Odeyi 26
26
Ịpọọrụ ộ kụ́ irenu anị zụ̀ Agiripa
1Dị Agiripa kà a yị Ịpọọrụ ka, “Wê re oze kụ́ irenu awụ booro aanị.” Dị Ịpọọrụ mi ụvọ, dị aa kụ́ irenu anị nị. Dị ọ ka: 2“Agiripa ohinọyị, ịnẹ amị ô hine ka mê re oze kà irenu amị ajịnị ini oze avaba ịrẹyị ana Aniju nịnị sị za mị aanị. 3Mâ jẹ hu keekere, agụvị ka mâ yẹ ka wâ yẹ avaba ịsa ohiku Aniju irenyi-irenyi nịnị. Aarịhịnị, nyị isuuru, dụ wa sị ụtọ pe ịrẹyị amị!
4“Avaba Aniju nịnị ệ yẹ, m mẹmẹ yà ọnịrị ẹngụ ebira ọnị mị nyị, m mẹ̀ hụrẹ vị ozweyi, agụvị ka ịnị akakana anda ayị Íjerusarẹmị mị yà hụrẹ ụmọrụmọ nị. 5#Ụkọ 23.6; Ihwi 3.5Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị. 6Mâ nyị ọyịtureyi ịnị oto oni Ohomorihi wo yị ada ayị nịnị, agụvị avọọ mị sị jẹẹ ịzẹnị dị aa mẹ̀ ọkarẹyị mị aanị nị. 7Ịrẹsụ ayị ẹwụrẹva ẹnị ẹ rẹ vavọọ nyị ọyịtureyi, agụvị avọọ dị ẹ nyayịnẹ aa hẹkẹ Ohomorihi ọọdụ ọnịrị ịrahụ nị. Taarụ, agụvị ka ẹmị raa tụra eyi ịsa ọnọọ Ániju nịnị sị za mị aanị nị. 8Sị ẹ vẹ dị ẹwụ nịnị ẹ̀ yị zụ dọ ka Ohomorihi ọ zụ ha oku kwẹẹtẹ? 9#Ụkọ 8.3; 22.4,5Eme re vịdị roo ka àa nyị ịsị mị zụ mẹ, di me du ịrẹha Ijeesu Anịnazarẹtị ọnọọ ka maa mẹẹ. 10Ịsị mị vịdị mẹ Íjerusarẹmị ọ vị ọnọọ nị. Mâ dọ ọda hụụ ịda ohirẹsụ ẹbanyị irehi Ohomorihi, dị mị kụ́ aza Ohomorihi ọrụrụ-ọrụrụ hi ịnị ẹngwa nị. A màa wụ̀ wa, mâ sị ụvọ tụ́ ọọ. 11Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”
Ịpọọrụ ọ rẹ kà a, ọ mẹmẹ vara Anikirisiti
(Ụkọ 9.1-29; 22.3-21)
12“Agụvị avọọ mị na dọ iwe ọda hụụnị ụvọ ohirẹsụ ẹbanyị irehi Ohomorihi, dị maa nọ Ịdamasịkọsị nị. 13Taarụ, m màa na óze ụmẹ ọọdụ, di mi re ẹtohweyi ana hụrẹ ẹbẹẹba vẹ nị. Ô hweyi huna ọyị. Dị ọ zẹtẹ kara mị ọnịrị aza ẹnẹ ẹmịrịị zị. 14Dị avaba ayị hyẹdụ và hi ẹtẹ nị.” Dị mị wụ́ ka ọngwẹ ọnya ộ kà ịrẹyịị mị ịnị ẹkụra Ihiburu, dị ọ ka: “Ịsọọrụ, Ịsọọrụ, sị ẹ vẹ dị waa sị ụyaa rị mị? Wáá yẹ ka ịrẹyị ọkatẹngụ ọ vị nị ka waa gụ ahụụ chire ikeyi?” 15Dị mị ka, “Ẹwụ ẹnị ọ vị, Ananyị yị?” Dị ọ ka, “Ẹma vị Ijeesu ọnị ụ waa sị ụyaa rị nị. 16Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ. 17Mị vaa dọ wụụ tụ́ hụụnị ụvọ Anisirẹrị ọnịrị aza ẹnẹ ẹ̀ yị vị Anisirẹrị ọnị maa tụ́ wụụ nọ ịda anị. 18Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”
19“Taarụ, mẹ yị mẹ akamawụ hi ẹtẹ oni mi re hụrẹ ẹbẹẹba. 20#Ụkọ 9.20,28,29Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma. 21Agụvị ịrẹyị ọnọnị Ániju nịnị sị za mị, m mẹ̀ yà ini irehi Ohomorihi, dị ẹ ka ẹnị aa wụ̀ mị nị. 22Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ. 23#1 Ịkọ 15.20; Ayị 42.6; 49.6Ệ kà a ka â nyị ka Ikirisiti ọ̀ rị ụya, ka ọnị ọ rẹ vịdị vaa vị ọnịpaapa ana ha hụụnị isu nị. Ọnị ọ rẹ vaa sị ẹtohweyi zụ̀ Aniju nịnị ọnịrị Anigiriki nị.”
