1 Ohinọyị 22
22
Ijehosahwati ọnịrị Ahabị ệ gẹ eyi ịrẹkụ
Imikaya ộ ka wa ọ̀nọ̀
(2 Ịtọ 18.2-27)
1Anisirẹrị ọnịrị Anisiriya ê hi ẹtẹ pooro mẹ ịrayị ẹẹta, e yi pè ẹngụ kụ̀ ịrẹkụ 2Ịnị ịrayị ọnya kẹnẹ, ọnọọ ọ tụ́ ọ ịrayị ọhụta ẹnị ẹ vavọọ hi ẹtẹ nị, di Ijehosahwati ana vị ohinọyị Anijuda ne tù ohinọyị Anisirẹrị nị. 3Ọ mẹ̀ vavọọ ne si tù ọ, di ohinọyị Anisirẹrị va hị́ ezi ahụ anị dị ọ ka, “Wáá va na yẹ nịnị ka ẹya nyị Ịramọtị-Igiriyadi nị? Mê ro ka â vọrọ ka ya na dọ ẹtẹ ọnọọ hụụnị ụvọ ohinọyị Anisiriya.” Di ohinọyị Anisirẹrị va kà a yi Ijehosahwati dị ọ ka, “Ụ wáá va saasa mị dị ya kụ́ ịrẹkụ ne tù Ịramọtị-Igiriyadi?” 4Di Ijehosahwati tụ́ ohinọyị Anisirẹrị ohi dị ọ ka, “Ẹmịrị ẹwụ vị ọnya, aza ayị, vị ọnya, umaata ayị rẹ vị ọnya.” 5Di Ijehosahwati va kà a yị ohinọyị Anisirẹrị dị ọ kà, “Aarịhịnị we rè vịdị họ̀ use da, dị à yẹ Ẹnẹyịmavara mẹ̀ kà.” 6Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”
7Di Ijehosahwati ve họ̀ use dị ọ ka, “Aanị ka ẹ yị kụkụ nyị ọnịsẹ Ẹnẹyịmavara ọsa ịzẹnị, dị à rẹ họ̀ ọ use?” 8Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”
9Di ohinọyị va hị́ ọga isoja ọnya dị ọ ka ọ̀ wụsẹ na hị́ Imikaya ozi Imira vẹ nị. 10Ịjọnọọ ohinọyị Anisirẹrị ọnịrị Ijehosahwati ana vi ohinọyị Anijuda vi ana yaayịtẹ, di ọzọza yà ịnị aga anị nị. Ọza-ọza vi ene chire awuru di e hi ịzị eē tụ́ ayị ini enoze ana na ngụ ịnị ẹkụra. Dị avaba ọnịsẹ hí ọvịdị ẹnịnị dị ọzọza aa kà ịsẹ nị. 11Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.” 12Dị avaba ọnịsẹ ana vọ ẹnị rẹ vavọọ kà ịsẹ dị ẹ ka, “Waa nọ Ịramọtị-Igiriyadi ka Ẹnẹyịmavara vaa mẹ ka we huna aza ẹnẹẹ.”
13Ịjị ọnụtụ ana a tụ́ ka ọ̀ na hị́ Imika tù ịzọọ dị ọ kà a yị Imika dị ọ ka, “Batọ ma kà ịrẹyị ọnya wụ o! Avaba ọnịsẹ e ne hi ịzẹnị vị ana sị irenu tẹ ọnya ka ohinọyị ọ vaa nyị ehuna ịnị ịrẹkụ ọnọnị nị. Aarịhịnị ẹwụrị wa ọ̀ sị irenu tẹ ọnya, dị ẹwa rẹ kà ọyịza yị ohinọyị.” 14Di Imikaya ka, “Mâ sị Ẹnẹyịmavara hị́ eku ka ịsa tụra ịsa ẹnị Ẹnẹyịmavara ọ̀ọ kà mị kẹnẹ, mị vaa kà nị.”
