2 Ịtọpa 1
1
Isoromọnị ô họ̀ use ịrẹyọyẹ hụụnị ụvọ Ohomorihi
(1 Ohi 3.1-15)
1Â nyị ụmẹ ọnya aanị ọnị Isoromọnị ana vị ozi Idevidi sị vị ohinọyị Isirẹrị nịnị. Agụvị ka Ẹnẹyịmavara ana vị Ohomorihi anị ộ jẹẹ ọ ịrẹma, dị ọ mẹ ka ọ nyị ụkata ẹtẹẹtẹrẹ nị. Dị ọ za avaba ẹtẹ ana aa mẹ̀ ịjọva yị ku nị. 2Ẹkụhị ọnya dị ọ hị́ avaba Anisirẹrị nịnị ẹnịrị ọgọọga isoja nịnị, ne beri ọdọvịdị ịjọva nịnị, ohirẹsụ ovwoovu-ovwoovu, ọnịrị aza ana vọ gụ nị. 3Isoromọnị ọnịrị avaba ịragụ ana gụ nọ ịnị ajẹngụ Ohomorihi ịrẹsụ ataba Igibiyọnị. Imosiisi ozi ahụ Ẹnẹyịmavara ọ dà ajẹngụ ọnọọ yọ tụ́ ụnọmị nị. 4#2 Ịsa 6.1-17; 1 Ịtọ 13.5-14; 15.25—16.1Ama Idevidi ọ̀ vịdị raà sị apoti oto Ohomorihi hụrị Ikiriyati-Ijeyarimi va tụ ịnị ajẹngụ ọnị ọ hụvị anị jị tụ́ Ijerusarẹmị. 5#Kụra 38.1-7Ụta ọnị Ibezareri ozi Ọọrị, aazị Ihuri hi tụ ịzọọ vị ana ya ọvịdị ajẹngụ Ẹnẹyịmavara ọnọọ. Isoromọnị ọnịrị avaba ịragụ ẹ́ẹ hẹkẹ Ẹnẹyịmavara ịzọọ. 6Ọvịdị ajẹngụ Ohomorihi ọnọọ, Isoromọnị hịrẹ nọ ịrẹsụ ụta enyusẹ na mẹ̀ ịsọvọ oze akawụ (1,000) nị. 7Ịnị ịrahụ anị, Ohomorihi ya sị ẹngụ zụ Isoromọnị ịnị ụra, dị ọ họ̀ ọ ka sị ọnị ọ́ọ́ sị yọ? 8Dị Isoromọnị kà a, Ohomorihi ọ vịdị raà sì ịrẹyị ada anị Idevidi ẹnẹmẹhị, dị ọ rẹ va sị ọnị tụ́ udi ada anị aanị nị. 9#Oyn 13.16; 28.14Ọ kà a Ẹnẹyịmavara Ohomorihi ọ navọ kwoogwo ọ mẹ̀ ịsa ọnị ọ ka yị ada anị booro aanị agụvị ka ộ raà sị ọnị mẹ̀ ohinọyị tụra aza otomiroku ọnị ọza ẹ yị yẹ za ịrịka. 10Dị Isoromọnị ka Ohomorihi ọ sị ịrẹyọyẹ yị ọnị ọnị vaa sị mẹ̀ ịjọva tụra wa ịrẹsụ a mẹ vọrọ. Ẹ yị vị avọọ, ẹnẹ zụ mẹ̀ ịjọva tụra ẹkụra anị ọbanyị ọnọnị ịrẹsụ? 11Dị Ohomorihi tụ́ ọ ohi kàa, agụvị ka ọ yị họ̀ use ogu ọnịrị ụbanyị ne beri ụhwẹ ọgọdọ yị ẹngụ anị, a vị ka o họ̀ use ka ọnịvị anị nịnị e su. Ama agụvị ka ộ họ̀ use ịrẹyọyẹ ọnịrị eyohweyi ọnị ọ vaa sị mẹ ịjọva tụra aza anị ọnị ọnị nyị ọ ka ọ vị ohinọyị ẹnịnị. 12Dị Ohomorihi ka agụvị avọọ ọnị vaa sị ịrẹyọyẹ ọnịrị eyohweyii yọ, dị ọ rẹ sị ẹkẹhị ọnịrị ogu beri ụbanyị yọ hụụnị ohinọyị nịnị ana vịdị rị ọnịrị ẹnẹ ana vaa vana aa rị ịrẹma anị. 13Isoromọnị hụrị ịzị aā hẹkẹ Ohomorihi Igibiyọnị na ngụ Ijerusarẹmị, dị ọ vị ohinọyị tụra Anisirẹrị ịrẹsụ.