A ka Ịpọọrụ ọyị rị ịvị
24Ị́pọọrụ mẹ̀ maanị aa kụ́ irenu anị, dị Ịhwẹsịtọsị nowu dị ọ ka, “Ịpọọrụ, u wee che uvu nị! Iwe ahaahara ọnị ụ kà, aa tụ́ wụ uvu aanị!” 25Dị Ịpọọrụ ka, “Taarụ! Ịhwẹsịtọsị, me yi che uvu. Ịrẹyị ịzẹyịza m maa kà nị. Ma rẹ sị ụvọ za ẹngụ amị. 26Ohinọyị ộ yẹ avaba ịsa ẹnẹnị, agụvị avọọ ma zụ sị ọtụtụrụma kà a yọ. Mâ yẹ kaakara ka ẹ yị nyị ana tẹẹ yọ ịnị anị; agụvị ka ẹ yị nyị enee were mẹ ịnị avaba anị. 27Taarụ, Agiripa, wáá dọ ọnịsẹ nịnị wụ́? Mâ yẹ ka wâ dọ wa wụ́.” 28Dị Agiripa kà a yị Ịpọọrụ ka, “Ịnị ụmẹ keere ọnọnị, ụ waa vaa vara mị Anikirisiti nị?” 29Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”
30Ịjị ọ maanị sị kà, di ohinọyị ọnịrị ịgọvọnọ beri Ịbẹnayịsị ọnịrị avaba aza ana yaayịtẹ ịzọọ kwẹẹtẹ nị. 31Ẹ mẹ̀ hụụ ịzọọ, dị ẹyaa kà a yị ẹngụ ka, “Ẹ yị nyị ịsị ọnọrụ ọnọnị mẹ anaa vọrọ ka à sị wụ ọọ. Ẹ yị hyakụ vọrọ ka à sị ọọ tụ́ ịnị ẹngwa bẹẹ.” 32Dị Agiripa kà a yị Ịhwẹsịtọsị ka, “A yaanị sị ọnọrụ ọnọnị hụrẹ ụvọ, ẹ̀ ị vị ọnị ọ ka ọnị aa sị ịrẹyị anịị nọ ịda ohinọyị Aniroomi.”
Currently Selected:
Odeyi 26: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Odeyi 26
26
Ịpọọrụ ộ kụ́ irenu anị zụ̀ Agiripa
1Dị Agiripa kà a yị Ịpọọrụ ka, “Wê re oze kụ́ irenu awụ booro aanị.” Dị Ịpọọrụ mi ụvọ, dị aa kụ́ irenu anị nị. Dị ọ ka: 2“Agiripa ohinọyị, ịnẹ amị ô hine ka mê re oze kà irenu amị ajịnị ini oze avaba ịrẹyị ana Aniju nịnị sị za mị aanị. 3Mâ jẹ hu keekere, agụvị ka mâ yẹ ka wâ yẹ avaba ịsa ohiku Aniju irenyi-irenyi nịnị. Aarịhịnị, nyị isuuru, dụ wa sị ụtọ pe ịrẹyị amị!
