2 Ịsamụwẹrị 7
7
Ohomorihi ộ tụ́ Inatanị hi Idevidi
(1 Ịtọ 17.1-15)
1Ịjị Idevidi reè ku ayẹtẹ ini eehi anị. Ẹnẹyịmavara ọ raà mẹ ka asị ọnịvị anị ana ra kara kụkụ kụ́ ọ kata a ẹngụ. 2Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ. 3Di Inatanị tụ́ ọ ohi ka ịsị òo ro tụ́ ịnị ayị kẹnẹ, ọ̀ vavọọ na mẹ̀ ẹ. Ọ kà Ẹnẹyịmavara vaa jẹẹ ịrẹma anị.
4Ịnị ịrahụ ịhị ọnọọ, Ẹnẹyịmavara o ve pè Inatanị kà ịrẹyị dị ọ ka 5“Na kà a yi Idevidi ozi ahụ amị ka mị ka vi óō ro ka ọnị aa vaa dà irehi ọnị mị vaa yà ịnị anị nị? 6Kà a ka m mẹ̀ hụrẹ kụ́ Anisirẹrị nịnị hụrẹ Ijipiti pooro ve tù ajịnị, mẹ yị yà ini irehi. Ma raà hụrẹ aha ẹnyị na ngụ aha ọsa ịnị ajẹngụ mị yị yà nị. 7M mẹ̀ vavọọ aa saasa Anisirẹrị nịnị hụrẹ aha ẹnyị na ngụ aha ọsa, áá nyị ụmẹ ọnị mị sị kà a yị ọdọvịdị ẹnịnị ọnị mị ka ọ̀ọ tẹsị ẹnịnị ka sị ẹ vẹ dị ẹ̀ yị sị ọchị ozoza dà irehi mị?
8“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị. 9Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị. 10Re kà a yọ ka mi vee tenyi aha yị Anisirẹrị aza amị dị mị sị ahụ ẹnịnị jẹẹ. Mị vaa si aha yị wa, dị ẹ ra ịzọọ dị ẹ yị nyị ọza ana kụkụ kụ́ ọ zigi wa. Aza edivi ẹ mā vana mẹ wa eyi ngwẹ-ngwẹ anka ẹ mẹ̀ vịdị mẹ wa. 11Pipooro ve tụ́ ụmẹ ọnị mị nyị ọdọvịdị yị Anisirẹrị aza amị. Kà a ka mẹ yị kụkụ vaa zẹẹ ka ọnịvị amị ẹ̀ kụ́ ọ kata a ẹngụ. Kà a ka ma vịdị sị ọ kà a yọ ka ẹmị Ẹnẹyịmavara ụvọta ọ vaa sị irehi amịị jẹẹ nị. 12#Ahẹ 89.3,4; 132.11; Ịjọ 7.42; Ụkọ 2.30Kà a ka ịhị ẹkụhị amị ọ̀ọ sị gụ dị ọ sị hụrẹ ẹhẹ nị, mị vaa si ozi anịị dọ ọ ịrẹsụ. Kà a ka ozi anị ụvọta ozi ọnọọ vaa vị nị, dị mị mẹ ka ohinọyị ọnị ọ rị ọ̀ nyị ahụ jẹẹ. 13Kà a yọ ka ozi anị ọnọọ ọ vaa dà irehi mị nị. Ozi anị ọnọọ mị vaa si ahụ ohinọyị ọnị ọ rị jẹẹ pooro zịna-zịna nị. 14#Ahẹ 89.26,27; 2 Ịkọ 6.18; Ihib 1.5Ẹma vaa vị ada anị, dị ọnị vi ozi emi nị. Ozi anị ọnọọ ọ̀ọ mẹ ịrẹyị dị mị jị inori ana aza siī tụ́ ozi, dị mị vavọọ si tụ́ ọ. 15Mi vee sì ịrẹyị anị pooro nị. Ẹ yị nyị ụmẹ ọnị mị va sịị̄ sị ịrẹyị anịị hụụnị ayị amị. Ịsọọrụ mị sị kwooze dị mị si Idevidi rị ohinọyị nị. 16#Ahẹ 89.36,37Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”
17Ịzẹyịza dị Inatanị maanị na kà avaba ịrẹyị oni o re aanị yị Idevidi nị.