15Ịzẹyịza dị Imika ve si tù ohinọyị nị. Di ohinọyị kà, “Imikaya, ahẹ, yáá nọ Ịramọtị-Igiriyadi di ye ne pe wa kụ̀ ịrẹkụ, à vị asị ị nọ?” Di Imikaya ka, “Wa na, ka ẹ yị vaa nyị ịrẹyị. Ẹnẹyịmavara vaa sị waa chire wụ ụvọ.” 16Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”
17 #
Ịrị 27.17; Imt 9.36; Ịmk 6.34 Di Imikaya va ka, “Mê re ka avaba Anisirẹrị ẹ sị gara hi ịnị ataba anka atẹmẹ ẹnẹ ẹ̀ yị nyị ọza ene ee sere wa avọọ. Ẹnẹyịmavara kà ẹnịnị ẹ yị nyị ohirẹsụ. Ọ kà ẹnịnị ẹ̀ varẹma ẹ̀ẹ nọ eehi ẹnịnị ịnị ẹngwọọrọ.”
18Di ohinọyị Anisirẹrị kà a yi Ijehosahwati dị ọ ka, “Mâ vịdị sị sị ọ kà wụ ka ọnọrụ ọnọnị ọ mā ka ịsẹ ọyịza mị pàá à yị vi odivi.”
19 #
Ijov 1.6; Ayị 6.1 Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị. 20Dị Ẹnẹyịmavara ve họ̀ use ka eni e ve nee vene Ahabị ka ọ̀ hịrẹ nọ Ịramọtị-Igiriyadi di o ne sú ịzọọ. Dị anggẹẹrị ọzọza aa kà a ka aanị, aanị ẹnị mẹ vaa kà nị. 21Dị ụhwẹ ọnya va jịnẹ vẹ dị ọ va jẹẹ ọvịdị Ẹnẹyịmavara, dị ọ ka ọnị ve ne vene Ahabị nị. Dị Ẹnẹyịmavara va họ̀ ọ ka ọ mẹ mẹ vaa mẹ̀ ẹ? 22Dị ọ ka ọnị vaa jịnẹ tụ́ ẹhẹ, dị ọnị na mẹ ka avaba ọnịsẹ Ahabị ee cheeche. Dị Ẹnẹyịmavara kà ọ̀ jịnẹ na dị ọ vavọọ na mẹ, ka ụsẹ anị vee zoza. 23Wéē re aanị ka Ẹnẹyịmavara ọ mẹ ka avaba ọnịsẹ awụ ẹnẹnị ee cheeche nị. Ẹnẹyịmavara ọnị ụvọta ọ kà a ka ịrẹyị odivi e vee tù wu nị.”
24Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?” 25Di Imikaya ka, “Ịhị wèe si nyima ee zwe hụụnị aku ọnyị naa tẹ ịnị aku ọsa, u vee re.” 26Di ohinọyị Anisirẹrị ka, “Za Imikaya ọnọọ nịnị, dị wa sị ọ varẹma nọ Amọnị ịda Ịgọvọnọ ana sị eyi pe ẹkụra ọnịrị ịda Ijowasi ana vị ozi ohinọyị. 27Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.” 28Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”
A sị Ahabị wụ ịnị ịrẹkụ
(2 Ịtọ 18.28-34)
29Ịzẹyịza dị ohinọyị Anisirẹrị ọnịrị Ijehosahwati si hu aa nọ Ịramọtị-Igiriyadi nị. 30Di Ahabị ka Ijehosahwati ọ̀ mẹ apẹ ka ọza ẹnẹsa ọnị vị nị, di ò chire awuru anị dị ọ̀ọ nọ ịrẹkụ. Di ohinọyị Anisirẹrị ọnị rẹ mẹ ẹngụ anka ọza ẹnẹsa kẹnẹ di o si hu aa nọ ịrẹkụ nị.
