Ezikẹẹrị 41
41
Aha ọnịnị ene hu keekere
1Ezikẹẹrị ka ọnọrụ ọnọnị ộ rẹ sị ọnị va ngụ aku ana yà ịnị akakana, ịzọọ ọ vị aha ọnịnị ene hu keekere nị. Ộ mọ oze ana na ngụ ọ, dị ọ́ noze ẹ̀hụ ahụ ẹẹwụ avọọ nị. 2Ụgana anị vị ẹ̀hụ ahụ ẹwụrịhịnta, dị ugene anị eyi ẹnyị eyi ọsa gana eyi ẹ̀hụ ahụ ịhịmba rị ẹjịjị avọọ nị. Ộ mọ aku ọnọọ ụvọta, dị ụgọdọ anị vị ẹ̀hụ ahụ ẹbẹẹta tụra ẹẹhị dị ụgana anị vị ẹ̀hụ ahụ ohurẹẹwụ tụra ẹẹhị. 3Dị ọ́ ngụ ịnị aku ana ya ịnịnẹ keekere, dị ọ́ mọ oze ana va ngụ ọ nị, ô noze ẹ̀hụ ahụ ẹẹta avọọ, dị ụgana anị vị ẹ̀hụ ahụ ẹẹwụ nị. Ọvọ ana yà eyi ẹnyị, eyi ọsa oze ọnọnị ô noze rịrị ọ ẹ̀hụ ahụ ẹwụrẹva avọọ. 4Ộ mọ aku ọnọọ ụvọta, dị ọ vị ẹ̀hụ ahẹ ẹbẹẹta tụra ẹẹhị eyi ẹnyị, eyi ọsa nị. Aku ọnọnị ộ noze rịrị aku ịnị akakana ọnọnị chee. Ezikẹẹrị ka dị ọnọrụ ọnọnị ka aku ọnọnị ọ vị aha ana nị hu kere-kere ịnị irehi Ohomorihi nị. 5Ọnọrụ ọnọnị ộ rẹ mọ ụgana-eyi ọvọ ana a tụra tụ ịnịnẹ irehi Ohomorihi, dị ọ vị ẹ̀hụ ahụ ẹẹwụ nị. Â nyị aku eweyi-eweyi ana á dà vaka ugene irehi Ohomorihi ọnọnị okiri-okiri. Ụgana aku ẹnẹnị ikonyi-konya vị ẹ̀hụ ahụ ịhịmba avọọ. 6Irehi ọnọnị ikonyi-konya vị ọtụrọsarẹsụ ẹẹta. Ọtụrọsa ikonyi-konya ộ nyị aku ohurẹẹwụ. Ugene irehi Ohomorihi ana da hụrẹ ẹhẹ ịnị ọtụrọsa ikonyi ikonya ọ hẹrẹ ụvọ huni ana yà ụvẹtẹ anị nị, agụvị aku ọzọza e re aha va ẹngụ ya, dị à sị ẹ và ẹngụ ya ọvọ irehi Ohomorihi. 7Ọtụrọsa ẹnẹnị vị ana gana hu ẹngụ va hịrẹ agụvị ka ọvọ irehi Ohomorihi ana ya ụvẹtẹ ọ gana eyi hu ana ya ẹbẹẹba nị. Â mẹ oze ana aa zịị hịrẹ ọtụrọsa ẹnẹnị vaka ugene irehi Ohomorihi eyẹhẹ. Oze ọnọnị vị ana á mẹ jesi kara ọtụrọsa ọnọnị hụrị ụvẹtẹ na ngụ ẹbẹẹba. 8Ezikẹẹrị ka ọnị ô re ka â nyị ịzị aa hịrẹẹ jẹẹ ana a mẹ kara ẹtẹ ịnị irehi Ohomorihi, ọkẹtẹ irehi ana á dà vaka ugene irehi Ohomorihi aanị ộ gana eyi ẹ̀hụ ahụ ẹẹwụ avọọ. 9Ugene irehi ẹnẹnị ana yà ẹhẹ ệ gana eyi ẹhụ ahụ ịhịmba rị ẹjịjị avọọ. Ịpa ịzị aa hịrẹẹ jẹẹ aanị ana navọ tịtẹ kẹnẹ vị ẹ̀hụ ahụ ịhịmba. 