Ogu Isoromọnị
(1 Ohi 10.26-29)
14 #
1 Ohi 4.26
Isoromọnị ộ kụ ịkẹkẹ ịrẹkụ akahịrakava (1,400) ọnịrị isoja anaā tụra umaata akawụ-akawụ oze ịhịnọnyị (12,000) ana ya pè tụ Ijerusarẹmị ọnịrị ẹkụra ana vọ. 15Ộ mẹ̀ ka isiriva ọnịrị igooru Ẹ gwẹẹtẹ Ijerusarẹmị anka ata avọọ. Dị ọ rẹ mẹ̀ ka ọchị Isida ọ rụrụ hi ẹtẹ anka ọchị isikamọ ene hi uruvo ataba Ijuda avọọ. 16#Ọda 17.16Isoromọnị ộ hị́ umaata hụrị Ijipiti ọnịrị Isirisiya. Osohu anị ẹ hị́ wa irenu ẹkẹhị Anịkuyee nị. 17Ẹ vavọọ kụ́ wa vẹ, dị ẹ vara eyi ná wa yị ohinọyị Anihiti ọnịrị Anisiriya nịnị nị. Ẹkẹhị ịkẹkẹ ịrẹkụ ọnyọọnya vị isiriva akata, dị ẹkẹhị umaata ọnyọọnya vị isiriva ẹchẹhị tụra ẹvarẹwụ.
Currently Selected:
2 Ịtọpa 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
2 Ịtọpa 1
1
Isoromọnị ô họ̀ use ịrẹyọyẹ hụụnị ụvọ Ohomorihi
(1 Ohi 3.1-15)
1Â nyị ụmẹ ọnya aanị ọnị Isoromọnị ana vị ozi Idevidi sị vị ohinọyị Isirẹrị nịnị. Agụvị ka Ẹnẹyịmavara ana vị Ohomorihi anị ộ jẹẹ ọ ịrẹma, dị ọ mẹ ka ọ nyị ụkata ẹtẹẹtẹrẹ nị. Dị ọ za avaba ẹtẹ ana aa mẹ̀ ịjọva yị ku nị. 2Ẹkụhị ọnya dị ọ hị́ avaba Anisirẹrị nịnị ẹnịrị ọgọọga isoja nịnị, ne beri ọdọvịdị ịjọva nịnị, ohirẹsụ ovwoovu-ovwoovu, ọnịrị aza ana vọ gụ nị. 3Isoromọnị ọnịrị avaba ịragụ ana gụ nọ ịnị ajẹngụ Ohomorihi ịrẹsụ ataba Igibiyọnị. Imosiisi ozi ahụ Ẹnẹyịmavara ọ dà ajẹngụ ọnọọ yọ tụ́ ụnọmị nị. 4#2 Ịsa 6.1-17; 1 Ịtọ 13.5-14; 15.25—16.1Ama Idevidi ọ̀ vịdị raà sị apoti oto Ohomorihi hụrị Ikiriyati-Ijeyarimi va tụ ịnị ajẹngụ ọnị ọ hụvị anị jị tụ́ Ijerusarẹmị. 5#Kụra 38.1-7Ụta ọnị Ibezareri ozi Ọọrị, aazị Ihuri hi tụ ịzọọ vị ana ya ọvịdị ajẹngụ Ẹnẹyịmavara ọnọọ. Isoromọnị ọnịrị avaba ịragụ ẹ́ẹ hẹkẹ Ẹnẹyịmavara ịzọọ. 6Ọvịdị ajẹngụ Ohomorihi ọnọọ, Isoromọnị hịrẹ nọ ịrẹsụ ụta enyusẹ na mẹ̀ ịsọvọ oze akawụ (1,000) nị. 7Ịnị ịrahụ anị, Ohomorihi ya sị