4“Avaba Aniju nịnị ệ yẹ, m mẹmẹ yà ọnịrị ẹngụ ebira ọnị mị nyị, m mẹ̀ hụrẹ vị ozweyi, agụvị ka ịnị akakana anda ayị Íjerusarẹmị mị yà hụrẹ ụmọrụmọ nị. 5#Ụkọ 23.6; Ihwi 3.5Ẹ̀ẹ ka ẹnị aa dọ ivenu, ệ yẹ ka hụrẹ ụmọrụmọ mị hụrẹ sị ụvọ za ahẹkẹ ayị ẹtẹẹtẹrẹ nị. Ogu Anihwarisi mị hyakụ vị nị. 6Mâ nyị ọyịtureyi ịnị oto oni Ohomorihi wo yị ada ayị nịnị, agụvị avọọ mị sị jẹẹ ịzẹnị dị aa mẹ̀ ọkarẹyị mị aanị nị. 7Ịrẹsụ ayị ẹwụrẹva ẹnị ẹ rẹ vavọọ nyị ọyịtureyi, agụvị avọọ dị ẹ nyayịnẹ aa hẹkẹ Ohomorihi ọọdụ ọnịrị ịrahụ nị. Taarụ, agụvị ka ẹmị raa tụra eyi ịsa ọnọọ Ániju nịnị sị za mị aanị nị. 8Sị ẹ vẹ dị ẹwụ nịnị ẹ̀ yị zụ dọ ka Ohomorihi ọ zụ ha oku kwẹẹtẹ? 9#Ụkọ 8.3; 22.4,5Eme re vịdị roo ka àa nyị ịsị mị zụ mẹ, di me du ịrẹha Ijeesu Anịnazarẹtị ọnọọ ka maa mẹẹ. 10Ịsị mị vịdị mẹ Íjerusarẹmị ọ vị ọnọọ nị. Mâ dọ ọda hụụ ịda ohirẹsụ ẹbanyị irehi Ohomorihi, dị mị kụ́ aza Ohomorihi ọrụrụ-ọrụrụ hi ịnị ẹngwa nị. A màa wụ̀ wa, mâ sị ụvọ tụ́ ọọ. 11Ụmẹ ọrụrụ-ọrụrụ mị sị sị ụya rị wa ịnị avaba irehi Ohomorihi nị, dị maa sị ụkata za wa ka ẹ̀ẹ kà ịrẹyị odivii hi Ijeesu nị. Ayị ẹnịnị ộ kụ́ mị pooro ne tù ka mâ tụra wa nọ ẹkụra ọsa ka ma na sị ụya rị wa.”
Ịpọọrụ ọ rẹ kà a, ọ mẹmẹ vara Anikirisiti
(Ụkọ 9.1-29; 22.3-21)
12“Agụvị avọọ mị na dọ iwe ọda hụụnị ụvọ ohirẹsụ ẹbanyị irehi Ohomorihi, dị maa nọ Ịdamasịkọsị nị. 13Taarụ, m màa na óze ụmẹ ọọdụ, di mi re ẹtohweyi ana hụrẹ ẹbẹẹba vẹ nị. Ô hweyi huna ọyị. Dị ọ zẹtẹ kara mị ọnịrị aza ẹnẹ ẹmịrịị zị. 14Dị avaba ayị hyẹdụ và hi ẹtẹ nị.” Dị mị wụ́ ka ọngwẹ ọnya ộ kà ịrẹyịị mị ịnị ẹkụra Ihiburu, dị ọ ka: “Ịsọọrụ, Ịsọọrụ, sị ẹ vẹ dị waa sị ụyaa rị mị? Wáá yẹ ka ịrẹyị ọkatẹngụ ọ vị nị ka waa gụ ahụụ chire ikeyi?” 15Dị mị ka, “Ẹwụ ẹnị ọ vị, Ananyị yị?” Dị ọ ka, “Ẹma vị Ijeesu ọnị ụ waa sị ụyaa rị nị. 16Ama kwẹẹtẹ jẹẹ! Mâ sị ẹngụ zụ̀ wụ ka ma nyị wụ mẹ ozi ahụ amị. Ụ rẹ vaa vị onivenu ịsa oni u re ajịnị aanị ọnịrị ọnị mị vaa sịị zụ̀ wụ. 17Mị vaa dọ wụụ tụ́ hụụnị ụvọ Anisirẹrị ọnịrị aza ẹnẹ ẹ̀ yị vị Anisirẹrị ọnị maa tụ́ wụụ nọ ịda anị. 18Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”
