Emọsị 8
8
Etore Uji ọnịrị Ẹtụtụ
1Emọsị ka, Ẹnẹyịmavara Ohomorihi ộ re sị ịsa ọsa zụ ọnị. Ịsa ọnọọ ọ vị ẹtụtụ ịnị ọhahị ene vi ohihi uji nị. 2Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa. 3Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.
Ụyọrị Isirẹrị
4Dị ọ ka ẹ̀ tamayị ẹnịnị mẹmẹ aa mẹ̀ ẹvaya yị ọkụmị nịnị, dị ẹ yaa wụ́ onosiye ene hị́ ịnị ẹtẹ ọnọọ. 5Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị. 6Azịịzẹ vị ẹnẹẹ̄ ka vahụra akụ na. Ẹ nyẹngụ sị ẹkẹhị adava ụkụha àvị eyipeni hị̀ onosiye ọnịrị onuruwa nịnị. 7Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀. 8Agụvị ebira odivi ẹngụ ẹnịnị, dị Ẹnẹyịmavara henyi avaba ẹtẹ ịzọọ nị. Dị ẹtẹ ee ne vaa hịrẹ vaa chi anka ẹnyị irehu Ịnayịrị mẹẹ da eganggu ịnị ị̀rẹ̀sụ̀, ọ vaa nọ ẹtẹ avọọ nị. Ọzọza vee na owu ịhị ana mẹ wa. 9Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ. 10Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ. 11Ananyị Ẹnẹyịmavara kà, ụmẹ aa vẹ ọnị ọnị vaa mẹ ka ẹnịnị ẹẹ vụva ka ẹnị ẹ wụ́ ịrẹyị anị ịzọọ 12Dị aza ee zwe woowo vaa chi, vaa hịrẹ, dị e yee si ịzị ẹ vaa wú ịrẹyị anị. Ama ẹnịnị e yị vee re e. 13Ịnị ụmẹ ọnọọ, dị ozwọọmụha ọnịrị ozwoorihi naga-naga ẹnịnị aa jị họ̀ ịrẹyị Ẹnẹyịmavara dị ọ ha wa. 14Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.
Currently Selected:
Emọsị 8: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Emọsị 8
8
Etore Uji ọnịrị Ẹtụtụ
1Emọsị ka, Ẹnẹyịmavara Ohomorihi ộ re sị ịsa ọsa zụ ọnị. Ịsa ọnọọ ọ vị ẹtụtụ ịnị ọhahị ene vi ohihi uji nị. 2Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa. 3Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.
Ụyọrị Isirẹrị
4Dị ọ ka ẹ̀ tamayị ẹnịnị mẹmẹ aa mẹ̀ ẹvaya yị ọkụmị nịnị, dị ẹ yaa wụ́ onosiye ene hị́ ịnị ẹtẹ ọnọọ. 5Ẹkẹhị kẹnẹ ọ jị osohu Anisirẹrị nịnị areyi nị. Ịhị eyi a nị dị ẹ ná ịsa ohu ẹnịnị ọ kà tụ́ wa ayị nị. Ẹkụhị eche ụhwẹ ọwọọwa ọnịrị ẹkụhị ụhwọtụ ẹnị ẹ yị nyị ohu vị ana dọ wa oze. Ẹnịnị vị ana da ẹkẹhị hi ịsa dị ẹ sị ẹnya ẹjịjị-ẹjịjị tụ́ ọ aā sịị kụ́ ọza ịrẹsụ nị. 6Azịịzẹ vị ẹnẹẹ̄ ka vahụra akụ na. Ẹ nyẹngụ sị ẹkẹhị adava ụkụha àvị eyipeni hị̀ onosiye ọnịrị onuruwa nịnị. 7Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀. 8Agụvị ebira odivi ẹngụ ẹnịnị, dị Ẹnẹyịmavara henyi avaba ẹtẹ ịzọọ nị. Dị ẹtẹ ee ne vaa hịrẹ vaa chi anka ẹnyị irehu Ịnayịrị mẹẹ da eganggu ịnị ị̀rẹ̀sụ̀, ọ vaa nọ ẹtẹ avọọ nị. Ọzọza vee na owu ịhị ana mẹ wa. 9Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ. 10Ẹnẹyịmavara kà ọnị ve du wa ayị ẹkụhị eche ẹnịnị, dị ẹ va ẹngụ hi. Dị aahẹ ẹnịnị vana vara orere oku. Dị ẹ kụ ẹnya ara hi ẹngụ anị ka ọza ọnị ọzị ikonya ọnị ọ nyị su avọọ. 11Ananyị Ẹnẹyịmavara kà, ụmẹ aa vẹ ọnị ọnị vaa mẹ ka ẹnịnị ẹẹ vụva ka ẹnị ẹ wụ́ ịrẹyị anị ịzọọ 12Dị aza ee zwe woowo vaa chi, vaa hịrẹ, dị e yee si ịzị ẹ vaa wú ịrẹyị anị. Ama ẹnịnị e yị vee re e. 13Ịnị ụmẹ ọnọọ, dị ozwọọmụha ọnịrị ozwoorihi naga-naga ẹnịnị aa jị họ̀ ịrẹyị Ẹnẹyịmavara dị ọ ha wa. 14Aza ana a sị ori Anịsamarịya, Anịdanị aa vị ori Anịbẹẹsẹba hị́ eku vaa hyẹdụ di ẹ́ yị ma vana zụ kwẹẹtẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.