Ayịsaya 15
15
Ohomorihi vaa sị ụyaa rị Animowabi
1 #
Ayị 25.10-12; Ijer 48.1-47; Ezk 25.8-11; Emọ 2.1-3; Ịzhw 2.8-11 Ịrẹyị ọnị Ohomorihi ka o vee tù Animowabi. Ẹkụra Ari ọnịrị Ikiri ene hi ịnị ẹtẹ Imowabi vi ene vú ẹtẹ ịnị ịrahụ ẹkụhị ọnya. 2Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị. 3Aza ene hi ini ubooro vị ana kụ́ ịta oji kú ẹngụ ana a sị zụ̀ ka â nyị ịsị ẹ yaa zị ẹngụ anị. Dị aza re hi ịrẹsụ irehi ọnịrị ini orere di e và eyi kú ẹtẹ di eyee sụ ùnè nị. 4Ánihesiboni ọnịrị Anireyarehi mèe nowu, aza ene hi Ijahazi huu vị ana aa wụ́. Ezirẹkụ Imowabi ịnyẹmba vi ene ee nowu, dị ẹgahị kụ́ ngụ wa ẹngụ. 5Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị. 6Enyi ini okuha Inimirimi ọ sị wụ. Avaba avị ẹ kụ́ wụ, ọza o yi kuku re avị ohwoohu ikonya. 7Aza ẹnẹẹ vị ana kụ́ ogu ẹnị ẹ vịdị kụ́ tẹ, dị ẹ zị oze ini okuha Iwiro ka ẹnị è zwe na para hu. 8Avaba ẹkụra ene hi ọkara Imowabi ệ wụ́ aza ẹnẹẹ mèe nowu. Anegirayimi ọnịrị Anibiya-Erimi ệ hyakụ wụ́ wa owu. 9Anya vị ene vee sì avaba orosi ene hi Idimoni. Ohomorihi kà ọnị vaa sịị sị ụyaa rị waa hu avọọ. Ọ kà ọnị vaa tụ́ idu ka ọ na wụ̀ avaba Animowabi ana vọ hị́ ịnị ẹkụra ọnịrị ẹnị enee zwe.
Currently Selected:
Ayịsaya 15: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ayịsaya 15
15
Ohomorihi vaa sị ụyaa rị Animowabi
1 #
Ayị 25.10-12; Ijer 48.1-47; Ezk 25.8-11; Emọ 2.1-3; Ịzhw 2.8-11 Ịrẹyị ọnị Ohomorihi ka o vee tù Animowabi. Ẹkụra Ari ọnịrị Ikiri ene hi ịnị ẹtẹ Imowabi vi ene vú ẹtẹ ịnị ịrahụ ẹkụhị ọnya. 2Dị Anidiboni hụ agụvị avọọ nọ ini irehi ori ẹnịnị ịnị ataba di ene ee sụ ùnè nị. Animowabi ê sụ ùnè Inebo ọnịrị Imediba, dị ẹ kụ́ ịrẹsụ ọnịrị ịrẹwa ẹnịnị hwòhwòrò nị. 3Aza ene hi ini ubooro vị ana kụ́ ịta oji kú ẹngụ ana a sị zụ̀ ka â nyị ịsị ẹ yaa zị ẹngụ anị. Dị aza re hi ịrẹsụ irehi ọnịrị ini orere di e và eyi kú ẹtẹ di eyee sụ ùnè nị. 4Ánihesiboni ọnịrị Anireyarehi mèe nowu, aza ene hi Ijahazi huu vị ana aa wụ́. Ezirẹkụ Imowabi ịnyẹmba vi ene ee nowu, dị ẹgahị kụ́ ngụ wa ẹngụ. 5Ẹmị ịnyẹmba ọnị raa jị òrèrè agụvị ịrẹyị Imowabi. Ẹnịnị vi ene zwe huu na ngụ ẹkụra Izowa ọnịrị Egirati Iserisiya. Ẹnịnị e zi zwe pooro na ngụ Iruhiti ọnịrị Ihoronayimi. Avọọ ẹnịnị màa jịị jị oreree vàa tụra oze na nị, agụvị ka vị a nyayịnẹ wụ̀ wa và ha nị. 6Enyi ini okuha Inimirimi ọ sị wụ. Avaba avị ẹ kụ́ wụ, ọza o yi kuku re avị ohwoohu ikonya. 7Aza ẹnẹẹ vị ana kụ́ ogu ẹnị ẹ vịdị kụ́ tẹ, dị ẹ zị oze ini okuha Iwiro ka ẹnị è zwe na para hu. 8Avaba ẹkụra ene hi ọkara Imowabi ệ wụ́ aza ẹnẹẹ mèe nowu. Anegirayimi ọnịrị Anibiya-Erimi ệ hyakụ wụ́ wa owu. 9Anya vị ene vee sì avaba orosi ene hi Idimoni. Ohomorihi kà ọnị vaa sịị sị ụyaa rị waa hu avọọ. Ọ kà ọnị vaa tụ́ idu ka ọ na wụ̀ avaba Animowabi ana vọ hị́ ịnị ẹkụra ọnịrị ẹnị enee zwe.
Ebira First Bible © Bible Society of Nigeria, 2014.