2 Ịsamụwẹrị 3
3
1Ịrẹkụ ana chị tụ́ ịnị akakana aneehi Idevidi ọnịrị aneehi Ịsọọrụ vị ẹnị ẹ kụ̀ gọdọ ẹtẹẹtẹrẹ. Aza Idevidi ẹnị aa nyị ụkataa hụ avọọ, dị aza Ịsọọrụ ẹnị aa hịmịị hu avọọ nị.
Ezi Idevidi
2Ese Idevidi ệ ma ezi ọnọrụ yọ e mè hi Ihebirọnị. Ozi ọnọrụ anị ana vị ọzọkụ ọ rị Amịnọnị nị. Ose Idevidi ana aā hị́ Ahinowamị ana vị Anijezirẹrị ọ ma a yọ nị. 3Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi. 4Dị ọgụ ọhụna ẹnị rị Adonija nị. Ọnyị Adonija ọ rị Ihagiti nị. Ọnị ọhụhị ẹnịnị ọ rị Isehwatiya nị. Ọnyị anị ọ rị Abitari nị. 5Ana gụ wa ịhịnọnyị ọ rị Itireyami nị, ose Idevidi ana aā hị́ Egira ọ ma ọnọọ nị. Avaba ẹnẹẹ a ma yị Idevidi ọ́ mẹ̀ yà Ihebirọnị nị.
Abịna ộ vana sị va ka Idevidi na
6Aneehi Ịsọọrụ ọnịrị aneehi Idevidi màa kịị kụ̀ ịrẹkụ, dị Abịna nyayịnẹ aa gụ aneehi Ịsọọrụ ụvọ nị. 7Ịsọọrụ ộ vịdị nyị onyeehi ọnya di o ve sú. Ịrẹha onyeehi anị ọnọọ ọ rị Irizipa ozi Aya nị. Ẹkụhị ọnya di Isibọsẹtị va hị́ Abịna dị ọ ka sị ẹ vẹ dị aa sị onyeehi ada anị? 8Ịrẹyị oni Isibọsẹtị maanị kà aanị ộ kụ́ Abịna ayị ẹtẹẹtẹrẹ. Dị ọ ka, “Ho! ọnịyẹyẹ ụ wáá sị ọ hị́ ka ma vị nị? Vi u wee ro o ka ẹmịrị Anijuda ọ kụkụ yà nị? Booro aanị ayị ọnya mị sị jẹẹ pè avaba aneehi anị ọnịrị ọta anị nị. Mẹ yị zẹẹ ka Idevidi ọ̀ wụ̀ wụ. Ama dị ahịka ịrẹyị ọnẹẹ ụ va za va sụ mị nị.” 9-10#1 Ịsa 15.28Di Abịna rẹ ka, “Ẹnẹyịmavara ọ raà hị́ eku ka Idevidi ọ vaa vị ohinọyị nị. Maa hụrẹ ụvọ ohinọyị yị Idevidi. Maa sị ọ rị ohinọyị dị ọ nyị ahụ jẹẹ ịrẹsụ Isirẹrị ọnịrị Ijuda. Ọnị ọ vaa rị ohinọyị huu hụrẹ Ịdaanị na ngụ Ịbẹẹsẹba nị. Mẹ̀ yị rẹ vavọọ vaa mẹ Idevidi, asị Ohomorihi zẹẹ ka ò zoza yi emi Abịna.” 11Isibọsẹtị ọ yị kụkụ nyayịnẹ tụ́ Abịna ohi ọsa, agụvị ka angwa ee hí ọ.
12Dị Abịna ọ tụ́ ezida anị hi Idevidi ọ mẹ yà Ịhẹbịrọnị. Ọ kà ẹ̀ họ̀ ọ ka, “Ẹnẹ vaa vị ohinọyị ẹtẹ ọnọọ? Ẹmịrị ọ ọ̀ và ụvọọ bẹ, mị vaa mẹ ka avaba Anisirẹrị ẹ̀ và kú ọ ịrẹma.”
