Ịrẹyị Ọzwọzịsa 5
5
Ụbanyị angwahi Ohomorihi
1Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị. 2Sị ụvọ za irenu awụ, dị asị ụ hụra ka ịrẹyị ọvịdị Ohomorihi; Ohomorihi vị ana ya ẹbẹẹba dị ẹwụ ya ẹhẹ ọnọnị nị; agụvị avọọ asị ụ na kụ ịrẹka gigirigi ọvịdị anị. 3Ịrẹyị ọrụrụ ọyị rò mẹẹ mẹ ọza ra ụra, avọọ ịrẹka ọrụrụ ọ yị kụ mẹẹ sị ọza kà ụra nị. 4#Ahẹ 66.13,14Waa ka a ka aa nyị ịsị ụ vaa mẹ yị Ohomorihi ụ hụra mẹ̀ ẹ; agụvị ka ayị Ohomorihi e me hine tu ọnụra nịnị. Mẹ ịsị waa ka a ka ụ vaa mẹ. 5Ọọ vana dahi ka asị ọza kà a ka aa nyị ịsị ọnị vaa mẹ huni ka ọ̀ kà a dị asị ọ mẹ̀ ẹ. 6Asị ụ zẹẹ ka ịrẹyị irenu awụ ọ sị ụ na mẹ ịvị. Asị ụ na kà a yị ọnụtụ Ohomorihi ana ya ịnị irehi Ohomorihi ka ụ nyeeyi ka aka ụ vaa mẹ̀ ịsa ọnọnị nị. Sị ẹ vẹ dị wee sì ka Ohomorihi ọ̀ hụ agụvị ịrẹyị irenu kụ ayị dị ò du avaba ịsị ụ sị ụvọ awụ mẹ ha. 7Osusu kẹnẹ ụra ọ yị ra ọnịrị ịrẹka ọrụrụ ọ yị kụ vị nị. Agụvị avọọ o hí angwa Ohomorihi. 8Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị. 9Ohinọyị nyẹmba vị anaa za aza kụ ụrụkụ yị ẹngụ anị. 10Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị. 11Ogu ọza aa rụrụ, dị aza ana rị wa aa rụrụ saasa. Sị ẹ va vị ọgụ ọza ana nyị ogu ẹnẹẹ ẹ̀ yị vị ka oo re wa kẹnẹ. 12Aza anaa sị ẹhị ẹngụ ẹnịnị mẹ̀ ụkọrọ vị anaa sụ ara ohine ẹẹ rị ịsa baaba ẹẹ daka rị chee ama ogu ọza ọbanyị vị anaa jị ọ areyi dị ẹ yị zụ sụ ara. 13Ọzwọzịsa ka aa nyị ịrẹyị odivi ọnyara enee du ọza ayị ọnị ọnị re ịnị ẹhẹ ọnọnị: Ogu ọnị ọza kụ na tẹ̀ dị ọ varẹma vaa zama a. 14À vị ka ịrẹyị odivi ọ mẹ ka avaba ogu ọnị ọza nyị ọ̀ jị ọ ụvọ dị asị a nyị ịsị ẹ vọ ana vọrọ ka hụrẹ ụvọ tịtẹ yị ozi anị. 15#Ijov 1.21; Ahẹ 49.17; 1 Itim 6.7Ahwaahụ ọnị ọza zị va ngụ ẹhẹ ọ rẹ vaa zị hụụnị anị nị. Ẹ yị nyị ịsị ọ vaa sị hụụnị avaba ịsị ọ sị ẹhị ẹngụ anị mẹ. 16Ịrẹyị odivi enee du ọza ayị ọsọnị ọnị rẹ vị nị. Ka ọza mẹ va ngụ ẹhẹ, avọọ ọ mẹ raa hụụnị anị nị. Ọgụ sị ọ va rị ịnị avaba ụkọrọ ọnị aa mẹ dị e yị nyị eyi tụ́ ụhwọ́ ka ọnị ọ̀ za ahị? 17Avaba ụmẹ ẹhẹ ọza vị ọnịrị ẹngụkata, ayodu, ẹngwọzị ọnịrị ọyịkụ. 18Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị. 19Ọza ọnị Ohomorihi ọọ sị ẹkẹhị ọnịrị ogu mẹ ẹyịza dị o si oze yọ ka ọ sịị mẹ ayohine nị ọọ jẹ. Ọ̀ sịị mẹ ayohine ka ọgụ ụkọrọ anị ọ vị ọnọọ nị. Ohomorihi ọ sị mẹ̀ ẹ ẹyịza nị. 20Ọza ọnị Ohomorihi ọ maanị mẹ ayohine yị ẹ ma zụ hụra tamayị ịyẹẹyẹ dị oo du ayị.