19“Taarụ, mẹ yị mẹ akamawụ hi ẹtẹ oni mi re hụrẹ ẹbẹẹba. 20#Ụkọ 9.20,28,29Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma. 21Agụvị ịrẹyị ọnọnị Ániju nịnị sị za mị, m mẹ̀ yà ini irehi Ohomorihi, dị ẹ ka ẹnị aa wụ̀ mị nị. 22Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ. 23#1 Ịkọ 15.20; Ayị 42.6; 49.6Ệ kà a ka â nyị ka Ikirisiti ọ̀ rị ụya, ka ọnị ọ rẹ vịdị vaa vị ọnịpaapa ana ha hụụnị isu nị. Ọnị ọ rẹ vaa sị ẹtohweyi zụ̀ Aniju nịnị ọnịrị Anigiriki nị.”
A ka Ịpọọrụ ọyị rị ịvị
24Ị́pọọrụ mẹ̀ maanị aa kụ́ irenu anị, dị Ịhwẹsịtọsị nowu dị ọ ka, “Ịpọọrụ, u wee che uvu nị! Iwe ahaahara ọnị ụ kà, aa tụ́ wụ uvu aanị!” 25Dị Ịpọọrụ ka, “Taarụ! Ịhwẹsịtọsị, me yi che uvu. Ịrẹyị ịzẹyịza m maa kà nị. Ma rẹ sị ụvọ za ẹngụ amị. 26Ohinọyị ộ yẹ avaba ịsa ẹnẹnị, agụvị avọọ ma zụ sị ọtụtụrụma kà a yọ. Mâ yẹ kaakara ka ẹ yị nyị ana tẹẹ yọ ịnị anị; agụvị ka ẹ yị nyị enee were mẹ ịnị avaba anị. 27Taarụ, Agiripa, wáá dọ ọnịsẹ nịnị wụ́? Mâ yẹ ka wâ dọ wa wụ́.” 28Dị Agiripa kà a yị Ịpọọrụ ka, “Ịnị ụmẹ keere ọnọnị, ụ waa vaa vara mị Anikirisiti nị?” 29Dị Ịpọọrụ ka, “Ọ̀ọ vị ụmẹ ọgọdọ, àa vị ụmẹ keere, ịsị mee sì, ọ vị ka Ohomorihi ọ̀ navọ asị ahịka ẹwụnya kẹnẹ yọ nị, ama avaba aza ana aa wụ́ ịrẹyị amị ajịnị aanị, ẹ̀ zụ yà, m mẹ̀ yà aanị. Ama me yi sì ka à sị ẹba tụ́ wa, anka a mẹ̀ sị tụ́ mị aanị kẹnẹ.”
30Ịjị ọ maanị sị kà, di ohinọyị ọnịrị ịgọvọnọ beri Ịbẹnayịsị ọnịrị avaba aza ana yaayịtẹ ịzọọ kwẹẹtẹ nị. 31Ẹ mẹ̀ hụụ ịzọọ, dị ẹyaa kà a yị ẹngụ ka, “Ẹ yị nyị ịsị ọnọrụ ọnọnị mẹ anaa vọrọ ka à sị wụ ọọ. Ẹ yị hyakụ vọrọ ka à sị ọọ tụ́ ịnị ẹngwa bẹẹ.” 32Dị Agiripa kà a yị Ịhwẹsịtọsị ka, “A yaanị sị ọnọrụ ọnọnị hụrẹ ụvọ, ẹ̀ ị vị ọnị ọ ka ọnị aa sị ịrẹyị anịị nọ ịda ohinọyị Aniroomi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.