2 Ịsamụwẹrị 16
16
Iziba ộ sị ịsọyịrị yị Idevidi
1 #
2 Ịsa 9.9,10 Idevidi ộ maanị sị para ịrẹsụ ataba ọnọọ hu na chee, di o ne tù ka Iziba ozi ahụ Imehwibọsẹtị jẹẹ ee zị ọnị nị. Iziba ộ nyị ịkẹrịkẹtẹ ẹnyị aanị ọnị ọ sị ịsa za vabẹ, dị ọ kụ́ ụbụrẹẹdị ịrẹka tụra wa nị. Ọ rẹ kụ́ apapa ịrẹgụ ẹchẹhị ne beri akara ana a sị ẹtụtụ ihwigi ohuru-ohuru jị ọnịrị eche okoko ịtụmpaha ọnya tụ́ ọ.
2Di Idevidi ohinọyị va họ̀ Iziba ka sị aa kụ́ ịsa ẹnẹẹ mẹ nị. Di Iziba ka aneehi ohinọyị ọnị ka ẹ̀ kụ́ ịkẹrịkẹtẹ ẹnẹẹ dị ẹ̀ẹ tụra wa nị. Dị ọ rẹ ka ụbụrẹẹdị ọnịrị akara ana a sị ẹtụtụ ihwigi jị avọọ vị ọnị ọnị ka isoja Idevidi ẹ̀ rị, dị aza ene hi ịnị ụnọmị ọnị ọ kụ́ ngụ ẹngụ è tụ́ eche ọnọọ.
3 #
2 Ịsa 19.25-27
Di ohinọyị rẹ ka, “Ịzị Imehwibọsẹtị aazị Ịsọọrụ ana vị ọga awụ yà? Di Iziba ka, ọ yà Ijerusarẹmị. Ô ro o ka ajịnị Anisirẹrị vaa kà a ka ọnị ọ̀ rị ohinọyị ana ada anị ọbanyị vịdị rị nị.” 4Di ohinọyị tù Iziba ohi dị ọ kà, “Avaba ịsị Imehwibọsẹtị nyị kụkụ vị awụ.” Di Iziba ka, “Taarụ, ọ máá navọ wa maanị yịị nyị mi iyi.”
Isimeyi ộ kụ̀ Idevidi ụhụ
5Ẹkụhị ọnya Idevidi ohinọyị aa va naa ngụ ẹkụra ana aā hí Ibahurimi, dị a nyị ọnọrụ ọnya ịzọọ ana jịnẹ vẹ nị. Ịpa ịrẹsụ Ịsọọrụ ọnọrụ ọnọọ vị nị. Ịrẹha anị ọ rị Isimeyi nị. Ozi ọza ana aā hị́ Igera ọ vị nị. Ọ́ mẹ̀ jịnẹ aa vẹ, dị aa kụ̀ Idevidi ụhụ nị. 6Dị ọ kụ́ ịrẹta dị ee ne e hi Idevidi ọnịrị avaba ezi ahụ anị nị. Avaba isoja ohinọyị ọnịrị aza ana a nyị ene ee sere e vi ene hi eyi ụvọrị ọnịrị eyi ụvọha anị. 7Di Isimeyi aa kụ́ ohinọyị ụhụ dị ọ kà, “Wa nee, wa nee, ọwọza, ọza odivi. 8Wa raà dọ Ịsọọrụ ohinọyị, dị wụ̀ avaba aza anị vaka nị. Ọnị Ẹnẹyịmavara aa sii họ̀ wụ aanị nị. Ẹnẹyịmavara ọ raà dọ wụ ịjọva ọnọọ yị Abịsarọmị ozi ewu. Ịrẹyị odivi ô tù wu ịrẹsụ agụvị ka ọwọza ụ vị nị.”
9Di Abisayi ozi Izeruya hị́ ohinọyị dị ọ ka, “Taarụ, sị ẹ vẹ dị ẹnẹsa ana sị mẹẹ anka oku irezi aanị aa kụ́ wụ ụhụ? Navọ ma na dà ẹnẹsa ịrẹsụ ne ta.”
