Ịhagayị 1
1
Ẹnẹyịmavara kà aza anị e tenyi irehi anị da
1 #
Ẹzị 4.24—5.2; 6.14 Â nyị ọnọrụ ọnya aanị, ọnị ịrẹha anị rị Ịhagayị. Ọnịsẹ Ohomorihi ọ vị nị. Ịnị ẹkụhị ịpaapa ini ụhwẹ ịhịnọnyị ịrayị ọhụva ọnị Ịdarịyọsị sị rị ohinọyị, Ẹnẹyịmavara sị tu ọ ụtụ nị. Ẹnẹyịmavara ộ tu ọ hi Izerubabẹrị ana vi Ịgọvọnọ ẹtẹ Ijuda, ọnịrị Ijosuwa ana vi ohirẹsụ irehi Ohomorihi. Izerubabẹrị vi ozi Isiritiyẹrị, di Ijosuwa ọnị vi ozi Ijehozadaki nị. 2Dị Ẹnẹyịmavara Ochẹtẹngụ kà, aza ẹnịnị kà ụmẹ o yi tu ka a varẹma tenyi irehi anị da. 3Agụvị avọọ Ẹnẹyịmavara va tu Ihagayị hi wa ka ọ̀ họ̀ wa use ka, 4ụmẹ wéé si tu ka ẹ ra ini irehi ẹnịnị ẹnẹ ẹ dà nyomi-nyomi, ama dị irehi anị ọnị ọ jị eburu tịtẹ nị? 5Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị. 6Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị. 7Ẹnẹyịmavara Ochẹtẹẹngụ kà ẹnịnị e ro ịrẹyị ebira ọnị ẹ yaa mẹ aanị. 8Ọ kà ẹnịnị ẹ hịrẹ nọ ịrẹsụ ataba, dị ẹ na ha ọchị ẹnẹ vaa sị dà irehi anị. Ọ kà ọsọnị ọ vaa sị ayị anị hine, dị aza aa hẹkẹ ọnị ịzọọ a mẹ vọrọ. 9Ọ kà ẹnịnị ê tụra eyi ka ịsa ọyịna ẹnịnị vaa rụrụ ama chee kẹnẹ ê re nị. Ẹnẹyịmavara kà ịsa ọnị ẹ̀ẹ kụ vẹ ịnị eehi vị ọnị ọnị tụ́ ọ ahị va ha. Sị ẹ vẹ? Agụvị ka irehi anị vị ana jị eburu tịtẹ, ama dị ọzọza para a huu ne tenyi irehi ẹnịnị kẹnẹ nị. 10Agụvị avọọ ệ yị nyị orihi, dị ịsa ịnị aarẹ ọ̀ va mẹ̀ nị. 11Ohomorihi ộ mẹ̀ ọda ka ọyọjị ọ̀ wara avaba ịsa ene hi inozi ọnịrị ịrẹsụ ataba, dị ộ zàmà ịsa ịnị aarẹ ọnịrị ụbazị ịvayịnị anaā sịị mẹ̀ eche ọwọọwa ne beri ọchị orivi anaā sịị mẹ angwẹ. Dị ụngwẹ kụ avaba aza ọnịrị uye, di ô du avaba ịsa ẹnị ẹ rị ụya tụra ịrẹsụ ha. 12Ịjọnọọ Izerubabẹrị ana vi ozi Isiritiyẹrị ọnịrị Ijosuwa ozi Ijehozadaki ana vị ohirẹsụ ọbanyị irehi Ohomorihi ne beri avaba aza ana hụrị Ịbabịrọnị vẹ eehi wụ́ chire Ẹnẹyịmavara Ohomorihi ẹnịnị nị. Dị ẹ mẹ̀ ịsa ọnị Ịhagayị ọnịsẹ ka agụvị ka ẹnịnị e hí angwa Ẹnẹyịmavara ana tụ ụtụ ọnọọ hi wa. 13Ụmẹ ọnọọ, Ịhagayị ộ kà ụtụ Ẹnẹyịmavara yị wa. Ọ kà Ẹnẹyịmavara kà a ọnị vaa ya pe wa. 14Agụvị avọọ Ẹnẹyịmavara vaa kụ ọ hi ọzọza ayị ka e tenyi irehi anị nị. Dị Izerubabẹrị ana vi Ịgọvọnọ ẹtẹ Ijuda, ọnịrị Ijosuwa, ohirẹsụ ọbanyị irehi Ohomorihi ne beri avaba aza ana vẹ eehi nyima ụkọrọ ini irehi Ẹnẹyịmavara Ochẹtẹẹngụ ana vi Ohomorihi ẹnịnị nị. 15Ẹnịnị ẹ nyima ụkọrọ ọnọọ ini ẹkụhị ohurẹẹna ịnị ụhwẹ ịhịnọnyị ịnị ịrayị ọhụva ọnị Ịdarịyọsị rị ohinọyị.
