1Ipita 3
3
Ịrẹyị Ẹvarose
1 #
Ẹhw 5.22; Ikor 3.18 Ẹwụ nịnị ese, ká ịrẹsụ hi yị ọva awụ nịnị, agụvị ẹnyị ẹnẹ ẹ̀ yị dọ ịrẹyị Ohomorihi wụ́, èe re ebira awụ nịnị, ịsavọọ ẹ̀ zụ dọ wụ́. Wẹ̀ yị daka sị irenu kà a yị wa, 2e vee re ka wáa nyị ebira ozoza ọnịrị ka wáa nyị angwahi Ohomorihi nịnị. 3#1 Itim 2.9Asị ụ sị ayị tụ́ ịnị ọvị ahaahara ọyịmẹ̀, ẹhụụ ẹyị ọkajuwa oyigu ọnịrị igooru ọ̀yịhara hi ẹngụ beri ịta ẹbanyị-ẹbanyị ọ̀yịza kẹnẹ. 4Ama navọ ọvị awụ nịnị ọ̀ vị ọvị ịnị ayị, ẹhụụ ayọnẹtẹ ọnịrị ebira hẹẹ; ẹngụ ọvị ẹnẹẹ e mē du, ịsa obooro ẹ rẹ vị ini eyi Ohomorihi nị. 5Ịsị anyẹnẹẹ ọnịnị ịyẹẹyẹ ana tụra Ohomorihi eyi sị mẹ ẹngụ ẹnịnị ọvị, ọ vị ọnọọ nị. Ẹnịnị ệ ka ịrẹsụ hi yị ọva ẹnịnị. 6#Oyn 18.12Ọnyara ịnị ẹnịnị vị Isera, ose Abụrahamị. Ộ sị ụbanyị yị Abụrahamị, dị aa hị́ ọ Ịnda nị. Wa sị vara ezi anị nịnị, wàa nyị ebira ozoza, di u wè yi hí angwa ọza nịnị nị. 7#Ẹhw 5.25; Ikor 3.19Ẹwụ nịnị ọva, wa rẹẹ mẹ̀ ebira ẹtẹẹrẹ hi ese wu nịnị bẹẹ, wâ yẹ nịnị ka ọkụmị ẹ vị nị. Sị ụbanyị yị wa, agụvị ka Óhomorihi mẹ̀ sị ụhwẹ ana yára pooro zịna-zịna mẹ wụ ẹyịza, avọọ ọ mẹ̀ rẹ sị yị ese wu nị. Wa vavọọ mẹ nịnị, agụvị asị a nyị ịsị ẹ dọ aduwa awụ nịnị oro.
Wàaa rị ụya agụvị Ịzẹyịza
8Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí. 9Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị. 10#Ahẹ 34.12-16Â chẹrẹ ẹ tụ́ ini Iwe Ohomorihi ka,
Ọza ene èe sì ka ẹhẹ anị ò zoza,
dị ò hine ọnị,
ọ hụụnị ịrẹyị odivi ọyịkà,
dị asị o re cheeche.
11Na hụụnị ebira odivi ọyịmẹ̀, dị ọ̀ọ mẹ̀ ebira ọyịza,
dị ọ̀ rẹẹ sị avaba ayị anịị sì ẹngwọọrọ.
12Ananyị yịị̄ sị eyi pe ọnịzẹyịza,
ọọ̄ sị ụtọọ pe wa ẹ̀ẹ yaa dá ịpẹ.
Ama ọọ̄ và eyi ịrazịị kà aza anaa mẹ̀ ịsa odivi.
13Sị ọza nyẹngụ sị mẹ wụ nịnị, wàaa sịị vụrị ka wa mẹ̀ ịsa ana vọrọ nịnị? 14#Imt 5.10#Ayị 8.12,13Àa daka aa sị ụyaa rị wụ agụvị ka wáa vị ọnịzẹyịza, waa jẹ nịnị! Asị ụ hí angwa aza ene ee sì ka ẹnị ẹ̀ sị ụya rị wụ nịnị. Asị ayị awụ nịnị hụ agụvị avọọ vazi. 15Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi. 16Ama re ka waa và ayị nẹtẹ, dị ụ wa rẹ sị ụbanyị yị wa. Nyị ayị ozoza, agụvị aza ana àa kà ịrẹyị odivi awụ nịnị, ụhị ọ̀ zụ nyị aza ẹnẹẹ ana aa kụ̀ wụ nịnị ụhụ, agụvị ka aza vee re ka ebira awụ nịnị óo zoza anka ọza ana aa saasa Ikirisiti. 17Ộ vana dahi ka ọza ọ̀ rị ụya, agụvị ka ọ́ọ mẹ̀ ịsa ozoza, àa vị ịsị Ohomorihi sì ọ vị ọnọọ nị, hu ka ọza ọ̀ mẹ̀ ịsa odivi, dị ọ rị ụya anị. 18Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara. 19Dị ọ sị ụkata ụhwẹ anị ọnọọ na kà ịrẹyị Ohomorihi yị ụhwẹ nịnị ene hi ịnị ẹngwa ịzọọ. 20#Oyn 6.1—7.24Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị. 21A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị. 22Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.