31Ohinọyị Anisiriya ọnị ọ nyị aza ẹnị ohurẹẹwụ tụra ẹẹva anaā sịị umaata kụ̀ ịrẹkụ. Dị ọ vịdị sị ọ ka yị ọga isoja anị ẹnẹẹ ka asị a nyị ọza ẹnẹsa ẹnị ẹmịrịị kụ̀ ịrẹkụ à yị vị ohinọyị Anisirẹrị ọnị ịnya kẹnẹ. 32Ọga isoja anaā sịị umaata kụ̀ ịrẹkụ ọnị mè yi re Ijehosahwati kẹnẹ, dị ẹ ka mba, ohinọyị Anisirẹrị yị, dị ẹ yaa dụ ọ ka ẹnịrị ọ ẹ̀ gẹ ịrẹkụ nị. Ẹ mẹ̀ vavọọ aa dụ ọ, di Ijehosahwati ọnị nowu za ẹtẹ nị. 33Ịjị ọga isoja anaā si umaata kụ̀ ịrẹkụ re ka ẹ yị vị ohinọyị Anisirẹrị ọ vị, dị ẹ và ịrẹma anị nị.
34Di ọza ịnya aanị maanị yi ne ọpa anị araara kẹnẹ nị, dị ahịka avọọ o mè yi ne che ohinọyị Anisirẹrị ịnị akakana ịzị awuru ịrẹkụ anị ọnịrị okurachị anị na gẹ nị. Dị ohinọyị Anisirẹrị wụsẹ ka ẹ yị ọza ana aa sị ụkẹkẹ anịị zị dị ọ kà, “Wụsẹ vara eyi, wa sị mị jịnẹ hụụnị udi ịrẹkụ ịzẹnị ka a sị mụ tụ̀ ụnava.”
35Ịhị ọnọọ ịrẹkụ vị ene nyị anyị. Ohinọyị ọnị vị ana jẹẹ pè ụkẹkẹ dị ọ và eyi kà Asiriya nị. Ini ụmẹ oruva, ohinọyị ô wusu, dị anị maanị sì và kú ọchị ahụ ụkẹkẹ ọnọọ nị. 36Ịnị ụmẹ oruva, ọyị màa ngụ ẹtẹ, di e vene nowu udi ịrẹkụ dị a ka, “Ọza-ọza ọ̀ọ nọ ẹkụra anị oo, dị ọzọza òo nọ eehi anị!”
37Ohinọyị mẹ̀ vavọọ wusu, dị a sị ọ vẹ Ịsamarịya nị. Dị ahịka Ịsamarịya ịzọọ e ne e tụ́ nị. 38E mè si o ne, dị a sị ịkẹkẹ anị ka à na nyịna a ịnị adagu Ịsamarịya nị. Di irezi hi ịzọọ, di eyee rèé ohinọyị nị. Dị ọsẹrẹka nịnị ẹnị aa nyịna ẹngụ ẹnịnị ịzọọ nị. Avọọ Ẹnẹyịmavara mẹ̀ kà a ka ọ vaa yà nị.
39Avaba ịrẹyị Ahabị ana vọ ọnịrị avaba ịsa ọnị ọ mẹ ọnịrị irehi ọnị ọ kụ́ ike dà ne beri ẹkụra ọnị ọ dà, avaba anị vị ana a chẹrẹ tụ́ ini iwe ịsị ẹ mẹ ẹkụhị-ẹkụhị ini oze ohinọyị Anisirẹrị.
40Ahabị ô sú di e ne e pè ohiku anị nị, di ozi anị Ahaziya rị ohinọyị dọ ọ ịrẹsụ nị.
Ijehosahwati ohinọyị Anijuda
(2 Ịtọ 20.31—21.1)
41Ịnị ịrayị ana tụ́ ọ ịrayị ẹẹna ana Ahabị sị vị ohinọyị tụ́ Isirẹrị, ịnị ịrayị ọnọọ Ijehosahwati sị rị ohinọyị Anijuda nị. 42Ijehosahwati vị ịrayị ohurẹẹwụ tụra ẹẹhị dị ọ va rị ohinọyị. Ọ mẹ ohinọyị Ijerusarẹmị gụ ịrayị ẹwụrẹhị. Ịrẹha ọnya anị ọ rị Azuba nị. Azuba vi ozi Isirahi. 43Avaba ebira ana Asa ada anị mẹ, ọnị rẹ mẹ nị, ọ yị jesi hụrẹ oze ada anị. Ộ mẹ̀ ebira ana vọrọ ini eyi Ẹnẹyịmavara. 44Ama ọ yị kụ́ aha ọnẹba ẹnẹẹ kwooze, aza vị ana aa nị nọ ịzọọ naa mẹ̀ ịsọvọ, dị ẹ yaa rị eturare ịra.
