1 Ịsamụwẹrị 7
7
Apoti oto ini eehi Abinadabi
1 #
2 Ịsa 6.2-4; 1 Ịtọ 13.5-7 Ịzẹyịza dị Anikiriyati-Ijerimi na, dị ẹ na sị apoti oto Ohomorihi nị. Ẹ́ mẹ̀ sị ọ, dị ẹ sị ọ nọ ini eehi ọza ana aā hị́ Abinadabi nị. Ịda Abinadabi vị ana yà ịnị ataba. Dị a nyị ozi Abinadabi ana aā hị́ Eriyaza. Ọ sị eyi pè apoti ọnọọ nị.
Anisirẹrị ê ro ịnẹ vaka Ohomorihi vẹ
2Apoti Ẹnẹyịmavara ộ yà Ikiriyati-Ijeyarimi kù ẹtẹẹtẹrẹ. Ộ hyakụ mẹ̀ ịrayị oohu ịzọọ. Ịnị ụmẹ ọnọọ, dị avaba Anisirẹrị ee nowu ka Ẹnẹyịmavara ọ̀ gụ ẹnị ụvọ nị.
3Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.
4Ịzẹyịza dị Anisirẹrị kụ́ ori ẹnịnị ana aā hị́ Ịbaarị ọnịrị Asịtọrẹtị kwooze, dị ahịka Ẹnẹyịmavara ịnya kẹnẹ ẹ kụkụ aa hẹkẹ nị.
5Dị Ịsamụwẹrị va tụ́ na hị́ avaba Anisirẹrị dị ọ ka ẹ̀ vara gẹ ịzị aā hị́ Imizipa nị. Ọ kà èe tụ́ ịzọọ, ọnị vaa dá ịpẹ ịrẹyị ẹnịnị yị Ẹnẹyịmavara. 6Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.
Anihwirisiti ẹ kụ̀ ịrẹkụ tu Anisirẹrị nịnị
7Anihwirisiti nịnị ệ wụ́ ka Anisirẹrị ẹ sị kụ́ gụ tụ́ Imizipa. Dị ẹ na kụ́ ẹnya ịrẹkụ ẹnịnị, dị ẹ kụ̀ ịrẹkụ ne tù Anisirẹrị nị. Ịjị Anisirẹrị vavọọ wụ́ ka Anihwirisiti ệ kụ́ ịrẹkụ aa vẹ, dị angwa ee hi wa nị.
8Dị ẹ ka, “Ịsamụwẹrị, aarịhịnị wee nowuu hị́ Ẹnẹyịmavara ana vị Ohomorihi ayị, asị ụ jẹẹ. Wee nowu hị́ ọ ịsavọọ ọ̀ dọ yị tụ́ hụụnị ụvọ Anihwirisiti nịnị.”
9Dị Ịsamụwẹrị va si ozi atẹmẹ ọnya aanị ana ahịka ộ yi jị ịrẹva, dị ọ wụ̀ ọ, dị ọ rị avaba anị ịra yị Ẹnẹyịmavara nị. Ịjị ọ vavọọ sị ọ mẹ, di o ve nowu na za Ẹnẹyịmavara kà ọ̀ navọ ọ̀ ba Anisirẹrị owu nị. Ịzẹyịza dị Ẹnẹyịmavara ba wa owu nị.
10Ụmẹ ọnị Ịsamụwẹrị aa sịị mẹ̀ ịsọvọ ọnọọ, di Anihwirisiti aa kà a pè Anisirẹrị ka ẹnị ẹ̀ na gẹ ịrẹkụ nị. Ẹ́ mẹ̀ vavọọ aa na kẹnẹ, dị Ẹnẹyịmavara há apaana ihinẹba kú wa pàra nị. Apaana ọnọọ ộ mẹ̀ ka ngwa ò hi Anihwirisiti nịnị ẹtẹẹtẹrẹ, dị ẹ và hi, di eyee zwe nị.
11Dị Anisirẹrị jịnẹ hi ẹhẹ hụrẹ Imizipa, di e kụ́ chire Anihwirisiti nịnị nị. Dị Anisirẹrị vavọọ wụ̀ wa huu na ngụ ọgụrị ịzị aā hị́ Ịbẹtị Ikari nị.
12Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”
13Avọọ a mẹ̀ huna Anihwirisiti nịnị, dị ẹ̀ yị kụkụ kụ́ ịrẹkụ nọ ịnị ẹtẹ Anisirẹrị nịnị nị pooro dị Ịsamụwẹrị ve sú nị. Ẹnẹyịmavara vị ana nyayịnẹ tana ụvọ za Anihwirisiti nịnị.
14Ẹkụra Ekironi na ngụ Igati ana Anihwirisiti nịnị vịdị dọ hụụnị ụvọ Anisirẹrị vị ẹnẹ ẹ varẹma yị Anisirẹrị. Dị Anisirẹrị rẹ dọ ẹkụra ana kara ẹkụra ẹnẹẹ hụụnị ụvọ Anihwirisiti nịnị nị. Anisirẹrị ẹnịrị Anamọrị ệ za ụvọ jẹẹ ịnị ịrẹkụ.
Ịsamụwẹrị ộ vị ọdọvịdị Anisirẹrị
15Ịsamụwẹrị ọ vị ọdọvịdị Anisirẹrị pooro di o ve sú nị.
16Ọ̀ọ hụrẹ Ịbẹtẹrị, dị ọ vavọọ zị ọ pooro na ngụ Igirigari ọnịrị Imizipa dị ọ vavọọ aa mẹ̀ ọkarẹyị yị aza ẹnẹẹ. Avọọ ọ mẹ̀ẹ mẹ ịrayị-ịrayị nị.
17Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.
Currently Selected:
1 Ịsamụwẹrị 7: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịsamụwẹrị 7
7
Apoti oto ini eehi Abinadabi
1 #
2 Ịsa 6.2-4; 1 Ịtọ 13.5-7 Ịzẹyịza dị Anikiriyati-Ijerimi na, dị ẹ na sị apoti oto Ohomorihi nị. Ẹ́ mẹ̀ sị ọ, dị ẹ sị ọ nọ ini eehi ọza ana aā hị́ Abinadabi nị. Ịda Abinadabi vị ana yà ịnị ataba. Dị a nyị ozi Abinadabi ana aā hị́ Eriyaza. Ọ sị eyi pè apoti ọnọọ nị.
Anisirẹrị ê ro ịnẹ vaka Ohomorihi vẹ
2Apoti Ẹnẹyịmavara ộ yà Ikiriyati-Ijeyarimi kù ẹtẹẹtẹrẹ. Ộ hyakụ mẹ̀ ịrayị oohu ịzọọ. Ịnị ụmẹ ọnọọ, dị avaba Anisirẹrị ee nowu ka Ẹnẹyịmavara ọ̀ gụ ẹnị ụvọ nị.
3Di Ịsamụwẹrị va hị́ avaba Anisirẹrị dị ọ ka ẹ̀ẹ ka ẹnị aa vàa vẹ ịda Ẹnẹyịmavara ịzẹyịza-ịzẹyịza, â nyị ka ẹ̀ kụ́ ori anẹkụra ọsa ẹnẹ ẹ na dọ avọọ kwooze. Ọ kà ẹnịnị ẹ̀ kụ́ ori ana aā hị́ Asịtọrẹtị hụụ ịda ẹnịnị. Ọ kà ẹ̀ẹ vavọọ vàa kụ́ ori ẹnẹẹ kwooze, dị ẹ̀ va sị ẹngụ ẹnịnị va yị Ẹnẹyịmavara, dị ahịka ọnị ịnya kẹnẹ ẹ yaa hẹkẹ nị. Ịsamụwẹrị ka ẹ̀ẹ vavọọ mẹ, Ẹnẹyịmavara vaa dọ waa tụ́ hụụnị ụvọ Anihwirisiti nịnị.
4Ịzẹyịza dị Anisirẹrị kụ́ ori ẹnịnị ana aā hị́ Ịbaarị ọnịrị Asịtọrẹtị kwooze, dị ahịka Ẹnẹyịmavara ịnya kẹnẹ ẹ kụkụ aa hẹkẹ nị.
5Dị Ịsamụwẹrị va tụ́ na hị́ avaba Anisirẹrị dị ọ ka ẹ̀ vara gẹ ịzị aā hị́ Imizipa nị. Ọ kà èe tụ́ ịzọọ, ọnị vaa dá ịpẹ ịrẹyị ẹnịnị yị Ẹnẹyịmavara. 6Ịzẹyịza di Anisirẹrị wara gụ Imizipa nị. Dị ẹ dà enyi dị ẹ ká a hi ẹtẹ yị Ẹnẹyịmavara nị. Dị ẹ ba awẹ ịhị ọnọọ dị ẹ yaa dọ irenu ebira odivi ẹnẹ ẹ mẹ nị. Dị ẹ ka, “Ẹnẹyịmavara, ya raà mẹ akụvị ka wụ vẹ.” Imizipa ịzọọ Ịsamụwẹrị yà dị ahịka ọnị ọ vị ọdọvịdị Anisirẹrị nị.
