Odeyi 20
20
Ịpọọrụ ộ nọ ịnị ẹtẹ Igiriki
1Ịjị ẹvazi ọnọnị ta, dị Ịpọọrụ hị́ ọdọwụ nịnị gụ, dị ọ sị ịrẹyị tụ́ wa ọtụtụrụma, dị ọ kụ́ wa adịhyọsa, dị ọ hụụ ịda ẹnịnị, dị aa nọ Imasedoniya nị. 2Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị. 3Ộ yà Igiriki mẹ ụhwẹ ẹẹta. Ee tenyi ẹngụ ka ọnị ọ̀ ngụ ẹpa nọ Isiriya, dị ọ sị yẹ Aniju nịnị ệ tẹ óze ee zí ọnị nị. Dị ọ kụkụ ka ọnị aa varẹma zị oze Imasedoniya nị, aza ẹnẹnị saasaa nọ Esiya nị: 4Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ. 5Dị aza ẹnẹnị tụ́ ọvịdị ayị, dị ẹ na jẹẹ zí yi ẹkụra Itirowasị nị. 6A mẹ̀ sị Eche Ịbụrẹẹdị ọnị ọza ọ̀ yị mā sị òwù tụ́ ịnị anị rị kwooze, dị ị ngụ ẹpa hụrẹ Ihwiripi, di i ve tù wa Itirowasị ịhị ẹ tụ́ ọọ ẹkụhị ẹẹhị nị. Dị ị yà ịzọọ mẹ ẹkụhị ịhịmba nị.
Ịpọọrụ ộ ha oku kwẹẹtẹ ịnị ẹkụra Itirowasị
7Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị. 8Ê hú ịra rụrụ hi ịnị ọtụrọsa ịzị ẹ kụ́ gụ aanị. 9Â nyị ozi ọnọrụ ọnya aanị ana aā hị́ Iyutikọsị, dị ọ yaayịtẹ ini ozokete, di aa sụ ara ẹtẹẹtẹrẹ nị. Ị́pọọrụ màa yịị kà ịrẹyịị kù, dị ara sị ozi ọnọọ huna, di o zina hụụnị ọtụrọsa ọhụta va nya ẹtẹ, dị ahịka oku anị a kụkụ na sị nị. 10Dị Ịpọọrụ chí na, dị ọ và ayị kú ọọ, dị ọ sị ịrachị tụraa ịrachị nị. Dị ọ ka, “Và ayị nẹtẹ nịnị, ka ụhwẹ yà ịnị ẹngụ anị!” 11Dị Ịpọọrụ varẹma hịrẹ nọ ịnị ọtụrọsa, dị ọ na dà ịsa rị nị. Dị ọ kà ịrẹyị yị wa pooro di eyi aa nị; dị Ịpọọrụ si hu nị. 12Ozi ọnọrụ ọnọọ ộ yàra, dị ẹ sị ọọ aa nọ eehi nị. Ayị ẹnịnị ộ nẹtẹ ẹtẹẹtẹrẹ.
Ịpọọrụ ộ hụrẹ Itirowasị nọ Imiretusi
13Yáa dọ ọvịdị, dị ị na ngụ ẹpa, dị yaa nọ ẹkụra Asọsị nị. Ịzọọ ị yaa naa sị Ịpọọrụụ tụ́ ịnị ẹpa nị. Ọ vịdị kà a yị ka ya vavọọ mẹẹ, agụvị ka ahụ ọ́nị aa sịị nọ ịzọọ nị. 14O mè ve tù yi Asọsị, dị ị sị ọọ tụ́ ịnị ẹpa, dị yaa nọ Imitirene nị. 15Dị ị sị ẹpa hụụ ịzọọ, dị ị va ngụ ọgụrị Ichiyosi eyinẹhẹ anị nị. Eyinẹhẹ ọnị ị va ngụ ịzọọ, dị ị rẹ va ngụ Isamosi nị. Eyinẹhẹ ọnị ị rẹ va ngụ Isamosi, dị ị rẹ va ngụ Imiretusi nị. 16Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.
