2 Ohinọyị 1
1
Ịrẹyị Erija ọnịrị Ohinọyị Ahaziya
1Â nyị ịrayị ọnya aanị, ịjọnọọ ohinọyị Ahabị ô wusu, dị Animowabi nịnị nyima aa kụ̀ụ hịrẹ Anisirẹrị nịnị nị. 2Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị. 3Ama anggẹẹrị Ẹnẹyịmavara ộ kà a yị Erija ana vị ọnịsẹ hụrị ẹtẹ Itisibi ka, ò ne tu ọnụtụ ohinọyị Ahaziya ẹnẹnị, dị ọ̀ họ̀ wa ka: Sị ẹ vẹ di e si hu aà naa zama ẹtẹ idi Ịbaarị-Izebubi, ori Anekironi nịnị? Ọ kà agụvị ka ê rò o ka ẹ yị nyị ori ịnị ẹtẹ Ísirẹrị wáá yọ? 4Ọ kà ẹnịnị ẹ̀ na kà a yị ohinọyị ka, ẹ yị va zụ rị ụnava ọnị ọ tọ̀ aanị. Vị ó vee sú nị. Dị Erija vavọọ na mẹ anka Ẹnẹyịmavara mẹ̀ kà a yọ nị. 5Dị ọnụtụ ẹnẹẹ varẹma ne tu ohinọyị nị. Ohinọyị ộ họ̀ wa ka: Sị ẹ vẹ dị ẹ vavẹ? 6Dị ẹnịnị ka, â nyị ọza ẹnẹ ẹnịrịị gẹ. Ọza ọnọọ ọ ka ẹnị ẹ̀ varẹma dị ẹnị ẹ̀ va kà a yị wụ ka, Ẹnẹyịmavara kà: Sị ẹ vẹ dị ụ tụ́ aza aa nọ ịdị Ịbaarị-Izebubi, ori Anekironi nịnị? Ọ kà, agụvị ka wê roo ka ẹ yị nyị ori ịnị ẹtẹ Isirẹrị waa yọ? Ọ kà wẹ yị vaa rị ụnava ọnị ụ tọ̀ aanị o; u vee sú nị. 7Ohinọyị ộ họ̀ wa use ka: Sị ọza ọnọọ vene kẹ? 8#Imt 3.4; Ịmk 1.6Dị ẹnịnị ka, ọza ọnọọ vị ana sị ụtụmpaha uye jị awuru chire, dị ọ sị ụtụmpaha mẹ obo ọnị ọ sị sụ́ ọtẹ nị. Dị ohinọyị ka Erija yọ nọ! 9Dị ọ tụ́ ọga isoja ene sị eyi pe aza ẹvarẹwụ ka ọ̀ kụ́ aza ẹnị ẹvarẹwụ ka ẹ̀ na za Erija vẹ nị. Ọga isoja ọnọnị ô ne tu ka Erija yaatụ ịrẹsụ ataba, dị ọ kà a yọ ka: Ẹwụ ọza Ohomorihi, ohinọyị ka we chí vẹ o. 10#Irk 9.54Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra da chí vẹ, dị ọ wụ ọga isoja ọnọọ ọnịrị aza anị nị. 11Ohinọyị ộ rẹ tụ́ ọga isoja ọsa beri aza ẹnị ẹvarẹwụ ka ẹ̀ na za Erija vẹ. Dị ẹnị rẹ vahịrẹ ne tu ọ, dị ẹ ka: Ọza Ohomorihi, ohinọyị ka we chí vẹ booro aanị o. 12Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra dị hụụ ịdị Ohomorihi chí vẹ, dị ọ wụ̀ wa nị. 13Ohinọyị ộ rẹ varẹma tụ́ ọga isoja ọsa beri aza ẹnị ẹvarẹwụ. Ọnọnị ộ hịrẹ ataba ne tu Erija, dị ọ sị idinku ku ẹtẹ ọvịdị anị dị aa da ịpẹ nị. Ọ kà ọza Ohomorihi, ọ̀ navọ ọ vayị ọnịrị aza anị de. Ọ kà ọ̀ navọ à sị