10Â navọ ẹ̀hụ ẹtẹ ahụ ẹẹwụ avọọ tịtẹ ịnị akakana ịzị aa hịrẹẹ jẹẹ aanị ọnịrị irehi ohirẹsụ irehi Ohomorihi. Avọọ á mẹ mẹẹ jesi kara ẹtẹ. 11Oze ọnyara ọ ngụ ịnị irehi ana yà akaha irehi Ohomorihi eyi ẹbẹẹba nị, dị ọnya vavọọ rẹ ngụ ịnị ana yà eyi ụvẹtẹ nị. Ẹtẹ ana a navọ tịtẹ rịrị ịzị aa hịrẹẹ jẹẹ aanị ộ gana ẹ̀hụ ahụ ẹẹhị. 12Â nyị irehi ana á dà tụ ọnataha ẹtẹ ana a navọ tịtẹ eyi ụvọha irehi Ohomorihi. Irehi ộ gọdọ ẹ̀hụ ahụ ẹbẹẹva tụra ẹẹhị avọọ, dị ọ gana ẹ̀hụ ahụ ohurẹẹwụ tụra ẹẹhị nị. Ugene anị ộ gana eyi ẹ̀hụ ahụ ẹẹva rị ẹjịjị avọọ. 13Ọnọrụ ọnọnị ộ mọ ẹhẹẹhẹ irehi Ohomorihi, dị ụgọdọ anị vị ẹ̀hụ ahụ ẹvarẹwụ avọọ nị. Hụrị ịrẹma irehi Ohomorihi na ngụ akaha irehi ana á dà tụ eyi-ụvọha, àa raa para ẹtẹ ana a navọ tịtẹ hu, ọnị rẹ vị ẹ̀hụ ahụ ẹvarẹwụ. 14Ẹtẹ ana tịtẹ ọvịdị irehi Ohomorihi na ngụ ẹtẹ ana a navọ tịtẹ osusu eyi ẹnyị eyi ọsa vị ẹ̀hụ ahụ ẹvarẹwụ avọọ. 15Ộ mọ ụgọdọ irehi ana yà eyi ụvọha ọnịrị enoze anị eyi ẹyịva, dị ọnị rẹ vị ẹ̀hụ ahụ ẹvarẹwụ nị. 16Aku ana a zịị̄ ngụ ịnị Irehi Ohomorihi ọnọnị, aha ọnịnị ịnị anị ọnịrị aha ana nị hu kere-kere ịnị anị, vị ana á sị ọchị (ipako) ku, hụụnị eteesu na ngụ ịnị ozokete. A yaanị rẹ zụ sị ịsa ku ozokete ẹnẹnị. 17Avaba ugene ịnịnẹ irehi Ohomorihi vị ana a và ịsị ana á bẹ ku huu na ngụ akẹbẹẹba oze. 18Ọsọchị ọnịrị anggẹẹrị nị a vavọọ bẹ́ ụmọmọ ẹnị vaku ugene ẹnẹẹ nị. Â mẹ anggẹẹrị ẹẹva, dị aa ọsọchị ọnya jị wa ịnẹ nị. 19Anggẹẹrị ikonyi ikonya vị ana nyị eyirẹsụ ẹvẹẹva. Ệ nyị eyirẹsụ ọza, dị ẹ rẹ nyị eyirẹsụ ozi idu nị. Ộ và ọnya ka ọsọchị eyi ọnya, dị ọ́ và ọsa ka ọsọchị ana yị eyi ọsa nị. Avọọ á mẹ và wa hi ịnị avaba ugene irehi Ohomorihi jesi kara ẹngụ nị; 20hụụnị eteesu huu na ngụ akẹbẹẹba oze avọọ a mẹ và anggẹẹrị nịnị ọnịrị ọsọchị hi ịnị ugene nị. 