Ọda 21
21
Ọda ana za ọza ene su ọnị ọza ẹ yị yẹ ẹnẹ wụ̀ ọ
1Ọza òo hee oku ọza ọnị ọza ọ yị yẹ ọza ana wụ ọ ịnị ẹtẹ ọnị Ẹnẹyịmavara sị yị wa, 2Ọdọvịdị nịnị ọnịrị ọmọkarẹyị nịnị ẹ nọ ẹkụra ana gụrị ịzị oku ọnọọ ya nee sị ụvọ ọza ana wụ ọ. 3Ọdọvịdị ene hi ịnị ẹkụra ọnọọ ẹ sị ozi imaaru ọnị ọza ẹ yị vịdị sị mẹ̀ ụkọrọ daa. 4Ẹ sị ọ nọ ụtọ okuha, ịnị ẹtẹ ịzị ọza ẹ yị kụ́ ịrẹkụ, dị e che imaaru ọnọọ ọrọkọ. 5Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa. 6Aa vavọọ sị imaaru ọnọọ che ọrọkọ, dị ọdọvịdị ẹkụra ana gụrị oku ọnọnị ẹ nyịna ụvọ ẹnịnị ku oku imaaru ịrẹsụ. 7Dị ẹ̀ kà a ka ẹnị ẹ yị nyị ụvọ tụ́ ịnị usu ọza ọnọọ, ẹnị ẹ yị rẹ yẹ ọza ana wụ ọ. 8Ọdọvịdị ẹkụra nịnị ẹnẹẹ vaa mẹ̀ aduwa ka Ẹnẹyịmavara ọ navọ ọ̀ vagu aza anị Anisirẹrị nịnị. Ẹwa dọ wa tụ hụrẹ Ijipiti nị. Vagu yị dị a sị ụ sị ụya rị yị agụvị ọza ẹnẹ ẹ̀ yị nyị ịsị ọ mẹ dị a wụ̀ ọ. 9Wàa maanị saasa ịrẹyị ẹnẹnị, ụ vaa mẹ̀ ịsa ana vọrọ ini eyi Ẹnẹyịmavara, Ẹnẹyịmavara ẹ yị kụkụ vaa jị ịvị yị wụ nịnị ka wâ wụ̀ ọza.
Ịrẹyị ọnẹẹ ana za Eyirẹkụ
10Ịhị ụ waa nọ ịrẹkụ ọnịvị awụ nịnị, dị Ẹnẹyịmavara sị ụ nịnị nyị ẹbẹẹba, dị ụ za ọnịvị awụ nịnị ọrịhị nị, 11we zụ re ọnyẹnẹẹ ene zoza ịnị ẹngụ ẹnịnị, di u sì ka waa nyị ọ. 12Ọ̀ọ maanị yà, sị ọnẹẹ ọnọọ nọ ini eehi awụ, dị ọ kụ́ ịrẹsụ anị, dị ọ rẹ dà apara igege anị. 13Ọ̀ ngwa achị oni o ku hi ẹngụ dị a za a. Ọnẹẹ ọnọọ vaa yà ini eehi awụ ụhwẹ ọnya, dị aa zị ẹngụ ada anị ọnịrị ọnyị anị. Ọ̀ọ maanị sị ọ mẹ, dị ụ va nyị ọ. 14Ama ọ̀ọ na vị ka e yi ze wu eyi, naavọ ọọ na ọọhẹ, a sị ụ ná a dọ ẹkẹhị. Ịrẹma ọnị ụ raà sị ụkata-ụkata mẹ ka ẹwụrị ọ ọ̀ sụ, a sị ụ kụkụ za a ọrịhị.
Ịrẹyị ana kanyị Ogu ozi ịpaapa
15Ọza ọ̀ọ nyị ọnẹẹ ẹẹva, dị o sì ịrẹyị ọnya huna ọsa nị, ẹnị ẹyịva ẹ̀ẹ ma ezi ọnọrụ, dị ahịka ẹnẹ ẹ̀ yị zẹẹ sì ịrẹyị anị aanị ozi anị vị ọzọkụ nị. 16Ịhị àa gà ogu anị, a sị ọ sị ịsa ana a vọrọ ka ọ̀ sị yị ozi ana vị ọzọkụ yị ana vị ozweyi, agụvị ka ọnyị anị o sì ịrẹyị anị hu nị. 17Â nyị ka ọ̀ sị udi ozi ịpaapa yọ, ẹ̀ yị daka sì ịrẹyị ọnyị anị. Ọnyịrẹva ụvọ ẹẹva ọ vaa sịị yọ ịnị ogu anị nị. Agụvị ka ozi ịpaapa ọnị ọ ma ọ vị ọnọọ nị, ọnị ọ vaa nyị ịsa ozi ịpaapa.
