Anigaratiya 2
2
Odeyi Ijeesu nịnị ana vọ ẹ́ẹ dọ Ịpọọrụ
1 #
Ụkọ 11.30; 15.2 Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị. 2Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ. 3Ama ọza ọ yị sị ụkata za Ịtayịtọsị ana hyakụ vị Anigiriki ka ọ̀ jị ụvẹvẹnẹ. 4Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju). 5Yẹ yị sị oze yị wa vụrụ-vụrụ, agụvị dị ụ wa nyẹngụ sị ụvọ za enube ọyịza ana vị ịzẹyịza anka ọ mẹ̀ yị yà. 6#Ọda 10.17Àa vị aza ana a ka ẹ́ẹ vị ọdọvịdịị yọ, ẹ yị nyị ịsa ọwọọwa ẹnẹ ẹ kà mị. Àa vị ẹmịị yọ, ẹ yị nyị ịzị ịrẹyị ọdọvịdị ẹnẹẹ gẹ mị agụvị ka avaba ọza vị ẹbẹẹbẹ ini eyi Ohomorihi. 7Ama ọdọvịdị ẹnẹẹ e si oo re ka Ohomorihi ọ́ọ sị enube ọyịza chire mi ụvọ ka maa kà a yị aza ẹnẹ ẹ̀ yị mā jị ụvẹvẹnẹ, anka ọ mẹ̀ rẹ sị yị Ipita ka ọ́ọ kà enube ọyịza yị aza anaā jị ụvẹvẹnẹ. 8Ẹ́ẹ yẹ ka Ohomorihi ọ́ọ sị ụkata yị Ipita ka ọ̀ vị odeyi anị yị Aniju. Avọọ gẹdẹ-gẹdẹ Óhomorihii ọnị mẹ̀ rẹ sị ụkata mị ka ma vị odeyi anị yị aza ẹnẹ ẹ̀ yị vị Aniju nị. 9Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị. 10Ệ dá ịpẹ yị kẹnẹ ka ya tamayị onosiye nịnị. Ịsị emi reē sì ka ma mẹ gẹdẹ-gẹdẹ ọ vị ọnọọ nị.
Ịpọọrụ ộ tụ́ Ipita ohuvọ
11Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza. 12Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ. 13Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ. 14Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”
Ẹdọwụ kẹnẹ ọọ dọ ọza ha nị
15Ịzẹyịza, Aniju obooro ị vị nị, yẹ yị vị anarịmadọwụ nịnị anaā mẹ ịvịị hi Ohomorihi. 16#Ahẹ 143.2; Iro 3.20; Iro 3.22Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị. 17À kà a ka yee zí ka Ohomorihi vaa jị ịhị yị, agụvị ka ẹyịrị Ikirisiti vị ọnya, ama dị Ohomorihi yị za yị ịrịka tụ́ ịnị ọnịvị (agụvị ka yẹ yị saasa ọda). Ohomorihi ọ̀ọ vavọọ mẹ, ọnị ọ vị ka vị Ikirisiti raà sị yị nyeeyi avọọ nị. Enyisi ọ vị nị, Ikirisiti ọ mā vavọọ mẹ. 18Ịsị mị rẹ vịdị sị gara, màa raa kụ́ ọọ gụ, ọnọọ vị ka m maa jịnẹ ọda avọọ nị. 19Àa vị ẹmịị yọ, ini oze ọda mị yà yẹ ka mê wusu yị ọda, Mẹ yị kụkụ sị ayị tụra ọda ẹnẹẹ, agụvị dị ma zụ yàra yị Ohomorihi. Ẹmịrị Ikirisiti a kanyị za ọchị apavahị, di i sú nị. 20Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị. 21Me yi vee yi ayamva Ohomorihi tịtẹ. Àa vị agụvị ka ọza ọ́ọ saasa ọda, Óhomorihi aa sịị jị ịhị yị ọza nị, ọnị ọ vị ka isu Ikirisiti vị osusu samị-samị.
