2 Ịtọpa 36
36
Ijowahazi ohinọyị Ijuda
(2 Ohi 23.30-35)
1Anijuda nịnị ệ nyị Ijowahazi ozi Ijosaya, dị ẹ sị ọ rị ohinọyị tụ́ Ijerusarẹmị nị. 2Ijowahazi ọnọọ vị ịrayị ohurẹẹta ịnị ụmẹ ọnị ọ vị ohinọyị Ijuda, dị ộ mẹ̀ ịrayị ẹẹta ịrẹsụ ode nị. 3Ịnị ụmẹ ọnọọ, ọnọrụ ọnya aanị ana a hị́ Ineko sị vị ohinọyị ẹtẹ Ijipiti nị, ọnị ọ va za Ijowahazi dị ộ jị ọ ẹngwa, dị ộ mẹ̀ ka Anijuda nịnị e si isiriva ikirogirami ohurẹẹwụ tụra ẹẹna va jị ọ nị. 4#Ijer 22.11,12Ohinọyị Ineko mẹ raà chi Ijowahazi hi ẹtẹ, dị ọ sị ẹnẹbẹnị anị ana a hị́ Eriyakimi dọ ịrẹsụ tụ́ Ijuda nị. Ọ mẹ̀ sị rị, dị ọ vara ịrẹha anị tụ́ ịnị Ijehoyakimi nị. Ijowahazi vị ọnị Ineko si nọ Ijipiti.
Ijehoyakimi ohinọyị Ijuda.
(2 Ohi 23.36—24.7)
5 #
Ijer 22.18,19; 26.1-6; 35.1-19 Ijehoyakimi vị ịrayị ohurẹẹhị ịnị ụmẹ ọnị ọ́ rị ohinọyị Ijuda. Ộ mẹ̀ ohinọyị ịrayị ẹwụrọnya Ijerusarẹmị, dị ộ mẹ̀ ebira odivi hi Ẹnẹyịmavara ana vị ohinọyị anị. 6#Ijer 25.1-38; 36.1-32; 45.1-5; Ịda 1.1,2Ebira odivi anị, Inebukadineza ohinọyị Ịbabịrọnị va za a, dị ọ tụ́ ọ ịchẹkẹchẹkẹ na ngụ Ịbabịrọnị nị. 7Avọọ ộ mẹ̀ kụ́ ogu ene hi irehi Ohomorihi ne hi ịnị irehi ohinọyị Ịbabịrọnị nị. 8Avaba ịsị Ijehoyakimi mẹ̀ ọnịrị ẹtẹ ọnị o du ne beri ebira odivi anị vị ana a chẹrẹ ẹ tịtẹ ịnị iwe ịtọpa ohinọyị Anisirẹrị ọnịrị Ijuda nịnị. Ozi anị Ijehoyakimi ọ rị ohinọyị tụ́ udi anị nị.
Ijehoyakini ohinọyị
(2 Ohi 24.8-17)
9Ijehoyakini vị ịrayị ẹwụrịhịnta ịnị ụmẹ ọnị ọ sị rị ohinọyị Ijuda. Ụhwẹ ẹẹta tụra ẹkụhị ẹẹwụ kẹnẹ, ọ rị ohinọyị vi, dị ọ mẹ̀ du Ẹnẹyịmavara eyi nị. 10#Ijer 22.24-30; 24.1-10; 29.1,2; Ezk 17.12; Ijer 37.1; Ezk 17.13Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.
Ịzẹdẹkaya ộ rị ohinọyị Ijuda
(2 Ohi 24.8-17; Ijer 52.1-3a)
11 #
Ijer 27.1-22; 28.1-17 Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị, Ijuda, dị ọ mẹ̀ ohinọyị ọnọọ ịrayị ẹwụrọnya nị. 12Ộ mẹ̀ ebira odivi hi Ẹnẹyịmavara. Ộ mẹ̀ akamawụ hi ịrẹyị Ẹnẹyịmavara ọnị ọnịsẹ Ijeremaya kà yọ.
Ijerusarẹmị ộ sị hyẹdụ.
