Emọsị 4
4
Ẹnẹyịmavara vaa sị ụya rị Anẹẹ Anịsamarịya
1Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị. 2Ẹnẹyịmavara Ochẹtẹẹngụ ọ hị́ eku ka ọnị a mẹ yị wa. Ọ kà ụmẹ aa vẹ ọnị aza vaa kụ́ wa nọ ẹkụra ọsa anka a mẹ sị arị tura ivovo hụụnị enyi avọọ nị. 3E vee tura wa jịnẹ zị oze ịnị ọvọ ẹkụra ana chaka gụrị ọzọza nị. Di e ne wa tụ ẹhẹ na ngụ ataba Ihamọnị nị.
Isirẹrị ẹ yị kọsẹ
4Ẹnẹyịmavara kà ẹnịnị ẹ nọ Ịbẹtẹrị na mẹ̀ ebira odivi. Ẹ nọ Igirigari na da ụvọ tụ ịnị ụvọ huu avọọ. Ée si uye mẹ̀ ịsọvọ ẹnẹnẹ-ẹnẹnẹ, dị ẹ sị agẹẹwụ ịsa ana ngụ eehi yị wa ịnị aarẹ vẹ ẹkụhị ẹtẹẹta. 5Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara. 6Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ. 7Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa; 8enyi ana zwọ, aza ee si enyi woowo hụrẹ ẹkụra ẹnyị na ngụ ọsa, di e yi re ana hụụ wa hu. Ama ẹnịnị ẹ yị va hụvị avọọ ro ịnẹ dị ẹ ka Ẹnẹyịmavara na. 9Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara. 10Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ. 11#Oyn 19.24Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ. 12Ẹnẹyịmavara kà, avọọ ọnị mẹ va sị ụya rị Anisirẹrị nị. Agụvị avọọ ẹnịnị e tenyi ẹngụ zị ịsa ọnị ọnị vaa mẹ̀ wa. 13Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.
Currently Selected:
Emọsị 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Emọsị 4
4
Ẹnẹyịmavara vaa sị ụya rị Anẹẹ Anịsamarịya
1Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị. 2Ẹnẹyịmavara Ochẹtẹẹngụ ọ hị́ eku ka ọnị a mẹ yị wa. Ọ kà ụmẹ aa vẹ ọnị aza vaa kụ́ wa nọ ẹkụra ọsa anka a mẹ sị arị tura ivovo hụụnị enyi avọọ nị. 3E vee tura wa jịnẹ zị oze ịnị ọvọ ẹkụra ana chaka gụrị ọzọza nị. Di e ne wa tụ ẹhẹ na ngụ ataba Ihamọnị nị.
Isirẹrị ẹ yị kọsẹ
4Ẹnẹyịmavara kà ẹnịnị ẹ nọ Ịbẹtẹrị na mẹ̀ ebira odivi. Ẹ nọ Igirigari na da ụvọ tụ ịnị ụvọ huu avọọ. Ée si uye mẹ̀ ịsọvọ ẹnẹnẹ-ẹnẹnẹ, dị ẹ sị agẹẹwụ ịsa ana ngụ eehi yị wa ịnị aarẹ vẹ ẹkụhị ẹtẹẹta. 5Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara. 6Ẹnẹyịmavara kà ọnị ộ kụ́ ụngwẹ ngụ ẹkụra ẹnịnị ama ẹnịnị ẹ yị vaa va hụụnị ebira odivi ka ọnị vẹ. 7Ọnị ọ̀ rẹ za orihi jẹẹ ka asị ọ zụ ọ̀ọ mẹ sị vị ụhwẹ ẹẹta dị ịsa ịnị aarẹ ọ mẹ nị. Ọnị ọ zụ orihi aha ẹngụ dị ọ yị tu aha ọsa. Dị ọnị zụ orihi hì ịnị aarẹ ẹ̀nyị, dị ọnị ẹ yị zụ orihi ịnị aarẹ aha ọsa; 8enyi ana zwọ, aza ee si enyi woowo hụrẹ ẹkụra ẹnyị na ngụ ọsa, di e yi re ana hụụ wa hu. Ama ẹnịnị ẹ yị va hụvị avọọ ro ịnẹ dị ẹ ka Ẹnẹyịmavara na. 9Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara. 10Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ. 11#Oyn 19.24Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ. 12Ẹnẹyịmavara kà, avọọ ọnị mẹ va sị ụya rị Anisirẹrị nị. Agụvị avọọ ẹnịnị e tenyi ẹngụ zị ịsa ọnị ọnị vaa mẹ̀ wa. 13Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.