Currently Selected:
Anigaratiya 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Anigaratiya 2
2
Odeyi Ijeesu nịnị ana vọ ẹ́ẹ dọ Ịpọọrụ
1 #
Ụkọ 11.30; 15.2 Ịrẹma ịrayị ẹwụrẹna para hu, ẹmịrị Ịbanabasị ọ́ọ varẹma nọ Ijerusarẹmị, dị mị rẹ sị Ịtayịtọsị za nị. 2Máa na, agụvị ka Ohomorihi ọ́ọ sị zụ̀ mị ka ma nọ ịzọọ. Ẹ́mịrị ọdọvịdị nịnị kẹnẹ mẹ̀ nyị eyọgẹ, dị mị kà avaba anị yị wa enube ọyịza ọnị maa kà a yị anarịmadọwụ nịnị nị. Me yi sì ka ụkọrọ ọnị mị vịdị mẹ ọnịrị ọnị maa mẹ̀ aanị ò vị osusu kẹnẹ. 3Ama ọza ọ yị sị ụkata za Ịtayịtọsị ana hyakụ vị Anigiriki ka ọ̀ jị ụvẹvẹnẹ. 4Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju). 5Yẹ yị sị oze yị wa vụrụ-vụrụ, agụvị dị ụ wa nyẹngụ sị ụvọ za enube ọyịza ana vị ịzẹyịza anka ọ mẹ̀ yị yà. 6#Ọda 10.17Àa vị aza ana a ka ẹ́ẹ vị ọdọvịdịị yọ, ẹ yị nyị ịsa ọwọọwa ẹnẹ ẹ kà mị. Àa vị ẹmịị yọ, ẹ yị nyị ịzị ịrẹyị ọdọvịdị ẹnẹẹ gẹ mị agụvị ka avaba ọza vị ẹbẹẹbẹ ini eyi Ohomorihi. 7Ama ọdọvịdị ẹnẹẹ e si oo re ka Ohomorihi ọ́ọ sị enube ọyịza chire mi ụvọ ka maa kà a yị aza ẹnẹ ẹ̀ yị mā jị ụvẹvẹnẹ, anka ọ mẹ̀ rẹ sị yị Ipita ka ọ́ọ kà enube ọyịza yị aza anaā jị ụvẹvẹnẹ. 8Ẹ́ẹ yẹ ka Ohomorihi ọ́ọ sị ụkata yị Ipita ka ọ̀ vị odeyi anị yị Aniju. Avọọ gẹdẹ-gẹdẹ Óhomorihii ọnị mẹ̀ rẹ sị ụkata mị ka ma vị odeyi anị yị aza ẹnẹ ẹ̀ yị vị Aniju nị. 9Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị. 10Ệ dá ịpẹ yị kẹnẹ ka ya tamayị onosiye nịnị. Ịsị emi reē sì ka ma mẹ gẹdẹ-gẹdẹ ọ vị ọnọọ nị.
Ịpọọrụ ộ tụ́ Ipita ohuvọ
11Ụmẹ ọnya, Ípita mẹ̀ vẹ Antịyọkị, mê beri ọọ zyaazị éyi avaba aza, agụvị ka ịsị ọ mẹ, o yi zoza. 12Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ. 13Ọdọwụ Aniju ana vọ tụ́ ịzọọ, ẹnị raa hama Ipitaa zị ụsẹ ogevegeve. Ịbanabasị bẹẹ vị ẹnẹẹ rẹ hyakụ tura tụ́ ịnị ụsẹ ogevegeve ọnọọ. 14Agụvị avọọ, m mè re ka ẹnịnị ẹ yị và tụra oze ịzẹyịza enube ọyịza, dị mị kà a yị Ipita éyi avaba ẹnịnị ka, “Ẹwụ vị Aniju, ama waa mẹ anka anarịmadọwụ avọọ, wẹ yị mẹ anka Aniju; sị ẹ vẹ dị waa sị ụkata za ọdọwụ ẹnẹ ẹ̀ yị vị Aniju aanị ka ẹ̀ẹ mẹ anka Aniju nịnị?”
Ẹdọwụ kẹnẹ ọọ dọ ọza ha nị
15Ịzẹyịza, Aniju obooro ị vị nị, yẹ yị vị anarịmadọwụ nịnị anaā mẹ ịvịị hi Ohomorihi. 16#Ahẹ 143.2; Iro 3.20; Iro 3.22Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị. 17À kà a ka yee zí ka Ohomorihi vaa jị ịhị yị, agụvị ka ẹyịrị Ikirisiti vị ọnya, ama dị Ohomorihi yị za yị ịrịka tụ́ ịnị ọnịvị (agụvị ka yẹ yị saasa ọda). Ohomorihi ọ̀ọ vavọọ mẹ, ọnị ọ vị ka vị Ikirisiti raà sị yị nyeeyi avọọ nị. Enyisi ọ vị nị, Ikirisiti ọ mā vavọọ mẹ. 18Ịsị mị rẹ vịdị sị gara, màa raa kụ́ ọọ gụ, ọnọọ vị ka m maa jịnẹ ọda avọọ nị. 19Àa vị ẹmịị yọ, ini oze ọda mị yà yẹ ka mê wusu yị ọda, Mẹ yị kụkụ sị ayị tụra ọda ẹnẹẹ, agụvị dị ma zụ yàra yị Ohomorihi. Ẹmịrị Ikirisiti a kanyị za ọchị apavahị, di i sú nị. 20Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị. 21Me yi vee yi ayamva Ohomorihi tịtẹ. Àa vị agụvị ka ọza ọ́ọ saasa ọda, Óhomorihi aa sịị jị ịhị yị ọza nị, ọnị ọ vị ka isu Ikirisiti vị osusu samị-samị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.