1 Ịsamụwẹrị 30
30
Idevidi ọnịrị Anamarẹkị ệ kụ̀ ịrẹkụ
1Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ. 2Anẹẹ ene hi ịzọọ ọnịrị avaba aza ana vọ, ozweyi ọnịrị azọkụ vị ẹnị ẹ za, dị ẹ kụ́ wa ọrịhị. Ẹnịnị ẹ yị wụ̀ ọza ọnyọọnyị, vị ẹ kụ́ wa aa na kẹnẹ nị.
3Idevidi ọnịrị aza anị mẹ̀ va ngụ Izikiragi, e ve tù ka a sị ọ rị ịra. A raà kụ́ ose ẹnịnị ne beri ezi anọrụ ọnịrị ezi anẹẹ ẹnịnị. 4Di Idevidi ọnịrị aza anị aa tụ́ orere booboro nị. Ệ jị òrèrè pooro, ẹ rẹ kụkụ zụ jị. 5#1 Ịsa 25.42,43Ose Idevidi ẹyịva anaā hị́ Ahinowamị ana vi Anijezirẹrị ọnịrị Abigẹrị ose onku Ịnabarị ana vị Anikamẹrị vị ana a rẹ za. 6Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.
7 #
1 Ịsa 22.20-23
Di Idevidi va hị́ Abiyata ana vị ohirẹsụ irehi Ohomorihi dị ọ ka ọ̀ sị ịharamịra oni ohirẹsụ irehi Ohomorihiī chire va yị ọnị nị. Ịzẹyịza dị Abiyata sị ọ va yọ nị. 8Di Idevidi họ̀ Ẹnẹyịmavara kà, áá vọrọ ka ọnị ò ku chire aza ana maanị va dụ aza anị aanị? Ọ kà ọnị wáá vaa za wa? Dị Ẹnẹyịmavara kà, “ku chire wa ka ụvọ awụ vee ku wa, dị ụ dọ aza awụ hụrẹ wa ụvọ.” 9Idevidi ọnịrị aza ẹnị akata ana yà pè e ệ kwẹẹtẹ na ngụ okuha ana yà Ibesori. Dị aza ẹnyị ẹnịnị jẹẹ ịzọọ nị. 10Di Idevidi ọnịrị aza ẹnị akava aa dụ aza ẹnẹẹ na, dị aza ẹnị ịrẹka ịnị ẹnịnị ọnị ọ sị ngụ ẹngụ ẹnẹ ẹ yị zụ jịnẹ okuha ọnọọ jẹẹ ịzọọ nị.
11-12Aza Idevidi ê re Anijipiti ọnya ịnị avị, dị ẹ sị o ve tù Idevidi nị. Anijipiti ọnọọ ộ yị rị ịsa hụrẹ ẹkụhị ẹẹta, ọọdụ ọnịrị ịrahụ. Dị a ka enyi yọ, di o hú ọ nị. Dị a rẹ sị ịsa yọ, dị ọ rị ọọ. Dị a varẹma sị Ịbụrẹẹdị ana sị ẹtụtụ ana hị́ ihwigi jị ne beri oromi tụ́ ọ yọ nị. Ịjị ọ sị ịsa rị, di eyi anị si hu eyi nị. 13Di Idevidi va họ̀ ọ ka ẹnị ẹ vị ọga anị. Dị ọ ka Anijipiti ọnị vị nị, dị ọnị rẹ vị ọrịhị Anamarẹkị nị. Dị ọ rẹ ka ẹngụ màa zị ọnị hụrẹ ajịnọgwẹẹta ọga anị hụrẹ navọ ọnị nị. 14Ọ rẹ ka ẹnị ẹ na dụ aza ene hi eyi ụvẹtẹ ịnị ẹtẹ Anikereti ne beri ẹtẹ Ijuda ọnịrị eyi ụvẹtẹ ịnị ẹtẹ Ịkarẹbị. Dị ọ rẹ ka ẹnị ẹ rị Izikiragi ịra nị. 15Dị Idevidi ka ọ́ọ́ zụ sị ọnị nọ ịda aza ana maanị va dụ aza va ha aanị. Di Anijipiti ka Idevidi ọ̀ọ nyẹngụ sị Ohomorihi hị́ eku ka ọnị ọ yị vaa wu ọnị, dị asị ọ rẹ sị ọnị varẹma na yị ọga anị, ọnị vaa sị ọ naa zụ̀ aza ẹnẹẹ.