Anihwirisiti ẹ kụ̀ ịrẹkụ tu Anisirẹrị nịnị
7Anihwirisiti nịnị ệ wụ́ ka Anisirẹrị ẹ sị kụ́ gụ tụ́ Imizipa. Dị ẹ na kụ́ ẹnya ịrẹkụ ẹnịnị, dị ẹ kụ̀ ịrẹkụ ne tù Anisirẹrị nị. Ịjị Anisirẹrị vavọọ wụ́ ka Anihwirisiti ệ kụ́ ịrẹkụ aa vẹ, dị angwa ee hi wa nị.
8Dị ẹ ka, “Ịsamụwẹrị, aarịhịnị wee nowuu hị́ Ẹnẹyịmavara ana vị Ohomorihi ayị, asị ụ jẹẹ. Wee nowu hị́ ọ ịsavọọ ọ̀ dọ yị tụ́ hụụnị ụvọ Anihwirisiti nịnị.”
9Dị Ịsamụwẹrị va si ozi atẹmẹ ọnya aanị ana ahịka ộ yi jị ịrẹva, dị ọ wụ̀ ọ, dị ọ rị avaba anị ịra yị Ẹnẹyịmavara nị. Ịjị ọ vavọọ sị ọ mẹ, di o ve nowu na za Ẹnẹyịmavara kà ọ̀ navọ ọ̀ ba Anisirẹrị owu nị. Ịzẹyịza dị Ẹnẹyịmavara ba wa owu nị.
10Ụmẹ ọnị Ịsamụwẹrị aa sịị mẹ̀ ịsọvọ ọnọọ, di Anihwirisiti aa kà a pè Anisirẹrị ka ẹnị ẹ̀ na gẹ ịrẹkụ nị. Ẹ́ mẹ̀ vavọọ aa na kẹnẹ, dị Ẹnẹyịmavara há apaana ihinẹba kú wa pàra nị. Apaana ọnọọ ộ mẹ̀ ka ngwa ò hi Anihwirisiti nịnị ẹtẹẹtẹrẹ, dị ẹ và hi, di eyee zwe nị.
11Dị Anisirẹrị jịnẹ hi ẹhẹ hụrẹ Imizipa, di e kụ́ chire Anihwirisiti nịnị nị. Dị Anisirẹrị vavọọ wụ̀ wa huu na ngụ ọgụrị ịzị aā hị́ Ịbẹtị Ikari nị.
12Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”
13Avọọ a mẹ̀ huna Anihwirisiti nịnị, dị ẹ̀ yị kụkụ kụ́ ịrẹkụ nọ ịnị ẹtẹ Anisirẹrị nịnị nị pooro dị Ịsamụwẹrị ve sú nị. Ẹnẹyịmavara vị ana nyayịnẹ tana ụvọ za Anihwirisiti nịnị.
14Ẹkụra Ekironi na ngụ Igati ana Anihwirisiti nịnị vịdị dọ hụụnị ụvọ Anisirẹrị vị ẹnẹ ẹ varẹma yị Anisirẹrị. Dị Anisirẹrị rẹ dọ ẹkụra ana kara ẹkụra ẹnẹẹ hụụnị ụvọ Anihwirisiti nịnị nị. Anisirẹrị ẹnịrị Anamọrị ệ za ụvọ jẹẹ ịnị ịrẹkụ.
Ịsamụwẹrị ộ vị ọdọvịdị Anisirẹrị
15Ịsamụwẹrị ọ vị ọdọvịdị Anisirẹrị pooro di o ve sú nị.
16Ọ̀ọ hụrẹ Ịbẹtẹrị, dị ọ vavọọ zị ọ pooro na ngụ Igirigari ọnịrị Imizipa dị ọ vavọọ aa mẹ̀ ọkarẹyị yị aza ẹnẹẹ. Avọọ ọ mẹ̀ẹ mẹ ịrayị-ịrayị nị.
17Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.