(2 Ohi 25.1-21; Ijer 52.3b-11)
13 #
Ezk 17.15
Ịzẹdẹkaya ộ mè akamawụ hi Inebukadineza ana sị ụkata-ụkata za a sị Ohomorihi hị́ eku ka ọnị vaa wụ̀ chire e. Avọọ ọ́ mẹ rẹ sị ayị ọkatẹngụ yị ka ọnị e yi ro ịnẹ hụụnị odivi dị ọ vaka Ẹnẹyịmavara ana vị Ohomorihi Anisirẹrị nịnị vẹ. 14Avaba ọdọvịdị Ijuda nịnị ọnịrị ohirẹsụ irehi Ohomorihi, ne beri aza ana vọ vị anaa saasa ebira odivi anẹkụra nịnị ana kara wa, dị ẹ yaa hẹkẹ ori, di e du irehi Ohomorihi ọnị Ẹnẹyịmavara dà yị ẹngụ anị ẹngụ. 15Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ. 16Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị. 17#Ijer 21.1-10; 34.1-5Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ. 18Ohinọyị Ịbabịrọnị vị ana kụ́ avaba ẹnya irehi Ohomorihi, ọnịrị ogu ohinọyị ne beri ẹnị ọdọvịdị nọ Ịbabịrọnị. 19#1 Ohi 9.8Ịjị ọ raà kụ́ ẹnya ẹnẹẹ, dị ẹ rị irehi Ohomorihi ịra nị, di e wu ọvọ Ijerusarẹmị, dị ẹ rị irehi ohinọyị ịra, di e du avaba ẹnya ọkatarihi ha nị. 20Aza chee ana ha, dị a za ọrịhị nọ Ịbabịrọnị, dị ẹ ozi ahụ ohinọyị ọnịrị ezi anị pooro ne tu ụmẹ ọnị Anipesiya va sị dọ wa ịjọva nị.
Ịsayịrọsị ộ mẹ̀ ọda Aniju nịnị ẹ va na eehi ẹnịnị
(Ẹzị 1.1-4)
21 #
Ijer 25.11; 29.10 Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a. 22Ịnị ịrayị ịpaapa ọnị Ịsayịrọsị vị ohinọyị Ipesiya, Ẹnẹyịmavara mẹ̀ ka ịrẹyị ọnị Ijeremaya kà a ọ sẹ nị. Ộ kụ ọ hi Ịsayịrọsị ayị ka ọ chẹrẹ ẹ, dị ọ nọ ọda ọnọọ ịnị avaba ẹkụra ọnị ọ vị ohinọyị tụra ịrẹsụ. 23#Ayị 44.28Ịrẹyị ọnị ọ kà yịị, Ọ kà Ẹnẹyịmavara Ohomorihi ada ayị ẹbẹẹba ọ raà sị avaba ịjọva ịrẹsụ ẹtẹ chire ọnị ụvọ. Ọ raà nyị ọnị ka ọnị ọ dà irehi Ohomorihi yị ọnị tụ Ijerusarẹmị ịnị ẹtẹ Ijuda. Avaba aza ana vị aza Ẹnẹyịmavara ẹ varẹma nọ ịzọọ agụvị ụkọrọ ọnọọ. Ẹnẹyịmavara ọ vaa ya pè wu nịnị.
Currently Selected:
2 Ịtọpa 36: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ịtọpa 36
36
Ijowahazi ohinọyị Ijuda
(2 Ohi 23.30-35)
1Anijuda nịnị ệ nyị Ijowahazi ozi Ijosaya, dị ẹ sị ọ rị ohinọyị tụ́ Ijerusarẹmị nị. 2Ijowahazi ọnọọ vị ịrayị ohurẹẹta ịnị ụmẹ ọnị ọ vị ohinọyị Ijuda, dị ộ mẹ̀ ịrayị ẹẹta ịrẹsụ ode nị. 3Ịnị ụmẹ ọnọọ, ọnọrụ ọnya aanị ana a hị́ Ineko sị vị ohinọyị ẹtẹ Ijipiti nị, ọnị ọ va za Ijowahazi dị ộ jị ọ ẹngwa, dị ộ mẹ̀ ka Anijuda nịnị e si isiriva ikirogirami ohurẹẹwụ tụra ẹẹna va jị ọ nị. 4#Ijer 22.11,12Ohinọyị Ineko mẹ raà chi Ijowahazi hi ẹtẹ, dị ọ sị ẹnẹbẹnị anị ana a hị́ Eriyakimi dọ ịrẹsụ tụ́ Ijuda nị. Ọ mẹ̀ sị rị, dị ọ vara ịrẹha anị tụ́ ịnị Ijehoyakimi nị. Ijowahazi vị ọnị Ineko si nọ Ijipiti.
