2Ipita 3
3
Ijeesu kà ọnị vaa vaa vẹ
1Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị. 2Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị. 3#Ijudi 1.18Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya, 4dị ẹ ka: Ijeesu ka ọnị vaa vaa vẹ, ịzị ọ va yà booro aanị? Áda ayị nịnị me hụrẹ sú, ẹhẹ mẹ̀ yà hụrị ụmọrụmọ, ọ yị yà nị. 5#Oyn 1.6-9Ệ yẹ ịsa ọnọnị, ama é yii, ẹ́ yị dọ ka ịyẹẹyẹ Ohomorihi ộ kà ịrẹyị, dị ọ mẹ ẹhẹ ọnịrị ẹbẹẹba nị. Dị ẹtẹ jịnẹ hụụnị enyi vẹ, dị ọ rẹ yà ịrẹsụ enyi nị. 6#Oyn 7.11Ọhaara enyi ộ kụ́ ẹhẹ, dị o vú ẹhẹ ịyẹẹyẹ ẹtẹ nị. 7Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ. 8#Ahẹ 90.4Ẹwụ nịnị ẹyịnyara amị, ama asị ụ hí ayị ịsa ọnya ọnọnị nịnị ka ini eyi Ohomorihi, ẹkụhị ọnya ọnịrị ịrayị akawụ ẹ́ yị jị ẹngụ nyee. Ọnyọọnya ẹnị ẹyịva vị̀ ini eyi Ohomorihi nị. 9Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị. 10#Imt 24.43; Irk 12.39; 1 Ịtẹ 5.2; Ẹtẹ 16.15Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka. 11Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi! 12Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi. 13#Ayị 65.17; 66.22; Ẹtẹ 21.1Ohomorihi ộ kà a ka ẹ́ yị zụ nyị ọnị ọyị vaa mẹ ẹbẹẹba ọwọọwa, dị ọnị rẹ mẹ ẹhẹ ọwọọwa. Ịzọọ, avaba ịsa vị ene vee zoza pooro, ịsị ẹ vọrọ kẹnẹ aza rẹ vaa mẹ nị. Ịsị yee zí eyi ọ vị ọnọọ nị.
Ịrẹyị ọnịrị ụgama Ọdịrẹma
14Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị! 15Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị. 16Ịnị avaba iwe ọnị ọ chẹrẹ, ẹngụ ịrẹyị ọnọnị ọ kà nị. Ịsa ẹnyị hi ini iwe anị ana tụ́ akanya ọyị yẹ. Dị aza ẹnẹ ẹ̀yị nyị ịsị ẹ yẹ, dị ẹ̀yị mā jẹẹ aha ọnya aa vara ịrẹyị ẹnẹẹ, anka ẹ mẹ̀ rẹẹ̄ mẹ ịrẹyị Ohomorihi ana vọ. Ẹ mẹ̀ vavọọ aa mẹ, ọkarẹyị Ohomorihi éyee turaa kú ẹngụ ẹnịnị ịrẹsụ nị. 17Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị! 18Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.
Currently Selected:
2Ipita 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2Ipita 3
3
Ijeesu kà ọnị vaa vaa vẹ
1Ẹwụ nịnị ẹyịnyara amị, iwe ọhụva ọnị ma vaa chẹrẹ ẹ tụ́ụ hi wu nịnị yị. Ini iwe ẹyịva, ma raà tama wụ nịnị ayị ịsị ụ vịdị sị yẹ nịnị, agụvị dị ma zụ sị ayị awụ nịnị kwẹẹtẹ, di u we zuu ro ịrẹyị ana vọrọ nịnị. 2Mee sì ka wa tamayị ịrẹyị ọnị ọnịsẹ ọnịnị nịnị kà ịyẹẹyẹ. Dị ụ wa rẹ tamayị ọda Ananyị yị Ọdọzaha, ana odeyi awụ nịnị aa kà a wụ nịnị. 3#Ijudi 1.18Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya, 4dị ẹ ka: Ijeesu ka ọnị vaa vaa vẹ, ịzị ọ va yà booro aanị? Áda ayị nịnị me hụrẹ sú, ẹhẹ mẹ̀ yà hụrị ụmọrụmọ, ọ yị yà nị. 5#Oyn 1.6-9Ệ yẹ ịsa ọnọnị, ama é yii, ẹ́ yị dọ ka ịyẹẹyẹ Ohomorihi ộ kà ịrẹyị, dị ọ mẹ ẹhẹ ọnịrị ẹbẹẹba nị. Dị ẹtẹ jịnẹ hụụnị enyi vẹ, dị ọ rẹ yà ịrẹsụ enyi nị. 6#Oyn 7.11Ọhaara enyi ộ kụ́ ẹhẹ, dị o vú ẹhẹ ịyẹẹyẹ ẹtẹ nị. 7Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ. 