2 Ịtọpa 3
3
Isoromọnị ộ da irehi Ohomorihi
(1 Ohi 6.1-38)
1 #
Oyn 22.22
Isoromọnị ô nyima aa da irehi Ohomorihi tụ́ ịrẹsụ ataba Ịmọrịya ana ya Ijerusarẹmị ịzị Ẹnẹyịmavara vịdị ya sị ẹngụ zụ Idevidi ada Isoromọnị. Idevidi ộ nyị ịzị ụkọ Arawuna Anijebusi ọnị ịrẹha ọsa rị Ọnanị ya ka aa da irehi ọnọọ tụ ịzọọ. 2Ịnị ẹkụhị ọhụva ịnị ụhwẹ ọhụva ịnị ịrayị ọhụna ọnị Isoromọnị rị ohinọyị ô nyima aa da irehi ọnọọ nị. 3Irehi Ohomorihi ọnọọ ộ gọdọ ahụ ẹnarẹẹwụ, dị ọ gana ahụ ohurẹẹwụ nị. 4Ịkatamba anị ọ gana ahụ ohurẹẹwụ, dị gọdọ ahụ ẹchẹhị tụra ẹbẹẹna. Eyi igooru a sị mẹ avaba ịnị ịnẹ anị nị. 5Aku ọbanyị ịnị irehi Ohomorihi ọnọnị vị ana sị ọchị Isipirẹsị da, dị a wụ eyi igooru ku ịnị ịnẹ anị. Dị a bẹ ọchị anka ọsọchị ọnịrị ẹ̀bà ana a sị mẹ ọvị hi ini ugene anị nị. 6Ugene irehi Ohomorihi vị ana a sị ọmọ ozoza ọnịrị eyi igooru hụụ ịnị Iparivemi mẹ ọvị. 7Avaba ugene anị, ọchị ana a sị za irehi ọnịrị ukere oze anị vị ene ku eyi igooru, dị a sị ọchị bẹ anggẹẹrị nịnị hi ịnị ugene anị nị 8#Kụra 26.33,34Aku ana a sị apoti oto tụ vị ana gana ẹbẹẹbẹ ahụ ohurẹẹwụ. Ọnị vị ana rẹ wụ eyi igooru ana rata ẹhụ ịtọnị ohu ku. 9Â sị igooru ana rata mẹ iso irehi ọnọọ. Dị a rẹ wụ́ igooru ku avaba ugene aku ene hi ẹbẹẹba nị. 10#Kụra 25.18-20Isoromọnị ộ sị ọchị bẹ̀ ịsa vene anggẹẹrị anaā hị́ icherubi ẹẹva, dị ọ wụ igooru ku wa nị, dị ọ sị wa tụ́ ịnị aku ọnọọ nị. 11Avaka ẹnịnị vabẹ ộ gana ẹhụ ahụ ohurẹẹwụ. Avaka ọnyọọnya ẹnịnị ộ gana ẹhụ ahụ ịhịmba rị ẹjịjị ọnị ẹ tana na kà ugene aku ọnọọ, dị ẹ tana avaka eyi ọsa ka nyị ẹngụ nị. 12Avaba ọnya icherubi ọsa ộ gana ahụ ịhịmba na ka ugene eyi ọsa, dị avaka anị ọsa rẹ gọdọ ahụ ịhịmba na ka avaba icherubi ịpaapa nị. 13Avaba icherubi ẹnẹnị gana vabẹ ahụ ohurẹẹwụ, dị ẹ jẹẹ va eyi ka ohweje ọbanyị. 14#Kụra 26.31Isoromọnị ộ mẹ̀ achị ọnị uvuru ọnịrị ọdọzeeyirị ne beri ovivi, vaka achị ọhẹhẹ jị oze. Achị ẹnẹẹ vị ana a va uhwoto icherubi nịnị tụ́.
Ọhẹ ẹẹva
(1 Ohi 7.15-22)
15Ộ rẹ jị ọhẹ ẹẹva tụ ọvịdị irehi Ohomorihi ana gọdọ ẹvarẹwụ tụra ẹẹva, dị ọ jị akata ku ọhẹ ọnyọọnya ana gọdọ ahụ ịhịmba rị ẹjịjị. 16Ịrẹsụ ọhẹ ẹnẹnị vị ana a sị enyusẹ tụ́ ẹba ne kara ẹngụ, dị ọ sị enyusẹ ọsa tụ́ ịsa ene vene ẹtụtụ ana aā hị́ Ipomegiraneti di e zụ wa gẹ ẹba ẹnẹẹ nị. 17Isoromọnị vị ana jị ọhẹ ọnya tụ́ eyi ụvọrị, dị ọ jị ọsa tụ́ eyi ụvọha ọvịdị irehi Ohomorihi. Ọhẹ ana ya eyi ụvọrị ịrẹha anị rị Ijachịnị, dị ana ya eyi ụvọha rị Ibowazị nị.