Ijehoyakimi ohinọyị Ijuda.
(2 Ohi 23.36—24.7)
5 #
Ijer 22.18,19; 26.1-6; 35.1-19 Ijehoyakimi vị ịrayị ohurẹẹhị ịnị ụmẹ ọnị ọ́ rị ohinọyị Ijuda. Ộ mẹ̀ ohinọyị ịrayị ẹwụrọnya Ijerusarẹmị, dị ộ mẹ̀ ebira odivi hi Ẹnẹyịmavara ana vị ohinọyị anị. 6#Ijer 25.1-38; 36.1-32; 45.1-5; Ịda 1.1,2Ebira odivi anị, Inebukadineza ohinọyị Ịbabịrọnị va za a, dị ọ tụ́ ọ ịchẹkẹchẹkẹ na ngụ Ịbabịrọnị nị. 7Avọọ ộ mẹ̀ kụ́ ogu ene hi irehi Ohomorihi ne hi ịnị irehi ohinọyị Ịbabịrọnị nị. 8Avaba ịsị Ijehoyakimi mẹ̀ ọnịrị ẹtẹ ọnị o du ne beri ebira odivi anị vị ana a chẹrẹ ẹ tịtẹ ịnị iwe ịtọpa ohinọyị Anisirẹrị ọnịrị Ijuda nịnị. Ozi anị Ijehoyakimi ọ rị ohinọyị tụ́ udi anị nị.
Ijehoyakini ohinọyị
(2 Ohi 24.8-17)
9Ijehoyakini vị ịrayị ẹwụrịhịnta ịnị ụmẹ ọnị ọ sị rị ohinọyị Ijuda. Ụhwẹ ẹẹta tụra ẹkụhị ẹẹwụ kẹnẹ, ọ rị ohinọyị vi, dị ọ mẹ̀ du Ẹnẹyịmavara eyi nị. 10#Ijer 22.24-30; 24.1-10; 29.1,2; Ezk 17.12; Ijer 37.1; Ezk 17.13Ịnị ụmẹ ị̀rẹ̀sụ̀ Inebukadineza va sị sị Ijehoyakini na tụ́ ẹngwa Ịbabịrọnị, dị ọ kụ̀ ẹnya irehi Ohomorihi saasa a na nị. Dị Inebukadineza sị Ịzẹdẹkaya ọnyara anị rị ohinọyị tụ́ udi anị nị.
Ịzẹdẹkaya ộ rị ohinọyị Ijuda
(2 Ohi 24.8-17; Ijer 52.1-3a)
11 #
Ijer 27.1-22; 28.1-17 Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị, Ijuda, dị ọ mẹ̀ ohinọyị ọnọọ ịrayị ẹwụrọnya nị. 12Ộ mẹ̀ ebira odivi hi Ẹnẹyịmavara. Ộ mẹ̀ akamawụ hi ịrẹyị Ẹnẹyịmavara ọnị ọnịsẹ Ijeremaya kà yọ.
Ijerusarẹmị ộ sị hyẹdụ.