10Di ohinọyị ka, “Ẹwụ nịnị ezi Izeruya, ẹ yị nyị ụvọ amị rị ịnị ọnọọ o. Àa vị Ẹnẹyịmavara ọ kà a ka ọ̀ọ kụ̀ mị ụhụ dị aa kụ̀ mị ụhụ nị, ẹnị ẹ họ̀ ọ ka sị ẹ vẹ?”
11Di Idevidi va hị́ Abisayi ọnịrị avaba ezi ahụ anị dị ọ ka, “Ozi ọnị mị ma hụụnị ẹngụ amị oni ee sì ka ọnị ọ̀ wụ mi aanị nị. Ana Anịbẹnjamịnị ọnọrụ ọnị va mẹ aa óó divi hu nị? Naavọ nịnị ọ̀ọ kụ̀ mị ụhụ. Ẹnẹyịmavara ọ kà a ka ọ̀ọ kụ̀ mị ụhụ nị. 12Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”
13Idevidi ọnịrị aza anị ệ và tụra oze aa na, di Isimeyi ọnị zị oze ini ataba ana và eyi kà ohinọyị, dị aa kụ̀ ohinọyịị ụhụụ na di ee ne ịrẹta ọnịrị adavụ hí ọ nị. 14Ohinọyị ọnịrị aza anị e si tù ịzị ẹ yaa nọ. Ọ kụ̀ ngụ wa ẹngụ, di e hi ịzọọ dị ẹ tụ́ ụhwọ nị.
Ihusayi ộ gẹrị Abịsarọmị
15Abịsarọmị ọnịrị avaba Anisirẹrị ẹ va sị ngụ Ijerusarẹmị. Ahitohwẹrị yà ịzọọ pè wa. 16Di Ihusayi ana vị ọta Idevidi ne tù Abịsarọmị dị ọ ka, “Taarụ, ohinọyị, orubo ọcha, orubo ẹya o!”
17Di Abịsarọmị tụ́ ohi dị ọ ka, “Vị ẹwụ wéé si sì ịrẹyị ọta awụ aanị nị? Sị ẹ vẹ dị wẹ̀ yị maa dụ ọta awụụ na?” 18Di Ihusayi tụ́ ohi dị ọ ka ẹ yị vị avọọ ọ mẹ̀ vị. Ọ kà ọza ẹnị Ẹnẹyịmavara ọ̀ọ nyị, dị aza ẹnẹnị ẹnịrị avaba Anisirẹrị rẹ dọ nị, ọza ọnọọ ọnị rẹ dọ yị dị ọnị rẹ jẹẹ pè e nị. 19Di Ihusayi rẹ ka à hyakụ kụ́ ẹnẹẹ kwooze, ẹnị ọnị vaa yà ahụ anị ọsa? Ọ kà ọza ọnị ọnị hẹkẹ ada anị, ẹ yị vi ozi ọza ọnọọ a vọrọ ka ọnị ọ rẹẹ hẹkẹ ẹ? Dị ọ rẹ ka ọnị vaa hẹkẹ Abịsarọmị nị.
Iwọjị Ahitohwẹrị
20Di Abịsarọmị họ̀ Ahitohwẹrị ka ịsị a vọrọ ka ọnị ọ kụkụ mẹ?
21Di Ahitohwẹrị ka onyeehi Idevidi ada anị ọnị ọ navọ hi ẹtẹ ka ẹ̀ si eyi pè irehi anị avọọ, ọ ka Abịsarọmị ò ne pè wa sú. Ọ kà ọnọọ vaa mẹ ka avaba Anisirẹrị ẹ̀ wụ́ ka vị ọ kụkụ aa nyị ada anị ịhyẹrẹ nị. Ọ kà ịjọnọọ avaba aza vị ana kụkụ vaa sị ọtụụ kà a ịrẹma. 22#2 Ịsa 12.11,12Ịzẹyịza dị ẹ hịrẹ nọ ịrẹsụ itu, dị ẹ jị ajẹngụ tụ́ ịzọọ nị. Di Abịsarọmị nọ ịzọọ dị ọ na kụ́ ada anị, dị ọnịrị wa aa sụ éyi avaba Anisirẹrị nị.
23Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.
