2 Ohinọyị 12
12
Ê tenyi Irehi Ohomorihi
1Ịnị ana tụ ọ ịrayị ịhịmba ọnị Ijehu rị ohinọyị Ísirẹrị Íjowasi rị ohinọyị Íjuda nị. Ịrayị ẹbẹẹva ọ́ mẹ ohinọyị vị̀ Ijerusarẹmị nị. Ịrẹha ọnyị anị ọ rị Izibiya nị, dị ọ vị Ịbẹẹsẹba nị. 2Ịnị avaba ụmẹ Ijowasi, ộ mẹ̀ ịsa ana vọrọ eyi Ẹnẹyịmavara, agụvị ka Ijehoyada ohirẹsụ irehi Ohomorihi ộ zụ ịrẹyị ana vọrọ. 3Ama ệ navọ ịzị azaā yaa hẹkẹ ori e yi du wa ha. Dị aza aa yịị nọ ịzọọ naa mẹ̀ ịsọvọ nị, dị ẹ rẹ yaa rị eturare ịra ịzọọ nị. 4#Kụra 30.11-16Ijowasi ộ kà a yị ẹnị ohirẹsụ irehi Ohomorihi ka, ẹẹ tọ̀ ọ avaba ẹkẹhị anaa sị vẹ ịnị irehi Ohomorihi tẹ̀; Ẹkẹhị ịsa ịsọvọ ọnịrị ẹkẹhị ana aza sị vẹ kẹnẹ; ẹẹ tọ̀ ọ yọ tẹ̀. 5Ọ kà ohirẹsụ Irehi Ohomorihi ọzọza ò si eyi pe ẹkẹhị ọnị aza anaa kụụ mẹ ahẹkẹ ẹ̀ẹ sị vẹ. Ẹkẹhị ẹnẹẹ vị ene ve sii tenyi irehi Ohomorihi. 6Ama pooro dị ọ mẹ ịrayị ohurẹẹva ọnị Ijowasi rị ohinọyị, ẹ yị nyị ịzị ohirẹsụ irehi Ohomorihi nịnị tenyi ini Irehi Ohomorihi. 7Agụvị avọọ, Ohinọyị Ijowasi ộ hị́ Ijehoyada ọnịrị ẹnị ohirẹsụ irehi Ohomorihi ana vọ dị ọ họ̀ wa ka, “Sị ẹ vẹ dị u wee tenyi irehi Ohomorihi nịnị. Hụrị ọyaanị, wa kụkụụ sị ẹkẹhị ọnị ụ waa dọ nịnị vẹ, agụvị è zụ tenyi irehi Ohomorihi nịnị.” 8Avaba ẹnị ohirẹsụ irehi Ohomorihi ệ vavọọ dọ ọnịrị ka ẹnị ẹ yị vee tenyi Irehi Ohomorihi. 9Dị Ijehoyada, ohirẹsụ irehi Ohomorihi mẹ apoti, dị ọ mẹ uhwohwo tụ ini oku anị nị. Ộ sị apoti hi ẹtẹ akaha ụta ịsọvọ, eyi ụvọrị, ọza àaa ngụ ini irehi Ohomorihi ohirẹsụ irehi Ohomorihi anaā jẹẹ enoze irehi Ohomorihi ẹẹ̄ sị ẹkẹhị ana aza ana va mẹ ahẹkẹ sị vẹ, dị ẹ sị tụ ịnị apoti ọnọọ. 10Ịjị ẹkẹhị ọ̀ọ sị rụrụ tụ ịnị apoti ọnọọ, dị ọchẹrịsa ohinọyị ọnịrị ohirẹsụ ọbanyị irehi Ohomorihi vẹ, dị ẹ na isiriva ọnọọ vabẹ, dị ẹ sị ịngọ ngọ̀ ọ. 11Ẹ̀ẹ raà yẹ ọpa ọnị ọ vị, dị ẹ sị isiriva ọnọọ chire aza ana sị eyi pe ụkọrọ irehi Ohomorihii ụvọ. Ẹnị ee sí ikahunta ẹnịrị aza ana tụra irehi nịnị ụta nị. 12Ịnị ẹkẹhị ọnọọ ẹnị anaā sịị ịrẹtaa dà irehi ẹnịrị aza anaā há ịrẹta nịnị aa yaa hị́ ọchị ọnịrị ịrẹta, dị e sí ụta avaba ịsa ana vọ nị. 13Ama ọza ẹ yị sị hụụnị ẹkẹhị ọnọọ mẹ ako isiriva, ẹnya ọbanyị, ịkakanchị, à vị ẹnya eneē sii mi ozotupa ọnịrị ẹnya ana vọ. Ẹ yị nyị ẹnya isiriva à vị ẹnya igooru ọsa ana a sị ẹkẹhị ọnọọ mẹ. 14Avaba anị vị ene e si sí ọnụkọrọ nịnị ụta, dị a rẹ hị́ ẹnya ene ee sii tenyi irehi Ẹnẹyịmavara nị. 15#2 Ohi 22.7Aza ana sị eyi pe ụkọrọ ọnọnị vana nyayịnẹ mẹ ịzẹyịza ẹtẹẹtẹrẹ, agụvị avọọ, ẹ yị nyị ka à na kà a ka