Ịrẹyị ozi anakamawụ
18Ọza ọ̀ọ ma ozi ana nyị ayị ọkatẹngụ, dị ẹ̀ yị ma wụ́ ịrẹyị ada anị ọnịrị ọnyị anị, ẹ̀ẹ da ka sị ụya rị ọ pooro nị. 19Aza ana ma ozi ọnọọ ẹ̀ sị ọ ne tu ọdọvịdị ẹkụra èe hi ini ikootu óze ọbanyị ẹkụra. 20Ẹnịnị ẹ̀ kà a yị ọdọvịdị ẹkụra ẹnẹẹ ka ozi eyi yị; ayị anị ộ katẹngụ, ẹ yị ma wụ́ ịrẹyị ọza. Ọnịnọbanyị ọ vị nị, di o rẹ vị ohweche nị. 21Ọ̀ọ maanị sị ọ ka, avaba anẹkụra ọnọọ ẹ̀ sị ịrẹta-ịrẹta wụ ọ. Avọọ ụ mẹ̀ vaa mẹẹ kụ́ ebira odivi hụrẹ ẹtẹ hụụnị akakana awụ nịnị. Avaba Anisirẹrị nịnị vaa wụ́ ọ, dị angwa hí wa.
Ọda irenyi-irenyi
22Ọza ọ̀ọ mẹ̀ ebira odivi ana a vọrọ ka à sị wụ ọ, di e zù ọ gẹ ọchị, dị a wụ̀ ọ nị, 23#Iga 3.13a sị oku anị gẹ ịnị ọchị nẹẹhẹ. Ịhị ọnọọ gẹdẹ-gẹdẹ ụ vee ne oku anị nịnị nị. Agụvị ka ọza ene èe zụ obo gẹ ọchị vị ọza ụya ini eyi Ohomorihi. Wàa vavọọ ne oku ọnọọ ịhịịhyọ, wẹ yị vaa zẹẹ ka ẹtẹ ọnị Ẹnẹyịmavara Ohomorihi awụ nịnị aa sịị wụ nịnị ò divi.
Currently Selected:
Ọda 21: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọda 21
21
Ọda ana za ọza ene su ọnị ọza ẹ yị yẹ ẹnẹ wụ̀ ọ
1Ọza òo hee oku ọza ọnị ọza ọ yị yẹ ọza ana wụ ọ ịnị ẹtẹ ọnị Ẹnẹyịmavara sị yị wa, 2Ọdọvịdị nịnị ọnịrị ọmọkarẹyị nịnị ẹ nọ ẹkụra ana gụrị ịzị oku ọnọọ ya nee sị ụvọ ọza ana wụ ọ. 3Ọdọvịdị ene hi ịnị ẹkụra ọnọọ ẹ sị ozi imaaru ọnị ọza ẹ yị vịdị sị mẹ̀ ụkọrọ daa. 4Ẹ sị ọ nọ ụtọ okuha, ịnị ẹtẹ ịzị ọza ẹ yị kụ́ ịrẹkụ, dị e che imaaru ọnọọ ọrọkọ. 5Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa. 6Aa vavọọ sị imaaru ọnọọ che ọrọkọ, dị ọdọvịdị ẹkụra ana gụrị oku ọnọnị ẹ nyịna ụvọ ẹnịnị ku oku imaaru ịrẹsụ. 7Dị ẹ̀ kà a ka ẹnị ẹ yị nyị ụvọ tụ́ ịnị usu ọza ọnọọ, ẹnị ẹ yị rẹ yẹ ọza ana wụ ọ. 8Ọdọvịdị ẹkụra nịnị ẹnẹẹ vaa mẹ̀ aduwa ka Ẹnẹyịmavara ọ navọ ọ̀ vagu aza anị Anisirẹrị nịnị. Ẹwa dọ wa tụ hụrẹ Ijipiti nị. Vagu yị dị a sị ụ sị ụya rị yị agụvị ọza ẹnẹ ẹ̀ yị nyị ịsị ọ mẹ dị a wụ̀ ọ. 9Wàa maanị saasa ịrẹyị ẹnẹnị, ụ vaa mẹ̀ ịsa ana vọrọ ini eyi Ẹnẹyịmavara, Ẹnẹyịmavara ẹ yị kụkụ vaa jị ịvị yị wụ nịnị ka wâ wụ̀ ọza.