Aduwa oni Idevidi mẹ
(1 Ịtọ 17.16-27)
18Di Idevidi ngụ ajẹngụ na, dị ọ na yaayịtẹ pè Ẹnẹyịmavara dị ọ ka Ẹnẹyịmavara Ochẹtẹẹngụ, sị mị vị ana vị da? Sị aneehi amị vị ọnị ụ maanị nyayịnẹ mẹ ọyịza yị? 19Ho! Ẹnẹyịmavara Ochẹtẹẹngụ, ụ ka ẹhwị ọnị ụ mẹ aanị ọ yị mẹ̀hị zee? Dị ụ rẹ maanị kà ịrẹyị ịsa ozoza ọnị ụ vaa mẹẹ yị ẹmị ozi ahụ awụ ịrẹma ụhwọọ? Ụ nyayịnẹ ngụ ayị ọza oo! 20Sị mị vị ana zụ kà a wụ booro aanị? Ẹnẹyịmavara Ochẹtẹẹngụ, wâ yẹ ẹmị ozi ahụ awụ. 21Ụ maanị nyị ẹngụ awụ iyi kẹnẹ di u sì ka wa maanị mẹ̀ ịsa ẹbanyị ẹnẹnị nị. Dị ụ raà kà a zụ emi ozi ahụ awụ bẹẹ nị.
22“Ẹnẹyịmavara Ochẹtẹẹngụ, wâ nyị ụbanyị o! nyị ọza ene e siī jị uwe awụ. Ẹ yị nyị Ohomorihi ọsa à yị vị ẹwụ. Â vịdị vavọọ sị sị ọ kà yị, 23#Ọda 4.34rẹ nyị anẹkụra ọsa ịnị avaba ẹhẹ, à yị vị Anisirẹrị kẹnẹ ọnị ụ vavọọ na dọ tụ́ hụụnị ọrịhị, dị ụ vara wa aza awụ dị waa sị waa rị ịrẹha. Wâ dụ anẹkụra ọnịrị ori ẹnịnị hụrẹ oze yị aza awụ. Ọnọọ vị ịvọpa ọbanyị. Avọọ ụ mẹ̀ dọ wa hụrẹ ụvọ Anijipiti nị. 24Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”
25“Ẹnẹyịmavara ana vị Ohomorihi, navọ kwogwo ịsị ụ ka ụ vaa mẹẹ yị emi ozi ahụ awụ ọnịrị aneehi amị aanị, wa sị tụ́ ịnị ayị pooro. Navọ ịsị ụ ka waa mẹ aanị, wa vavọọ mẹ̀ ẹ. 26Wàa vavọọ mẹ̀ ẹ, vị ụ vaa sị nyị ụbanyị pooro nị. Ịjọnọọ aza vaa kà a ka ẹwụ Ẹnẹyịmavara Ochẹtẹẹngụ ọ vị Ohomorihi Anisirẹrị nị. Dị ụ raà sị irehi emi ozi ahụ jẹẹ.”
27“Ẹnẹyịmavara Ochẹtẹẹngụ ana vị Ohomorihi Anisirẹrị wa raà sị zụ̀ ẹmị ozi ahụ awụ ka ụ vaa si irehi amịị jẹẹ. Ọnị ọ mẹ ka ma nyị ayị dị ma maanị mẹ̀ aduwa nị. 28Ẹnẹyịmavara Ochẹtẹẹngụ ẹwa vi Ohomorihi nọ! Ịrẹyị ọnị ụ kà ọ rụra sị ayị tụra. Ẹwa maanị kà a ka ụ vaa mẹ̀ ịsa ozoza ẹnẹnịị yị emi ozi ahụ awụ nị. 29Aarịhịnị navọ wa mẹ ka ò zee yị eehi emi ozi ahụ awụ, dị waa mẹ ọyịzaa yị wa pooro. Ẹnẹyịmavara Ochẹtẹẹngụ wa sị ọ kà, wa raà mẹ̀ aduwa yị eehi emi ozi ahụ awụ. Mâ yẹ ka irehi amị vi oni o vee zee yi pooro zịna-zịna.”