ẹ̀ va ka a ẹ mẹmẹ rò ẹkẹhị ọnọọ. 16#Ire 7.7Ọza ẹ yị ma sị ẹkẹhị ana a sị vẹ ọyị sí ụta varẹma ọnịrị ana a sị vẹ agụvị ịvị tụ́ ịnị apoti ọnọnị. Ohirẹsụ irehi Ohomorihi nịnị ẹ nyị nị. 17Ụmẹ avọọ gẹdẹ-gẹdẹ, Ihazayẹrị, ohinọyị Isiriya ộ kụ́ ịrẹkụ ne tu ẹkụra ana aā hị́ Igati, dị ọ nyị ẹbẹẹba ẹnịnị nị. Ama ịjị ọ rẹ ka ọnị aa kụ́ ịrẹkụụ nọ Ijerusarẹmị, 18Ijowasi Ohinọyị Ijuda ộ kụ avaba ẹyịza ọnị Ijehosahwati, Ijehorami, ọnịrị Ahaziya, ohiku anị nịnị ana vị ohinọyị Ijuda vịdị vẹ kụ tịtẹ yị Ohomorihi nị. Ộ kụ ẹyịza ọnị ụvọta vaka a beri avaba igooru ana a kụ hi ịzị aā kụ ịsaa hi ini irehi Ẹnẹyịmavara ọnịrị ini Irehi ohinọyị, dị ọ sị tụ na yị Ihazayẹrị ohinọyị Ísiriya nị. Dị Ihazayẹrị kụ isoja anị varẹma kwooze yi Ijerusarẹmị nị.
Isu Ijowasi
19Â chẹrẹ avaba ịsa ana vọ ọnị Ijowasi mẹ hi ini iwe ịtọpa ohinọyị Ijuda nịnị. 20Aza enee pe e mẹ̀ ụkọrọ ệ gẹ eyi anị, dị ẹ wụ̀ ọ tụ aha ọnya aanị ana aā hị́ Imiro nị. Ịzọọ vị ana ya oze anaa nọ ẹkụra ana aā hị́ Isira. 21Ezi ahụ anị ana aā hị́ Ijozaka ozi Isimeyati ọnịrị Ijehozabadi ozi Isomeri ẹ wụ ọ nị. Ê ne e pe ohiku anị nịnị ẹkụra Idevidi; dị ozi anị Amaziya rị ohinọyị dọ ọ ịrẹsụ nị.
Currently Selected:
2 Ohinọyị 12: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 12
12
Ê tenyi Irehi Ohomorihi
1Ịnị ana tụ ọ ịrayị ịhịmba ọnị Ijehu rị ohinọyị Ísirẹrị Íjowasi rị ohinọyị Íjuda nị. Ịrayị ẹbẹẹva ọ́ mẹ ohinọyị vị̀ Ijerusarẹmị nị. Ịrẹha ọnyị anị ọ rị Izibiya nị, dị ọ vị Ịbẹẹsẹba nị. 2Ịnị avaba ụmẹ Ijowasi, ộ mẹ̀ ịsa ana vọrọ eyi Ẹnẹyịmavara, agụvị ka Ijehoyada ohirẹsụ irehi Ohomorihi ộ zụ ịrẹyị ana vọrọ. 3Ama ệ navọ ịzị azaā yaa hẹkẹ ori e yi du wa ha. Dị aza aa yịị nọ ịzọọ naa mẹ̀ ịsọvọ nị, dị ẹ rẹ yaa rị eturare ịra ịzọọ nị. 4#Kụra 30.11-16Ijowasi ộ kà a yị ẹnị ohirẹsụ irehi Ohomorihi ka, ẹẹ tọ̀ ọ avaba ẹkẹhị anaa sị vẹ ịnị irehi Ohomorihi tẹ̀; Ẹkẹhị ịsa ịsọvọ ọnịrị ẹkẹhị ana aza sị vẹ kẹnẹ; ẹẹ tọ̀ ọ yọ tẹ̀. 5Ọ kà ohirẹsụ Irehi Ohomorihi ọzọza ò si eyi pe ẹkẹhị ọnị aza anaa kụụ mẹ ahẹkẹ ẹ̀ẹ sị vẹ. Ẹkẹhị ẹnẹẹ vị ene ve sii tenyi irehi Ohomorihi. 6Ama pooro dị ọ mẹ ịrayị ohurẹẹva ọnị Ijowasi rị ohinọyị, ẹ yị nyị ịzị ohirẹsụ irehi Ohomorihi nịnị tenyi ini Irehi Ohomorihi. 7Agụvị avọọ, Ohinọyị Ijowasi ộ hị́ Ijehoyada ọnịrị ẹnị ohirẹsụ irehi Ohomorihi ana vọ dị ọ họ̀ wa ka, “Sị ẹ vẹ dị u wee tenyi irehi Ohomorihi nịnị. Hụrị ọyaanị, wa kụkụụ sị ẹkẹhị ọnị ụ waa dọ nịnị vẹ, agụvị è zụ tenyi irehi Ohomorihi nịnị.” 8Avaba ẹnị ohirẹsụ irehi Ohomorihi ệ vavọọ dọ ọnịrị ka ẹnị ẹ yị vee tenyi Irehi Ohomorihi. 9Dị Ijehoyada, ohirẹsụ irehi Ohomorihi mẹ apoti, dị ọ mẹ uhwohwo tụ ini oku anị nị. Ộ sị apoti hi ẹtẹ akaha ụta ịsọvọ, eyi ụvọrị, ọza àaa ngụ ini irehi Ohomorihi ohirẹsụ irehi Ohomorihi anaā jẹẹ enoze irehi Ohomorihi ẹẹ̄ sị ẹkẹhị ana aza ana va mẹ ahẹkẹ sị vẹ, dị ẹ sị tụ ịnị apoti ọnọọ. 10Ịjị ẹkẹhị ọ̀ọ sị rụrụ tụ ịnị apoti ọnọọ, dị ọchẹrịsa ohinọyị ọnịrị ohirẹsụ ọbanyị irehi Ohomorihi vẹ, dị ẹ na isiriva ọnọọ vabẹ, dị ẹ sị ịngọ ngọ̀ ọ. 11Ẹ̀ẹ raà yẹ ọpa ọnị ọ vị, dị ẹ sị isiriva ọnọọ chire aza ana sị eyi pe ụkọrọ irehi Ohomorihii ụvọ. Ẹnị ee sí ikahunta ẹnịrị aza ana tụra irehi nịnị ụta nị. 12Ịnị ẹkẹhị ọnọọ ẹnị anaā sịị ịrẹtaa dà irehi ẹnịrị aza anaā há ịrẹta nịnị aa yaa hị́ ọchị ọnịrị ịrẹta, dị e sí ụta avaba ịsa ana vọ nị. 13Ama ọza ẹ yị sị hụụnị ẹkẹhị ọnọọ mẹ ako isiriva, ẹnya ọbanyị, ịkakanchị, à vị ẹnya eneē sii mi ozotupa ọnịrị ẹnya ana vọ. Ẹ yị nyị ẹnya isiriva à vị ẹnya igooru ọsa ana a sị ẹkẹhị ọnọọ mẹ. 14Avaba anị vị ene e si sí ọnụkọrọ nịnị ụta, dị a rẹ hị́ ẹnya ene ee sii tenyi irehi Ẹnẹyịmavara nị. 15#2 Ohi 22.7Aza ana sị eyi pe ụkọrọ ọnọnị vana nyayịnẹ mẹ ịzẹyịza ẹtẹẹtẹrẹ, agụvị avọọ, ẹ yị nyị ka à na kà a ka ẹ̀ va ka a ẹ mẹmẹ rò ẹkẹhị ọnọọ. 16#Ire 7.7Ọza ẹ yị ma sị ẹkẹhị ana a sị vẹ ọyị sí ụta varẹma ọnịrị ana a sị vẹ agụvị ịvị tụ́ ịnị apoti ọnọnị. Ohirẹsụ irehi Ohomorihi nịnị ẹ nyị nị. 17Ụmẹ avọọ gẹdẹ-gẹdẹ, Ihazayẹrị, ohinọyị Isiriya ộ kụ́ ịrẹkụ ne tu ẹkụra ana aā hị́ Igati, dị ọ nyị ẹbẹẹba ẹnịnị nị. Ama ịjị ọ rẹ ka ọnị aa kụ́ ịrẹkụụ nọ Ijerusarẹmị, 18Ijowasi Ohinọyị Ijuda ộ kụ avaba ẹyịza ọnị Ijehosahwati, Ijehorami, ọnịrị Ahaziya, ohiku anị nịnị ana vị ohinọyị Ijuda vịdị vẹ kụ tịtẹ yị Ohomorihi nị. Ộ kụ ẹyịza ọnị ụvọta vaka a beri avaba igooru ana a kụ hi ịzị aā kụ ịsaa hi ini irehi Ẹnẹyịmavara ọnịrị ini Irehi ohinọyị, dị ọ sị tụ na yị Ihazayẹrị ohinọyị Ísiriya nị. Dị Ihazayẹrị kụ isoja anị varẹma kwooze yi Ijerusarẹmị nị.
Isu Ijowasi
19Â chẹrẹ avaba ịsa ana vọ ọnị Ijowasi mẹ hi ini iwe ịtọpa ohinọyị Ijuda nịnị. 20Aza enee pe e mẹ̀ ụkọrọ ệ gẹ eyi anị, dị ẹ wụ̀ ọ tụ aha ọnya aanị ana aā hị́ Imiro nị. Ịzọọ vị ana ya oze anaa nọ ẹkụra ana aā hị́ Isira. 21Ezi ahụ anị ana aā hị́ Ijozaka ozi Isimeyati ọnịrị Ijehozabadi ozi Isomeri ẹ wụ ọ nị. Ê ne e pe ohiku anị nịnị ẹkụra Idevidi; dị ozi anị Amaziya rị ohinọyị dọ ọ ịrẹsụ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.