45Nyị ịrazị ịnị akakana Ijehosahwati ọnịrị ohinọyị Anisirẹrị. 46Ịrẹyị Ijehosahwati ana vọ ọnịrị ọ mẹ mẹ nyị ụkata ne beri ịrẹkụ ọnị ọ kụ̀, vị ana a chẹrẹ tụ̀ ini iwe ịsị ẹ mẹ ẹkụhị-ẹkụhị ini oze ohinọyị Anijuda.
47Avaba ọsẹrẹka ọnọrụ ene hi ini irehi Ohomorihi ịnị ụmẹ ana Asa ada Ijehosahwati sị yà ẹhẹ vị oni Ijehosahwati kụ́ hụụnị ẹtẹ ọnọọ.
48Ịnị ụmẹ ọnọọ, ẹ yị nyị ohinọyị tụ́ Edomi. Ọgụ ọhụva ohinọyị kẹnẹ aa mẹ ohinọyị nị. 49Ẹkụhị ọnya dị Amaziya va hị́ Ijehosahwati dị ọ ka, “jẹẹ ezi ahụ amị ọnịrị ezi ahụ awụ è dudu ngụ ẹpa ẹnẹẹ na.” Di Ijehosahwati yi nị. Ijehosahwati ộ mẹ̀ ẹpa Itasisi, ka ẹ̀ẹ nọ Ohwiri na kụ́ igooru. Ama ẹpa ẹnẹẹ ẹ rẹ vaa nọ Ohwiri agụvị ka ẹ mẹ̀ tù ịzị aā hị́ Engeberi, ịzọọ ẹ chaka va hi nị.
50Ijehosahwati ô sú, di e ne e pè ohiku anị ịnị ẹkụra Idevidi ada anị nị. Dị ahịka Ijehorami ozi anị ọ rị ohinọyị dọ ọ ịrẹsụ nị.
Ahaziya ộ mẹ̀ ohinọyị Isirẹrị
51Ahaziya ozi Ahabị ộ rị ohinọyị ịnị ịrayị ẹwụrịhịmba ọnị Ijehosahwati vị ohinọyị ẹtẹ Ijuda. Ahaziya vị ana mẹ̀ ohinọyị ịrayị ẹẹva Ịsamarịya. 52Ộ mẹ ịvị hi Ẹnẹyịmavara agụvị ka ọ saasa ebira odivi ada anị Ahabị, ọnyị anị Ijezebẹrị ọnịrị Ijerobowami ana kụ Anisirẹrị nịnị mẹ ịvị. 53Ọ́ hẹkẹ ori Ịbaarị anka ada anị mẹ vịdị mẹ̀ ana mẹ ayị kụ́ Ẹnẹyịmavara Ohomorihi Anisirẹrị.