21Ụnẹba ọnịrị ụgana oze ana aā zịị ngụ aha ọnịnị ịnị irehi Ohomorihi aanị vị ẹbẹẹbẹ. Dị a sị ọchị mẹ ụta jẹẹ ọvịdị aha ana nị hu kere-kere ịzọọ nị. 22Ụta ọnọnị ộ nẹba ẹ̀hụ ahụ ọnya rị ẹjịjị avọọ, dị ọ́ gana ẹ̀hụ ahụ ọnya avọọ nị. Ịzị o si hi ẹtẹ, ọgọgọ anị ẹyịna, ọnịrị akaha-akaha anị vị ana a sị ọchị mẹ Ezikẹẹrị ka ọnọrụ ọnọnị ộ kà a yị ọnị ka, ụta ọnọnị ọ vị itevuru ene e si hi ẹtẹ ọvịdị Ẹnẹyịmavara nị. 23Â nyị oze ana na ya ọnataha oze ana aa zị na ngụ aha ọnịnị, dị a rẹ nyị ọsa ana na ngụ aha ana nị hu kere-kere nị. 24Oze ẹnẹnị vị ana nyị ukere ẹvẹẹva ana aa na, ịnị akakana. 25Ọsọchị ọnịrị anggẹẹrị nịnị vị ana á và ụmọmọ anị hi ịnị ukere oze aha ọnịnị ọnọnị anka á mẹ rẹ́ và wa hi ịnị ugene gẹdẹ-gẹdẹ. Â sị ọchị jị ajẹngụ tụ enoze ana a zịị̄ ngụ eehi ịzọọ. 26Â nyị ozokete hi akaha-akaha aku ọnọnị, dị á và ọsọchị hi ini ugene anị nị.
Currently Selected:
Ezikẹẹrị 41: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ezikẹẹrị 41
41
Aha ọnịnị ene hu keekere
1Ezikẹẹrị ka ọnọrụ ọnọnị ộ rẹ sị ọnị va ngụ aku ana yà ịnị akakana, ịzọọ ọ vị aha ọnịnị ene hu keekere nị. Ộ mọ oze ana na ngụ ọ, dị ọ́ noze ẹ̀hụ ahụ ẹẹwụ avọọ nị. 2Ụgana anị vị ẹ̀hụ ahụ ẹwụrịhịnta, dị ugene anị eyi ẹnyị eyi ọsa gana eyi ẹ̀hụ ahụ ịhịmba rị ẹjịjị avọọ nị. Ộ mọ aku ọnọọ ụvọta, dị ụgọdọ anị vị ẹ̀hụ ahụ ẹbẹẹta tụra ẹẹhị dị ụgana anị vị ẹ̀hụ ahụ ohurẹẹwụ tụra ẹẹhị. 3Dị ọ́ ngụ ịnị aku ana ya ịnịnẹ keekere, dị ọ́ mọ oze ana va ngụ ọ nị, ô noze ẹ̀hụ ahụ ẹẹta avọọ, dị ụgana anị vị ẹ̀hụ ahụ ẹẹwụ nị. Ọvọ ana yà eyi ẹnyị, eyi ọsa oze ọnọnị ô noze rịrị ọ ẹ̀hụ ahụ ẹwụrẹva avọọ. 4Ộ mọ aku ọnọọ ụvọta, dị ọ vị ẹ̀hụ ahẹ ẹbẹẹta tụra ẹẹhị eyi ẹnyị, eyi ọsa nị. Aku ọnọnị ộ noze rịrị aku ịnị akakana ọnọnị chee. Ezikẹẹrị ka dị ọnọrụ ọnọnị ka aku ọnọnị ọ vị aha ana nị hu kere-kere ịnị irehi Ohomorihi nị. 5Ọnọrụ ọnọnị ộ rẹ mọ ụgana-eyi ọvọ ana a tụra