ọ wụ ẹnị de. 14Ọga isoja ẹẹva ana á vịdị tụ́ vẹ vị ọnị ịra hụrẹ ẹbẹẹba vẹ, dị ọ wụ ẹnịrị aza ẹnịnị; ama Erija ọ̀ navọ ọ̀ vayị anị de. 15Dị anggẹẹrị Ẹnẹyịmavara kà a yị Erija ka, à sị o hí angwa; ò chí saasa wa na nị. Ịzẹyịza dị Erija saasa ọga isoja ọnọọ ne tu ohinọyị nị. 16Ộ kà a yi ohinọyị ka: Ẹnẹyịmavara kà, agụvị ka ộ tụ́ aza nọ ịdị Ịbaarị-Izebubi, ori Anekironi ne họ̀ use ịrẹyị, anka vị ẹ̀ yị nyị ori ịnị ẹtẹ Isirẹrị ana vọrọ ka ò họ̀ use ịrẹyị nị; ẹngụ anị ẹ yị vaa nịya, vị o vee su nị. 17Ahaziya ô su, anka Ẹnẹyịmavara mẹ̀ kà a ka Erija ọ̀ kà a gẹdẹ-gẹdẹ. Ahaziya ẹ yị ma ozi ọnọrụ, agụvị avọọ, dị ọyịnyara anị Ijorami rị ohinọyị dọ ọ ịrẹsụ nị. Ịrayị ọnọọ ọ tụ ọ ịrayị ọhụva ọnị Ijehorami ozi Ijehosahwati rị ohinọyị Ijuda nị. 18Â chẹrẹ avaba ịsa ana vọ ọnị Ahaziya mẹ hi ini iwe ịtọpa ohinọyị Anisirẹrị nịnị.
Currently Selected:
2 Ohinọyị 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ohinọyị 1
1
Ịrẹyị Erija ọnịrị Ohinọyị Ahaziya
1Â nyị ịrayị ọnya aanị, ịjọnọọ ohinọyị Ahabị ô wusu, dị Animowabi nịnị nyima aa kụ̀ụ hịrẹ Anisirẹrị nịnị nị. 2Ụmẹ ọnọọ, Ahaziya ohinọyị Isirẹrị ộ hyẹdụ hụrị ẹbẹẹba enoze irehi anị Ị́samarịya, dị ọ tọ̀ ụnava ẹtẹẹtẹrẹ nị. Ộ tụ́ ọnụtụ anị nịnị na zama ẹtẹ idi ori ana aā hị́ Ịbaarị-Izebubi. Ẹkụra Anihwirisiti ọnya ana aā hị́ Ekironi ori ọnọọ ya nị. Ộ tụ́ ka ana họ̀ ka ọnị waa vaa rị ẹngụ ọnọnị. 3Ama anggẹẹrị Ẹnẹyịmavara ộ kà a yị Erija ana vị ọnịsẹ hụrị ẹtẹ Itisibi ka, ò ne tu ọnụtụ ohinọyị Ahaziya ẹnẹnị, dị ọ̀ họ̀ wa ka: Sị ẹ vẹ di e si hu aà naa zama ẹtẹ idi Ịbaarị-Izebubi, ori Anekironi nịnị? Ọ kà agụvị ka ê rò o ka ẹ yị nyị ori ịnị ẹtẹ Ísirẹrị wáá yọ? 4Ọ kà ẹnịnị ẹ̀ na kà a yị ohinọyị ka, ẹ yị va zụ rị ụnava ọnị ọ tọ̀ aanị. Vị ó vee sú nị. Dị Erija vavọọ na mẹ anka Ẹnẹyịmavara mẹ̀ kà a yọ nị. 5Dị ọnụtụ ẹnẹẹ varẹma ne tu ohinọyị nị. Ohinọyị ộ họ̀ wa ka: Sị ẹ vẹ dị ẹ vavẹ? 6Dị ẹnịnị ka, â nyị ọza ẹnẹ ẹnịrịị gẹ. Ọza ọnọọ ọ ka ẹnị ẹ̀ varẹma dị ẹnị ẹ̀ va kà a yị wụ ka, Ẹnẹyịmavara kà: Sị ẹ vẹ dị ụ tụ́ aza aa nọ ịdị Ịbaarị-Izebubi, ori Anekironi