13Ịjị a vavọọ na kà a yi Idevidi, dị ọ ka ọnị ộ ka ọnịrị ọ ọ̀ và ụvọ bẹ nị. Di Idevidi kà a ana â nyị ịsa ọnya ọnị ọnị ee họ̀ use anị da. Ọ kà Abịna àa vẹ ịda anị, asị a zụ nyị ka ọ yị sị Imikari ozi Ịsọọrụ vẹ.
14 #
1 Ịsa 18.27
Di Idevidi ọnị rẹ tụ́ ezida anị hi Isibọsẹtị ozi Ịsọọrụ nị. Ọ kà èe tụ́ ịzọọ ẹ̀ kà a yọ ka ọ́ sị Imikari ose ọnị Idevidi va yị ọnị. Ọ kà Anihwirisiti ẹchẹhị ọnị wụ dị ọnị jị wa ụvẹvẹnẹ, dị ọnị kụ́ ụpa anị ọnị ọnị sị sị ụta ka ọnị ọ̀ nyị Imikari nị. 15Ịjọnọọ Imikari ọnị yà ịda ọva anị ana aā hị́ Iparitiyeri ana vi ozi Irayisi. Di Isibọsẹtị ka à na sị̀ Imikari hụụ ịda ọva anị ọnọọ nị. 16Á mẹ̀ vavọọ na sị ọ, dị ọva anị ee sụ ùnèe dụ ọ na pooro dị ẹ na ngụ ịzị aā hị́ Ibahurimi nị. Di Abịna va kà a yọ ka ọ̀ varẹma ọ̀ọ nọ eehi, dị ọ ka ooho, dị ọ varẹma nị.
17Ẹkụhị ọnya di Abịna va hị́ ọdọvịdị Anisirẹrị dị ẹ gẹ eyi nị. Dị ọ ka, “o si ku oni u hụrẹ ee sì ka Idevidi ọ̀ vị ohinọyị awụ nịnị. 18O si tù ka wa sị ọ mẹ ohinọyị nịnị booro aanị. Wâ yẹ ka Ẹnẹyịmavara ộ vịdị sị ọ kà yi Idevidi ka ọnị Idevidi ọnị vaa mẹ ka ọ̀ dọ Anisirẹrị aza anị tụ́ hụụnị ụvọ Anihwirisiti ọnịrị avaba ọnịvị ẹnịnị nị.” 19Di Abịna rẹ na kà ịrẹyị yị Anịbẹnjamịnị nị. Dị ọ va nọ Ihebirọnị dị ọ na kà a yi Idevidi avaba ịsị Anisirẹrị ọnịrị Anịbẹnjamịnị ka ẹnị vaa mẹ nị.
20Abịna mẹ̀ vavọọ aa nọ ịda Idevidi Íhebirọnị, aza ẹnị oohu ọ kụ́ tụra ẹngụ aa na nị. Idevidi ộ mẹ̀ ịsa oni o si sì ọnịrị aza anị ọzọga. 21Di Abịna va kà a yi Idevidi dị ọ ka à jẹẹ ọnị ọ̀ wụsẹ na wara avaba Anisirẹrị gụ yi Idevidi ọga anị ana vị ohinọyị. Ọ kà ọnị ọ̀ọ si wa wara gụ, dị ẹ̀ hị́ eku yi Idevidi, di Idevidi ò re oze mẹ ohinọyị yị avaba ẹnịnị tù ịzị eyi ộ za a ne tù. Di Idevidi ka Abịna ọ̀ọ na ẹngwọọrọ nị.
Ijowabi ọ na wụ̀ Abịna
22Abịna mé yi si hu kẹnẹ di aza Idevidi ọnịrị Ijowabi va hụrẹ ịzị ẹ na kụ̀ ịrẹkụ aa vẹ nị. Ẹ màa vẹ, ệ hara ogu ẹnị ẹ kú éyi ịrẹkụ vẹ ẹtẹẹtẹrẹ. Ama Abịna ọ yị kụkụ yi ịda Idevidi Íhebirọnị. Idevidi ọ sị ọ kà ka ọ̀ọ na. O si hu, ẹ yị nyị ịsị ẹ mẹ̀ ẹ. 23Ịjị Ijowabi ọnịrị isoja anị zị vẹ, dị a kà a yọ ka, “Abịna ozi Ineri ộ vẹ ịda ohinọyị ọ! Ohinọyị vị ana naavọ ka ọ̀ọ na kẹnẹ, ẹ yị nyị ịsị ọ mẹ̀ ẹ.”