Ịrẹyị ọnẹẹ ana za Eyirẹkụ
10Ịhị ụ waa nọ ịrẹkụ ọnịvị awụ nịnị, dị Ẹnẹyịmavara sị ụ nịnị nyị ẹbẹẹba, dị ụ za ọnịvị awụ nịnị ọrịhị nị, 11we zụ re ọnyẹnẹẹ ene zoza ịnị ẹngụ ẹnịnị, di u sì ka waa nyị ọ. 12Ọ̀ọ maanị yà, sị ọnẹẹ ọnọọ nọ ini eehi awụ, dị ọ kụ́ ịrẹsụ anị, dị ọ rẹ dà apara igege anị. 13Ọ̀ ngwa achị oni o ku hi ẹngụ dị a za a. Ọnẹẹ ọnọọ vaa yà ini eehi awụ ụhwẹ ọnya, dị aa zị ẹngụ ada anị ọnịrị ọnyị anị. Ọ̀ọ maanị sị ọ mẹ, dị ụ va nyị ọ. 14Ama ọ̀ọ na vị ka e yi ze wu eyi, naavọ ọọ na ọọhẹ, a sị ụ ná a dọ ẹkẹhị. Ịrẹma ọnị ụ raà sị ụkata-ụkata mẹ ka ẹwụrị ọ ọ̀ sụ, a sị ụ kụkụ za a ọrịhị.
Ịrẹyị ana kanyị Ogu ozi ịpaapa
15Ọza ọ̀ọ nyị ọnẹẹ ẹẹva, dị o sì ịrẹyị ọnya huna ọsa nị, ẹnị ẹyịva ẹ̀ẹ ma ezi ọnọrụ, dị ahịka ẹnẹ ẹ̀ yị zẹẹ sì ịrẹyị anị aanị ozi anị vị ọzọkụ nị. 16Ịhị àa gà ogu anị, a sị ọ sị ịsa ana a vọrọ ka ọ̀ sị yị ozi ana vị ọzọkụ yị ana vị ozweyi, agụvị ka ọnyị anị o sì ịrẹyị anị hu nị. 17Â nyị ka ọ̀ sị udi ozi ịpaapa yọ, ẹ̀ yị daka sì ịrẹyị ọnyị anị. Ọnyịrẹva ụvọ ẹẹva ọ vaa sịị yọ ịnị ogu anị nị. Agụvị ka ozi ịpaapa ọnị ọ ma ọ vị ọnọọ nị, ọnị ọ vaa nyị ịsa ozi ịpaapa.
Ịrẹyị ozi anakamawụ
18Ọza ọ̀ọ ma ozi ana nyị ayị ọkatẹngụ, dị ẹ̀ yị ma wụ́ ịrẹyị ada anị ọnịrị ọnyị anị, ẹ̀ẹ da ka sị ụya rị ọ pooro nị. 19Aza ana ma ozi ọnọọ ẹ̀ sị ọ ne tu ọdọvịdị ẹkụra èe hi ini ikootu óze ọbanyị ẹkụra. 20Ẹnịnị ẹ̀ kà a yị ọdọvịdị ẹkụra ẹnẹẹ ka ozi eyi yị; ayị anị ộ katẹngụ, ẹ yị ma wụ́ ịrẹyị ọza. Ọnịnọbanyị ọ vị nị, di o rẹ vị ohweche nị. 21Ọ̀ọ maanị sị ọ ka, avaba anẹkụra ọnọọ ẹ̀ sị ịrẹta-ịrẹta wụ ọ. Avọọ ụ mẹ̀ vaa mẹẹ kụ́ ebira odivi hụrẹ ẹtẹ hụụnị akakana awụ nịnị. Avaba Anisirẹrị nịnị vaa wụ́ ọ, dị angwa hí wa.
Ọda irenyi-irenyi
22Ọza ọ̀ọ mẹ̀ ebira odivi ana a vọrọ ka à sị wụ ọ, di e zù ọ gẹ ọchị, dị a wụ̀ ọ nị, 23#Iga 3.13a sị oku anị gẹ ịnị ọchị nẹẹhẹ. Ịhị ọnọọ gẹdẹ-gẹdẹ ụ vee ne oku anị nịnị nị. Agụvị ka ọza ene èe zụ obo gẹ ọchị vị ọza ụya ini eyi Ohomorihi. Wàa vavọọ ne oku ọnọọ ịhịịhyọ, wẹ yị vaa zẹẹ ka ẹtẹ ọnị Ẹnẹyịmavara Ohomorihi awụ nịnị aa sịị wụ nịnị ò divi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.