nịnị? Ọ kà, agụvị ka wê roo ka ẹ yị nyị ori ịnị ẹtẹ Isirẹrị waa yọ? Ọ kà wẹ yị vaa rị ụnava ọnị ụ tọ̀ aanị o; u vee sú nị. 7Ohinọyị ộ họ̀ wa use ka: Sị ọza ọnọọ vene kẹ? 8#Imt 3.4; Ịmk 1.6Dị ẹnịnị ka, ọza ọnọọ vị ana sị ụtụmpaha uye jị awuru chire, dị ọ sị ụtụmpaha mẹ obo ọnị ọ sị sụ́ ọtẹ nị. Dị ohinọyị ka Erija yọ nọ! 9Dị ọ tụ́ ọga isoja ene sị eyi pe aza ẹvarẹwụ ka ọ̀ kụ́ aza ẹnị ẹvarẹwụ ka ẹ̀ na za Erija vẹ nị. Ọga isoja ọnọnị ô ne tu ka Erija yaatụ ịrẹsụ ataba, dị ọ kà a yọ ka: Ẹwụ ọza Ohomorihi, ohinọyị ka we chí vẹ o. 10#Irk 9.54Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra da chí vẹ, dị ọ wụ ọga isoja ọnọọ ọnịrị aza anị nị. 11Ohinọyị ộ rẹ tụ́ ọga isoja ọsa beri aza ẹnị ẹvarẹwụ ka ẹ̀ na za Erija vẹ. Dị ẹnị rẹ vahịrẹ ne tu ọ, dị ẹ ka: Ọza Ohomorihi, ohinọyị ka we chí vẹ booro aanị o. 12Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra dị hụụ ịdị Ohomorihi chí vẹ, dị ọ wụ̀ wa nị. 13Ohinọyị ộ rẹ varẹma tụ́ ọga isoja ọsa beri aza ẹnị ẹvarẹwụ. Ọnọnị ộ hịrẹ ataba ne tu Erija, dị ọ sị idinku ku ẹtẹ ọvịdị anị dị aa da ịpẹ nị. Ọ kà ọza Ohomorihi, ọ̀ navọ ọ vayị ọnịrị aza anị de. Ọ kà ọ̀ navọ à sị ọ wụ ẹnị de. 14Ọga isoja ẹẹva ana á vịdị tụ́ vẹ vị ọnị ịra hụrẹ ẹbẹẹba vẹ, dị ọ wụ ẹnịrị aza ẹnịnị; ama Erija ọ̀ navọ ọ̀ vayị anị de. 15Dị anggẹẹrị Ẹnẹyịmavara kà a yị Erija ka, à sị o hí angwa; ò chí saasa wa na nị. Ịzẹyịza dị Erija saasa ọga isoja ọnọọ ne tu ohinọyị nị. 16Ộ kà a yi ohinọyị ka: Ẹnẹyịmavara kà, agụvị ka ộ tụ́ aza nọ ịdị Ịbaarị-Izebubi, ori Anekironi ne họ̀ use ịrẹyị, anka vị ẹ̀ yị nyị ori ịnị ẹtẹ Isirẹrị ana vọrọ ka ò họ̀ use ịrẹyị nị; ẹngụ anị ẹ yị vaa nịya, vị o vee su nị. 17Ahaziya ô su, anka Ẹnẹyịmavara mẹ̀ kà a ka Erija ọ̀ kà a gẹdẹ-gẹdẹ. Ahaziya ẹ yị ma ozi ọnọrụ, agụvị avọọ, dị ọyịnyara anị Ijorami rị ohinọyị dọ ọ ịrẹsụ nị. Ịrayị ọnọọ ọ tụ ọ ịrayị ọhụva ọnị Ijehorami ozi Ijehosahwati rị ohinọyị Ijuda nị. 18Â chẹrẹ avaba ịsa ana vọ ọnị Ahaziya mẹ hi ini iwe ịtọpa ohinọyị Anisirẹrị nịnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.