Ịpọọrụ ộ kụ́ Anẹhwẹsọsị nịnị nyaatụ
17Ịpọọrụ ộ tụ́ ọnụtụ hụrẹ Imiretusi nọ Ẹhwẹsọsị. Dị ọ ka ọ̀ kà a yị azọkụ ịragụ Ohomorihi ene hi ịzọọ ka è ve tù ọnị nị. 18E mè ve tù ọọ, dị ọ kà a yị wa ka, “Wâ yẹ nịnị ẹngụ ebira ọnị maa mẹ̀ ịnị akakana awụ nịnị, m mẹ̀ hụrẹ va ngụ Esiya. 19Mâ hẹkẹ Ananyị yị, dị mị kà ẹngụ amị chí, dị maa ká ẹgọ, dị mị rẹ nyị ẹngụkata nị, agụvị ka Aniju nịnị vị ana aa gẹ eyi amị. 20Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị. 21Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị. 22Booro aanị maa nọ Ijerusarẹmị, agụvị ka Ụhwẹ Ọnịnị ka â nyị ka ma na. Ama mẹyị yẹ ịsị ẹ vaa mẹ mị ịzọọ. 23Ama mâ yẹ ka Ụhwẹ Ọnịnị aa kà a mị avaba aha ka ẹngwa ọnịrị ụya ọbanyị jẹẹ ee zí mi. 24#2 Itim 4.7Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.
25“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị. 26Dị ma kà a wụ nịnị ajịnị ka ọza ene èe kuku ne vu ẹtẹ, ẹ yị nyị ụvọ amị rị ịnị anị. 27Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị. 28Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị. 29Mâ yẹ ka mèe si hu, aza edivi anka akatapooro nịnị vaa ngụ ịnị akakana awụ nịnị. Ẹ yị vaa navọ ẹwụ nịnị ana yà anka atẹmẹ avọọ hẹẹ. 30Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị. 31Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.
32“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị. 33Ẹ yị nyị ọza ọnị mị mẹ eyọhụrẹ hi ịkọvọ anị, àa vị ịta anị. 34Ẹwụ nịnị ụvọta ộ yẹ ka ụvọta amị ọnọnị mị sị mẹ̀ ụkọrọ anaa vọrọ ka ẹmịrị aza ana yà pe mi, ẹ̀ẹ rị nị. 35Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”
36Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị. 37Dị ẹyaa jị òrèrè ẹtẹẹtẹrẹ, dị ẹ há ụvọ kara Ịpọọrụ ọrọkọ, di e kú ọọ irenu nị. 38Ayị ẹnịnị o si du agụvị ịrẹyị ọnị Ịpọọrụ hyakụ kà ka e mē vene re ọnị. Dị ẹ sị ọọ na tụ́ na ngụ ịnị ẹpa nị.
Currently Selected:
Odeyi 20: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Odeyi 20
20
Ịpọọrụ ộ nọ ịnị ẹtẹ Igiriki
1Ịjị ẹvazi ọnọnị ta, dị Ịpọọrụ hị́ ọdọwụ nịnị gụ, dị ọ sị ịrẹyị tụ́ wa ọtụtụrụma, dị ọ kụ́ wa adịhyọsa, dị ọ hụụ ịda ẹnịnị, dị aa nọ Imasedoniya nị. 2Ộ ngụ ịzọọ zị, dị ọ kà ịrẹyị ọrụrụ-ọrụrụ, dị ọ sị tụ́ ọdọwụ nịnị ọtụtụrụma nị, dị ọ va na ngụ Igiriki nị. 3Ộ yà Igiriki mẹ ụhwẹ ẹẹta. Ee tenyi ẹngụ ka ọnị ọ̀ ngụ ẹpa nọ Isiriya, dị ọ sị yẹ Aniju nịnị ệ tẹ óze ee zí ọnị nị. Dị ọ kụkụ ka ọnị aa varẹma zị oze Imasedoniya nị, aza ẹnẹnị saasaa nọ Esiya nị: 4Isopata ozi Ipiirusi ana vị Anibereya beri Arisitakọsị ọnịrị Ịtayịkịkọsị ọnịrị Itirohwimọsị ana hụrẹ ẹkụra Esiya vẹ, ẹ rẹ saasaa bẹẹ. 5Dị aza ẹnẹnị tụ́ ọvịdị ayị, dị ẹ na jẹẹ zí yi ẹkụra Itirowasị nị. 6A mẹ̀ sị Eche Ịbụrẹẹdị ọnị ọza ọ̀ yị mā sị òwù tụ́ ịnị anị rị kwooze, dị ị ngụ ẹpa hụrẹ Ihwiripi, di i ve tù wa Itirowasị ịhị ẹ tụ́ ọọ ẹkụhị ẹẹhị nị. Dị ị yà ịzọọ mẹ ẹkụhị ịhịmba nị.