(2 Ohi 25.1-21; Ijer 52.3b-11)
13 #
Ezk 17.15
Ịzẹdẹkaya ộ mè akamawụ hi Inebukadineza ana sị ụkata-ụkata za a sị Ohomorihi hị́ eku ka ọnị vaa wụ̀ chire e. Avọọ ọ́ mẹ rẹ sị ayị ọkatẹngụ yị ka ọnị e yi ro ịnẹ hụụnị odivi dị ọ vaka Ẹnẹyịmavara ana vị Ohomorihi Anisirẹrị nịnị vẹ. 14Avaba ọdọvịdị Ijuda nịnị ọnịrị ohirẹsụ irehi Ohomorihi, ne beri aza ana vọ vị anaa saasa ebira odivi anẹkụra nịnị ana kara wa, dị ẹ yaa hẹkẹ ori, di e du irehi Ohomorihi ọnị Ẹnẹyịmavara dà yị ẹngụ anị ẹngụ. 15Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ. 16Ama dị ẹnịnị yaa mẹ̀ ọnụtụ Ohomorihi ẹnẹẹ isiya, dị e eyi wụ́ ịrẹyị Ohomorihi, dị ẹ yaa nyị ọnịsẹ nịnị unyi nị. Ẹvabẹ-ẹvabẹ ẹnẹnị ọ kụ́ Ẹnẹyịmavara ayị hi wa dị ẹ yị nyị ọza ẹnịnị ana ha nị. 17#Ijer 21.1-10; 34.1-5Avọọ Ẹnẹyịmavara sị ohinọyị Ịbabịrọnị ka o va eyi ka wa nị. Dị ohinọyị wụ̀ ezi ọmụha Anijuda huu na ngụ ịnị irehi Ohomorihi. Ẹ yị nyị ọza ọnị ẹ vayị anị, ozweyi a vị ọzọkụ, ọnọrụ a vị ọnẹẹ, ọnụkụ a vị ọza ana nịya, Ohomorihi vị ana hụrẹ avaba ẹnịnị ụvọ chire ohinọyị Ịbabịrọnị ụvọ. 18Ohinọyị Ịbabịrọnị vị ana kụ́ avaba ẹnya irehi Ohomorihi, ọnịrị ogu ohinọyị ne beri ẹnị ọdọvịdị nọ Ịbabịrọnị. 19#1 Ohi 9.8Ịjị ọ raà kụ́ ẹnya ẹnẹẹ, dị ẹ rị irehi Ohomorihi ịra nị, di e wu ọvọ Ijerusarẹmị, dị ẹ rị irehi ohinọyị ịra, di e du avaba ẹnya ọkatarihi ha nị. 20Aza chee ana ha, dị a za ọrịhị nọ Ịbabịrọnị, dị ẹ ozi ahụ ohinọyị ọnịrị ezi anị pooro ne tu ụmẹ ọnị Anipesiya va sị dọ wa ịjọva nị.
Ịsayịrọsị ộ mẹ̀ ọda Aniju nịnị ẹ va na eehi ẹnịnị
(Ẹzị 1.1-4)
21 #
Ijer 25.11; 29.10 Aanị ịrẹyị ọnị Ẹnẹyịmavara tụ Ijeremaya ka ọ kà mẹmẹ sẹ nị. Ộ kà a ka ẹtẹ Ijuda vaa tụ́ ụhwọ́, dị ọ vị osusu mẹ ịrayị ẹtarẹwụ anka ọnịsẹ mẹ kà a. 22Ịnị ịrayị ịpaapa ọnị Ịsayịrọsị vị ohinọyị Ipesiya, Ẹnẹyịmavara mẹ̀ ka ịrẹyị ọnị Ijeremaya kà a ọ sẹ nị. Ộ kụ ọ hi Ịsayịrọsị ayị ka ọ chẹrẹ ẹ, dị ọ nọ ọda ọnọọ ịnị avaba ẹkụra ọnị ọ vị ohinọyị tụra ịrẹsụ. 23#Ayị 44.28Ịrẹyị ọnị ọ kà yịị, Ọ kà Ẹnẹyịmavara Ohomorihi ada ayị ẹbẹẹba ọ raà sị avaba ịjọva ịrẹsụ ẹtẹ chire ọnị ụvọ. Ọ raà nyị ọnị ka ọnị ọ dà irehi Ohomorihi yị ọnị tụ Ijerusarẹmị ịnị ẹtẹ Ijuda. Avaba aza ana vị aza Ẹnẹyịmavara ẹ varẹma nọ ịzọọ agụvị ụkọrọ ọnọọ. Ẹnẹyịmavara ọ vaa ya pè wu nịnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.