1 Ịsamụwẹrị 16
16
 nyị Idevidi ka ọ̀ vị ohinọyị
1Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”
2Dị Ịsamụwẹrị kà, “Ho! m mẹmẹ aa na? Ịsọọrụ ộ wụ́, vị aa wụ̀ mị nọ!” Dị Ẹnẹyịmavara kà ọ̀ sị ozi imaaru ọnya hụụnị ịsụpa ẹnịnị rị ụvọ za aa na, dị ọ̀ kà a ka vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị. 3Ọ kà ọ̀ hị́ Ijeese ka ọ̀ vẹ ịnị ịsọvọ ọnọọ ka ọnị va sị zụ̀ ọ ịsị avọrọ ka ọ̀ mẹ. Ọ kà ọza ọnị ọnị ọ̀ọ sị zụ̀ ọ dị ọ̀ nyị ọ rị ohinọyị.
4Ịzẹyịza dị Ịsamụwẹrị mẹ̀ ịsa ẹnị Ẹnẹyịmavara kà ọ̀ mẹ nị. Ịsamụwẹrị mẹ̀ na ngụ Ịbẹtịrẹhẹmị, Angwa ô hí ọdọvịdị ẹkụra nịnị èe me re e. Dị ẹ kà, “Áá vị ẹ̀ yị nyị ịrẹyịị?” 5Dị Ịsamụwẹrị ka ẹ yị nyị ịrẹyị, vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị. Ọ kà ẹ̀ mẹ ido ana vọrọ ka ẹ̀ mẹ, dị ẹnịnị ẹ̀ vẹ ịnị ịsọvọ ọnọọ. 6E mè tù ịzọọ, dị Ịsamụwẹrị re ozi Ijeese ọnya ana aā hị́ Eriyabi nị. Dị Ịsamụwẹrị ee ro o dị ọ ka ọnị ộ yẹ ka ọza ẹnị Ẹnẹyịmavara aa nyịị rị ohinọyị yị. 7Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza. 8Di Ijeese hí ozi anị ọsa ana aā hị́ Abinadabi dị ọ zi oze ọvịdị Ịsamụwẹrị para hu nị. Dị Ịsamụwẹrị ka Ẹnẹyịmavara ọ yị rẹ nyị ọsọnị. 9Di Ijeese rẹ ka Isama ọnị ọ̀ rẹ zi oze ọvịdị Ịsamụwẹrị na para hu nị. Ịsamụwẹrị rẹ ka ẹ yị vị ọnọọ Ẹnẹyịmavara nyị. 10Di Ijeese vavọọ kụ́ ezi anị ịhịmba zi oze ọvịdị Ịsamụwẹrị para hu nị. Dị Ịsamụwẹrị ka ẹ yị nyị ẹnị Ẹnẹyịmavara nyị ịnị ẹnị ẹnẹẹ nị.
11Dị Ịsamụwẹrị va họ̀ Ijeese dị ọ ka vi ezi anị wáá ta nị. Di Ijeese ka ọ vị vọ oweyi ọnya, ama ọnị vị ana sị eyi pe ịsụpa. Di Ịsamụwẹrị ka Ijeese ọ̀ wụsẹ tụ́ na hị́ ọ vẹ. Ọ kà ẹnị ẹ yị vaa yaayịtẹ pooro dị ọ vẹ.
12Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị. 13Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.
Idevidi ọ na yà ịda Ịsọọrụ
14Ụhwẹ Ẹnẹyịmavara ọ sị hụụ ịda Ịsọọrụ. Dị Ẹnẹyịmavara tụ́ ụhwẹ odivi ka ọ naa sị ụyaa rị Ịsọọrụ nị.
15Di ezi ahụ Ịsọọrụ va hị́ ọ dị ẹ ka, “wéē re aanị ka Ohomorihi ọ tụ́ ụhwẹ odivi ka ọ vaa sị ụyaa rị wụ aanị nị. 16Taarụ! wẹ rẹ kà a yi ozida awụ ọnya ka ò ne sì ọza ana yara hú àgidibò va wụụ! Ịjị Ohomorihi ọ̀ọ rẹ maanị tụ́ ụhwẹ odivi ka ọ̀ va sị ụya rị wụ, dị ọza ọnọọ òo hú agidibo anị, dị ẹngụ awụ ọ̀ rẹ nịya.” 17Dị Ịsọọrụ kà a yị ozi ahụ anị dị ọ ka ò ne sì ọza ịnya ana yara hú agidibo, dị ọ̀ sị ọ va yị ọnị. 18Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ. 19Dị Ịsọọrụ tụ́ ọnụtụ anị ọnya nọ ịda Ijeese nị. Dị ọ ka ọ̀ kà a ka ọ̀ sị Idevidi ozi anị ana sị eyi pè ịsụpa avọọ tụ́ va yị ọnị.