Currently Selected:
1 Ohinọyị 22: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ohinọyị 22
22
Ijehosahwati ọnịrị Ahabị ệ gẹ eyi ịrẹkụ
Imikaya ộ ka wa ọ̀nọ̀
(2 Ịtọ 18.2-27)
1Anisirẹrị ọnịrị Anisiriya ê hi ẹtẹ pooro mẹ ịrayị ẹẹta, e yi pè ẹngụ kụ̀ ịrẹkụ 2Ịnị ịrayị ọnya kẹnẹ, ọnọọ ọ tụ́ ọ ịrayị ọhụta ẹnị ẹ vavọọ hi ẹtẹ nị, di Ijehosahwati ana vị ohinọyị Anijuda ne tù ohinọyị Anisirẹrị nị. 3Ọ mẹ̀ vavọọ ne si tù ọ, di ohinọyị Anisirẹrị va hị́ ezi ahụ anị dị ọ ka, “Wáá va na yẹ nịnị ka ẹya nyị Ịramọtị-Igiriyadi nị? Mê ro ka â vọrọ ka ya na dọ ẹtẹ ọnọọ hụụnị ụvọ ohinọyị Anisiriya.” Di ohinọyị Anisirẹrị va kà a yi Ijehosahwati dị ọ ka, “Ụ wáá va saasa mị dị ya kụ́ ịrẹkụ ne tù Ịramọtị-Igiriyadi?” 4Di Ijehosahwati tụ́ ohinọyị Anisirẹrị ohi dị ọ ka, “Ẹmịrị ẹwụ vị ọnya, aza ayị, vị ọnya, umaata ayị rẹ vị ọnya.” 5Di Ijehosahwati va kà a yị ohinọyị Anisirẹrị dị ọ kà, “Aarịhịnị we rè vịdị họ̀ use da, dị à yẹ Ẹnẹyịmavara mẹ̀ kà.” 6Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”
7Di Ijehosahwati ve họ̀ use dị ọ ka, “Aanị ka ẹ yị kụkụ nyị ọnịsẹ Ẹnẹyịmavara ọsa ịzẹnị, dị à rẹ họ̀ ọ use?” 8Di ohinọyị Anisirẹrị kà a yị Ijehosahwati dị ọ ka, “A nyị nyị ọza ịnya ana vọ ọnị ị zụ họ̀ use ka Ẹnẹyịmavara mẹ̀ kà. Ama ayị ọnọrụ ọnọọ vị anaā kụ́ mị, agụvị ka ọ mā kà ịsẹ ọyịza mị, à yị vị odivi. Ọnọrụ ọnọọ ọ vị Imikaya ana vi ozi Imira nị.” Di Ijehosahwati va kà a yị ohinọyị dị ọ kà, “Asị ụ vavọọ kà dè, ohinọyị.”
9Di ohinọyị va hị́ ọga isoja ọnya dị ọ ka ọ̀ wụsẹ na hị́ Imikaya ozi Imira vẹ nị. 10Ịjọnọọ ohinọyị Anisirẹrị ọnịrị Ijehosahwati ana vi ohinọyị Anijuda vi ana yaayịtẹ, di ọzọza yà ịnị aga anị nị. Ọza-ọza vi ene chire awuru di e hi ịzị eē tụ́ ayị ini enoze ana na ngụ ịnị ẹkụra. Dị avaba ọnịsẹ hí ọvịdị ẹnịnị dị ọzọza aa kà ịsẹ nị. 11Di Izedekaya ozi Ikenaana ọnị sị enyusẹ ọnya aanị, dị ọ sị mẹ ọpanyị nị. Ọ mẹ̀ sị ọ mẹ dị ọ ka, “Ẹnẹyịmavara kà ọpa ọnọnị wụ vaa sị tụ́ Anịsamarịya pooro di we vú wa ẹtẹ nị.” 12Dị avaba ọnịsẹ ana vọ ẹnị rẹ vavọọ kà ịsẹ dị ẹ ka, “Waa nọ Ịramọtị-Igiriyadi ka Ẹnẹyịmavara vaa mẹ ka we huna aza ẹnẹẹ.”
13Ịjị ọnụtụ ana a tụ́ ka ọ̀ na hị́ Imika tù ịzọọ dị ọ kà a yị Imika dị ọ ka, “Batọ ma kà ịrẹyị ọnya wụ o! Avaba ọnịsẹ e ne hi ịzẹnị vị ana sị irenu tẹ ọnya ka ohinọyị ọ vaa nyị ehuna ịnị ịrẹkụ ọnọnị nị. Aarịhịnị ẹwụrị wa ọ̀ sị irenu tẹ ọnya, dị ẹwa rẹ kà ọyịza yị ohinọyị.” 14Di Imikaya ka, “Mâ sị Ẹnẹyịmavara hị́ eku ka ịsa tụra ịsa ẹnị Ẹnẹyịmavara ọ̀ọ kà mị kẹnẹ, mị vaa kà nị.”