tụ ịnịnẹ irehi Ohomorihi, dị ọ vị ẹ̀hụ ahụ ẹẹwụ nị. Â nyị aku eweyi-eweyi ana á dà vaka ugene irehi Ohomorihi ọnọnị okiri-okiri. Ụgana aku ẹnẹnị ikonyi-konya vị ẹ̀hụ ahụ ịhịmba avọọ. 6Irehi ọnọnị ikonyi-konya vị ọtụrọsarẹsụ ẹẹta. Ọtụrọsa ikonyi-konya ộ nyị aku ohurẹẹwụ. Ugene irehi Ohomorihi ana da hụrẹ ẹhẹ ịnị ọtụrọsa ikonyi ikonya ọ hẹrẹ ụvọ huni ana yà ụvẹtẹ anị nị, agụvị aku ọzọza e re aha va ẹngụ ya, dị à sị ẹ và ẹngụ ya ọvọ irehi Ohomorihi. 7Ọtụrọsa ẹnẹnị vị ana gana hu ẹngụ va hịrẹ agụvị ka ọvọ irehi Ohomorihi ana ya ụvẹtẹ ọ gana eyi hu ana ya ẹbẹẹba nị. Â mẹ oze ana aa zịị hịrẹ ọtụrọsa ẹnẹnị vaka ugene irehi Ohomorihi eyẹhẹ. Oze ọnọnị vị ana á mẹ jesi kara ọtụrọsa ọnọnị hụrị ụvẹtẹ na ngụ ẹbẹẹba. 8Ezikẹẹrị ka ọnị ô re ka â nyị ịzị aa hịrẹẹ jẹẹ ana a mẹ kara ẹtẹ ịnị irehi Ohomorihi, ọkẹtẹ irehi ana á dà vaka ugene irehi Ohomorihi aanị ộ gana eyi ẹ̀hụ ahụ ẹẹwụ avọọ. 9Ugene irehi ẹnẹnị ana yà ẹhẹ ệ gana eyi ẹhụ ahụ ịhịmba rị ẹjịjị avọọ. Ịpa ịzị aa hịrẹẹ jẹẹ aanị ana navọ tịtẹ kẹnẹ vị ẹ̀hụ ahụ ịhịmba. 10Â navọ ẹ̀hụ ẹtẹ ahụ ẹẹwụ avọọ tịtẹ ịnị akakana ịzị aa hịrẹẹ jẹẹ aanị ọnịrị irehi ohirẹsụ irehi Ohomorihi. Avọọ á mẹ mẹẹ jesi kara ẹtẹ. 11Oze ọnyara ọ ngụ ịnị irehi ana yà akaha irehi Ohomorihi eyi ẹbẹẹba nị, dị ọnya vavọọ rẹ ngụ ịnị ana yà eyi ụvẹtẹ nị. Ẹtẹ ana a navọ tịtẹ rịrị ịzị aa hịrẹẹ jẹẹ aanị ộ gana ẹ̀hụ ahụ ẹẹhị. 12Â nyị irehi ana á dà tụ ọnataha ẹtẹ ana a navọ tịtẹ eyi ụvọha irehi Ohomorihi. Irehi ộ gọdọ ẹ̀hụ ahụ ẹbẹẹva tụra ẹẹhị avọọ, dị ọ gana ẹ̀hụ ahụ ohurẹẹwụ tụra ẹẹhị nị. Ugene anị ộ gana eyi ẹ̀hụ ahụ ẹẹva rị ẹjịjị avọọ. 13Ọnọrụ ọnọnị ộ mọ ẹhẹẹhẹ irehi Ohomorihi, dị ụgọdọ anị vị ẹ̀hụ ahụ ẹvarẹwụ avọọ nị. Hụrị ịrẹma irehi Ohomorihi na ngụ akaha irehi ana á dà tụ eyi-ụvọha, àa raa para ẹtẹ ana a navọ tịtẹ hu, ọnị rẹ vị ẹ̀hụ ahụ ẹvarẹwụ. 