Ịpọọrụ ộ ha oku kwẹẹtẹ ịnị ẹkụra Itirowasị
7Ịnị ẹkụhị ịpaapa ọsẹ, ọdọwụ nịnị ệ kụ́ gụ ka ẹnị ẹ̀ rị ịsọyịrị Ananyị yị. Ịpọọrụ ee sì ka ọnị ọ̀ na eyinẹhẹ anị. Dị ọ kà ịrẹyị Ohomorihi yị aza ẹnẹẹ pooro ne tù agẹvịrahụ nị. 8Ê hú ịra rụrụ hi ịnị ọtụrọsa ịzị ẹ kụ́ gụ aanị. 9Â nyị ozi ọnọrụ ọnya aanị ana aā hị́ Iyutikọsị, dị ọ yaayịtẹ ini ozokete, di aa sụ ara ẹtẹẹtẹrẹ nị. Ị́pọọrụ màa yịị kà ịrẹyịị kù, dị ara sị ozi ọnọọ huna, di o zina hụụnị ọtụrọsa ọhụta va nya ẹtẹ, dị ahịka oku anị a kụkụ na sị nị. 10Dị Ịpọọrụ chí na, dị ọ và ayị kú ọọ, dị ọ sị ịrachị tụraa ịrachị nị. Dị ọ ka, “Và ayị nẹtẹ nịnị, ka ụhwẹ yà ịnị ẹngụ anị!” 11Dị Ịpọọrụ varẹma hịrẹ nọ ịnị ọtụrọsa, dị ọ na dà ịsa rị nị. Dị ọ kà ịrẹyị yị wa pooro di eyi aa nị; dị Ịpọọrụ si hu nị. 12Ozi ọnọrụ ọnọọ ộ yàra, dị ẹ sị ọọ aa nọ eehi nị. Ayị ẹnịnị ộ nẹtẹ ẹtẹẹtẹrẹ.
Ịpọọrụ ộ hụrẹ Itirowasị nọ Imiretusi
13Yáa dọ ọvịdị, dị ị na ngụ ẹpa, dị yaa nọ ẹkụra Asọsị nị. Ịzọọ ị yaa naa sị Ịpọọrụụ tụ́ ịnị ẹpa nị. Ọ vịdị kà a yị ka ya vavọọ mẹẹ, agụvị ka ahụ ọ́nị aa sịị nọ ịzọọ nị. 14O mè ve tù yi Asọsị, dị ị sị ọọ tụ́ ịnị ẹpa, dị yaa nọ Imitirene nị. 15Dị ị sị ẹpa hụụ ịzọọ, dị ị va ngụ ọgụrị Ichiyosi eyinẹhẹ anị nị. Eyinẹhẹ ọnị ị va ngụ ịzọọ, dị ị rẹ va ngụ Isamosi nị. Eyinẹhẹ ọnị ị rẹ va ngụ Isamosi, dị ị rẹ va ngụ Imiretusi nị. 16Ịpọọrụ ọ sị ọọ kà ka ọnị aa para Ẹhwẹsọsị hu kẹnẹ nị, agụvị di asị o du ụmẹ ha ịnị ẹtẹ Esiya. Aa há eyi, ee sì ka ịsavọọ ọnị ọ̀ zụ yà Ijerusarẹmị ịnị ẹkụhị eche Ịpẹntịkọsị.
