Anigaratiya 4
4
1Jẹẹ ma rẹ kà a zị oze ọsa: Sị ịrẹyị ozi oweyi zama a re! Ozi ana vaa kụ́ ogu ada anị vị ana sị mẹẹ ọrịhị avọọ ịjị ọ vị ozweyi, ama ọnị ọyị nyị avaba ịsa nị. 2Ịjị ọ vị ozweyi, áa nyị aza ana sị eyi pee, dị ọ rẹ sị ụvọ za ụkọrọ anịị yọ pooro dị ò tù ụmẹ ana ada anị kà. 3Avọọ gẹdẹ-gẹdẹ ọ mẹ̀ rẹ yà yị ẹyị nị. Ịjị ị vị ozweyi (ọnị ọ vị ka yẹẹ̀ yị yẹ enube ọyịza), ịnị ụvọ ọda oze ẹhẹ ọnọnị ị yà nị. 4Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị, 5#Iro 8.15-17agụvị dị ọ̀ nyẹngụ hị́ aza ana yà ịnị ụvọ ọda ọnọọ varẹma, agụvị dị ya zụ vị ezi Ohomorihi. 6Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị! 7Agụvị avọọ wẹ yị kụkụ vị ọrịhị nịnị, ezi ụ vị nịnị nị. Ohomorihi mẹ̀ sị wụ nịnị vara ezi aanị, ụ rẹ vaa dọ ẹyịza oni Ohomorihi sị tịtẹ wụ nịnị.
Ayị Ịpọọrụ ọ sị vazi agụvị Anigaratiya
8Ịjị ụ wẹ̀ẹẹ̀ yị yẹ Ohomorihi nịnị, wâ vị ọrịhị tụ́ ịnị ụvọ ori nịnị ẹnẹ ẹ̀ yị vị Ohomorihi. 9Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ? 10Wàa yịị sị ẹkụhị ẹnyị beri ụhwẹ ẹnyị ọnịrị ịrayị ẹnyị beri ụmẹ ẹnyịị tụ́ irenyi nịnị. 11Angwa awụ nịnị ee hí mi. Avaba ụkọrọ ọnị maa mẹ̀ agụvị awụ nịnị, ọọhẹ ộ vana vị nị? 12Aarịhịnị nịnị, anda ayị, sị ebira amị nịnị, agụvị ka ụ mẹ yà nịnị avọọ ẹmị mẹ̀ rẹ yà nị. Ẹ yị nyị ịsa odivi ọnị ụ mẹ mị nịnị. 13Wâ yẹ nịnị ka ẹngụ ana zị mị, ọ mẹ ka ma yà ịdị awụ nịnị, dị ma kà enube ọyịza wụ nịnị ịpaapa nị. 14Ẹngụ ana zị mị ọ̀ọ daka kata wụ nịnị ẹngụ, we yi yi mi nịnị, wẹ yị rẹ kụ́ mị hi ịyẹyẹ nịnị. Wâ sị avaba ayị dọ mị nịnị anka anggẹẹrị Ohomorihi avọọ. Wâ dọ mị, a àa na ngụ ka Ijeesu Ikirisiti ụvọtaa yọ nị. 15Ịjọnọọ ịnẹ awụ nịnị ô hine ẹtẹẹtẹrẹ agụvị amị, sị ẹ vavẹ booro aanị? Máa dọ ivenu tụ́ ọ ka ọ̀ọ rụra mẹ, ụ yaanị sị eyi awụ nịnị tụ̀ yị mị. 16M máá kụkụ sị vara ọnịvị awụ nịnị agụvị ka maa kà ịzẹyịzaa wụ nịnị nị? 17Avaba aza ene ee sì ka ẹnị ẹ̀ và wụ nịnị eyi avọọ, ariro ẹnịnị e yi zoza. Eyee sì ka ẹmịrị ẹwụ nịnị ọ̀ há hi, dị ụ wa kụkụụ dụ ẹnịị zị. 18Áa vọrọ ka aza ẹ̀ẹ dụ ẹngụụ zị, ịsị ẹyaa sịị dụ ẹngụ zị òo zoza. Màa yà ịdị awụ nịnị, mẹ̀ yị yà ịdị awụ nịnị, áa vọrọ ka wa vavọọ mẹ nịnị pooro. 19Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị. 20À kaka ma nyẹngụ yà ịdị awụ nịnị booro aanị, dị ma yẹ a mẹ̀ vọrọ ka ma kà ịrẹyị wụ nịnị. Ịrẹyị awụ nịnị ee hi mi eyi.