ẹngụ zụ Isoromọnị ịnị ụra, dị ọ họ̀ ọ ka sị ọnị ọ́ọ́ sị yọ? 8Dị Isoromọnị kà a, Ohomorihi ọ vịdị raà sì ịrẹyị ada anị Idevidi ẹnẹmẹhị, dị ọ rẹ va sị ọnị tụ́ udi ada anị aanị nị. 9#Oyn 13.16; 28.14Ọ kà a Ẹnẹyịmavara Ohomorihi ọ navọ kwoogwo ọ mẹ̀ ịsa ọnị ọ ka yị ada anị booro aanị agụvị ka ộ raà sị ọnị mẹ̀ ohinọyị tụra aza otomiroku ọnị ọza ẹ yị yẹ za ịrịka. 10Dị Isoromọnị ka Ohomorihi ọ sị ịrẹyọyẹ yị ọnị ọnị vaa sị mẹ̀ ịjọva tụra wa ịrẹsụ a mẹ vọrọ. Ẹ yị vị avọọ, ẹnẹ zụ mẹ̀ ịjọva tụra ẹkụra anị ọbanyị ọnọnị ịrẹsụ? 11Dị Ohomorihi tụ́ ọ ohi kàa, agụvị ka ọ yị họ̀ use ogu ọnịrị ụbanyị ne beri ụhwẹ ọgọdọ yị ẹngụ anị, a vị ka o họ̀ use ka ọnịvị anị nịnị e su. Ama agụvị ka ộ họ̀ use ịrẹyọyẹ ọnịrị eyohweyi ọnị ọ vaa sị mẹ ịjọva tụra aza anị ọnị ọnị nyị ọ ka ọ vị ohinọyị ẹnịnị. 12Dị Ohomorihi ka agụvị avọọ ọnị vaa sị ịrẹyọyẹ ọnịrị eyohweyii yọ, dị ọ rẹ sị ẹkẹhị ọnịrị ogu beri ụbanyị yọ hụụnị ohinọyị nịnị ana vịdị rị ọnịrị ẹnẹ ana vaa vana aa rị ịrẹma anị. 13Isoromọnị hụrị ịzị aā hẹkẹ Ohomorihi Igibiyọnị na ngụ Ijerusarẹmị, dị ọ vị ohinọyị tụra Anisirẹrị ịrẹsụ.
Ogu Isoromọnị
(1 Ohi 10.26-29)
14 #
1 Ohi 4.26
Isoromọnị ộ kụ ịkẹkẹ ịrẹkụ akahịrakava (1,400) ọnịrị isoja anaā tụra umaata akawụ-akawụ oze ịhịnọnyị (12,000) ana ya pè tụ Ijerusarẹmị ọnịrị ẹkụra ana vọ. 15Ộ mẹ̀ ka isiriva ọnịrị igooru Ẹ gwẹẹtẹ Ijerusarẹmị anka ata avọọ. Dị ọ rẹ mẹ̀ ka ọchị Isida ọ rụrụ hi ẹtẹ anka ọchị isikamọ ene hi uruvo ataba Ijuda avọọ. 16#Ọda 17.16Isoromọnị ộ hị́ umaata hụrị Ijipiti ọnịrị Isirisiya. Osohu anị ẹ hị́ wa irenu ẹkẹhị Anịkuyee nị. 17Ẹ vavọọ kụ́ wa vẹ, dị ẹ vara eyi ná wa yị ohinọyị Anihiti ọnịrị Anisiriya nịnị nị. Ẹkẹhị ịkẹkẹ ịrẹkụ ọnyọọnya vị isiriva akata, dị ẹkẹhị umaata ọnyọọnya vị isiriva ẹchẹhị tụra ẹvarẹwụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.