Currently Selected:
Ịrẹyị Ọzwọzịsa 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịrẹyị Ọzwọzịsa 5
5
Ụbanyị angwahi Ohomorihi
1Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị. 2Sị ụvọ za irenu awụ, dị asị ụ hụra ka ịrẹyị ọvịdị Ohomorihi; Ohomorihi vị ana ya ẹbẹẹba dị ẹwụ ya ẹhẹ ọnọnị nị; agụvị avọọ asị ụ na kụ ịrẹka gigirigi ọvịdị anị. 3Ịrẹyị ọrụrụ ọyị rò mẹẹ mẹ ọza ra ụra, avọọ ịrẹka ọrụrụ ọ yị kụ mẹẹ sị ọza kà ụra nị. 4#Ahẹ 66.13,14Waa ka a ka aa nyị ịsị ụ vaa mẹ yị Ohomorihi ụ hụra mẹ̀ ẹ; agụvị ka ayị Ohomorihi e me hine tu ọnụra nịnị. Mẹ ịsị waa ka a ka ụ vaa mẹ. 5Ọọ vana dahi ka asị ọza kà a ka aa nyị ịsị ọnị vaa mẹ huni ka ọ̀ kà a dị asị ọ mẹ̀ ẹ. 6Asị ụ zẹẹ ka ịrẹyị irenu awụ ọ sị ụ na mẹ ịvị. Asị ụ na kà a yị ọnụtụ Ohomorihi ana ya ịnị irehi Ohomorihi ka ụ nyeeyi ka aka ụ vaa mẹ̀ ịsa ọnọnị nị. Sị ẹ vẹ dị wee sì ka Ohomorihi ọ̀ hụ agụvị ịrẹyị irenu kụ ayị dị ò du avaba ịsị ụ sị ụvọ awụ mẹ ha. 7Osusu kẹnẹ ụra ọ yị ra ọnịrị ịrẹka ọrụrụ ọ yị kụ vị nị. Agụvị avọọ o hí angwa Ohomorihi. 8Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị. 9Ohinọyị nyẹmba vị anaa za aza kụ ụrụkụ yị ẹngụ anị. 10Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị. 11Ogu ọza aa rụrụ, dị aza ana rị wa aa rụrụ saasa. Sị ẹ va vị ọgụ ọza ana nyị ogu ẹnẹẹ ẹ̀ yị vị ka oo re wa kẹnẹ. 12Aza anaa sị ẹhị ẹngụ ẹnịnị mẹ̀ ụkọrọ vị anaa sụ ara ohine ẹẹ rị ịsa baaba ẹẹ daka rị chee ama ogu ọza ọbanyị vị anaa jị ọ areyi dị ẹ yị zụ sụ ara. 13Ọzwọzịsa ka aa nyị ịrẹyị odivi ọnyara enee du ọza ayị ọnị ọnị re ịnị ẹhẹ ọnọnị: Ogu ọnị ọza kụ na tẹ̀ dị ọ varẹma vaa zama a. 14À vị ka ịrẹyị odivi ọ mẹ ka avaba ogu ọnị ọza nyị ọ̀ jị ọ ụvọ dị asị a nyị ịsị ẹ vọ ana vọrọ ka hụrẹ ụvọ tịtẹ yị ozi anị. 15#Ijov 1.21; Ahẹ 49.17; 1 Itim 6.7Ahwaahụ ọnị ọza zị va ngụ ẹhẹ ọ rẹ vaa zị hụụnị anị nị. Ẹ yị nyị ịsị ọ vaa sị hụụnị avaba ịsị ọ sị ẹhị ẹngụ anị mẹ. 16Ịrẹyị odivi enee du ọza ayị ọsọnị ọnị rẹ vị nị. Ka ọza mẹ va ngụ ẹhẹ, avọọ ọ mẹ raa hụụnị anị nị. Ọgụ sị ọ va rị ịnị avaba ụkọrọ ọnị aa mẹ dị e yị nyị eyi tụ́ ụhwọ́ ka ọnị ọ̀ za ahị? 17Avaba ụmẹ ẹhẹ ọza vị ọnịrị ẹngụkata, ayodu, ẹngwọzị ọnịrị ọyịkụ. 18Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị. 19Ọza ọnị Ohomorihi ọọ sị ẹkẹhị ọnịrị ogu mẹ ẹyịza dị o si oze yọ ka ọ sịị mẹ ayohine nị ọọ jẹ. Ọ̀ sịị mẹ ayohine ka ọgụ ụkọrọ anị ọ vị ọnọọ nị. Ohomorihi ọ sị mẹ̀ ẹ ẹyịza nị. 20Ọza ọnị Ohomorihi ọ maanị mẹ ayohine yị ẹ ma zụ hụra tamayị ịyẹẹyẹ dị oo du ayị.
Ebira First Bible © Bible Society of Nigeria, 2014.