Odeyi 14
14
Ịpọọrụ nịnị ệ nọ Ikoniyumi
1Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́. 2Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị. 3Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza. 4Ọkọnị aza ene hi ịnị ẹkụra ọnọọ ẹ sị gà hi. Aza ẹnyị ệ và ká Aniju nịnị na, dị aza ẹnyị rẹ và ká odeyi nịnị na nị. 5Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta. 6Ịjị odeyi nịnị maanị wụ́, di e zwe nọ Ịrịsịtịra ọnịrị Idabe nị. Ẹkụra ẹnẹẹ vị ene hi ịnị ẹtẹ Irakoniya. Dị ẹ rẹ nọ ẹkụra ọsa ana kara wa nị. 7Dị ẹyaa kà enube ọyịza ịzọọ nị.
Ịpọọrụ ộ mẹ̀ oswahụ ọnya ụkụ Ịrịsịtịra
8Â nyị ọnọrụ ọnya aanị ana ra Ịrịsịtịra ana ahụ anị sú. Avọọ o mè sú ahụ hụụnị ịnẹ vẹ nị; ọọ̀ yị nyẹngụ zị ụsẹ da. 9Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị. 10Dị Ịpọọrụ nowu kà a yọ ka, “Sị ahụ awụ kwẹẹtẹ vọrọ jẹẹ!” Dị ọnọrụ ọnọọ ji kwẹẹtẹ tụ́ ẹba, di aa zị ụsẹ nị. 11Ịjị aza ẹnẹẹ re ịsị Ịpọọrụ mẹ, di e nowu zẹtẹ ịnị ẹkụra Irakoniya ka, “Ori nịnị ẹ zị vara ọza chí vẹ ịdị ayị!” 12Dị ẹ ka Ịbanabasị ọ rị Iziyọsị, dị Ịpọọrụ ọnị rị Iherimesi nị, agụvị ka Ịpọọrụ ọ vị ọdọvịdị ịrẹyị ọyịkà nị. 13Irehi Iziyọsị vị ana yà ọvịdị ẹkụra ọnọọ. Di ohirẹsụ irehi ọnọọ kụ́ akọ ụnọ ọnịrị ododo nọ ini oze ẹkụra, dị ọnịrị ọkọnị aza ẹnẹẹ ee sì ka ẹnị ẹ̀ mẹ̀ ịsọvọ hi Ịpọọrụ nịnị nị.
14Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka, 15#Kụra 20.11; Ahẹ 146.6“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị. 16Ịyẹẹyẹ, ộ zẹẹ ka ọzọza ọ̀ọ mẹ ịsị èe zé wa eyi. 17Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.” 18Dị ẹ daka maanị yị kà ịrẹyị, ọ sị vọ chee asị odeyi nịnị zụ za wa ka asị ẹ mẹ̀ ịsọvọ hi ẹnị.
19Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị. 20Ịjị ezirẹma nịnị kụ́ gụ kara a, dị ọ kwẹẹtẹ, dị ọ varẹma nọ ịnị ẹkụra nị. Eyinẹhẹ anị, dị ọnịrị Ịbanabasị zị nọ Idabe nị.
Ịpọọrụ nịnị ẹ rẹ nọ ịda Evere Ikirisiti nịnị
21Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị. 22Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.” 23Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.
24Ệ zị oze Ipisidiya para hu, dị ẹ va ngụ Ipamihwiriya nị. 25Ệ kà enube ọyịza ọnọọ Ípeega, di e chí nọ Atarịya nị.
Ịpọọrụ nịnị ệ varẹma nọ Antịyọkị ịnị ẹtẹ Isiriya
26Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị. 27Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị. 28Ệ yà ịzọọ kù pe ezirẹma nịnị.