8#Ahẹ 90.4Ẹwụ nịnị ẹyịnyara amị, ama asị ụ hí ayị ịsa ọnya ọnọnị nịnị ka ini eyi Ohomorihi, ẹkụhị ọnya ọnịrị ịrayị akawụ ẹ́ yị jị ẹngụ nyee. Ọnyọọnya ẹnị ẹyịva vị̀ ini eyi Ohomorihi nị. 9Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị. 10#Imt 24.43; Irk 12.39; 1 Ịtẹ 5.2; Ẹtẹ 16.15Ama Ananyị yị vaa vaa vẹ. Ịhị àaa vẹ, vị ọ vaa sị mẹẹ ẹkụhị oni oyi sịị nọ aha ịrahụ avọọ nị. Ịhị ọnọọ a vaa wụ̀ ẹtẹ ịrẹyị, dị ẹbẹẹba wú va ha. Dị avaba ịsa ene hí ẹbẹẹba rịra va ha saka-saka, dị ẹhẹ ọnọnị ọnịrị avaba ịsa ene hi ịnị anị ẹnị rẹ ta saka-saka. 11Ụmẹ sị yẹ nịnị aanị ka aanị avaba ịsa mẹ̀ vee vú ẹtẹ nị, yẹ ẹngụ ebira ana vọrọ ka waa mẹ nịnị! Àa vọrọ ka ẹhẹ awụ nịnị ọ̀ vị ọnịnị, dị ụ wa sị ẹngụ awụ nịnị yị Ohomorihi saka-saka, dị ụ waa mẹ̀ ebira ene zé Ohomorihi eyi! 12Wee zi ẹkụhị ana Ananyị yị vaa sị vaa vẹ nịnị! Sị vụrị dị u we ré ka ẹkụhị ọnọọ óo jintu vẹ nịnị! Ịhị ọnọọ, ẹbẹẹba vaa rị ịraa vàa ha, avaba ịsa ene hi ẹbẹẹba ọnịrị ẹhẹ vị ana vaa rị ịraa ha bemi-bemi. 13#Ayị 65.17; 66.22; Ẹtẹ 21.1Ohomorihi ộ kà a ka ẹ́ yị zụ nyị ọnị ọyị vaa mẹ ẹbẹẹba ọwọọwa, dị ọnị rẹ mẹ ẹhẹ ọwọọwa. Ịzọọ, avaba ịsa vị ene vee zoza pooro, ịsị ẹ vọrọ kẹnẹ aza rẹ vaa mẹ nị. Ịsị yee zí eyi ọ vị ọnọọ nị.
Ịrẹyị ọnịrị ụgama Ọdịrẹma
14Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị! 15Yẹ nịnị ka iruvo ana Ananyị yị sị nyị isuuru ọ vị ka we re oze há nịnị nị! Avọọ gẹdẹ-gẹdẹ Ị́pọọrụ ẹnẹbẹnị ayị oni i sí ịrẹyị anị, mẹ̀ chẹrẹ iwe tụ́ hi wu nịnị nị. Ohomorihi ọ vavọọ sị ịrẹyọyẹ yọ nị. 16Ịnị avaba iwe ọnị ọ chẹrẹ, ẹngụ ịrẹyị ọnọnị ọ kà nị. Ịsa ẹnyị hi ini iwe anị ana tụ́ akanya ọyị yẹ. Dị aza ẹnẹ ẹ̀yị nyị ịsị ẹ yẹ, dị ẹ̀yị mā jẹẹ aha ọnya aa vara ịrẹyị ẹnẹẹ, anka ẹ mẹ̀ rẹẹ̄ mẹ ịrẹyị Ohomorihi ana vọ. Ẹ mẹ̀ vavọọ aa mẹ, ọkarẹyị Ohomorihi éyee turaa kú ẹngụ ẹnịnị ịrẹsụ nị. 17Àa vị ẹwụ nịnịị yọ, anda ayị, wa sị ịsa ẹnẹnị yẹ nịnị da. Agụvị avọọ sị eyi pe ẹngụ awụ nịnị! Asị ụ zẹẹ ka aza ẹnẹẹ ẹnẹ ẹ̀yị mā wụ́ ịrẹyị Ohomorihi avọọ, è vene wu nịnị na ngụ ini eyi oyinyee ẹnịnị! Asị ụ rẹ zẹẹ ka ẹ̀ tụ́ wụ nịnị ụvọ hụrẹ aha ọyịza ọnị ụ yà nịnị! 18Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.