20Dị Ijeese kune ịsọyịrị tụra ịkẹrịkẹtẹ, dị ọ sị eche tụ́ ini okoko ọnya ana a sị ịtụmpaha mẹ, dị ọ sị ozi ẹvụ ọnya vaka a dị ọ sị tụ́ Idevidi ozi anị ka ọ̀ sị na yị Ịsọọrụ nị. 21Ịjị Idevidi tù ịda Ịsọọrụ, dị ọ yà ịda anị nị. Ịsọọrụ ô sì ịrẹyị Idevidi ẹtẹẹtẹrẹ dị ahịka ọnị ọ kụkụ aa za ẹnya ịrẹkụ anịị gụ ọ nị.
22Dị Ịsọọrụ va tụ́ na kà yi Ijeese ka ọ̀ navọ di Idevidi ọ̀ kụkụ yà ịda anị, ka ebira anị ô zee ọnị eyi. 23Ụmẹ tụra ụmẹ ọnị Ohomorihi ọ̀ọ tụ́ ka ụhwẹ ọnọọ ọ̀ rẹ vẹ ịnị ẹngụ Ịsọọrụ, di Idevidi sị agidibo anị di ee hú ọ. Dị ụhwẹ odivi ọnọọ rẹ kwooze yị Ịsọọrụ, dị ẹngụ anị rẹ sị nịya.
Currently Selected:
1 Ịsamụwẹrị 16: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịsamụwẹrị 16
16
 nyị Idevidi ka ọ̀ vị ohinọyị
1Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”
2Dị Ịsamụwẹrị kà, “Ho! m mẹmẹ aa na? Ịsọọrụ ộ wụ́, vị aa wụ̀ mị nọ!” Dị Ẹnẹyịmavara kà ọ̀ sị ozi imaaru ọnya hụụnị ịsụpa ẹnịnị rị ụvọ za aa na, dị ọ̀ kà a ka vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị. 3Ọ kà ọ̀ hị́ Ijeese ka ọ̀ vẹ ịnị ịsọvọ ọnọọ ka ọnị va sị zụ̀ ọ ịsị avọrọ ka ọ̀ mẹ. Ọ kà ọza ọnị ọnị ọ̀ọ sị zụ̀ ọ dị ọ̀ nyị ọ rị ohinọyị.
4Ịzẹyịza dị Ịsamụwẹrị mẹ̀ ịsa ẹnị Ẹnẹyịmavara kà ọ̀ mẹ nị. Ịsamụwẹrị mẹ̀ na ngụ Ịbẹtịrẹhẹmị, Angwa ô hí ọdọvịdị ẹkụra nịnị èe me re e. Dị ẹ kà, “Áá vị ẹ̀ yị nyị ịrẹyịị?” 5Dị Ịsamụwẹrị ka ẹ yị nyị ịrẹyị, vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị. Ọ kà ẹ̀ mẹ ido ana vọrọ ka ẹ̀ mẹ, dị ẹnịnị ẹ̀ vẹ ịnị ịsọvọ ọnọọ. 6E mè tù ịzọọ, dị Ịsamụwẹrị re ozi Ijeese ọnya ana aā hị́ Eriyabi nị. Dị Ịsamụwẹrị ee ro o dị ọ ka ọnị ộ yẹ ka ọza ẹnị Ẹnẹyịmavara aa nyịị rị ohinọyị yị. 7Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza. 8Di Ijeese hí ozi anị ọsa ana aā hị́ Abinadabi dị ọ zi oze ọvịdị Ịsamụwẹrị para hu nị. Dị Ịsamụwẹrị ka Ẹnẹyịmavara ọ yị rẹ nyị ọsọnị. 9Di Ijeese rẹ ka Isama ọnị ọ̀ rẹ zi oze ọvịdị Ịsamụwẹrị na para hu nị. Ịsamụwẹrị rẹ ka ẹ yị vị ọnọọ Ẹnẹyịmavara nyị. 10Di Ijeese vavọọ kụ́ ezi anị ịhịmba zi oze ọvịdị Ịsamụwẹrị para hu nị. Dị Ịsamụwẹrị ka ẹ yị nyị ẹnị Ẹnẹyịmavara nyị ịnị ẹnị ẹnẹẹ nị.
