3 Ịjọọnụ 1
1
Ụkụ
1 #
Ụkọ 19.29; Iro 16.23; 1 Ịkọ 1.14 Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị. 2Ọta amị ọnị mị sì ịrẹyị anị; Ví o vee zée yị wu nị, Ohomorihi ọ yị vaa zẹẹ ka à nyị ịsị ẹ zị wụ. Mâ yẹ ka ayị awụ ộ vọrọ tụ́ ịdị Ohomorihi. 3Ịnẹ amị ô hine ẹtẹẹtẹrẹ agụvị ka anda ayị nịnị ana vẹ, ệ kà a mị ka waa yịị sị avaba ayị awụụ saasa ịrẹyị Ohomorihi anka ụụ̄ mẹ̀ yịị mẹ. 4Ẹ yị nyị ịsị ẹ zụ sị ịnẹ amị hine hu ka ma wụ́ ka ezi emi aa saasa ịrẹyị Ohomorihi.
 ga Ịgayọsị
5Ọta amị, mée re ka wáa nyị ịzẹyịza ịnị avaba ọgụvọ ọnị ụ waa mẹ̀ẹ yị anda ayị nịnị, ẹ̀ẹ daka vị ọzọga. 6Azọga ẹnẹẹ ệ kà a yị anịragụ Ohomorihi ana yà ịzẹnị ụ mẹmẹ sì ịrẹyị ẹnịnị. Wâ mẹẹ ẹtẹẹrẹ. Aarịhịnị wa yịị gụ wa ụvọ, ẹ̀ẹ yaa jịnẹ hụụ ịdị awụ anka ịsị Ohomorihi sì. 7Agụvị ịrẹyị Ijeesu aza ẹnẹẹ sị sị aa jịnẹ nị. Ẹnịnị ẹ́ yị dọ ka ẹnị ẹ̀ dọ ịsọnyị-ịsọnyị hụụnị ụvọ aza ẹnẹ ẹ̀ yị vị ọdọwụ. 8Agụvị avọọ, áa vọrọ ka ya gụ wa ụvọ, dị ya và ụvọ beri wa ịnị ịrẹyị Ohomorihi nị.
Ịrẹyị ọdọwụ ẹẹva
9Mâ vịdị chẹrẹ iwe tụ́ hi ịragụ Ohomorihi ana yà ịdị awụ nịnị ịzọọ, ama Ịdịyọtịrẹhwẹsị ọ yị zẹẹ ka ọnị ọ̀ wụ́ ịrẹyị amị, agụvị ka ee sì ka ọnị ọ̀ọ sị ẹngụ anịị tụ́ ọvịdị. 10Ịhị màa vẹ ịzọọ, mị vaa kà ịsa ọnị ọ mẹ zụ̀ avaba aza. Ee du mi ịrẹma. A yị vị ọnọọ kẹnẹ, ọ́ yị hyakụ rẹ zẹẹ ka ọdọwụ anda ayị ana àa vẹ ịzọọ, ẹ̀ yà ịdị anị. Aza ene èe sì ka eni è sì wa ọzọga, ọ́ yị hyakụ zẹẹ, dị aā dụ wa hụụnị ịragụ Ohomorihi. 11Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ. 12Àa vị Idemetiriyọsị yọ, ọzọza vị anaa kà ọyịza anị. Ebira ozoza anị ộ hyakụ sị zụ̀ ka aa saasa ịzẹyịza Ohomorihi. Ẹya rẹ dọ ivenu tụ́ ọ bẹẹ; wáa yẹ ka ye me cheeche.
Ịrẹyị ọdịrẹma
13Mâ nyị ịrẹyị ọrụrụ-ọrụrụ oni mi sì ka ma kà wụ, ama me yi sì ka ma chẹrẹ wa tụ́ hi wu. 14Mée rò ka mee vee hee wu, òo kù chee, dị ye dudu kà ịrẹyị eyi gẹrị eyi. 15Ohomorihi ọ̀ sị ẹngwọọrọ yị wụ! Anda ayị ene hi ịzẹnị ka ẹnị kụ́ wụ. Kụ́ avaba anda ayị ene hi ịzọọ ọnya-ọnya yị mị!