24Di Ijowabi ve ne tù ohinọyị dị ọ ka, “Taarụ, sị ụ mẹ aanị? A ka Abịna ộ vẹ ịda awụ. Sị ẹ vẹ dị ụ naavọ ka ọ̀ọ na kẹnẹ? Wéē re ka vi o si hu aanị nị? 25Mee ro ka wẹ yị yẹ Abịna ozi Ineri ọnọọ? Vị ọ vẹ ka ọnị ò ve vene wu, dị ọnị ò re ụsẹ awụ ọ̀ọ́ mẹmẹ yà, dị ọnị ọ̀ yẹ avaba ịsị waa mẹ nọ.”
26Di Ijowabi sị hụụ ịdị Idevidi nị. Dị ọ tụ́ ka à tụra Abịna ịrẹma na dị ahịka ụtọ ịkangga Isira a na saasa a, di a hị́ ọ vavẹ nị. Ama Idevidi ọnị ọ yị yẹ ka â vavọọ tụ́ na hị́ ọ. 27Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.
28O si ku chee, di Idevidi va wụ́ ka aanị Ijowabi mẹ̀ mẹ nị. Di Idevidi ka, “Ẹnẹyịmavara ee re e ka ẹmịrị aza ọnị mị vị ohinọyị anị ẹ yị bẹ tụ́ ịnị isu Abịna ozi Ineri. Ịvị amị ẹ yị vaa rị yị pooro pàá. 29Isu Abịna vị ẹnị ẹnya vaa rị Ijowabi ịrẹsụ ọnịrị avaba aneehi ada anị. Avaba aneehi Ijowabi vị ẹnị ẹngụ ẹnịnị vaa jị ikenebe arumada, dị ụkụ ọbanyị za wa. Okutẹ aza ẹnyị vaa sị zị ụsẹ, dị ịrẹkụ wụ̀ aza ẹnyị nị. Ẹnịnị e mē vene re ịsa rị.” 30Ijowabi ọnịrị Abisayi ọyịnyara anị vị ana wụ Abịna agụvị ka Abịna ộ wụ Asahẹrị ọyịnyara ẹnịnị ịnị ịrẹkụ ẹnị ẹ kụ̀ Igibiyọnị.
Ê ne Abịna
31Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma. 32Dị ẹ sị Abịna, di e ne ne e tụ́ Ihebirọnị nị. Di Idevidi yà ini ikuta Abịna, di o sụ́ ùnè ẹtẹẹtẹrẹ nị. Avaba aza ẹnị vị ene ree sụ́ ùnè bẹẹ. 33Ahẹ oni ohinọyị sị jị òrèrè Abịna yị:
“Áá vọrọ ka Abịna ò sú anka ọnụra avọọ?
34Ọza ọ yị sụ́ ụ ahụ oo, ọza ọ yị sụ́ ụ ụvọ.
Vi u sú kẹnẹ nị oo, anka ọza ana aza edivi wụ avọọ.”
Dị avaba aza rẹ jị òrèrè anị nị.
35Aza Idevidi ệ vẹ dị ẹ va dá ịpẹ yọ ka ọ̀ navọ dị ọ̀ rị ịsa nị. Di Idevidi ka àa vị ka ọnị ọ raà sị ịsa kanyị irenu, dị ọyị ọ̀ ta, asị Ohomorihi zẹẹ ka ò zoza yị ọnị.
36Aza mẹ̀ vavọọ wụ́, ô hine wa. Avaba ịsa ohinọyị mẹ vi ene hine wa. 37Ịhị ọnọọ avaba aza ọnịrị avaba Anisirẹrị yẹ ka ịzẹyịza ohinọyị ọ yị bẹ tụ́ ini isu Abịna ozi Ineri nị. 38Di ohinọyị va hị́ aza ene hi ịda anị dị ọ ka, “Aanị ka wẹ yị yẹ nịnị ka ọdọvịdị ọbanyị ọnya o sú ịnị Anisirẹrị nịnị ajịnị aanị nị? 39Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”
Currently Selected:
2 Ịsamụwẹrị 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ịsamụwẹrị 3
3
1Ịrẹkụ ana chị tụ́ ịnị akakana aneehi Idevidi ọnịrị aneehi Ịsọọrụ vị ẹnị ẹ kụ̀ gọdọ ẹtẹẹtẹrẹ. Aza Idevidi ẹnị aa nyị ụkataa hụ avọọ, dị aza Ịsọọrụ ẹnị aa hịmịị hu avọọ nị.