15Ịzẹyịza dị Imika ve si tù ohinọyị nị. Di ohinọyị kà, “Imikaya, ahẹ, yáá nọ Ịramọtị-Igiriyadi di ye ne pe wa kụ̀ ịrẹkụ, à vị asị ị nọ?” Di Imikaya ka, “Wa na, ka ẹ yị vaa nyị ịrẹyị. Ẹnẹyịmavara vaa sị waa chire wụ ụvọ.” 16Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”
17 #
Ịrị 27.17; Imt 9.36; Ịmk 6.34 Di Imikaya va ka, “Mê re ka avaba Anisirẹrị ẹ sị gara hi ịnị ataba anka atẹmẹ ẹnẹ ẹ̀ yị nyị ọza ene ee sere wa avọọ. Ẹnẹyịmavara kà ẹnịnị ẹ yị nyị ohirẹsụ. Ọ kà ẹnịnị ẹ̀ varẹma ẹ̀ẹ nọ eehi ẹnịnị ịnị ẹngwọọrọ.”
18Di ohinọyị Anisirẹrị kà a yi Ijehosahwati dị ọ ka, “Mâ vịdị sị sị ọ kà wụ ka ọnọrụ ọnọnị ọ mā ka ịsẹ ọyịza mị pàá à yị vi odivi.”
19 #
Ijov 1.6; Ayị 6.1 Di Imikaya aa kịị kà ịrẹyị anị dị ọ ka, “Batọ ọ dị wụ́ ịrẹyị ẹnị Ẹnẹyịmavara kà. Ụmẹ ọnya mê re Ẹnẹyịmavara kà ộ yaayịtẹ ịnị aga anị, di avaba anggẹẹrị anị ẹbẹẹba jẹẹ pè e eyi ụvọrị ọnịrị eyi ụvọha anị nị. 20Dị Ẹnẹyịmavara ve họ̀ use ka eni e ve nee vene Ahabị ka ọ̀ hịrẹ nọ Ịramọtị-Igiriyadi di o ne sú ịzọọ. Dị anggẹẹrị ọzọza aa kà a ka aanị, aanị ẹnị mẹ vaa kà nị. 21Dị ụhwẹ ọnya va jịnẹ vẹ dị ọ va jẹẹ ọvịdị Ẹnẹyịmavara, dị ọ ka ọnị ve ne vene Ahabị nị. Dị Ẹnẹyịmavara va họ̀ ọ ka ọ mẹ mẹ vaa mẹ̀ ẹ? 22Dị ọ ka ọnị vaa jịnẹ tụ́ ẹhẹ, dị ọnị na mẹ ka avaba ọnịsẹ Ahabị ee cheeche. Dị Ẹnẹyịmavara kà ọ̀ jịnẹ na dị ọ vavọọ na mẹ, ka ụsẹ anị vee zoza. 23Wéē re aanị ka Ẹnẹyịmavara ọ mẹ ka avaba ọnịsẹ awụ ẹnẹnị ee cheeche nị. Ẹnẹyịmavara ọnị ụvọta ọ kà a ka ịrẹyị odivi e vee tù wu nị.”
24Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?” 25Di Imikaya ka, “Ịhị wèe si nyima ee zwe hụụnị aku ọnyị naa tẹ ịnị aku ọsa, u vee re.” 26Di ohinọyị Anisirẹrị ka, “Za Imikaya ọnọọ nịnị, dị wa sị ọ varẹma nọ Amọnị ịda Ịgọvọnọ ana sị eyi pe ẹkụra ọnịrị ịda Ijowasi ana vị ozi ohinọyị. 27Wèe tù ịzọọ dị ụ kà a ka mị ka à sị ọ tụ́ ịnị ẹngwa, dị waa dà ịsa kiiki yọ, dị wa rẹẹ sị enyi chee yọ. Ọ̀ vavọọ yà ịzọọ pooro dị ma vavẹ ịnị ẹngwọọrọ.” 28Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”
A sị Ahabị wụ ịnị ịrẹkụ
(2 Ịtọ 18.28-34)
29Ịzẹyịza dị ohinọyị Anisirẹrị ọnịrị Ijehosahwati si hu aa nọ Ịramọtị-Igiriyadi nị. 30Di Ahabị ka Ijehosahwati ọ̀ mẹ apẹ ka ọza ẹnẹsa ọnị vị nị, di ò chire awuru anị dị ọ̀ọ nọ ịrẹkụ. Di ohinọyị Anisirẹrị ọnị rẹ mẹ ẹngụ anka ọza ẹnẹsa kẹnẹ di o si hu aa nọ ịrẹkụ nị.