Currently Selected:
3 Ịjọọnụ 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
3 Ịjọọnụ 1
1
Ụkụ
1 #
Ụkọ 19.29; Iro 16.23; 1 Ịkọ 1.14 Ẹmị ọzọkụ ịragụ Ohomorihi aa chẹrẹ iwe ọnọnịị túu hi ẹwụ Ịgayọsị ọnị mị sì ịrẹyị anị ẹtẹẹtẹrẹ nị. 2Ọta amị ọnị mị sì ịrẹyị anị; Ví o vee zée yị wu nị, Ohomorihi ọ yị vaa zẹẹ ka à nyị ịsị ẹ zị wụ. Mâ yẹ ka ayị awụ ộ vọrọ tụ́ ịdị Ohomorihi. 3Ịnẹ amị ô hine ẹtẹẹtẹrẹ agụvị ka anda ayị nịnị ana vẹ, ệ kà a mị ka waa yịị sị avaba ayị awụụ saasa ịrẹyị Ohomorihi anka ụụ̄ mẹ̀ yịị mẹ. 4Ẹ yị nyị ịsị ẹ zụ sị ịnẹ amị hine hu ka ma wụ́ ka ezi emi aa saasa ịrẹyị Ohomorihi.
 ga Ịgayọsị
5Ọta amị, mée re ka wáa nyị ịzẹyịza ịnị avaba ọgụvọ ọnị ụ waa mẹ̀ẹ yị anda ayị nịnị, ẹ̀ẹ daka vị ọzọga. 6Azọga ẹnẹẹ ệ kà a yị anịragụ Ohomorihi ana yà ịzẹnị ụ mẹmẹ sì ịrẹyị ẹnịnị. Wâ mẹẹ ẹtẹẹrẹ. Aarịhịnị wa yịị gụ wa ụvọ, ẹ̀ẹ yaa jịnẹ hụụ ịdị awụ anka ịsị Ohomorihi sì. 7Agụvị ịrẹyị Ijeesu aza ẹnẹẹ sị sị aa jịnẹ nị. Ẹnịnị ẹ́ yị dọ ka ẹnị ẹ̀ dọ ịsọnyị-ịsọnyị hụụnị ụvọ aza ẹnẹ ẹ̀ yị vị ọdọwụ. 8Agụvị avọọ, áa vọrọ ka ya gụ wa ụvọ, dị ya và ụvọ beri wa ịnị ịrẹyị Ohomorihi nị.
Ịrẹyị ọdọwụ ẹẹva
9Mâ vịdị chẹrẹ iwe tụ́ hi ịragụ Ohomorihi ana yà ịdị awụ nịnị ịzọọ, ama Ịdịyọtịrẹhwẹsị ọ yị zẹẹ ka ọnị ọ̀ wụ́ ịrẹyị amị, agụvị ka ee sì ka ọnị ọ̀ọ sị ẹngụ anịị tụ́ ọvịdị. 10Ịhị màa vẹ ịzọọ, mị vaa kà ịsa ọnị ọ mẹ zụ̀ avaba aza. Ee du mi ịrẹma. A yị vị ọnọọ kẹnẹ, ọ́ yị hyakụ rẹ zẹẹ ka ọdọwụ anda ayị ana àa vẹ ịzọọ, ẹ̀ yà ịdị anị. Aza ene èe sì ka eni è sì wa ọzọga, ọ́ yị hyakụ zẹẹ, dị aā dụ wa hụụnị ịragụ Ohomorihi. 11Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ. 12Àa vị Idemetiriyọsị yọ, ọzọza vị anaa kà ọyịza anị. Ebira ozoza anị ộ hyakụ sị zụ̀ ka aa saasa ịzẹyịza Ohomorihi. Ẹya rẹ dọ ivenu tụ́ ọ bẹẹ; wáa yẹ ka ye me cheeche.
Ịrẹyị ọdịrẹma
13Mâ nyị ịrẹyị ọrụrụ-ọrụrụ oni mi sì ka ma kà wụ, ama me yi sì ka ma chẹrẹ wa tụ́ hi wu. 14Mée rò ka mee vee hee wu, òo kù chee, dị ye dudu kà ịrẹyị eyi gẹrị eyi. 15Ohomorihi ọ̀ sị ẹngwọọrọ yị wụ! Anda ayị ene hi ịzẹnị ka ẹnị kụ́ wụ. Kụ́ avaba anda ayị ene hi ịzọọ ọnya-ọnya yị mị!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.