Ihoseya 11
11
Ohomorihi o sì ịrẹyị aza anị Anisirẹrị
1 #
Kụra 4.22; Imt 2.15 Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị. 2Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị. 3Ẹnẹyịmavara kà a ọnị ọ sị ụvọ gẹ Isirẹrị kwẹẹtẹ, dị ọnị zụ ọ eyi ụsẹ nị. Ama Anisirẹrị nịnị ẹ yị dọ ka ọnị ọ mẹ̀ wa ụkụ nị. 4Ọnị ọ sị ayamva ọnịrị oyisì anị tura wa pe ẹngụ anị, dị ọ za wa kú ayị anka ozi anyavava avọọ nị. Ọnị o nyima na yị wa ịsa. 5Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ 6Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị. 7Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị. 8#Ọda 29.23Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ. 9Ọnị ẹ yị vaa sị ọyịkụ sị ụya rị wa. Ọnị ẹ yị kụkụ vee vu wa ẹtẹ. Ẹnẹyịmavara kà ọnị Ohomorihi ẹ yị vị ọzarẹyịrẹsụ. Ọnị ya ịnị akakana ẹnịnị. Ọnị ẹ yị vaa ne tu wa ịnị ọyịkụ. 10Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ. 11Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi. 12Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.
Currently Selected:
Ihoseya 11: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ihoseya 11
11
Ohomorihi o sì ịrẹyị aza anị Anisirẹrị
1 #
Kụra 4.22; Imt 2.15 Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị. 2Ụpẹ ịrịka ọnị ọnị ọ́ọ hị́ ọ, dị ọ mẹ akamawụ hụ avọọ. Dị aa mẹ̀ ịsọvọ yị ọnyọọnọkụmị ori ana a hị́ Ịbaarị, dị aa rị eturare ịra gụ wa nị. 3Ẹnẹyịmavara kà a ọnị ọ sị ụvọ gẹ Isirẹrị kwẹẹtẹ, dị ọnị zụ ọ eyi ụsẹ nị. Ama Anisirẹrị nịnị ẹ yị dọ ka ọnị ọ mẹ̀ wa ụkụ nị. 4Ọnị ọ sị ayamva ọnịrị oyisì anị tura wa pe ẹngụ anị, dị ọ za wa kú ayị anka ozi anyavava avọọ nị. Ọnị o nyima na yị wa ịsa. 5Ka ẹnịnị ê yi ka ẹnị ẹ yị ka Ẹnẹyịmavara na, ẹ vaa varẹma na Ijipiti, Anasiriya nịnị vaa mẹ ịjọva tụra wa ịrẹsụ 6Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị. 7Ẹnẹyịmavara kà aza ẹ̀ raà tenyi ẹngụ ka ẹnị a va ịrẹma anị na hẹkẹ ori. Ẹnịnị aa hị́ ọnị ene hu kere-kere ama ẹnịnị ẹ yị sị ụbanyị yị ọnị. 8#Ọda 29.23Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ. 9Ọnị ẹ yị vaa sị ọyịkụ sị ụya rị wa. Ọnị ẹ yị kụkụ vee vu wa ẹtẹ. Ẹnẹyịmavara kà ọnị Ohomorihi ẹ yị vị ọzarẹyịrẹsụ. Ọnị ya ịnị akakana ẹnịnị. Ọnị ẹ yị vaa ne tu wa ịnị ọyịkụ. 10Ẹnẹyịmavara kà a aza anị vaa saasa ọnị ịjị ọnị òo na owu anka idu avọọ hi ọnịvị ẹnịnị. Eyiha-eyiha ẹnịnị vaa sị zwe hụrẹ eyi ịzị ọyịị̄ zịị na ngụ ẹtẹ. 11Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi. 12Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.