Ezi Idevidi
2Ese Idevidi ệ ma ezi ọnọrụ yọ e mè hi Ihebirọnị. Ozi ọnọrụ anị ana vị ọzọkụ ọ rị Amịnọnị nị. Ose Idevidi ana aā hị́ Ahinowamị ana vị Anijezirẹrị ọ ma a yọ nị. 3Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi. 4Dị ọgụ ọhụna ẹnị rị Adonija nị. Ọnyị Adonija ọ rị Ihagiti nị. Ọnị ọhụhị ẹnịnị ọ rị Isehwatiya nị. Ọnyị anị ọ rị Abitari nị. 5Ana gụ wa ịhịnọnyị ọ rị Itireyami nị, ose Idevidi ana aā hị́ Egira ọ ma ọnọọ nị. Avaba ẹnẹẹ a ma yị Idevidi ọ́ mẹ̀ yà Ihebirọnị nị.
Abịna ộ vana sị va ka Idevidi na
6Aneehi Ịsọọrụ ọnịrị aneehi Idevidi màa kịị kụ̀ ịrẹkụ, dị Abịna nyayịnẹ aa gụ aneehi Ịsọọrụ ụvọ nị. 7Ịsọọrụ ộ vịdị nyị onyeehi ọnya di o ve sú. Ịrẹha onyeehi anị ọnọọ ọ rị Irizipa ozi Aya nị. Ẹkụhị ọnya di Isibọsẹtị va hị́ Abịna dị ọ ka sị ẹ vẹ dị aa sị onyeehi ada anị? 8Ịrẹyị oni Isibọsẹtị maanị kà aanị ộ kụ́ Abịna ayị ẹtẹẹtẹrẹ. Dị ọ ka, “Ho! ọnịyẹyẹ ụ wáá sị ọ hị́ ka ma vị nị? Vi u wee ro o ka ẹmịrị Anijuda ọ kụkụ yà nị? Booro aanị ayị ọnya mị sị jẹẹ pè avaba aneehi anị ọnịrị ọta anị nị. Mẹ yị zẹẹ ka Idevidi ọ̀ wụ̀ wụ. Ama dị ahịka ịrẹyị ọnẹẹ ụ va za va sụ mị nị.” 9-10#1 Ịsa 15.28Di Abịna rẹ ka, “Ẹnẹyịmavara ọ raà hị́ eku ka Idevidi ọ vaa vị ohinọyị nị. Maa hụrẹ ụvọ ohinọyị yị Idevidi. Maa sị ọ rị ohinọyị dị ọ nyị ahụ jẹẹ ịrẹsụ Isirẹrị ọnịrị Ijuda. Ọnị ọ vaa rị ohinọyị huu hụrẹ Ịdaanị na ngụ Ịbẹẹsẹba nị. Mẹ̀ yị rẹ vavọọ vaa mẹ Idevidi, asị Ohomorihi zẹẹ ka ò zoza yi emi Abịna.” 11Isibọsẹtị ọ yị kụkụ nyayịnẹ tụ́ Abịna ohi ọsa, agụvị ka angwa ee hí ọ.
12Dị Abịna ọ tụ́ ezida anị hi Idevidi ọ mẹ yà Ịhẹbịrọnị. Ọ kà ẹ̀ họ̀ ọ ka, “Ẹnẹ vaa vị ohinọyị ẹtẹ ọnọọ? Ẹmịrị ọ ọ̀ và ụvọọ bẹ, mị vaa mẹ ka avaba Anisirẹrị ẹ̀ và kú ọ ịrẹma.”