31Ohinọyị Anisiriya ọnị ọ nyị aza ẹnị ohurẹẹwụ tụra ẹẹva anaā sịị umaata kụ̀ ịrẹkụ. Dị ọ vịdị sị ọ ka yị ọga isoja anị ẹnẹẹ ka asị a nyị ọza ẹnẹsa ẹnị ẹmịrịị kụ̀ ịrẹkụ à yị vị ohinọyị Anisirẹrị ọnị ịnya kẹnẹ. 32Ọga isoja anaā sịị umaata kụ̀ ịrẹkụ ọnị mè yi re Ijehosahwati kẹnẹ, dị ẹ ka mba, ohinọyị Anisirẹrị yị, dị ẹ yaa dụ ọ ka ẹnịrị ọ ẹ̀ gẹ ịrẹkụ nị. Ẹ mẹ̀ vavọọ aa dụ ọ, di Ijehosahwati ọnị nowu za ẹtẹ nị. 33Ịjị ọga isoja anaā si umaata kụ̀ ịrẹkụ re ka ẹ yị vị ohinọyị Anisirẹrị ọ vị, dị ẹ và ịrẹma anị nị.
34Di ọza ịnya aanị maanị yi ne ọpa anị araara kẹnẹ nị, dị ahịka avọọ o mè yi ne che ohinọyị Anisirẹrị ịnị akakana ịzị awuru ịrẹkụ anị ọnịrị okurachị anị na gẹ nị. Dị ohinọyị Anisirẹrị wụsẹ ka ẹ yị ọza ana aa sị ụkẹkẹ anịị zị dị ọ kà, “Wụsẹ vara eyi, wa sị mị jịnẹ hụụnị udi ịrẹkụ ịzẹnị ka a sị mụ tụ̀ ụnava.”
35Ịhị ọnọọ ịrẹkụ vị ene nyị anyị. Ohinọyị ọnị vị ana jẹẹ pè ụkẹkẹ dị ọ và eyi kà Asiriya nị. Ini ụmẹ oruva, ohinọyị ô wusu, dị anị maanị sì và kú ọchị ahụ ụkẹkẹ ọnọọ nị. 36Ịnị ụmẹ oruva, ọyị màa ngụ ẹtẹ, di e vene nowu udi ịrẹkụ dị a ka, “Ọza-ọza ọ̀ọ nọ ẹkụra anị oo, dị ọzọza òo nọ eehi anị!”
37Ohinọyị mẹ̀ vavọọ wusu, dị a sị ọ vẹ Ịsamarịya nị. Dị ahịka Ịsamarịya ịzọọ e ne e tụ́ nị. 38E mè si o ne, dị a sị ịkẹkẹ anị ka à na nyịna a ịnị adagu Ịsamarịya nị. Di irezi hi ịzọọ, di eyee rèé ohinọyị nị. Dị ọsẹrẹka nịnị ẹnị aa nyịna ẹngụ ẹnịnị ịzọọ nị. Avọọ Ẹnẹyịmavara mẹ̀ kà a ka ọ vaa yà nị.
39Avaba ịrẹyị Ahabị ana vọ ọnịrị avaba ịsa ọnị ọ mẹ ọnịrị irehi ọnị ọ kụ́ ike dà ne beri ẹkụra ọnị ọ dà, avaba anị vị ana a chẹrẹ tụ́ ini iwe ịsị ẹ mẹ ẹkụhị-ẹkụhị ini oze ohinọyị Anisirẹrị.