Ịpọọrụ ộ kụ́ Anẹhwẹsọsị nịnị nyaatụ
17Ịpọọrụ ộ tụ́ ọnụtụ hụrẹ Imiretusi nọ Ẹhwẹsọsị. Dị ọ ka ọ̀ kà a yị azọkụ ịragụ Ohomorihi ene hi ịzọọ ka è ve tù ọnị nị. 18E mè ve tù ọọ, dị ọ kà a yị wa ka, “Wâ yẹ nịnị ẹngụ ebira ọnị maa mẹ̀ ịnị akakana awụ nịnị, m mẹ̀ hụrẹ va ngụ Esiya. 19Mâ hẹkẹ Ananyị yị, dị mị kà ẹngụ amị chí, dị maa ká ẹgọ, dị mị rẹ nyị ẹngụkata nị, agụvị ka Aniju nịnị vị ana aa gẹ eyi amị. 20Wa rẹ yẹ ka ẹ yị nyị ịsị mị sị tẹ wụ nịnị ịnị ịsa ẹnẹẹ ana zụ gụ wụ nịnị ụvọ, m màa zụ̀ wụ nịnị ịsa ịnị ịnọyị-ịnọyị, dị mị raa kà a ngụ irehi-irehii zị nị. 21Aniju ọnịrị Anigiriki m maa kà a yị ẹtẹẹtẹrẹ ka è ro ịnẹ varẹma, dị ẹ̀ và ká Ohomorihi vẹ, dị ẹ̀ rẹ dọ Ijeesu Ananyị yị wụ́ nị. 22Booro aanị maa nọ Ijerusarẹmị, agụvị ka Ụhwẹ Ọnịnị ka â nyị ka ma na. Ama mẹyị yẹ ịsị ẹ vaa mẹ mị ịzọọ. 23Ama mâ yẹ ka Ụhwẹ Ọnịnị aa kà a mị avaba aha ka ẹngwa ọnịrị ụya ọbanyị jẹẹ ee zí mi. 24#2 Itim 4.7Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.
25“Ma raà na kà enube ọyịza yị avaba awụ nịnị ka Ohomorihi ọ vị ohinọyị nị. Mâ yẹ ka we mē vene kuku re mi nịnị. 26Dị ma kà a wụ nịnị ajịnị ka ọza ene èe kuku ne vu ẹtẹ, ẹ yị nyị ụvọ amị rị ịnị anị. 27Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị. 28Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị. 29Mâ yẹ ka mèe si hu, aza edivi anka akatapooro nịnị vaa ngụ ịnị akakana awụ nịnị. Ẹ yị vaa navọ ẹwụ nịnị ana yà anka atẹmẹ avọọ hẹẹ. 30Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị. 31Agụvị avọọ sị eyi pe ẹngụ awụ nịnị! Tamayị nịnị ka hụrẹ ịrayị ẹẹta, ọọdụ ọnịrị ịrahụ ẹmịrị ẹgọ hụrẹ ee pe ọzịnya-ọzịnya awụ nịnị juwe nị, mẹyị tụ́ ụhwọ́.
32“Booro aanị, mâ sị wụ nịnị chire Ohomorihi ụvọ ka ò sere wu nịnị. Ma rẹ sị wụ nịnị chire ịrẹyị ayamva anị ụvọ. Ịrẹyị ọnọọ ọ zụ sị wụ nịnị vịra, dụ wa rẹ zụ nyị tụ́ ịnị ẹyịza oni Ohomorihi raà sị tẹ yị aza ọnọọ nyị tụ́ irenyi yị ẹngụ anị. 33Ẹ yị nyị ọza ọnị mị mẹ eyọhụrẹ hi ịkọvọ anị, àa vị ịta anị. 34Ẹwụ nịnị ụvọta ộ yẹ ka ụvọta amị ọnọnị mị sị mẹ̀ ụkọrọ anaa vọrọ ka ẹmịrị aza ana yà pe mi, ẹ̀ẹ rị nị. 35Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”
36Ịjị Ịpọọrụ sị ịrẹyị anị kà ta, dị ọnịrị wa ku ẹtẹ, dị ẹ mẹ̀ aduwa nị. 37Dị ẹyaa jị òrèrè ẹtẹẹtẹrẹ, dị ẹ há ụvọ kara Ịpọọrụ ọrọkọ, di e kú ọọ irenu nị. 38Ayị ẹnịnị o si du agụvị ịrẹyị ọnị Ịpọọrụ hyakụ kà ka e mē vene re ọnị. Dị ẹ sị ọọ na tụ́ na ngụ ịnị ẹpa nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.