11Dị Ịsamụwẹrị va họ̀ Ijeese dị ọ ka vi ezi anị wáá ta nị. Di Ijeese ka ọ vị vọ oweyi ọnya, ama ọnị vị ana sị eyi pe ịsụpa. Di Ịsamụwẹrị ka Ijeese ọ̀ wụsẹ tụ́ na hị́ ọ vẹ. Ọ kà ẹnị ẹ yị vaa yaayịtẹ pooro dị ọ vẹ.
12Ịzẹyịza di Ijeese tụ́ dị a na hị́ ozi ọnọọ vẹ nị. Ozi ọnọọ mẹ̀ vẹ ô zoza ẹtẹẹtẹrẹ, dị ahịka ovivi ọ vị nị. Dị Ẹnẹ ẹ̀ yị mā ka Ịsamụwẹrị ọ̀ kwẹẹtẹ dị ọ̀ nyị ọ, ka ọza ọnị ọnị aa ka ọ vị ọnọọ nị. 13Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.
Idevidi ọ na yà ịda Ịsọọrụ
14Ụhwẹ Ẹnẹyịmavara ọ sị hụụ ịda Ịsọọrụ. Dị Ẹnẹyịmavara tụ́ ụhwẹ odivi ka ọ naa sị ụyaa rị Ịsọọrụ nị.
15Di ezi ahụ Ịsọọrụ va hị́ ọ dị ẹ ka, “wéē re aanị ka Ohomorihi ọ tụ́ ụhwẹ odivi ka ọ vaa sị ụyaa rị wụ aanị nị. 16Taarụ! wẹ rẹ kà a yi ozida awụ ọnya ka ò ne sì ọza ana yara hú àgidibò va wụụ! Ịjị Ohomorihi ọ̀ọ rẹ maanị tụ́ ụhwẹ odivi ka ọ̀ va sị ụya rị wụ, dị ọza ọnọọ òo hú agidibo anị, dị ẹngụ awụ ọ̀ rẹ nịya.” 17Dị Ịsọọrụ kà a yị ozi ahụ anị dị ọ ka ò ne sì ọza ịnya ana yara hú agidibo, dị ọ̀ sị ọ va yị ọnị. 18Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ. 19Dị Ịsọọrụ tụ́ ọnụtụ anị ọnya nọ ịda Ijeese nị. Dị ọ ka ọ̀ kà a ka ọ̀ sị Idevidi ozi anị ana sị eyi pè ịsụpa avọọ tụ́ va yị ọnị.
20Dị Ijeese kune ịsọyịrị tụra ịkẹrịkẹtẹ, dị ọ sị eche tụ́ ini okoko ọnya ana a sị ịtụmpaha mẹ, dị ọ sị ozi ẹvụ ọnya vaka a dị ọ sị tụ́ Idevidi ozi anị ka ọ̀ sị na yị Ịsọọrụ nị. 21Ịjị Idevidi tù ịda Ịsọọrụ, dị ọ yà ịda anị nị. Ịsọọrụ ô sì ịrẹyị Idevidi ẹtẹẹtẹrẹ dị ahịka ọnị ọ kụkụ aa za ẹnya ịrẹkụ anịị gụ ọ nị.
22Dị Ịsọọrụ va tụ́ na kà yi Ijeese ka ọ̀ navọ di Idevidi ọ̀ kụkụ yà ịda anị, ka ebira anị ô zee ọnị eyi. 23Ụmẹ tụra ụmẹ ọnị Ohomorihi ọ̀ọ tụ́ ka ụhwẹ ọnọọ ọ̀ rẹ vẹ ịnị ẹngụ Ịsọọrụ, di Idevidi sị agidibo anị di ee hú ọ. Dị ụhwẹ odivi ọnọọ rẹ kwooze yị Ịsọọrụ, dị ẹngụ anị rẹ sị nịya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.