Currently Selected:
Odeyi 14: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Odeyi 14
14
Ịpọọrụ nịnị ệ nọ Ikoniyumi
1Ị́pọọrụ ọnịrị Ịbanabasị mè re tù Ayịkọnịyọmị, ệ rẹ nọ ini irehi Ohomorihi Aniju nịnị, dị ẹ rẹ kà ịrẹyị Ohomorihi ịnị oze ana ahịka ọrụrụ-ọrụrụ Aniju ọnịrị Anigiriki nịnị ệ dọ wụ́. 2Ama Aniju nịnị ẹnẹ ẹ̀ yị zẹẹ ka ẹnị ẹ̀ dọ wụ́, ẹ rẹ tụ́ Anigiriki nịnị ịrẹyị, dị ẹ sị ayị vara tù ọdọwụ nịnị nị. 3Ịpọọrụ nịnị ệ yị yà ịzọọ kù ẹtẹẹtẹrẹ. Dị ẹyaa sị ọtụtụrụma kà ịrẹyị Ananyị yị nị. Ananyị yị ộ mẹ̀ ka ẹ̀ zụ mẹ̀ ụkọrọ ohyozirenu ọnịrị apọtẹrẹwa ana sị zụ̀ ka ịrẹyị ayamva Ohomorihi ẹnẹ ẹyaa kà vị ịzẹyịza. 4Ọkọnị aza ene hi ịnị ẹkụra ọnọọ ẹ sị gà hi. Aza ẹnyị ệ và ká Aniju nịnị na, dị aza ẹnyị rẹ và ká odeyi nịnị na nị. 5Dị aza ẹnyị ẹnẹ ẹ̀ yị vị Aniju ọnịrị Aniju nịnị ne beri ọdọvịdị ẹnịnị vabẹ, ka ẹnị ẹ̀ kà ịsa odivi hi odeyi nịnị, di eni è tụ́ wa ịrẹta. 6Ịjị odeyi nịnị maanị wụ́, di e zwe nọ Ịrịsịtịra ọnịrị Idabe nị. Ẹkụra ẹnẹẹ vị ene hi ịnị ẹtẹ Irakoniya. Dị ẹ rẹ nọ ẹkụra ọsa ana kara wa nị. 7Dị ẹyaa kà enube ọyịza ịzọọ nị.
Ịpọọrụ ộ mẹ̀ oswahụ ọnya ụkụ Ịrịsịtịra
8Â nyị ọnọrụ ọnya aanị ana ra Ịrịsịtịra ana ahụ anị sú. Avọọ o mè sú ahụ hụụnị ịnẹ vẹ nị; ọọ̀ yị nyẹngụ zị ụsẹ da. 9Ọ mẹ̀ yaayịtẹ ịzọọ, ộ wụ́, Ị́pọọrụ màa kà ịrẹyị. Ịpọọrụ ô jị eyi ngụ ọ, di o re e ka ộ dọ wụ́ ka a zụ mẹ̀ ẹ ụkụ nị. 10Dị Ịpọọrụ nowu kà a yọ ka, “Sị ahụ awụ kwẹẹtẹ vọrọ jẹẹ!” Dị ọnọrụ ọnọọ ji kwẹẹtẹ tụ́ ẹba, di aa zị ụsẹ nị. 11Ịjị aza ẹnẹẹ re ịsị Ịpọọrụ mẹ, di e nowu zẹtẹ ịnị ẹkụra Irakoniya ka, “Ori nịnị ẹ zị vara ọza chí vẹ ịdị ayị!” 12Dị ẹ ka Ịbanabasị ọ rị Iziyọsị, dị Ịpọọrụ ọnị rị Iherimesi nị, agụvị ka Ịpọọrụ ọ vị ọdọvịdị ịrẹyị ọyịkà nị. 13Irehi Iziyọsị vị ana yà ọvịdị ẹkụra ọnọọ. Di ohirẹsụ irehi ọnọọ kụ́ akọ ụnọ ọnịrị ododo nọ ini oze ẹkụra, dị ọnịrị ọkọnị aza ẹnẹẹ ee sì ka ẹnị ẹ̀ mẹ̀ ịsọvọ hi Ịpọọrụ nịnị nị.