Currently Selected:
1Ipita 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1Ipita 3
3
Ịrẹyị Ẹvarose
1 #
Ẹhw 5.22; Ikor 3.18 Ẹwụ nịnị ese, ká ịrẹsụ hi yị ọva awụ nịnị, agụvị ẹnyị ẹnẹ ẹ̀ yị dọ ịrẹyị Ohomorihi wụ́, èe re ebira awụ nịnị, ịsavọọ ẹ̀ zụ dọ wụ́. Wẹ̀ yị daka sị irenu kà a yị wa, 2e vee re ka wáa nyị ebira ozoza ọnịrị ka wáa nyị angwahi Ohomorihi nịnị. 3#1 Itim 2.9Asị ụ sị ayị tụ́ ịnị ọvị ahaahara ọyịmẹ̀, ẹhụụ ẹyị ọkajuwa oyigu ọnịrị igooru ọ̀yịhara hi ẹngụ beri ịta ẹbanyị-ẹbanyị ọ̀yịza kẹnẹ. 4Ama navọ ọvị awụ nịnị ọ̀ vị ọvị ịnị ayị, ẹhụụ ayọnẹtẹ ọnịrị ebira hẹẹ; ẹngụ ọvị ẹnẹẹ e mē du, ịsa obooro ẹ rẹ vị ini eyi Ohomorihi nị. 5Ịsị anyẹnẹẹ ọnịnị ịyẹẹyẹ ana tụra Ohomorihi eyi sị mẹ ẹngụ ẹnịnị ọvị, ọ vị ọnọọ nị. Ẹnịnị ệ ka ịrẹsụ hi yị ọva ẹnịnị. 6#Oyn 18.12Ọnyara ịnị ẹnịnị vị Isera, ose Abụrahamị. Ộ sị ụbanyị yị Abụrahamị, dị aa hị́ ọ Ịnda nị. Wa sị vara ezi anị nịnị, wàa nyị ebira ozoza, di u wè yi hí angwa ọza nịnị nị. 7#Ẹhw 5.25; Ikor 3.19Ẹwụ nịnị ọva, wa rẹẹ mẹ̀ ebira ẹtẹẹrẹ hi ese wu nịnị bẹẹ, wâ yẹ nịnị ka ọkụmị ẹ vị nị. Sị ụbanyị yị wa, agụvị ka Óhomorihi mẹ̀ sị ụhwẹ ana yára pooro zịna-zịna mẹ wụ ẹyịza, avọọ ọ mẹ̀ rẹ sị yị ese wu nị. Wa vavọọ mẹ nịnị, agụvị asị a nyị ịsị ẹ dọ aduwa awụ nịnị oro.
Wàaa rị ụya agụvị Ịzẹyịza
8Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí. 9Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị. 10#Ahẹ 34.12-16Â chẹrẹ ẹ tụ́ ini Iwe Ohomorihi ka,
Ọza ene èe sì ka ẹhẹ anị ò zoza,
dị ò hine ọnị,
ọ hụụnị ịrẹyị odivi ọyịkà,
dị asị o re cheeche.
11Na hụụnị ebira odivi ọyịmẹ̀, dị ọ̀ọ mẹ̀ ebira ọyịza,
dị ọ̀ rẹẹ sị avaba ayị anịị sì ẹngwọọrọ.
12Ananyị yịị̄ sị eyi pe ọnịzẹyịza,
ọọ̄ sị ụtọọ pe wa ẹ̀ẹ yaa dá ịpẹ.
Ama ọọ̄ và eyi ịrazịị kà aza anaa mẹ̀ ịsa odivi.
13Sị ọza nyẹngụ sị mẹ wụ nịnị, wàaa sịị vụrị ka wa mẹ̀ ịsa ana vọrọ nịnị? 14#Imt 5.10#Ayị 8.12,13Àa daka aa sị ụyaa rị wụ agụvị ka wáa vị ọnịzẹyịza, waa jẹ nịnị! Asị ụ hí angwa aza ene ee sì ka ẹnị ẹ̀ sị ụya rị wụ nịnị. Asị ayị awụ nịnị hụ agụvị avọọ vazi. 15Ama ịnị ayị awụ nịnị, sị Ikirisiti mẹ ọza ana nyị wụ nịnị. Ụmẹ tụra ụmẹ ana àa nyị ọza ana họ̀ wụ nịnị ka: Sị ụ maanị sị eyi tụra? Tenyi ẹngụ di u we tụ́ o ohi. 16Ama re ka waa và ayị nẹtẹ, dị ụ wa rẹ sị ụbanyị yị wa. Nyị ayị ozoza, agụvị aza ana àa kà ịrẹyị odivi awụ nịnị, ụhị ọ̀ zụ nyị aza ẹnẹẹ ana aa kụ̀ wụ nịnị ụhụ, agụvị ka aza vee re ka ebira awụ nịnị óo zoza anka ọza ana aa saasa Ikirisiti. 17Ộ vana dahi ka ọza ọ̀ rị ụya, agụvị ka ọ́ọ mẹ̀ ịsa ozoza, àa vị ịsị Ohomorihi sì ọ vị ọnọọ nị, hu ka ọza ọ̀ mẹ̀ ịsa odivi, dị ọ rị ụya anị. 18Ikirisiti ộ rị ụya o mè sú agụvị ịvị ayị ụpẹ ọnya gene-gene. Ikirisiti ẹnẹ ẹ̀ yị mẹ ịvị, ô sú yị aza ana mẹ ịvị, agụvị dị ọ̀ zụ sị yị vẹ ịdị Ohomorihi. Aza ệ wụ ọ, ama â mẹ ka ụhwẹ anị ọ̀ yara. 19Dị ọ sị ụkata ụhwẹ anị ọnọọ na kà ịrẹyị Ohomorihi yị ụhwẹ nịnị ene hi ịnị ẹngwa ịzọọ. 20#Oyn 6.1—7.24Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị. 21A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị. 22Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.