Si ese Abụrahamị ẹyịva jẹẹ yị?
21Ẹwụ nịnị ene ee sì ka ọda ọ̀ọ zụ̀ wụ nịnị oze, aanị ka wẹ́ yị wụ́ ịsị ọda kà nịnị? 22#Oyn 16.15; Oyn 21.2Â chẹrẹ ẹ tụ́ ini Iwe Ohomorihi ka: Abụrahamị ọ́ ma ezi ọnọrụ ẹẹva. Ọnyị ọnya vị ọrịhị, ọnyị ọsa ọnị vị ozi. 23Ọnị ọnyị anị vị ọrịhị aanị vị ana á ma, anka ọzọza mẹ̀ẹ̄ ma ozi. Ama ọnị ọnyị anị vị ozi aanị vị ana á ma, agụvị ka Ohomorihi ọ raà kà a ka ẹ yị zụ nyị ka ọnị ọ yị vaa sị yị Abụrahamị. 24Avaba ẹsẹnị vị ene e si che ụhịrẹyị. Anẹẹ ẹyịva ẹnẹẹ vị ana jẹẹ yị oto ẹẹva oni Ohomorihi wo. Ihaga ana vị ọrịhị vị ana jẹẹ yị oto oni Ohomorihi wo ịrẹsụ ataba ana aā hị́ Ịsịnayị. Yẹ ka ezi ọrịhị ọnọọ vị ana a ma tụ́ ịnị ọrịhị. 25Ihaga vị ana jẹẹ yị ataba Ịsịnayị ana yà ẹtẹ Arebiya. Avọọ ọ mẹ̀ rẹ jẹẹ yị Ijerusarẹmị ịnị ụmẹ ọnọnị nị, agụvị ka a rẹ sị Ijerusarẹmị za ọrịhị beri aza anị. 26Ama ọnẹẹ ọsa vị ana jẹẹ yị ẹkụra Ijerusarẹmị ẹ́bẹẹba, ẹ yị nyị ịsị ọ vị ọrịhị anị: ọnị ọ vị ọnyị ayị nị 27#Ayị 54.1Â chẹrẹ tụ́ ini Iwe Ohomorihi ka: Ẹwụ ọbọrị ẹnẹ ẹ̀ yị ma ozi, waa jẹ! Ẹwụ ọnị ịrẹẹ ọọ̀ yị zị da, wee nowu ịrajẹ ẹtẹẹtẹrẹ, agụvị ka ọnẹẹ ana vị ọnịnya vaa nyị ozii huna ọnẹẹ ana nyị ọnọrụ. 28Àa vị ẹwụ nịnị yọ, anda ayị nịnị, ini oze oto oni Ohomorihi wo, ụ sị vị ezi Ohomorihi nịnị nị, Ayiziiki ọnị mẹ̀ rẹ yà. 29#Oyn 21.9Ụmẹ ọnọọ ozi oni Ihaga ma, anka ọzọza mẹ̀ẹ̄ ma ozi, aa sị ụyaa rị ozi ana a ma anka Ụhwẹ Ọnịnị mẹ̀ vịdị kà a. Avọọ ọ mẹ̀ rẹ yị yà booro aanị nị. 30#Oyn 21.10Ama sí Iwe Ohomorihi vịdị kà? Iwe Ohomorihi ka: Dụ ọrịhị ọnọọ ọnịrị ozi anị jịnẹ, agụvị ka, ozi ọrịhị ọnịrị ozi obooro e yi vee duduu gà ogu ada ẹnịnị. 31Agụvị avọọ, anda ayị nịnị, yẹ yị vị ozi ọrịhị, ọnyị ayị vị ozi obooro.