Currently Selected:
Ịhagayị 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịhagayị 1
1
Ẹnẹyịmavara kà aza anị e tenyi irehi anị da
1 #
Ẹzị 4.24—5.2; 6.14 Â nyị ọnọrụ ọnya aanị, ọnị ịrẹha anị rị Ịhagayị. Ọnịsẹ Ohomorihi ọ vị nị. Ịnị ẹkụhị ịpaapa ini ụhwẹ ịhịnọnyị ịrayị ọhụva ọnị Ịdarịyọsị sị rị ohinọyị, Ẹnẹyịmavara sị tu ọ ụtụ nị. Ẹnẹyịmavara ộ tu ọ hi Izerubabẹrị ana vi Ịgọvọnọ ẹtẹ Ijuda, ọnịrị Ijosuwa ana vi ohirẹsụ irehi Ohomorihi. Izerubabẹrị vi ozi Isiritiyẹrị, di Ijosuwa ọnị vi ozi Ijehozadaki nị. 2Dị Ẹnẹyịmavara Ochẹtẹngụ kà, aza ẹnịnị kà ụmẹ o yi tu ka a varẹma tenyi irehi anị da. 3Agụvị avọọ Ẹnẹyịmavara va tu Ihagayị hi wa ka ọ̀ họ̀ wa use ka, 4ụmẹ wéé si tu ka ẹ ra ini irehi ẹnịnị ẹnẹ ẹ dà nyomi-nyomi, ama dị irehi anị ọnị ọ jị eburu tịtẹ nị? 5Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị. 6Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị. 7Ẹnẹyịmavara Ochẹtẹẹngụ kà ẹnịnị e ro ịrẹyị ebira ọnị ẹ yaa mẹ aanị. 8Ọ kà ẹnịnị ẹ hịrẹ nọ ịrẹsụ ataba, dị ẹ na ha ọchị ẹnẹ vaa sị dà irehi anị. Ọ kà ọsọnị ọ vaa sị ayị anị hine, dị aza aa hẹkẹ ọnị ịzọọ a mẹ vọrọ. 9Ọ kà ẹnịnị ê tụra eyi ka ịsa ọyịna ẹnịnị vaa rụrụ ama chee kẹnẹ ê re nị. Ẹnẹyịmavara kà ịsa ọnị ẹ̀ẹ kụ vẹ ịnị eehi vị ọnị ọnị tụ́ ọ ahị va ha. Sị ẹ vẹ? Agụvị ka irehi anị vị ana jị eburu tịtẹ, ama dị ọzọza para a huu ne tenyi irehi ẹnịnị kẹnẹ nị. 10Agụvị avọọ ệ yị nyị orihi, dị ịsa ịnị aarẹ ọ̀ va mẹ̀ nị. 11Ohomorihi ộ mẹ̀ ọda ka ọyọjị ọ̀ wara avaba ịsa ene hi inozi ọnịrị ịrẹsụ ataba, dị ộ zàmà ịsa ịnị aarẹ ọnịrị ụbazị ịvayịnị anaā sịị mẹ̀ eche ọwọọwa ne beri ọchị orivi anaā sịị mẹ angwẹ. Dị ụngwẹ kụ avaba aza ọnịrị uye, di ô du avaba ịsa ẹnị ẹ rị ụya tụra ịrẹsụ ha. 12Ịjọnọọ Izerubabẹrị ana vi ozi Isiritiyẹrị ọnịrị Ijosuwa ozi Ijehozadaki ana vị ohirẹsụ ọbanyị irehi Ohomorihi ne beri avaba aza ana hụrị Ịbabịrọnị vẹ eehi wụ́ chire Ẹnẹyịmavara Ohomorihi ẹnịnị nị. Dị ẹ mẹ̀ ịsa ọnị Ịhagayị ọnịsẹ ka agụvị ka ẹnịnị e hí angwa Ẹnẹyịmavara ana tụ ụtụ ọnọọ hi wa. 13Ụmẹ ọnọọ, Ịhagayị ộ kà ụtụ Ẹnẹyịmavara yị wa. Ọ kà Ẹnẹyịmavara kà a ọnị vaa ya pe wa. 14Agụvị avọọ Ẹnẹyịmavara vaa kụ ọ hi ọzọza ayị ka e tenyi irehi anị nị. Dị Izerubabẹrị ana vi Ịgọvọnọ ẹtẹ Ijuda, ọnịrị Ijosuwa, ohirẹsụ ọbanyị irehi Ohomorihi ne beri avaba aza ana vẹ eehi nyima ụkọrọ ini irehi Ẹnẹyịmavara Ochẹtẹẹngụ ana vi Ohomorihi ẹnịnị nị. 15Ẹnịnị ẹ nyima ụkọrọ ọnọọ ini ẹkụhị ohurẹẹna ịnị ụhwẹ ịhịnọnyị ịnị ịrayị ọhụva ọnị Ịdarịyọsị rị ohinọyị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.