16Ịzẹyịza dị ọ sị Idevidi na zụ̀ aza ẹnẹẹ nị. Di Idevidi ne tù ka aza ẹnẹẹ ệ chaka hi ịnị avị ịzọọ, ẹ yaa rị, eyee hu, dị ẹ yaa mẹ chavaa kẹnẹ nị. Ẹnịnị vavọọ aa mẹrị agụvị ogu ene e re kụ́ hụụnị ẹtẹ Anihwirisiti ọnịrị Ijuda. 17Di Idevidi ẹnịrị aza ẹnẹẹ gẹ ịrẹkụ hụrẹ ịrahụ na ngụ oruva eyinẹhẹ anị nị. Ẹ yị nyị aza ẹnẹẹ ene re oze zwe à yị vị ẹnị akava kẹnẹ anaā tura ịkẹrịkẹtẹ di e si zwe. 18Avaba ẹnya ana Anamarẹkị kụ́ vị ọnị Idevidi dọ varẹma, beri ose anị ẹyịva. 19A rẹ vaa nyị ịsa ikonya ene vu, ọ̀ọ vị ozweyi ọ̀ọ vị ọzọkụ, ọ̀ọ vị ọnọrụ, ọ̀ọ vị ọnẹẹ. A yi nyị ikonya ini ogu ẹnị ẹ kụ́ ene vu. Idevidi vị ana dọ avaba anị varẹma vẹ. 20Ịsụpa ana aza ẹnẹẹ kụ́ vi oni Idevidi rẹ dọ vavẹ. Dị aza Idevidi kụ́ ịsụpa ẹnẹẹ hi ọvịdị ịsụpa ana vọ aa vẹ, dị ẹ ka, “Ẹsẹnị vi ogu oni Idevidi dọ.”
21Idevidi ộ varẹma ne tù ẹnị ịrẹka ọnị ọ sị ngụ ẹngụ, dị ẹ̀ yị zụ saasa wa, dị ẹ jẹẹ ini okuha Ibesori. Dị aza ẹnẹẹ va gẹrị Idevidi ọnịrị aza anị nị. Idevidi ọnịrị aza anị màa gụrị aza ẹnẹẹ, di Idevidi kụ́ wa nị. 22Â nyị aza edivi ẹnyị aanị ene hi ịnị aza Idevidi. Aza ẹnẹẹ vị anahankata. Dị ẹ ka, “Aza ẹnẹ ẹ̀ yị saasa ayị, nọ ịrẹkụ aanị, yẹ yị vaa gà ogu ọnị ị kụ́ hụụnị ịrẹkụ vẹ aanị tù wa. Ama ị vaa sị ose ọzọza yọ beri ezi ẹnịnị, dị ẹ̀ẹ na.”
23Di Idevidi ka, “Ẹwụ nịnị ẹyịnyara amị, mẹ yị dọ. Wẹ yị nyayịnẹ vavọọ mẹ tụ́ ịrẹsụ ogu ẹnị Ẹnẹyịmavara sị yị. Ẹnẹyịmavara ô sere yị, dị ọ sị ọnịvị ayị chire yị ụvọ nị. 24Ọza ọ yị zụ dọ ịrẹyị ọnị ụ kà nịnị avọọ. Aza ana jẹẹ pè ẹnya ayị ọnịrị aza ana nọ ịrẹkụ vi ene dudu aa gà ogu ọnọnị ẹbẹẹbẹ. Aza ẹnyị ẹ yị vaa nyịị huna ọsa.” 25Di Idevidi mẹ̀ ẹ ọda, dị ahịka avọọ a mẹ̀ kụkụ aa mẹ̀ ẹ ịnị ẹtẹ Anisirẹrị pooro ve tù ajịnị nị.
26Idevidi mẹ̀ va sị ngụ Izikiragi, dị ọ nyị ini ogu ẹnẹẹ dị ọ sị na yị azọkụ Anijuda ana vị ọta anị nị. Dị ọ ka, “ogu ọnị ị dọ hụụ ịda ọnịvị Ẹnẹyịmavara yị, ị ka ya sị ọsọnị va wụ nị.”
27Avọọ ọ mẹ rẹ ga ogu ọnọọ tu aza ene hi Ịbẹtẹrị, Ịramọtị, Ịnẹgẹvị, Ijatiri. 28Aroyeri, Isipimoti, Esitemowa, 29Irakari, Anijerahimeeri, Anikeni, 30Ịhọma, Ibori-Asani, Atachị, 31ọnịrị Ihebirọnị. Idevidi ộ ga ogu tu avaba aza ene hi ịzị ọnịrị aza anị vịdị raà nọ.
