1 Ịsamụwẹrị 24
24
Idevidi ọ yị dọ ka ọnị ọ̀ wụ Ịsọọrụ
1Ịsọọrụ mẹ̀ và hụụ ịrẹkụ Anihwirisiti nịnị vẹ, dị a va kà a yọ ka Idevidi yà ini avị ịzị aā hị́ Enggedi nị. 2Dị Ịsọọrụ tọ̀ọ́ ọmụha-ọmụha ẹnị akawụ rị akahị hụụnị avaba Anisirẹrị, di e si hu ee nee sì Idevidi ọnịrị aza anị ọvịdị ataba akọnọ nị. 3#Ahẹ 57; 142Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ. 4Dị aza Idevidi hị́ ọ dị ẹ ka, “Ẹkụhị ajịnị gẹdẹ-gẹdẹ Ẹnẹyịmavara aa kà nọ, ka ọnị aa sị ọnịvị awụụ chire wụ ụvọ, dị wa mẹ̀ ẹ óòó mè ze wu eyi.” Di Idevidi were tere pè Ịsọọrụ, dị ọ yẹrẹ ụtọ awuru anị nị. 5Idevidi mẹ̀ vavọọ sị ụtọ awuru Ịsọọrụ dà, dị ayị anị jị pèé nị. 6#1 Ịsa 26.11Di Idevidi va kà a yị aza anị dị ọ kà, “Ẹnẹyịmavara ọ yị vaa zẹẹ ka ọnị ọ̀ sị ụvọ anị kanyị ọza ọnị ọ nyị ka ọ̀ vị ohinọyị. Ọnị ọ yị nyayịnẹ vavọọ mẹ̀ ebira hi ọga anị.” 7Ịrẹyị ọnị Idevidi kà aanị ộ za aza anị ụvọ chire enyi, dị ẹ yị nyayịnẹ kanyị Ịsọọrụ nị. Ịsọọrụ mẹ̀ẹ sị ha kwẹẹtẹ, dị ọ jịnẹ hụụnị ụtẹha ọnọọ aa na nị.
8Di Idevidi ọnị rẹ jịnẹ hụụnị ụtẹha ọnọọ, dị ọ hị́ Ịsọọrụ nị, dị ọ ka, “Taarụ, ohinọyị!” Dị Ịsọọrụ kana eyi sì Idevidi nị. Di Idevidi tana tụra ẹtẹ kụ́ ọ nị. 9Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị? 10Ẹwụ ụvọta ọ sị o re ajịnị ka Ẹnẹyịmavara ộ sị wụ́ chire mi ụvọ ụ mẹ̀ yà ịnị ataba. Aza ẹnyị ka ma wụ̀ wụ, dị mị ka eyiye nị. Mị ka Ẹnẹyịmavara ọ nyị wụ nị, mẹ yị vaa sị ụvọọ kanyị wụ. 11Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị. 12Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ. 13Anụmẹ ọkụkụ kà, Ọza odivi ọọ̄ mẹ̀ ịsa odivi nị. Ẹmị ẹ yị vaa sị ụvọ amịị kanyị ẹwụ. 14#1 Ịsa 26.20Ẹ̀nị Ohinọyị Anisirẹrị ọyịvụrụ daka ka ịrẹyị anị ô tù ọnị aanị? Taarụ! Re, sị ụ vana ka waa dụ? Ẹmị oku irezi, à vị ọhụpẹ. 15Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”
16Ịjị Idevidi sị ịrẹyị anị kà, di Ịsọọrụ ka, “Idevidi ozi emi, ẹwụ áa kà ịrẹyị avọọ nị? Dị Ịsọọrụ aa tụ́ orere booboro nị.” 17Dị ọ ka, “Idevidi, ẹwa mẹ̀ ebira ana vọrọ, dị ẹmị sị ụsẹ evita nị. Wâ mẹ̀ ebira ozoza hi mi, dị ahịka ọhịmị mị sị si wu atọ nị 18Wa rẹ sị ọ kà a mị ebira ozoza ọnị wụ mẹ hị́ mị ịsọọnị. Ẹnẹyịmavara ộ sị mị chire wụ ụvọ, ama wẹ yị wụ̀ mị. 19Áá nyị ọza ene re ọnịvị anị dị ọ̀ zẹẹ ka ọ̀ọ na ẹngwọọrọ? Ẹnẹyịmavara ọ̀ navọ ò si wu atọ ozoza agụvị ịsị wụ mẹ mị ajịnị aanị. 20Mâ yẹ ka ịzẹyịza ẹwa vaa vị ohinọyị nị. A raà sị ẹtẹ Isirẹrị chire wụ ụvọ. 21Ama aarịhịnị sị Ẹnẹyịmavara hị́ eku ka wẹ yị vaa mẹ ka è hí ayị ịrẹha ẹmịrị ezi emi ini ovwoovu ada amị.” 22Ịzẹyịza di Idevidi vavọọ hị́ eku yị Ịsọọrụ nị. Dị Ịsọọrụ sị varẹma aa nọ eehi, di Idevidi ọnịrị aza anị ẹnị re si hu aa nọ ịzị ẹ vịdị tẹ tụ́ nị.