Currently Selected:
2 Ịsamụwẹrị 16: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ịsamụwẹrị 16
16
Iziba ộ sị ịsọyịrị yị Idevidi
1 #
2 Ịsa 9.9,10 Idevidi ộ maanị sị para ịrẹsụ ataba ọnọọ hu na chee, di o ne tù ka Iziba ozi ahụ Imehwibọsẹtị jẹẹ ee zị ọnị nị. Iziba ộ nyị ịkẹrịkẹtẹ ẹnyị aanị ọnị ọ sị ịsa za vabẹ, dị ọ kụ́ ụbụrẹẹdị ịrẹka tụra wa nị. Ọ rẹ kụ́ apapa ịrẹgụ ẹchẹhị ne beri akara ana a sị ẹtụtụ ihwigi ohuru-ohuru jị ọnịrị eche okoko ịtụmpaha ọnya tụ́ ọ.
2Di Idevidi ohinọyị va họ̀ Iziba ka sị aa kụ́ ịsa ẹnẹẹ mẹ nị. Di Iziba ka aneehi ohinọyị ọnị ka ẹ̀ kụ́ ịkẹrịkẹtẹ ẹnẹẹ dị ẹ̀ẹ tụra wa nị. Dị ọ rẹ ka ụbụrẹẹdị ọnịrị akara ana a sị ẹtụtụ ihwigi jị avọọ vị ọnị ọnị ka isoja Idevidi ẹ̀ rị, dị aza ene hi ịnị ụnọmị ọnị ọ kụ́ ngụ ẹngụ è tụ́ eche ọnọọ.
3 #
2 Ịsa 19.25-27
Di ohinọyị rẹ ka, “Ịzị Imehwibọsẹtị aazị Ịsọọrụ ana vị ọga awụ yà? Di Iziba ka, ọ yà Ijerusarẹmị. Ô ro o ka ajịnị Anisirẹrị vaa kà a ka ọnị ọ̀ rị ohinọyị ana ada anị ọbanyị vịdị rị nị.” 4Di ohinọyị tù Iziba ohi dị ọ kà, “Avaba ịsị Imehwibọsẹtị nyị kụkụ vị awụ.” Di Iziba ka, “Taarụ, ọ máá navọ wa maanị yịị nyị mi iyi.”
Isimeyi ộ kụ̀ Idevidi ụhụ
5Ẹkụhị ọnya Idevidi ohinọyị aa va naa ngụ ẹkụra ana aā hí Ibahurimi, dị a nyị ọnọrụ ọnya ịzọọ ana jịnẹ vẹ nị. Ịpa ịrẹsụ Ịsọọrụ ọnọrụ ọnọọ vị nị. Ịrẹha anị ọ rị Isimeyi nị. Ozi ọza ana aā hị́ Igera ọ vị nị. Ọ́ mẹ̀ jịnẹ aa vẹ, dị aa kụ̀ Idevidi ụhụ nị. 6Dị ọ kụ́ ịrẹta dị ee ne e hi Idevidi ọnịrị avaba ezi ahụ anị nị. Avaba isoja ohinọyị ọnịrị aza ana a nyị ene ee sere e vi ene hi eyi ụvọrị ọnịrị eyi ụvọha anị. 7Di Isimeyi aa kụ́ ohinọyị ụhụ dị ọ kà, “Wa nee, wa nee, ọwọza, ọza odivi. 8Wa raà dọ Ịsọọrụ ohinọyị, dị wụ̀ avaba aza anị vaka nị. Ọnị Ẹnẹyịmavara aa sii họ̀ wụ aanị nị. Ẹnẹyịmavara ọ raà dọ wụ ịjọva ọnọọ yị Abịsarọmị ozi ewu. Ịrẹyị odivi ô tù wu ịrẹsụ agụvị ka ọwọza ụ vị nị.”
9Di Abisayi ozi Izeruya hị́ ohinọyị dị ọ ka, “Taarụ, sị ẹ vẹ dị ẹnẹsa ana sị mẹẹ anka oku irezi aanị aa kụ́ wụ ụhụ? Navọ ma na dà ẹnẹsa ịrẹsụ ne ta.”
10Di ohinọyị ka, “Ẹwụ nịnị ezi Izeruya, ẹ yị nyị ụvọ amị rị ịnị ọnọọ o. Àa vị Ẹnẹyịmavara ọ kà a ka ọ̀ọ kụ̀ mị ụhụ dị aa kụ̀ mị ụhụ nị, ẹnị ẹ họ̀ ọ ka sị ẹ vẹ?”