Currently Selected:
1 Ịsamụwẹrị 30: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịsamụwẹrị 30
30
Idevidi ọnịrị Anamarẹkị ệ kụ̀ ịrẹkụ
1Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ. 2Anẹẹ ene hi ịzọọ ọnịrị avaba aza ana vọ, ozweyi ọnịrị azọkụ vị ẹnị ẹ za, dị ẹ kụ́ wa ọrịhị. Ẹnịnị ẹ yị wụ̀ ọza ọnyọọnyị, vị ẹ kụ́ wa aa na kẹnẹ nị.
3Idevidi ọnịrị aza anị mẹ̀ va ngụ Izikiragi, e ve tù ka a sị ọ rị ịra. A raà kụ́ ose ẹnịnị ne beri ezi anọrụ ọnịrị ezi anẹẹ ẹnịnị. 4Di Idevidi ọnịrị aza anị aa tụ́ orere booboro nị. Ệ jị òrèrè pooro, ẹ rẹ kụkụ zụ jị. 5#1 Ịsa 25.42,43Ose Idevidi ẹyịva anaā hị́ Ahinowamị ana vi Anijezirẹrị ọnịrị Abigẹrị ose onku Ịnabarị ana vị Anikamẹrị vị ana a rẹ za. 6Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.
7 #
1 Ịsa 22.20-23
Di Idevidi va hị́ Abiyata ana vị ohirẹsụ irehi Ohomorihi dị ọ ka ọ̀ sị ịharamịra oni ohirẹsụ irehi Ohomorihiī chire va yị ọnị nị. Ịzẹyịza dị Abiyata sị ọ va yọ nị. 8Di Idevidi họ̀ Ẹnẹyịmavara kà, áá vọrọ ka ọnị ò ku chire aza ana maanị va dụ aza anị aanị? Ọ kà ọnị wáá vaa za wa? Dị Ẹnẹyịmavara kà, “ku chire wa ka ụvọ awụ vee ku wa, dị ụ dọ aza awụ hụrẹ wa ụvọ.” 9Idevidi ọnịrị aza ẹnị akata ana yà pè e ệ kwẹẹtẹ na ngụ okuha ana yà Ibesori. Dị aza ẹnyị ẹnịnị jẹẹ ịzọọ nị. 10Di Idevidi ọnịrị aza ẹnị akava aa dụ aza ẹnẹẹ na, dị aza ẹnị ịrẹka ịnị ẹnịnị ọnị ọ sị ngụ ẹngụ ẹnẹ ẹ yị zụ jịnẹ okuha ọnọọ jẹẹ ịzọọ nị.
11-12Aza Idevidi ê re Anijipiti ọnya ịnị avị, dị ẹ sị o ve tù Idevidi nị. Anijipiti ọnọọ ộ yị rị ịsa hụrẹ ẹkụhị ẹẹta, ọọdụ ọnịrị ịrahụ. Dị a ka enyi yọ, di o hú ọ nị. Dị a rẹ sị ịsa yọ, dị ọ rị ọọ. Dị a varẹma sị Ịbụrẹẹdị ana sị ẹtụtụ ana hị́ ihwigi jị ne beri oromi tụ́ ọ yọ nị. Ịjị ọ sị ịsa rị, di eyi anị si hu eyi nị. 13Di Idevidi va họ̀ ọ ka ẹnị ẹ vị ọga anị. Dị ọ ka Anijipiti ọnị vị nị, dị ọnị rẹ vị ọrịhị Anamarẹkị nị. Dị ọ rẹ ka ẹngụ màa zị ọnị hụrẹ ajịnọgwẹẹta ọga anị hụrẹ navọ ọnị nị. 14Ọ rẹ ka ẹnị ẹ na dụ aza ene hi eyi ụvẹtẹ ịnị ẹtẹ Anikereti ne beri ẹtẹ Ijuda ọnịrị eyi ụvẹtẹ ịnị ẹtẹ Ịkarẹbị. Dị ọ rẹ ka ẹnị ẹ rị Izikiragi ịra nị. 15Dị Idevidi ka ọ́ọ́ zụ sị ọnị nọ ịda aza ana maanị va dụ aza va ha aanị. Di Anijipiti ka Idevidi ọ̀ọ nyẹngụ sị Ohomorihi hị́ eku ka ọnị ọ yị vaa wu ọnị, dị asị ọ rẹ sị ọnị varẹma na yị ọga anị, ọnị vaa sị ọ naa zụ̀ aza ẹnẹẹ.
16Ịzẹyịza dị ọ sị Idevidi na zụ̀ aza ẹnẹẹ nị. Di Idevidi ne tù ka aza ẹnẹẹ ệ chaka hi ịnị avị ịzọọ, ẹ yaa rị, eyee hu, dị ẹ yaa mẹ chavaa kẹnẹ nị. Ẹnịnị vavọọ aa mẹrị agụvị ogu ene e re kụ́ hụụnị ẹtẹ Anihwirisiti ọnịrị Ijuda. 17Di Idevidi ẹnịrị aza ẹnẹẹ gẹ ịrẹkụ hụrẹ ịrahụ na ngụ oruva eyinẹhẹ anị nị. Ẹ yị nyị aza ẹnẹẹ ene re oze zwe à yị vị ẹnị akava kẹnẹ anaā tura ịkẹrịkẹtẹ di e si zwe. 18Avaba ẹnya ana Anamarẹkị kụ́ vị ọnị Idevidi dọ varẹma, beri ose anị ẹyịva. 19A rẹ vaa nyị ịsa ikonya ene vu, ọ̀ọ vị ozweyi ọ̀ọ vị ọzọkụ, ọ̀ọ vị ọnọrụ, ọ̀ọ vị ọnẹẹ. A yi nyị ikonya ini ogu ẹnị ẹ kụ́ ene vu. Idevidi vị ana dọ avaba anị varẹma vẹ. 20Ịsụpa ana aza ẹnẹẹ kụ́ vi oni Idevidi rẹ dọ vavẹ. Dị aza Idevidi kụ́ ịsụpa ẹnẹẹ hi ọvịdị ịsụpa ana vọ aa vẹ, dị ẹ ka, “Ẹsẹnị vi ogu oni Idevidi dọ.”
21Idevidi ộ varẹma ne tù ẹnị ịrẹka ọnị ọ sị ngụ ẹngụ, dị ẹ̀ yị zụ saasa wa, dị ẹ jẹẹ ini okuha Ibesori. Dị aza ẹnẹẹ va gẹrị Idevidi ọnịrị aza anị nị. Idevidi ọnịrị aza anị màa gụrị aza ẹnẹẹ, di Idevidi kụ́ wa nị. 22Â nyị aza edivi ẹnyị aanị ene hi ịnị aza Idevidi. Aza ẹnẹẹ vị anahankata. Dị ẹ ka, “Aza ẹnẹ ẹ̀ yị saasa ayị, nọ ịrẹkụ aanị, yẹ yị vaa gà ogu ọnị ị kụ́ hụụnị ịrẹkụ vẹ aanị tù wa. Ama ị vaa sị ose ọzọza yọ beri ezi ẹnịnị, dị ẹ̀ẹ na.”
23Di Idevidi ka, “Ẹwụ nịnị ẹyịnyara amị, mẹ yị dọ. Wẹ yị nyayịnẹ vavọọ mẹ tụ́ ịrẹsụ ogu ẹnị Ẹnẹyịmavara sị yị. Ẹnẹyịmavara ô sere yị, dị ọ sị ọnịvị ayị chire yị ụvọ nị. 24Ọza ọ yị zụ dọ ịrẹyị ọnị ụ kà nịnị avọọ. Aza ana jẹẹ pè ẹnya ayị ọnịrị aza ana nọ ịrẹkụ vi ene dudu aa gà ogu ọnọnị ẹbẹẹbẹ. Aza ẹnyị ẹ yị vaa nyịị huna ọsa.” 25Di Idevidi mẹ̀ ẹ ọda, dị ahịka avọọ a mẹ̀ kụkụ aa mẹ̀ ẹ ịnị ẹtẹ Anisirẹrị pooro ve tù ajịnị nị.
26Idevidi mẹ̀ va sị ngụ Izikiragi, dị ọ nyị ini ogu ẹnẹẹ dị ọ sị na yị azọkụ Anijuda ana vị ọta anị nị. Dị ọ ka, “ogu ọnị ị dọ hụụ ịda ọnịvị Ẹnẹyịmavara yị, ị ka ya sị ọsọnị va wụ nị.”
27Avọọ ọ mẹ rẹ ga ogu ọnọọ tu aza ene hi Ịbẹtẹrị, Ịramọtị, Ịnẹgẹvị, Ijatiri. 28Aroyeri, Isipimoti, Esitemowa, 29Irakari, Anijerahimeeri, Anikeni, 30Ịhọma, Ibori-Asani, Atachị, 31ọnịrị Ihebirọnị. Idevidi ộ ga ogu tu avaba aza ene hi ịzị ọnịrị aza anị vịdị raà nọ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.