14Ịjị Ịbanabasị ọnịrị Ịpọọrụ wụ́ ịsị aza ẹnẹẹ ee sì ka ẹnị ẹ̀ mẹ, dị ẹ na awuru ẹnịnị, ẹ màa kụ́ ayị, di e zwe na ngụ ịnị akakana aza ẹnẹẹ, di e nowu zẹtẹ ka, 15#Kụra 20.11; Ahẹ 146.6“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị. 16Ịyẹẹyẹ, ộ zẹẹ ka ọzọza ọ̀ọ mẹ ịsị èe zé wa eyi. 17Ama aa yịị sịị zụ̀ wụ nịnị ka ọnị yà ịzọọ ini oze ịsa ozoza ọnị ọọ̄ mẹ̀. Ọọ̄ mẹ ka orihi ọ̀ọ zụ̀ụ hụrẹ ẹbẹẹba vẹ. Ịsa ịnị aarẹ aa mẹ ẹtẹẹtẹrẹ ịnị ụmẹ ẹnịnị. Ọọ̄ sị ịsọyịrịị wụ nịnị, ọ rẹẹ̄ mẹ ka ayị awụ nịnị òo hine.” 18Dị ẹ daka maanị yị kà ịrẹyị, ọ sị vọ chee asị odeyi nịnị zụ za wa ka asị ẹ mẹ̀ ịsọvọ hi ẹnị.
19Aniju ẹnyị ệ hụrẹ Antịyọkị (ịnị ẹtẹ Ipisidiya) vẹ, ẹnyị ẹ rẹ hụrẹ ẹkụra Ayịkọnịyọmị vẹ. Dị ẹ tụ́ anẹkụra ẹnẹẹ ịrẹyị, di e ne Ịpọọrụ ịrẹta, di e tura a hụụnị ẹkụra nị. Vị ẹnịnị ro ka ô wusu nị. 20Ịjị ezirẹma nịnị kụ́ gụ kara a, dị ọ kwẹẹtẹ, dị ọ varẹma nọ ịnị ẹkụra nị. Eyinẹhẹ anị, dị ọnịrị Ịbanabasị zị nọ Idabe nị.
Ịpọọrụ nịnị ẹ rẹ nọ ịda Evere Ikirisiti nịnị
21Ịpọọrụ nịnị ệ kà enube ọyịza Ídabe, dị ẹ mẹ ka aza ọrụrụ ẹ̀ vara ezirẹma nị. Dị ẹnịnị varẹma nọ Ịrịsịtịra, dị ẹ hụụ ịzọọ nọ Ayịkọnịyọmị ọnịrị Antịyọkị nị. 22Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.” 23Ịnị ịragụ Ohomorihi ọnya-ọnya, Ịpọọrụ nịnị ệ nyị azọkụ ịragụ yị wa. Dị ẹ mẹ̀ aduwa, dị ẹ za awẹ, dị ẹ kụ́ aza ẹnẹẹ chire Ananyị yị ẹnị ẹnịnị sị ayị tụra ụvọ nị.
24Ệ zị oze Ipisidiya para hu, dị ẹ va ngụ Ipamihwiriya nị. 25Ệ kà enube ọyịza ọnọọ Ípeega, di e chí nọ Atarịya nị.
Ịpọọrụ nịnị ệ varẹma nọ Antịyọkị ịnị ẹtẹ Isiriya
26Ẹnịnị ệ hụụ ịzọọ, dị ẹ ngụ ẹpa và nọ Antịyọkị nị. Ịzọọ a yà sị wa chire Ohomorihi ụvọ ka Ohomorihi ọ̀ mẹ ọyịza yị wa agụvị ụkọrọ ẹnẹẹ sị mẹ ta aanị nị. 27Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị. 28Ệ yà ịzọọ kù pe ezirẹma nịnị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.