Currently Selected:
2 Ịtọpa 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ịtọpa 3
3
Isoromọnị ộ da irehi Ohomorihi
(1 Ohi 6.1-38)
1 #
Oyn 22.22
Isoromọnị ô nyima aa da irehi Ohomorihi tụ́ ịrẹsụ ataba Ịmọrịya ana ya Ijerusarẹmị ịzị Ẹnẹyịmavara vịdị ya sị ẹngụ zụ Idevidi ada Isoromọnị. Idevidi ộ nyị ịzị ụkọ Arawuna Anijebusi ọnị ịrẹha ọsa rị Ọnanị ya ka aa da irehi ọnọọ tụ ịzọọ. 2Ịnị ẹkụhị ọhụva ịnị ụhwẹ ọhụva ịnị ịrayị ọhụna ọnị Isoromọnị rị ohinọyị ô nyima aa da irehi ọnọọ nị. 3Irehi Ohomorihi ọnọọ ộ gọdọ ahụ ẹnarẹẹwụ, dị ọ gana ahụ ohurẹẹwụ nị. 4Ịkatamba anị ọ gana ahụ ohurẹẹwụ, dị gọdọ ahụ ẹchẹhị tụra ẹbẹẹna. Eyi igooru a sị mẹ avaba ịnị ịnẹ anị nị. 5Aku ọbanyị ịnị irehi Ohomorihi ọnọnị vị ana sị ọchị Isipirẹsị da, dị a wụ eyi igooru ku ịnị ịnẹ anị. Dị a bẹ ọchị anka ọsọchị ọnịrị ẹ̀bà ana a sị mẹ ọvị hi ini ugene anị nị. 6Ugene irehi Ohomorihi vị ana a sị ọmọ ozoza ọnịrị eyi igooru hụụ ịnị Iparivemi mẹ ọvị. 7Avaba ugene anị, ọchị ana a sị za irehi ọnịrị ukere oze anị vị ene ku eyi igooru, dị a sị ọchị bẹ anggẹẹrị nịnị hi ịnị ugene anị nị 8#Kụra 26.33,34Aku ana a sị apoti oto tụ vị ana gana ẹbẹẹbẹ ahụ ohurẹẹwụ. Ọnị vị ana rẹ wụ eyi igooru ana rata ẹhụ ịtọnị ohu ku. 9Â sị igooru ana rata mẹ iso irehi ọnọọ. Dị a rẹ wụ́ igooru ku avaba ugene aku ene hi ẹbẹẹba nị. 10#Kụra 25.18-20Isoromọnị ộ sị ọchị bẹ̀ ịsa vene anggẹẹrị anaā hị́ icherubi ẹẹva, dị ọ wụ igooru ku wa nị, dị ọ sị wa tụ́ ịnị aku ọnọọ nị. 11Avaka ẹnịnị vabẹ ộ gana ẹhụ ahụ ohurẹẹwụ. Avaka ọnyọọnya ẹnịnị ộ gana ẹhụ ahụ ịhịmba rị ẹjịjị ọnị ẹ tana na kà ugene aku ọnọọ, dị ẹ tana avaka eyi ọsa ka nyị ẹngụ nị. 12Avaba ọnya icherubi ọsa ộ gana ahụ ịhịmba na ka ugene eyi ọsa, dị avaka anị ọsa rẹ gọdọ ahụ ịhịmba na ka avaba icherubi ịpaapa nị. 13Avaba icherubi ẹnẹnị gana vabẹ ahụ ohurẹẹwụ, dị ẹ jẹẹ va eyi ka ohweje ọbanyị. 14#Kụra 26.31Isoromọnị ộ mẹ̀ achị ọnị uvuru ọnịrị ọdọzeeyirị ne beri ovivi, vaka achị ọhẹhẹ jị oze. Achị ẹnẹẹ vị ana a va uhwoto icherubi nịnị tụ́.
Ọhẹ ẹẹva
(1 Ohi 7.15-22)
15Ộ rẹ jị ọhẹ ẹẹva tụ ọvịdị irehi Ohomorihi ana gọdọ ẹvarẹwụ tụra ẹẹva, dị ọ jị akata ku ọhẹ ọnyọọnya ana gọdọ ahụ ịhịmba rị ẹjịjị. 16Ịrẹsụ ọhẹ ẹnẹnị vị ana a sị enyusẹ tụ́ ẹba ne kara ẹngụ, dị ọ sị enyusẹ ọsa tụ́ ịsa ene vene ẹtụtụ ana aā hị́ Ipomegiraneti di e zụ wa gẹ ẹba ẹnẹẹ nị. 17Isoromọnị vị ana jị ọhẹ ọnya tụ́ eyi ụvọrị, dị ọ jị ọsa tụ́ eyi ụvọha ọvịdị irehi Ohomorihi. Ọhẹ ana ya eyi ụvọrị ịrẹha anị rị Ijachịnị, dị ana ya eyi ụvọha rị Ibowazị nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.