14Ẹtẹ ana tịtẹ ọvịdị irehi Ohomorihi na ngụ ẹtẹ ana a navọ tịtẹ osusu eyi ẹnyị eyi ọsa vị ẹ̀hụ ahụ ẹvarẹwụ avọọ. 15Ộ mọ ụgọdọ irehi ana yà eyi ụvọha ọnịrị enoze anị eyi ẹyịva, dị ọnị rẹ vị ẹ̀hụ ahụ ẹvarẹwụ nị. 16Aku ana a zịị̄ ngụ ịnị Irehi Ohomorihi ọnọnị, aha ọnịnị ịnị anị ọnịrị aha ana nị hu kere-kere ịnị anị, vị ana á sị ọchị (ipako) ku, hụụnị eteesu na ngụ ịnị ozokete. A yaanị rẹ zụ sị ịsa ku ozokete ẹnẹnị. 17Avaba ugene ịnịnẹ irehi Ohomorihi vị ana a và ịsị ana á bẹ ku huu na ngụ akẹbẹẹba oze. 18Ọsọchị ọnịrị anggẹẹrị nị a vavọọ bẹ́ ụmọmọ ẹnị vaku ugene ẹnẹẹ nị. Â mẹ anggẹẹrị ẹẹva, dị aa ọsọchị ọnya jị wa ịnẹ nị. 19Anggẹẹrị ikonyi ikonya vị ana nyị eyirẹsụ ẹvẹẹva. Ệ nyị eyirẹsụ ọza, dị ẹ rẹ nyị eyirẹsụ ozi idu nị. Ộ và ọnya ka ọsọchị eyi ọnya, dị ọ́ và ọsa ka ọsọchị ana yị eyi ọsa nị. Avọọ á mẹ và wa hi ịnị avaba ugene irehi Ohomorihi jesi kara ẹngụ nị; 20hụụnị eteesu huu na ngụ akẹbẹẹba oze avọọ a mẹ và anggẹẹrị nịnị ọnịrị ọsọchị hi ịnị ugene nị. 21Ụnẹba ọnịrị ụgana oze ana aā zịị ngụ aha ọnịnị ịnị irehi Ohomorihi aanị vị ẹbẹẹbẹ. Dị a sị ọchị mẹ ụta jẹẹ ọvịdị aha ana nị hu kere-kere ịzọọ nị. 22Ụta ọnọnị ộ nẹba ẹ̀hụ ahụ ọnya rị ẹjịjị avọọ, dị ọ́ gana ẹ̀hụ ahụ ọnya avọọ nị. Ịzị o si hi ẹtẹ, ọgọgọ anị ẹyịna, ọnịrị akaha-akaha anị vị ana a sị ọchị mẹ Ezikẹẹrị ka ọnọrụ ọnọnị ộ kà a yị ọnị ka, ụta ọnọnị ọ vị itevuru ene e si hi ẹtẹ ọvịdị Ẹnẹyịmavara nị. 23Â nyị oze ana na ya ọnataha oze ana aa zị na ngụ aha ọnịnị, dị a rẹ nyị ọsa ana na ngụ aha ana nị hu kere-kere nị. 24Oze ẹnẹnị vị ana nyị ukere ẹvẹẹva ana aa na, ịnị akakana. 25Ọsọchị ọnịrị anggẹẹrị nịnị vị ana á và ụmọmọ anị hi ịnị ukere oze aha ọnịnị ọnọnị anka á mẹ rẹ́ và wa hi ịnị ugene gẹdẹ-gẹdẹ. Â sị ọchị jị ajẹngụ tụ enoze ana a zịị̄ ngụ eehi ịzọọ. 26Â nyị ozokete hi akaha-akaha aku ọnọnị, dị á và ọsọchị hi ini ugene anị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.