Currently Selected:
2 Ịsamụwẹrị 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ịsamụwẹrị 7
7
Ohomorihi ộ tụ́ Inatanị hi Idevidi
(1 Ịtọ 17.1-15)
1Ịjị Idevidi reè ku ayẹtẹ ini eehi anị. Ẹnẹyịmavara ọ raà mẹ ka asị ọnịvị anị ana ra kara kụkụ kụ́ ọ kata a ẹngụ. 2Ẹkụhị ọnya dị Idevidi va hị́ Inatanị ana vị ọnịsẹ dị ọ kà ọnị ọ yà ini irehi ọbanyị ana a sị ọchị isida dà a ama apoti oto Ohomorihi vị ana yị yà ịnị ajẹngụ. 3Di Inatanị tụ́ ọ ohi ka ịsị òo ro tụ́ ịnị ayị kẹnẹ, ọ̀ vavọọ na mẹ̀ ẹ. Ọ kà Ẹnẹyịmavara vaa jẹẹ ịrẹma anị.
4Ịnị ịrahụ ịhị ọnọọ, Ẹnẹyịmavara o ve pè Inatanị kà ịrẹyị dị ọ ka 5“Na kà a yi Idevidi ozi ahụ amị ka mị ka vi óō ro ka ọnị aa vaa dà irehi ọnị mị vaa yà ịnị anị nị? 6Kà a ka m mẹ̀ hụrẹ kụ́ Anisirẹrị nịnị hụrẹ Ijipiti pooro ve tù ajịnị, mẹ yị yà ini irehi. Ma raà hụrẹ aha ẹnyị na ngụ aha ọsa ịnị ajẹngụ mị yị yà nị. 7M mẹ̀ vavọọ aa saasa Anisirẹrị nịnị hụrẹ aha ẹnyị na ngụ aha ọsa, áá nyị ụmẹ ọnị mị sị kà a yị ọdọvịdị ẹnịnị ọnị mị ka ọ̀ọ tẹsị ẹnịnị ka sị ẹ vẹ dị ẹ̀ yị sị ọchị ozoza dà irehi mị?
8“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị. 9Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị. 10Re kà a yọ ka mi vee tenyi aha yị Anisirẹrị aza amị dị mị sị ahụ ẹnịnị jẹẹ. Mị vaa si aha yị wa, dị ẹ ra ịzọọ dị ẹ yị nyị ọza ana kụkụ kụ́ ọ zigi wa. Aza edivi ẹ mā vana mẹ wa eyi ngwẹ-ngwẹ anka ẹ mẹ̀ vịdị mẹ wa. 11Pipooro ve tụ́ ụmẹ ọnị mị nyị ọdọvịdị yị Anisirẹrị aza amị. Kà a ka mẹ yị kụkụ vaa zẹẹ ka ọnịvị amị ẹ̀ kụ́ ọ kata a ẹngụ. Kà a ka ma vịdị sị ọ kà a yọ ka ẹmị Ẹnẹyịmavara ụvọta ọ vaa sị irehi amịị jẹẹ nị. 12#Ahẹ 89.3,4; 132.11; Ịjọ 7.42; Ụkọ 2.30Kà a ka ịhị ẹkụhị amị ọ̀ọ sị gụ dị ọ sị hụrẹ ẹhẹ nị, mị vaa si ozi anịị dọ ọ ịrẹsụ. Kà a ka ozi anị ụvọta ozi ọnọọ vaa vị nị, dị mị mẹ ka ohinọyị ọnị ọ rị ọ̀ nyị ahụ jẹẹ. 13Kà a yọ ka ozi anị ọnọọ ọ vaa dà irehi mị nị. Ozi anị ọnọọ mị vaa si ahụ ohinọyị ọnị ọ rị jẹẹ pooro zịna-zịna nị. 14#Ahẹ 89.26,27; 2 Ịkọ 6.18; Ihib 1.5Ẹma vaa vị ada anị, dị ọnị vi ozi emi nị. Ozi anị ọnọọ ọ̀ọ mẹ ịrẹyị dị mị jị inori ana aza siī tụ́ ozi, dị mị vavọọ si tụ́ ọ. 15Mi vee sì ịrẹyị anị pooro nị. Ẹ yị nyị ụmẹ ọnị mị va sịị̄ sị ịrẹyị anịị hụụnị ayị amị. Ịsọọrụ mị sị kwooze dị mị si Idevidi rị ohinọyị nị. 16#Ahẹ 89.36,37Kà a yọ ka irehi anị ọnịrị ohinọyị ọnị ọ rị vị ọnị mị vaa sị jẹẹ pooro.”