Currently Selected:
Anigaratiya 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Anigaratiya 4
4
1Jẹẹ ma rẹ kà a zị oze ọsa: Sị ịrẹyị ozi oweyi zama a re! Ozi ana vaa kụ́ ogu ada anị vị ana sị mẹẹ ọrịhị avọọ ịjị ọ vị ozweyi, ama ọnị ọyị nyị avaba ịsa nị. 2Ịjị ọ vị ozweyi, áa nyị aza ana sị eyi pee, dị ọ rẹ sị ụvọ za ụkọrọ anịị yọ pooro dị ò tù ụmẹ ana ada anị kà. 3Avọọ gẹdẹ-gẹdẹ ọ mẹ̀ rẹ yà yị ẹyị nị. Ịjị ị vị ozweyi (ọnị ọ vị ka yẹẹ̀ yị yẹ enube ọyịza), ịnị ụvọ ọda oze ẹhẹ ọnọnị ị yà nị. 4Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị, 5#Iro 8.15-17agụvị dị ọ̀ nyẹngụ hị́ aza ana yà ịnị ụvọ ọda ọnọọ varẹma, agụvị dị ya zụ vị ezi Ohomorihi. 6Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị! 7Agụvị avọọ wẹ yị kụkụ vị ọrịhị nịnị, ezi ụ vị nịnị nị. Ohomorihi mẹ̀ sị wụ nịnị vara ezi aanị, ụ rẹ vaa dọ ẹyịza oni Ohomorihi sị tịtẹ wụ nịnị.
Ayị Ịpọọrụ ọ sị vazi agụvị Anigaratiya
8Ịjị ụ wẹ̀ẹẹ̀ yị yẹ Ohomorihi nịnị, wâ vị ọrịhị tụ́ ịnị ụvọ ori nịnị ẹnẹ ẹ̀ yị vị Ohomorihi. 9Ama ụ mẹ̀ va sị Ohomorihi yẹ nịnị aanị, à vị ka Ohomorihi mẹ̀ sị wụ nịnị yẹ aanị, sị ẹ vẹ dị ụ kụkụ varẹma nọ ịnị ọda ini oze ẹhẹ ọnọnị ẹnẹ ẹ̀ yị nyị ụkata, dị ẹ̀ yị nyị ịsa ẹ nyị? Di u ree sì ka wa vị ọrịhị ẹnịnị bẹẹ? 10Wàa yịị sị ẹkụhị ẹnyị beri ụhwẹ ẹnyị ọnịrị ịrayị ẹnyị beri ụmẹ ẹnyịị tụ́ irenyi nịnị. 11Angwa awụ nịnị ee hí mi. Avaba ụkọrọ ọnị maa mẹ̀ agụvị awụ nịnị, ọọhẹ ộ vana vị nị? 12Aarịhịnị nịnị, anda ayị, sị ebira amị nịnị, agụvị ka ụ mẹ yà nịnị avọọ ẹmị mẹ̀ rẹ yà nị. Ẹ yị nyị ịsa odivi ọnị ụ mẹ mị nịnị. 13Wâ yẹ nịnị ka ẹngụ ana zị mị, ọ mẹ ka ma yà ịdị awụ nịnị, dị ma kà enube ọyịza wụ nịnị ịpaapa nị. 14Ẹngụ ana zị mị ọ̀ọ daka kata wụ nịnị ẹngụ, we yi yi mi nịnị, wẹ yị rẹ kụ́ mị hi ịyẹyẹ nịnị. Wâ sị avaba ayị dọ mị nịnị anka anggẹẹrị Ohomorihi avọọ. Wâ dọ mị, a àa na ngụ ka Ijeesu Ikirisiti ụvọtaa yọ nị. 15Ịjọnọọ ịnẹ awụ nịnị ô hine ẹtẹẹtẹrẹ agụvị amị, sị ẹ vavẹ booro aanị? Máa dọ ivenu tụ́ ọ ka ọ̀ọ rụra mẹ, ụ yaanị sị eyi awụ nịnị tụ̀ yị mị. 16M máá kụkụ sị vara ọnịvị awụ nịnị agụvị ka maa kà ịzẹyịzaa wụ nịnị nị? 17Avaba aza ene ee sì ka ẹnị ẹ̀ và wụ nịnị eyi avọọ, ariro ẹnịnị e yi zoza. Eyee sì ka ẹmịrị ẹwụ nịnị ọ̀ há hi, dị ụ wa kụkụụ dụ ẹnịị zị. 18Áa vọrọ ka aza ẹ̀ẹ dụ ẹngụụ zị, ịsị ẹyaa sịị dụ ẹngụ zị òo zoza. Màa yà ịdị awụ nịnị, mẹ̀ yị yà ịdị awụ nịnị, áa vọrọ ka wa vavọọ mẹ nịnị pooro. 19Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị. 20À kaka ma nyẹngụ yà ịdị awụ nịnị booro aanị, dị ma yẹ a mẹ̀ vọrọ ka ma kà ịrẹyị wụ nịnị. Ịrẹyị awụ nịnị ee hi mi eyi.