Currently Selected:
1 Ịsamụwẹrị 24: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịsamụwẹrị 24
24
Idevidi ọ yị dọ ka ọnị ọ̀ wụ Ịsọọrụ
1Ịsọọrụ mẹ̀ và hụụ ịrẹkụ Anihwirisiti nịnị vẹ, dị a va kà a yọ ka Idevidi yà ini avị ịzị aā hị́ Enggedi nị. 2Dị Ịsọọrụ tọ̀ọ́ ọmụha-ọmụha ẹnị akawụ rị akahị hụụnị avaba Anisirẹrị, di e si hu ee nee sì Idevidi ọnịrị aza anị ọvịdị ataba akọnọ nị. 3#Ahẹ 57; 142Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ. 4Dị aza Idevidi hị́ ọ dị ẹ ka, “Ẹkụhị ajịnị gẹdẹ-gẹdẹ Ẹnẹyịmavara aa kà nọ, ka ọnị aa sị ọnịvị awụụ chire wụ ụvọ, dị wa mẹ̀ ẹ óòó mè ze wu eyi.” Di Idevidi were tere pè Ịsọọrụ, dị ọ yẹrẹ ụtọ awuru anị nị. 5Idevidi mẹ̀ vavọọ sị ụtọ awuru Ịsọọrụ dà, dị ayị anị jị pèé nị. 6#1 Ịsa 26.11Di Idevidi va kà a yị aza anị dị ọ kà, “Ẹnẹyịmavara ọ yị vaa zẹẹ ka ọnị ọ̀ sị ụvọ anị kanyị ọza ọnị ọ nyị ka ọ̀ vị ohinọyị. Ọnị ọ yị nyayịnẹ vavọọ mẹ̀ ebira hi ọga anị.” 7Ịrẹyị ọnị Idevidi kà aanị ộ za aza anị ụvọ chire enyi, dị ẹ yị nyayịnẹ kanyị Ịsọọrụ nị. Ịsọọrụ mẹ̀ẹ sị ha kwẹẹtẹ, dị ọ jịnẹ hụụnị ụtẹha ọnọọ aa na nị.
8Di Idevidi ọnị rẹ jịnẹ hụụnị ụtẹha ọnọọ, dị ọ hị́ Ịsọọrụ nị, dị ọ ka, “Taarụ, ohinọyị!” Dị Ịsọọrụ kana eyi sì Idevidi nị. Di Idevidi tana tụra ẹtẹ kụ́ ọ nị. 9Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị? 10Ẹwụ ụvọta ọ sị o re ajịnị ka Ẹnẹyịmavara ộ sị wụ́ chire mi ụvọ ụ mẹ̀ yà ịnị ataba. Aza ẹnyị ka ma wụ̀ wụ, dị mị ka eyiye nị. Mị ka Ẹnẹyịmavara ọ nyị wụ nị, mẹ yị vaa sị ụvọọ kanyị wụ. 11Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị. 12Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ. 13Anụmẹ ọkụkụ kà, Ọza odivi ọọ̄ mẹ̀ ịsa odivi nị. Ẹmị ẹ yị vaa sị ụvọ amịị kanyị ẹwụ. 14#1 Ịsa 26.20Ẹ̀nị Ohinọyị Anisirẹrị ọyịvụrụ daka ka ịrẹyị anị ô tù ọnị aanị? Taarụ! Re, sị ụ vana ka waa dụ? Ẹmị oku irezi, à vị ọhụpẹ. 15Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”
16Ịjị Idevidi sị ịrẹyị anị kà, di Ịsọọrụ ka, “Idevidi ozi emi, ẹwụ áa kà ịrẹyị avọọ nị? Dị Ịsọọrụ aa tụ́ orere booboro nị.” 17Dị ọ ka, “Idevidi, ẹwa mẹ̀ ebira ana vọrọ, dị ẹmị sị ụsẹ evita nị. Wâ mẹ̀ ebira ozoza hi mi, dị ahịka ọhịmị mị sị si wu atọ nị 18Wa rẹ sị ọ kà a mị ebira ozoza ọnị wụ mẹ hị́ mị ịsọọnị. Ẹnẹyịmavara ộ sị mị chire wụ ụvọ, ama wẹ yị wụ̀ mị. 19Áá nyị ọza ene re ọnịvị anị dị ọ̀ zẹẹ ka ọ̀ọ na ẹngwọọrọ? Ẹnẹyịmavara ọ̀ navọ ò si wu atọ ozoza agụvị ịsị wụ mẹ mị ajịnị aanị. 20Mâ yẹ ka ịzẹyịza ẹwa vaa vị ohinọyị nị. A raà sị ẹtẹ Isirẹrị chire wụ ụvọ. 21Ama aarịhịnị sị Ẹnẹyịmavara hị́ eku ka wẹ yị vaa mẹ ka è hí ayị ịrẹha ẹmịrị ezi emi ini ovwoovu ada amị.” 22Ịzẹyịza di Idevidi vavọọ hị́ eku yị Ịsọọrụ nị. Dị Ịsọọrụ sị varẹma aa nọ eehi, di Idevidi ọnịrị aza anị ẹnị re si hu aa nọ ịzị ẹ vịdị tẹ tụ́ nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.