17Ịzẹyịza dị Inatanị maanị na kà avaba ịrẹyị oni o re aanị yị Idevidi nị.
Aduwa oni Idevidi mẹ
(1 Ịtọ 17.16-27)
18Di Idevidi ngụ ajẹngụ na, dị ọ na yaayịtẹ pè Ẹnẹyịmavara dị ọ ka Ẹnẹyịmavara Ochẹtẹẹngụ, sị mị vị ana vị da? Sị aneehi amị vị ọnị ụ maanị nyayịnẹ mẹ ọyịza yị? 19Ho! Ẹnẹyịmavara Ochẹtẹẹngụ, ụ ka ẹhwị ọnị ụ mẹ aanị ọ yị mẹ̀hị zee? Dị ụ rẹ maanị kà ịrẹyị ịsa ozoza ọnị ụ vaa mẹẹ yị ẹmị ozi ahụ awụ ịrẹma ụhwọọ? Ụ nyayịnẹ ngụ ayị ọza oo! 20Sị mị vị ana zụ kà a wụ booro aanị? Ẹnẹyịmavara Ochẹtẹẹngụ, wâ yẹ ẹmị ozi ahụ awụ. 21Ụ maanị nyị ẹngụ awụ iyi kẹnẹ di u sì ka wa maanị mẹ̀ ịsa ẹbanyị ẹnẹnị nị. Dị ụ raà kà a zụ emi ozi ahụ awụ bẹẹ nị.
22“Ẹnẹyịmavara Ochẹtẹẹngụ, wâ nyị ụbanyị o! nyị ọza ene e siī jị uwe awụ. Ẹ yị nyị Ohomorihi ọsa à yị vị ẹwụ. Â vịdị vavọọ sị sị ọ kà yị, 23#Ọda 4.34rẹ nyị anẹkụra ọsa ịnị avaba ẹhẹ, à yị vị Anisirẹrị kẹnẹ ọnị ụ vavọọ na dọ tụ́ hụụnị ọrịhị, dị ụ vara wa aza awụ dị waa sị waa rị ịrẹha. Wâ dụ anẹkụra ọnịrị ori ẹnịnị hụrẹ oze yị aza awụ. Ọnọọ vị ịvọpa ọbanyị. Avọọ ụ mẹ̀ dọ wa hụrẹ ụvọ Anijipiti nị. 24Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”
25“Ẹnẹyịmavara ana vị Ohomorihi, navọ kwogwo ịsị ụ ka ụ vaa mẹẹ yị emi ozi ahụ awụ ọnịrị aneehi amị aanị, wa sị tụ́ ịnị ayị pooro. Navọ ịsị ụ ka waa mẹ aanị, wa vavọọ mẹ̀ ẹ. 26Wàa vavọọ mẹ̀ ẹ, vị ụ vaa sị nyị ụbanyị pooro nị. Ịjọnọọ aza vaa kà a ka ẹwụ Ẹnẹyịmavara Ochẹtẹẹngụ ọ vị Ohomorihi Anisirẹrị nị. Dị ụ raà sị irehi emi ozi ahụ jẹẹ.”
27“Ẹnẹyịmavara Ochẹtẹẹngụ ana vị Ohomorihi Anisirẹrị wa raà sị zụ̀ ẹmị ozi ahụ awụ ka ụ vaa si irehi amịị jẹẹ. Ọnị ọ mẹ ka ma nyị ayị dị ma maanị mẹ̀ aduwa nị. 28Ẹnẹyịmavara Ochẹtẹẹngụ ẹwa vi Ohomorihi nọ! Ịrẹyị ọnị ụ kà ọ rụra sị ayị tụra. Ẹwa maanị kà a ka ụ vaa mẹ̀ ịsa ozoza ẹnẹnịị yị emi ozi ahụ awụ nị. 29Aarịhịnị navọ wa mẹ ka ò zee yị eehi emi ozi ahụ awụ, dị waa mẹ ọyịzaa yị wa pooro. Ẹnẹyịmavara Ochẹtẹẹngụ wa sị ọ kà, wa raà mẹ̀ aduwa yị eehi emi ozi ahụ awụ. Mâ yẹ ka irehi amị vi oni o vee zee yi pooro zịna-zịna.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.