Si ese Abụrahamị ẹyịva jẹẹ yị?
21Ẹwụ nịnị ene ee sì ka ọda ọ̀ọ zụ̀ wụ nịnị oze, aanị ka wẹ́ yị wụ́ ịsị ọda kà nịnị? 22#Oyn 16.15; Oyn 21.2Â chẹrẹ ẹ tụ́ ini Iwe Ohomorihi ka: Abụrahamị ọ́ ma ezi ọnọrụ ẹẹva. Ọnyị ọnya vị ọrịhị, ọnyị ọsa ọnị vị ozi. 23Ọnị ọnyị anị vị ọrịhị aanị vị ana á ma, anka ọzọza mẹ̀ẹ̄ ma ozi. Ama ọnị ọnyị anị vị ozi aanị vị ana á ma, agụvị ka Ohomorihi ọ raà kà a ka ẹ yị zụ nyị ka ọnị ọ yị vaa sị yị Abụrahamị. 24Avaba ẹsẹnị vị ene e si che ụhịrẹyị. Anẹẹ ẹyịva ẹnẹẹ vị ana jẹẹ yị oto ẹẹva oni Ohomorihi wo. Ihaga ana vị ọrịhị vị ana jẹẹ yị oto oni Ohomorihi wo ịrẹsụ ataba ana aā hị́ Ịsịnayị. Yẹ ka ezi ọrịhị ọnọọ vị ana a ma tụ́ ịnị ọrịhị. 25Ihaga vị ana jẹẹ yị ataba Ịsịnayị ana yà ẹtẹ Arebiya. Avọọ ọ mẹ̀ rẹ jẹẹ yị Ijerusarẹmị ịnị ụmẹ ọnọnị nị, agụvị ka a rẹ sị Ijerusarẹmị za ọrịhị beri aza anị. 26Ama ọnẹẹ ọsa vị ana jẹẹ yị ẹkụra Ijerusarẹmị ẹ́bẹẹba, ẹ yị nyị ịsị ọ vị ọrịhị anị: ọnị ọ vị ọnyị ayị nị 27#Ayị 54.1Â chẹrẹ tụ́ ini Iwe Ohomorihi ka: Ẹwụ ọbọrị ẹnẹ ẹ̀ yị ma ozi, waa jẹ! Ẹwụ ọnị ịrẹẹ ọọ̀ yị zị da, wee nowu ịrajẹ ẹtẹẹtẹrẹ, agụvị ka ọnẹẹ ana vị ọnịnya vaa nyị ozii huna ọnẹẹ ana nyị ọnọrụ. 28Àa vị ẹwụ nịnị yọ, anda ayị nịnị, ini oze oto oni Ohomorihi wo, ụ sị vị ezi Ohomorihi nịnị nị, Ayiziiki ọnị mẹ̀ rẹ yà. 29#Oyn 21.9Ụmẹ ọnọọ ozi oni Ihaga ma, anka ọzọza mẹ̀ẹ̄ ma ozi, aa sị ụyaa rị ozi ana a ma anka Ụhwẹ Ọnịnị mẹ̀ vịdị kà a. Avọọ ọ mẹ̀ rẹ yị yà booro aanị nị. 30#Oyn 21.10Ama sí Iwe Ohomorihi vịdị kà? Iwe Ohomorihi ka: Dụ ọrịhị ọnọọ ọnịrị ozi anị jịnẹ, agụvị ka, ozi ọrịhị ọnịrị ozi obooro e yi vee duduu gà ogu ada ẹnịnị. 31Agụvị avọọ, anda ayị nịnị, yẹ yị vị ozi ọrịhị, ọnyị ayị vị ozi obooro.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.