ayịsaya 21: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 21
21
Ịrẹyị ene ve tù Anibabironi
1Ịrẹyị ene vee tù anẹkụra ene hi ịnị ụnọmị ózee eyi oku yị: Wáā yẹ opomi mẹ̀ẹ tụ́ ịnị ụnọmị di ee hì avaba ẹchịchị naa parahu avọọ, avọọ a mẹ̀ vaa kụ́ ịrẹyị odivi ve tù Anibabironi nị. Anẹkụra ana kụ́ ẹngụkata ọnọọ aa vẹ vị ana angwa ẹnịnịị hi ọza.
2Ohomorihi ộ mẹ̀ ka me re ẹtẹ ka ịrẹyị ana vaa mẹ ô divi ẹtẹẹtẹrẹ. Mê re ka onireche e ne reè cheeche yị ọnịvị nịnị ana mẹ ka è re oze wụ̀ aza va ha ẹtẹẹtẹrẹ. Dị aza nịnị nyayịnẹ hara ogu nị. Ẹwụ nịnị isoja Erami ọnịrị isoja Animediya kwẹẹtẹ wa kụ́ ịrẹkụ ne tù anẹkụra ẹnẹẹ nịnị. Ohomorihi ọ yị kụkụ vaa zẹẹ ka Anibabironi ẹ̀ sịị sị ụyaa rị aza. 3Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa. 4Angwahi ọ sị ngụ mị ẹngụ, ẹngụ amị aa dá ẹgahị. Mê ro ka oruva ọ̀ọ vẹ mị daba vaa nyị ẹngwọọrọ, ama ayịhụrịnẹ kẹnẹ ọ kụ́ ve tù mi nị.
5Ịnị ẹtẹ ọnị mị vavọọ re, mê re ka a kụ́ ịsọyịrị tenyi hi ẹtẹ. A rẹ kụ́ aha ana aza vaa yàa tenyi hi ẹtẹ. Dị aza nyima dị ẹ yaa rị di e re yèe hú nị. Dị mị vana wụ́ ka ê nowu ka, “Ẹwụ nịnị isoja, tenyi ogonto awụ nịnị!”
6Dị Ananyị yị hị́ mị dị ọ ka ma na kà a yị oserẹtẹ ka ọ na jẹẹ ịzị a yàa sere ẹtẹ. Ọ kà ma kà a yọ ka ịsị òo re ọ̀ va kà a. 7Ọ kà ma kà a ka òo re ka aza ệ tụra umaata aa vẹ dị ẹ vị ẹvẹẹva nị, dị aza ẹnyị tụra ịkẹrịkẹtẹ, dị ọsa rẹ tụra ịnyaakụmị nị, ọ̀ nyayịnẹ sị eyi pè wa di ò re ụsẹ ẹnị ẹ yaa zị. 8Di oserẹtẹ ọnọọ ka ooho nị. Dị ọ ka avọọ ọnị mèe sere ẹtẹ pooro nị. 9#Ẹtẹ 14.8; 18.2Ụmẹ ọnya kẹnẹ di o vene nowu dị ọ ka, “Aza ẹnẹẹ aa vẹ avọọ nọ! Ẹnịnị vị ana tụra umaata aa vẹ ẹvẹẹva!” Dị ọ rẹ ka, “Kwaa-kwaa, Anibabironi ẹ sị hyẹdụ, mị ka ẹ kụ́ hyẹdụ bemi! Avaba ori anị ana a bẹ vị ana maanị gara hi ẹtẹ.”
10Ẹwụ nịnị aza amị ana a raà za eyi kwọrọ ẹtẹ, ịrẹyị ẹnẹ Ẹnẹyịmavara Ochẹtẹẹngụ sị zụ̀ mị mị kà wụ nịnị avọọ nị.
Ịrẹyị ene vee tù Anedomi
11Ịrẹyị ene vee tù Anedomi yị: Ọza ịnya ộ hụrẹ Edomi vẹ dị ọ họ̀ mị dị ọ ka, “oserẹtẹ, eyi wáá vaa hụra nị̄, kà a mị de!” 12Dị mị ka eyi aa vaa nị̄, ama ẹtẹ re venee hozi. Mị ka ọ̀ọ ka ọnị ee hii họ̀ use, ọ̀ vavẹ di ò re ve họ̀ use.
Ịrẹyị ene vee tù Anarebiya
13Ịrẹyị ene re vee tù Anarebiya yị: Ẹwụ nịnị anẹkụra Idedanị ana aza anịị̄ kụ́ udi tụ́ ịnị ụnọmị Arebiya ẹ̀ẹ maanị aa hụrẹ eehi, 14aza ene enyi aa kụ̀ ene ve tù wụ ká enyi yị́ wa di è hú ọ. Ẹwụ nịnị ana ra hi ẹkụra Itema, kụ́ ịsọyịrị va yị aza ana tụ̀ hụụnị ịrẹkụ vẹ. 15Aza e kú zwe agụvị ịrẹkụ ka a va sị ụhwọ ọnịrị ọpa wụ ẹnị. Ẹnịnị e si zwe ịrẹkụ mèe nyị Ananyị. 16Ananyị yị ộ kà a mị, ọ ka pooro dị ọ̀ naa mẹ ịrayị ọnya, anka ọnụkọrọ mẹ̀ẹ za ịrayị ịrịka, avaba ụbanyị Anikeda vaa ta. 17Avaba isoja Anikeda ana vọ vị ana kụkụ vaa yà chẹkẹẹ aanị. Ọ kà ọnị Ẹnẹyịmavara ana vị Ohomorihi Anisirẹrị ọ kà avọọ nị.
Ebira First Bible © Bible Society of Nigeria, 2014.