40Ahabị ô sú di e ne e pè ohiku anị nị, di ozi anị Ahaziya rị ohinọyị dọ ọ ịrẹsụ nị.
Ijehosahwati ohinọyị Anijuda
(2 Ịtọ 20.31—21.1)
41Ịnị ịrayị ana tụ́ ọ ịrayị ẹẹna ana Ahabị sị vị ohinọyị tụ́ Isirẹrị, ịnị ịrayị ọnọọ Ijehosahwati sị rị ohinọyị Anijuda nị. 42Ijehosahwati vị ịrayị ohurẹẹwụ tụra ẹẹhị dị ọ va rị ohinọyị. Ọ mẹ ohinọyị Ijerusarẹmị gụ ịrayị ẹwụrẹhị. Ịrẹha ọnya anị ọ rị Azuba nị. Azuba vi ozi Isirahi. 43Avaba ebira ana Asa ada anị mẹ, ọnị rẹ mẹ nị, ọ yị jesi hụrẹ oze ada anị. Ộ mẹ̀ ebira ana vọrọ ini eyi Ẹnẹyịmavara. 44Ama ọ yị kụ́ aha ọnẹba ẹnẹẹ kwooze, aza vị ana aa nị nọ ịzọọ naa mẹ̀ ịsọvọ, dị ẹ yaa rị eturare ịra.
45Nyị ịrazị ịnị akakana Ijehosahwati ọnịrị ohinọyị Anisirẹrị. 46Ịrẹyị Ijehosahwati ana vọ ọnịrị ọ mẹ mẹ nyị ụkata ne beri ịrẹkụ ọnị ọ kụ̀, vị ana a chẹrẹ tụ̀ ini iwe ịsị ẹ mẹ ẹkụhị-ẹkụhị ini oze ohinọyị Anijuda.
47Avaba ọsẹrẹka ọnọrụ ene hi ini irehi Ohomorihi ịnị ụmẹ ana Asa ada Ijehosahwati sị yà ẹhẹ vị oni Ijehosahwati kụ́ hụụnị ẹtẹ ọnọọ.
48Ịnị ụmẹ ọnọọ, ẹ yị nyị ohinọyị tụ́ Edomi. Ọgụ ọhụva ohinọyị kẹnẹ aa mẹ ohinọyị nị. 49Ẹkụhị ọnya dị Amaziya va hị́ Ijehosahwati dị ọ ka, “jẹẹ ezi ahụ amị ọnịrị ezi ahụ awụ è dudu ngụ ẹpa ẹnẹẹ na.” Di Ijehosahwati yi nị. Ijehosahwati ộ mẹ̀ ẹpa Itasisi, ka ẹ̀ẹ nọ Ohwiri na kụ́ igooru. Ama ẹpa ẹnẹẹ ẹ rẹ vaa nọ Ohwiri agụvị ka ẹ mẹ̀ tù ịzị aā hị́ Engeberi, ịzọọ ẹ chaka va hi nị.
50Ijehosahwati ô sú, di e ne e pè ohiku anị ịnị ẹkụra Idevidi ada anị nị. Dị ahịka Ijehorami ozi anị ọ rị ohinọyị dọ ọ ịrẹsụ nị.
Ahaziya ộ mẹ̀ ohinọyị Isirẹrị
51Ahaziya ozi Ahabị ộ rị ohinọyị ịnị ịrayị ẹwụrịhịmba ọnị Ijehosahwati vị ohinọyị ẹtẹ Ijuda. Ahaziya vị ana mẹ̀ ohinọyị ịrayị ẹẹva Ịsamarịya. 52Ộ mẹ ịvị hi Ẹnẹyịmavara agụvị ka ọ saasa ebira odivi ada anị Ahabị, ọnyị anị Ijezebẹrị ọnịrị Ijerobowami ana kụ Anisirẹrị nịnị mẹ ịvị. 53Ọ́ hẹkẹ ori Ịbaarị anka ada anị mẹ vịdị mẹ̀ ana mẹ ayị kụ́ Ẹnẹyịmavara Ohomorihi Anisirẹrị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.