11Di Idevidi va hị́ Abisayi ọnịrị avaba ezi ahụ anị dị ọ ka, “Ozi ọnị mị ma hụụnị ẹngụ amị oni ee sì ka ọnị ọ̀ wụ mi aanị nị. Ana Anịbẹnjamịnị ọnọrụ ọnị va mẹ aa óó divi hu nị? Naavọ nịnị ọ̀ọ kụ̀ mị ụhụ. Ẹnẹyịmavara ọ kà a ka ọ̀ọ kụ̀ mị ụhụ nị. 12Ẹyịyara Ẹnẹyịmavara òo re ụya ọnị maa rị aanị, ọ vaa sị ịsa ozoza sị mị atọ ụhụ ana aa kụ̀ mị aanị.”
13Idevidi ọnịrị aza anị ệ và tụra oze aa na, di Isimeyi ọnị zị oze ini ataba ana và eyi kà ohinọyị, dị aa kụ̀ ohinọyịị ụhụụ na di ee ne ịrẹta ọnịrị adavụ hí ọ nị. 14Ohinọyị ọnịrị aza anị e si tù ịzị ẹ yaa nọ. Ọ kụ̀ ngụ wa ẹngụ, di e hi ịzọọ dị ẹ tụ́ ụhwọ nị.
Ihusayi ộ gẹrị Abịsarọmị
15Abịsarọmị ọnịrị avaba Anisirẹrị ẹ va sị ngụ Ijerusarẹmị. Ahitohwẹrị yà ịzọọ pè wa. 16Di Ihusayi ana vị ọta Idevidi ne tù Abịsarọmị dị ọ ka, “Taarụ, ohinọyị, orubo ọcha, orubo ẹya o!”
17Di Abịsarọmị tụ́ ohi dị ọ ka, “Vị ẹwụ wéé si sì ịrẹyị ọta awụ aanị nị? Sị ẹ vẹ dị wẹ̀ yị maa dụ ọta awụụ na?” 18Di Ihusayi tụ́ ohi dị ọ ka ẹ yị vị avọọ ọ mẹ̀ vị. Ọ kà ọza ẹnị Ẹnẹyịmavara ọ̀ọ nyị, dị aza ẹnẹnị ẹnịrị avaba Anisirẹrị rẹ dọ nị, ọza ọnọọ ọnị rẹ dọ yị dị ọnị rẹ jẹẹ pè e nị. 19Di Ihusayi rẹ ka à hyakụ kụ́ ẹnẹẹ kwooze, ẹnị ọnị vaa yà ahụ anị ọsa? Ọ kà ọza ọnị ọnị hẹkẹ ada anị, ẹ yị vi ozi ọza ọnọọ a vọrọ ka ọnị ọ rẹẹ hẹkẹ ẹ? Dị ọ rẹ ka ọnị vaa hẹkẹ Abịsarọmị nị.
Iwọjị Ahitohwẹrị
20Di Abịsarọmị họ̀ Ahitohwẹrị ka ịsị a vọrọ ka ọnị ọ kụkụ mẹ?
21Di Ahitohwẹrị ka onyeehi Idevidi ada anị ọnị ọ navọ hi ẹtẹ ka ẹ̀ si eyi pè irehi anị avọọ, ọ ka Abịsarọmị ò ne pè wa sú. Ọ kà ọnọọ vaa mẹ ka avaba Anisirẹrị ẹ̀ wụ́ ka vị ọ kụkụ aa nyị ada anị ịhyẹrẹ nị. Ọ kà ịjọnọọ avaba aza vị ana kụkụ vaa sị ọtụụ kà a ịrẹma. 22#2 Ịsa 12.11,12Ịzẹyịza dị ẹ hịrẹ nọ ịrẹsụ itu, dị ẹ jị ajẹngụ tụ́ ịzọọ nị. Di Abịsarọmị nọ ịzọọ dị ọ na kụ́ ada anị, dị ọnịrị wa aa sụ éyi avaba Anisirẹrị nị.
23Ịnị ụmẹ ọnọọ, Ahitohwẹrị òo pè ọza jị iwe, vị ọ sị mẹẹ ka Ohomorihi o pè ọza kà ịrẹyị nị. Avọọ Idevidi ọnịrị Abịsarọmị mè re iwọjị Ahitohwẹrị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.