1 Ohinọyị 2
2
Ịrẹyị ọdịrẹma ọnị Idevidi kà yi Isoromọnị di o ve sú
1Ụmẹ oni Idevidi ve sii sú ee vee tù. Di ọ mẹ ọda yị Isoromọnị ozi anị. Ọ kà 2“Ee vee tù ka ma nọ ịda ohiku amị. Re ka wâ nyị ụkata dị wa vị ọnọrụ. 3Sị eyi pè ọda ẹnị Ẹnