1 Ịsamụwẹrị 3
3
Ohomorihi ộ hị́ Ịsamụwẹrị
1Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.
2Â nyị ịrahụ ọnya di Eri na hụtụ ịzị ọọ̄ hụraa hụtụ nị. Eyi anị ee vee guu ta, o yi kuku re ẹtẹ ẹtẹẹrẹ.
3Ịsamụwẹrị ọnị va na rẹ na hụtụ ini eehi Ohomorihi ịzị apoti oto Ohomorihi yà. Ẹtẹ vi ene ee hu eyii vẹ kẹnẹ, ọza óò yi mi ozotupa ini irehi Ohomorihi agụvị ka eyi ộ yị nị̄ ẹtẹẹrẹ.
4Dị Ẹnẹyịmavara vana hị́ Ịsamụwẹrị nị. Di Ịsamụwẹrị zẹẹ.
5Di o zwe ne tù Eri nị. O mè tù ịda Eri dị ọ ka, “ẹmị yị, a vị ụ waa hị́ mị.” Di Eri ka ọnị ọ yị hị́ ọ, ọ̀ varẹma na hụtụ nị. Dị Ịsamụwẹrị varẹma dị ọ na hụtụ nị. 6Dị Ẹnẹyịmavara rẹ hị́ Ịsamụwẹrị, dị Ịsamụwẹrị rẹ kwẹẹtẹ, di o ne tù Eri dị ọ ka, “Ẹmị yị, a vị u waa hị́ mị”. Di Eri rẹ ka, “Ozi emi, mẹ yị hị́ wụ ọ! Varẹma na hụtụ.” 7Ịsamụwẹrị ộ yị yẹ ka Ẹnẹyịmavara aa hị́ ọnị nị, agụvị ka ọza ộ yị sị ịrẹyị Ẹnẹyịmavara zụ̀ ọ.
8Ụpẹ ọsa dị Ẹnẹyịmavara rẹ hị́ Ịsamụwẹrị ụ́pẹ ọhụta nị. Dị Ịsamụwẹrị rẹ kwẹẹtẹ di o ne tù Eri dị ọ ka, “Ẹmị yị, a vị ụ waa hị́ mị.” Di Eri sị yẹ ọgọnị ka Ẹnẹyịmavara aa hị́ ozi ọnọọ nị.
9Di Eri ka Ịsamụwẹrị ọ̀ rẹ varẹma na hụtụ. Ọ kà àa kụkụ hị́ ọ dị ọ̀ kà a ka, “Nda, Ẹnẹyịmavara waa kà ịrẹyị ka maa wụ́.” Ịzẹyịza dị Ịsamụwẹrị sị varẹma na hụtụ aha anị nị.
10Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”
11Dị Ẹnẹyịmavara kà a yị Ịsamụwẹrị dị ọ ka ọnị ee sì ka ọ̀ yẹ ka â nyị ịrẹyị ọnị ọnị aa vaa mẹ ịnị ẹtẹ Anisirẹrị. Ọ kà ịrẹyị ọnọọ vee divi ana ahịka avaba aza ana àa wụ́ ọ, ẹngụ ẹnịnị vee henyi.
12Ọ kà ịjị ụmẹ òo si tù, avaba ịrẹyị ọnị ọnị vịdị kà a ka o vee tù Eri, ọnị aa mẹ̀ ẹ ọ ka ịrẹyị ọnọọ vee tù avaba anovwoovu Eri bemi.
13Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.
14Ẹnẹyịmavara kà ọnị ọ raà kà a, dị ọnị hị́ eku tụ́ ọ nị ka ẹ yị nyị ịsị a vaa sị kụ́ ebira odivi ana aneehi Eri mẹ aanị. Ọ kà ẹ yị nyị ịsọvọ ana vaa mẹ ka ọnị ọ và hụụnị ịrẹyị odivi ẹnẹ vavọọ mẹ avọọ.
Ịsamụwẹrị ộ kà ịrẹyị yị Ẹnẹyịmavara
15Ịjị Ohomorihi sị ịrẹyị anị kà, dị Ịsamụwẹrị na hụtụ pooro di eyi va nị̄ nị. Éyi mẹ sị nị̄, dị ọ kwẹẹtẹ dị ọ na nā oze irehi Ẹnẹyịmavara nị. Ama angwa ee hi Ịsamụwẹrị, ọ yị nyayịnẹ kà a yi Eri ịrẹyị oni o re.
16Di Eri va hị́ ọ nị, dị ọ ka, “Ịsamụwẹrị.” Di Ịsamụwẹrị zẹẹ dị ọ ka, “Hèé” nị.
17Di Eri họ̀ ọ dị ọ ka si Ohomorihi kà yọ. Ọ kà ọ̀ kà a yị ọnị asị a nyị ọnị ọ dà tẹ. Ọ kà àa nyị ọnị ọ dà tẹ yị ọnị ịnị avaba ịrẹyị oni Ohomorihi kà yọ, Ohomorihi ọ yị vaa zẹẹ ka ò zoza yọ.
18Ịzẹyịza dị Ịsamụwẹrị kà avaba ịrẹyịị yọ nị. Ẹ yị nyị ọnị ọ sị tẹ vụrụ-vụrụ. Ịjị Eri sị avaba ịrẹyị wụ́ dị ọ ka ọnị ộ dọ, Ohomorihi ọ vị Ẹnẹyịmavara nị, ịsị òo ro ka ô zoza kẹnẹ, ọ̀ mẹ̀ ẹ.
Ẹnẹyịmavara ộ gụ Ịsamụwẹrị ụvọ
19Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.
20Avaba Anisirẹrị ene hi Ịdaanị huu na ngụ Ịbẹẹsẹba ệ yẹ ka Ẹnẹyịmavara ộ sị zụ̀ ka Ịsamụwẹrị vị ọnịsẹ obooro.
21Ẹnẹyịmavara vanaa sịị sị ẹngụụ zụ̀ Isiro. Ịzọọ ọ vịdị yà sị ẹngụ zụ̀ Ịsamụwẹrị di o pè e kà ịrẹyị nị. Ịsamụwẹrị ọ̀ọ́ kà ịrẹyị, ẹ yị nyị Anisirẹrị ana aā kà a ka ọnị ọ yị dọ.
Currently Selected:
1 Ịsamụwẹrị 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịsamụwẹrị 3
3
Ohomorihi ộ hị́ Ịsamụwẹrị
1Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.
2Â nyị ịrahụ ọnya di Eri na hụtụ ịzị ọọ̄ hụraa hụtụ nị. Eyi anị ee vee guu ta, o yi kuku re ẹtẹ ẹtẹẹrẹ.
3Ịsamụwẹrị ọnị va na rẹ na hụtụ ini eehi Ohomorihi ịzị apoti oto Ohomorihi yà. Ẹtẹ vi ene ee hu eyii vẹ kẹnẹ, ọza óò yi mi ozotupa ini irehi Ohomorihi agụvị ka eyi ộ yị nị̄ ẹtẹẹrẹ.
4Dị Ẹnẹyịmavara vana hị́ Ịsamụwẹrị nị. Di Ịsamụwẹrị zẹẹ.
5Di o zwe ne tù Eri nị. O mè tù ịda Eri dị ọ ka, “ẹmị yị, a vị ụ waa hị́ mị.” Di Eri ka ọnị ọ yị hị́ ọ, ọ̀ varẹma na hụtụ nị. Dị Ịsamụwẹrị varẹma dị ọ na hụtụ nị. 6Dị Ẹnẹyịmavara rẹ hị́ Ịsamụwẹrị, dị Ịsamụwẹrị rẹ kwẹẹtẹ, di o ne tù Eri dị ọ ka, “Ẹmị yị, a vị u waa hị́ mị”. Di Eri rẹ ka, “Ozi emi, mẹ yị hị́ wụ ọ! Varẹma na hụtụ.” 7Ịsamụwẹrị ộ yị yẹ ka Ẹnẹyịmavara aa hị́ ọnị nị, agụvị ka ọza ộ yị sị ịrẹyị Ẹnẹyịmavara zụ̀ ọ.
8Ụpẹ ọsa dị Ẹnẹyịmavara rẹ hị́ Ịsamụwẹrị ụ́pẹ ọhụta nị. Dị Ịsamụwẹrị rẹ kwẹẹtẹ di o ne tù Eri dị ọ ka, “Ẹmị yị, a vị ụ waa hị́ mị.” Di Eri sị yẹ ọgọnị ka Ẹnẹyịmavara aa hị́ ozi ọnọọ nị.
9Di Eri ka Ịsamụwẹrị ọ̀ rẹ varẹma na hụtụ. Ọ kà àa kụkụ hị́ ọ dị ọ̀ kà a ka, “Nda, Ẹnẹyịmavara waa kà ịrẹyị ka maa wụ́.” Ịzẹyịza dị Ịsamụwẹrị sị varẹma na hụtụ aha anị nị.
10Dị Ẹnẹyịmavara rẹ vẹ anka ọ mẹ̀ vịdịị vẹ, dị ọ jẹẹ dị ọ rẹ vavọọ hị́ Ịsamụwẹrị dị ọ ka, “Ịsamụwẹrị! Ịsamụwẹrị!” Di Ịsamụwẹrị kà, “Nda, wa kà ịrẹyị awụ ka ozida awụ aa wụ́.”
11Dị Ẹnẹyịmavara kà a yị Ịsamụwẹrị dị ọ ka ọnị ee sì ka ọ̀ yẹ ka â nyị ịrẹyị ọnị ọnị aa vaa mẹ ịnị ẹtẹ Anisirẹrị. Ọ kà ịrẹyị ọnọọ vee divi ana ahịka avaba aza ana àa wụ́ ọ, ẹngụ ẹnịnị vee henyi.
12Ọ kà ịjị ụmẹ òo si tù, avaba ịrẹyị ọnị ọnị vịdị kà a ka o vee tù Eri, ọnị aa mẹ̀ ẹ ọ ka ịrẹyị ọnọọ vee tù avaba anovwoovu Eri bemi.
13Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.
14Ẹnẹyịmavara kà ọnị ọ raà kà a, dị ọnị hị́ eku tụ́ ọ nị ka ẹ yị nyị ịsị a vaa sị kụ́ ebira odivi ana aneehi Eri mẹ aanị. Ọ kà ẹ yị nyị ịsọvọ ana vaa mẹ ka ọnị ọ và hụụnị ịrẹyị odivi ẹnẹ vavọọ mẹ avọọ.
Ịsamụwẹrị ộ kà ịrẹyị yị Ẹnẹyịmavara
15Ịjị Ohomorihi sị ịrẹyị anị kà, dị Ịsamụwẹrị na hụtụ pooro di eyi va nị̄ nị. Éyi mẹ sị nị̄, dị ọ kwẹẹtẹ dị ọ na nā oze irehi Ẹnẹyịmavara nị. Ama angwa ee hi Ịsamụwẹrị, ọ yị nyayịnẹ kà a yi Eri ịrẹyị oni o re.
16Di Eri va hị́ ọ nị, dị ọ ka, “Ịsamụwẹrị.” Di Ịsamụwẹrị zẹẹ dị ọ ka, “Hèé” nị.
17Di Eri họ̀ ọ dị ọ ka si Ohomorihi kà yọ. Ọ kà ọ̀ kà a yị ọnị asị a nyị ọnị ọ dà tẹ. Ọ kà àa nyị ọnị ọ dà tẹ yị ọnị ịnị avaba ịrẹyị oni Ohomorihi kà yọ, Ohomorihi ọ yị vaa zẹẹ ka ò zoza yọ.
18Ịzẹyịza dị Ịsamụwẹrị kà avaba ịrẹyịị yọ nị. Ẹ yị nyị ọnị ọ sị tẹ vụrụ-vụrụ. Ịjị Eri sị avaba ịrẹyị wụ́ dị ọ ka ọnị ộ dọ, Ohomorihi ọ vị Ẹnẹyịmavara nị, ịsị òo ro ka ô zoza kẹnẹ, ọ̀ mẹ̀ ẹ.
Ẹnẹyịmavara ộ gụ Ịsamụwẹrị ụvọ
19Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.
20Avaba Anisirẹrị ene hi Ịdaanị huu na ngụ Ịbẹẹsẹba ệ yẹ ka Ẹnẹyịmavara ộ sị zụ̀ ka Ịsamụwẹrị vị ọnịsẹ obooro.
21Ẹnẹyịmavara vanaa sịị sị ẹngụụ zụ̀ Isiro. Ịzọọ ọ vịdị yà sị ẹngụ zụ̀ Ịsamụwẹrị di o pè e kà ịrẹyị nị. Ịsamụwẹrị ọ̀ọ́ kà ịrẹyị, ẹ yị nyị Anisirẹrị ana aā kà a ka ọnị ọ yị dọ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.