2 Anịkọrịntị 4
4
Sị ẹ vẹ dị ò yi du Ịpọọrụ eyi
1Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi. 2Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị. 3Aza ana àa ka enube ọyịza ọnị yaa kà ộ tẹ, aza ene ee vu ẹtẹ kẹnẹ ọ tẹ yị nị. 4Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi. 5Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị. 6#Oyn 1.3Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há. 7Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị. 8Ịrẹyị irenyi-irenyi ee tù yị, ama ẹ yị nyị ẹbẹẹba ayị. Ayị ayịị̄ vaa zi, ama ye yi hụrẹ eyi. 9Aa sị ụyaa rị yị, ama Ohomorihi o yi yi yị tịtẹ. Ịjị ẹnyị e si yi hú ẹtẹ, ama ye yi vu ẹtẹ. 10Ụmẹ tụra ụmẹ, yaa sị ẹngụụ dọ isu anka Ijeesu, agụvị dị aza è zụ ree ẹhẹ Ijeesu ịnị ẹngụ ayị. 11Ịnị avaba ẹhẹ ayị ịnị ụmẹ tụra ụmẹ, ye yi noze rịrị isu agụvị Ijeesu, agụvị dị aza ẹ̀ zụ zị oze ịnị ẹngụ ayị eneē súu re ẹhẹ Ijeesu. 12Ọnọọ ọ vị ka yê tenyi ẹngụ ka ye sú, dị ẹwụ nịnị ọ̀ zụ yàra. 13#Ahẹ 116.10Â vịdị chẹrẹ ẹ tụ́ ini Iwe Ohomorihi ka, “Mâ dọ wụ́, agụvị avọọ mâ kà ịrẹyị”. Ẹngụ ayị ẹdọwụ ọnọọ ẹyị rẹ nyị nị, agụvị avọọ dị yaa kà ịrẹyị nị, agụvị ka yâ dọ wụ́. 14Yâ yẹ ka Ohomorihi ana ha Ananyị yị Ijeesu hụụnị isu, rẹ vaa ha ẹyịị hụụnị isu beri Ijeesu. Dị ọ sị ẹyịrị ẹwụ nịnị na tụ́ ọvịdị anị. 15Avaba ịsa ẹnẹnị ệ mẹ agụvị awụ nịnị, agụvị ayamva Ohomorihi ò tù aza ọrụrụ-ọrụrụ hu avọọ hu avọọ, dị ẹ̀ẹ kụ́ Ohomorihi avọọ hu avọọ hu avọọ, dị igirima Ohomorihi ọ̀ọ banyịị hu avọọ.
Ẹdọwụ ana yàra
16Agụvị avọọ, o yi du eyi. Ọchẹngụ ayị ọ̀ọ daka ee bo, ama ẹhẹ ọnị Ikirisiti, sị yị vị ana aa vara ọwọọwa eyinị-eyinị. 17Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna. 18Ye yi si eyi ayị tụ́ ịnị ịsa ọzaā sị eyii re. Ịsa ọza ọ̀ yị mā sị eyii re i si eyi tụ́ nị. Agụvị ka ịsa ọzaā sị eyii re vị ana yà yị ụmẹ chee kẹnẹ, ama ịsa ọza ọ̀ yị mā sị eyi re, vị ana yà pooro zịna-zịna.
Currently Selected:
2 Anịkọrịntị 4: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Anịkọrịntị 4
4
Sị ẹ vẹ dị ò yi du Ịpọọrụ eyi
1Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi. 2Ya raà hụrẹ ụvọ avaba ịsa ini ewere ọnịrị ịsị ẹẹ̄ mẹ ụhịị nyị ọza. Ye yi vene ọza, ya yi re sima ịrẹyị Ohomorihi. Ohomorihi vị onivenu ayị ka, ịzẹyịza kẹnẹ ịị̄ kà nị. Oze avọọ ị ya zịị mẹ ka aza ẹ̀ yẹ ịnị ayị ẹnịnị ka ya wụra sị ayị tụra nị. 3Aza ana àa ka enube ọyịza ọnị yaa kà ộ tẹ, aza ene ee vu ẹtẹ kẹnẹ ọ tẹ yị nị. 4Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi. 5Yẹ yị kà enube ẹngụ ayị. Ama yaa kà enube ọyịza Ijeesu oni Ohomorihi nyị mẹ ohinọyị ka ọ̀ dọ yị há ka, ọnị ọ vị Ananyị yị nị. Ẹyị â hụ̀ agụvị Ijeesu, yâ vị ezi ahụ awụ nịnị. 6#Oyn 1.3Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há. 7Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị. 8Ịrẹyị irenyi-irenyi ee tù yị, ama ẹ yị nyị ẹbẹẹba ayị. Ayị ayịị̄ vaa zi, ama ye yi hụrẹ eyi. 9Aa sị ụyaa rị yị, ama Ohomorihi o yi yi yị tịtẹ. Ịjị ẹnyị e si yi hú ẹtẹ, ama ye yi vu ẹtẹ. 10Ụmẹ tụra ụmẹ, yaa sị ẹngụụ dọ isu anka Ijeesu, agụvị dị aza è zụ ree ẹhẹ Ijeesu ịnị ẹngụ ayị. 11Ịnị avaba ẹhẹ ayị ịnị ụmẹ tụra ụmẹ, ye yi noze rịrị isu agụvị Ijeesu, agụvị dị aza ẹ̀ zụ zị oze ịnị ẹngụ ayị eneē súu re ẹhẹ Ijeesu. 12Ọnọọ ọ vị ka yê tenyi ẹngụ ka ye sú, dị ẹwụ nịnị ọ̀ zụ yàra. 13#Ahẹ 116.10Â vịdị chẹrẹ ẹ tụ́ ini Iwe Ohomorihi ka, “Mâ dọ wụ́, agụvị avọọ mâ kà ịrẹyị”. Ẹngụ ayị ẹdọwụ ọnọọ ẹyị rẹ nyị nị, agụvị avọọ dị yaa kà ịrẹyị nị, agụvị ka yâ dọ wụ́. 14Yâ yẹ ka Ohomorihi ana ha Ananyị yị Ijeesu hụụnị isu, rẹ vaa ha ẹyịị hụụnị isu beri Ijeesu. Dị ọ sị ẹyịrị ẹwụ nịnị na tụ́ ọvịdị anị. 15Avaba ịsa ẹnẹnị ệ mẹ agụvị awụ nịnị, agụvị ayamva Ohomorihi ò tù aza ọrụrụ-ọrụrụ hu avọọ hu avọọ, dị ẹ̀ẹ kụ́ Ohomorihi avọọ hu avọọ hu avọọ, dị igirima Ohomorihi ọ̀ọ banyịị hu avọọ.
Ẹdọwụ ana yàra
16Agụvị avọọ, o yi du eyi. Ọchẹngụ ayị ọ̀ọ daka ee bo, ama ẹhẹ ọnị Ikirisiti, sị yị vị ana aa vara ọwọọwa eyinị-eyinị. 17Ụya kiiki ọnị yaa rị ụmẹ chee aanị, vaa sị igirima vaa yị. Igirima ọnọọ vị ana vaa yà pooro zịna-zịna. 18Ye yi si eyi ayị tụ́ ịnị ịsa ọzaā sị eyii re. Ịsa ọza ọ̀ yị mā sị eyii re i si eyi tụ́ nị. Agụvị ka ịsa ọzaā sị eyii re vị ana yà yị ụmẹ chee kẹnẹ, ama ịsa ọza ọ̀ yị mā sị eyi re, vị ana yà pooro zịna-zịna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.