13Ịjị a vavọọ na kà a yi Idevidi, dị ọ ka ọnị ộ ka ọnịrị ọ ọ̀ và ụvọ bẹ nị. Di Idevidi kà a ana â nyị ịsa ọnya ọnị ọnị ee họ̀ use anị da. Ọ kà Abịna àa vẹ ịda anị, asị a zụ nyị ka ọ yị sị Imikari ozi Ịsọọrụ vẹ.
14 #
1 Ịsa 18.27
Di Idevidi ọnị rẹ tụ́ ezida anị hi Isibọsẹtị ozi Ịsọọrụ nị. Ọ kà èe tụ́ ịzọọ ẹ̀ kà a yọ ka ọ́ sị Imikari ose ọnị Idevidi va yị ọnị. Ọ kà Anihwirisiti ẹchẹhị ọnị wụ dị ọnị jị wa ụvẹvẹnẹ, dị ọnị kụ́ ụpa anị ọnị ọnị sị sị ụta ka ọnị ọ̀ nyị Imikari nị. 15Ịjọnọọ Imikari ọnị yà ịda ọva anị ana aā hị́ Iparitiyeri ana vi ozi Irayisi. Di Isibọsẹtị ka à na sị̀ Imikari hụụ ịda ọva anị ọnọọ nị. 16Á mẹ̀ vavọọ na sị ọ, dị ọva anị ee sụ ùnèe dụ ọ na pooro dị ẹ na ngụ ịzị aā hị́ Ibahurimi nị. Di Abịna va kà a yọ ka ọ̀ varẹma ọ̀ọ nọ eehi, dị ọ ka ooho, dị ọ varẹma nị.
17Ẹkụhị ọnya di Abịna va hị́ ọdọvịdị Anisirẹrị dị ẹ gẹ eyi nị. Dị ọ ka, “o si ku oni u hụrẹ ee sì ka Idevidi ọ̀ vị ohinọyị awụ nịnị. 18O si tù ka wa sị ọ mẹ ohinọyị nịnị booro aanị. Wâ yẹ ka Ẹnẹyịmavara ộ vịdị sị ọ kà yi Idevidi ka ọnị Idevidi ọnị vaa mẹ ka ọ̀ dọ Anisirẹrị aza anị tụ́ hụụnị ụvọ Anihwirisiti ọnịrị avaba ọnịvị ẹnịnị nị.” 19Di Abịna rẹ na kà ịrẹyị yị Anịbẹnjamịnị nị. Dị ọ va nọ Ihebirọnị dị ọ na kà a yi Idevidi avaba ịsị Anisirẹrị ọnịrị Anịbẹnjamịnị ka ẹnị vaa mẹ nị.
20Abịna mẹ̀ vavọọ aa nọ ịda Idevidi Íhebirọnị, aza ẹnị oohu ọ kụ́ tụra ẹngụ aa na nị. Idevidi ộ mẹ̀ ịsa oni o si sì ọnịrị aza anị ọzọga. 21Di Abịna va kà a yi Idevidi dị ọ ka à jẹẹ ọnị ọ̀ wụsẹ na wara avaba Anisirẹrị gụ yi Idevidi ọga anị ana vị ohinọyị. Ọ kà ọnị ọ̀ọ si wa wara gụ, dị ẹ̀ hị́ eku yi Idevidi, di Idevidi ò re oze mẹ ohinọyị yị avaba ẹnịnị tù ịzị eyi ộ za a ne tù. Di Idevidi ka Abịna ọ̀ọ na ẹngwọọrọ nị.
Ijowabi ọ na wụ̀ Abịna
22Abịna mé yi si hu kẹnẹ di aza Idevidi ọnịrị Ijowabi va hụrẹ ịzị ẹ na kụ̀ ịrẹkụ aa vẹ nị. Ẹ màa vẹ, ệ hara ogu ẹnị ẹ kú éyi ịrẹkụ vẹ ẹtẹẹtẹrẹ. Ama Abịna ọ yị kụkụ yi ịda Idevidi Íhebirọnị. Idevidi ọ sị ọ kà ka ọ̀ọ na. O si hu, ẹ yị nyị ịsị ẹ mẹ̀ ẹ. 23Ịjị Ijowabi ọnịrị isoja anị zị vẹ, dị a kà a yọ ka, “Abịna ozi Ineri ộ vẹ ịda ohinọyị ọ! Ohinọyị vị ana naavọ ka ọ̀ọ na kẹnẹ, ẹ yị nyị ịsị ọ mẹ̀ ẹ.”
24Di Ijowabi ve ne tù ohinọyị dị ọ ka, “Taarụ, sị ụ mẹ aanị? A ka Abịna ộ vẹ ịda awụ. Sị ẹ vẹ dị ụ naavọ ka ọ̀ọ na kẹnẹ? Wéē re ka vi o si hu aanị nị? 25Mee ro ka wẹ yị yẹ Abịna ozi Ineri ọnọọ? Vị ọ vẹ ka ọnị ò ve vene wu, dị ọnị ò re ụsẹ awụ ọ̀ọ́ mẹmẹ yà, dị ọnị ọ̀ yẹ avaba ịsị waa mẹ nọ.”
26Di Ijowabi sị hụụ ịdị Idevidi nị. Dị ọ tụ́ ka à tụra Abịna ịrẹma na dị ahịka ụtọ ịkangga Isira a na saasa a, di a hị́ ọ vavẹ nị. Ama Idevidi ọnị ọ yị yẹ ka â vavọọ tụ́ na hị́ ọ. 27Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.
28O si ku chee, di Idevidi va wụ́ ka aanị Ijowabi mẹ̀ mẹ nị. Di Idevidi ka, “Ẹnẹyịmavara ee re e ka ẹmịrị aza ọnị mị vị ohinọyị anị ẹ yị bẹ tụ́ ịnị isu Abịna ozi Ineri. Ịvị amị ẹ yị vaa rị yị pooro pàá. 29Isu Abịna vị ẹnị ẹnya vaa rị Ijowabi ịrẹsụ ọnịrị avaba aneehi ada anị. Avaba aneehi Ijowabi vị ẹnị ẹngụ ẹnịnị vaa jị ikenebe arumada, dị ụkụ ọbanyị za wa. Okutẹ aza ẹnyị vaa sị zị ụsẹ, dị ịrẹkụ wụ̀ aza ẹnyị nị. Ẹnịnị e mē vene re ịsa rị.” 30Ijowabi ọnịrị Abisayi ọyịnyara anị vị ana wụ Abịna agụvị ka Abịna ộ wụ Asahẹrị ọyịnyara ẹnịnị ịnị ịrẹkụ ẹnị ẹ kụ̀ Igibiyọnị.
Ê ne Abịna
31Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma. 32Dị ẹ sị Abịna, di e ne ne e tụ́ Ihebirọnị nị. Di Idevidi yà ini ikuta Abịna, di o sụ́ ùnè ẹtẹẹtẹrẹ nị. Avaba aza ẹnị vị ene ree sụ́ ùnè bẹẹ. 33Ahẹ oni ohinọyị sị jị òrèrè Abịna yị:
“Áá vọrọ ka Abịna ò sú anka ọnụra avọọ?
34Ọza ọ yị sụ́ ụ ahụ oo, ọza ọ yị sụ́ ụ ụvọ.
Vi u sú kẹnẹ nị oo, anka ọza ana aza edivi wụ avọọ.”
Dị avaba aza rẹ jị òrèrè anị nị.
35Aza Idevidi ệ vẹ dị ẹ va dá ịpẹ yọ ka ọ̀ navọ dị ọ̀ rị ịsa nị. Di Idevidi ka àa vị ka ọnị ọ raà sị ịsa kanyị irenu, dị ọyị ọ̀ ta, asị Ohomorihi zẹẹ ka ò zoza yị ọnị.
36Aza mẹ̀ vavọọ wụ́, ô hine wa. Avaba ịsa ohinọyị mẹ vi ene hine wa. 37Ịhị ọnọọ avaba aza ọnịrị avaba Anisirẹrị yẹ ka ịzẹyịza ohinọyị ọ yị bẹ tụ́ ini isu Abịna ozi Ineri nị. 38Di ohinọyị va hị́ aza ene hi ịda anị dị ọ ka, “Aanị ka wẹ yị yẹ nịnị ka ọdọvịdị ọbanyị ọnya o sú ịnị Anisirẹrị nịnị ajịnị aanị nị? 39Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.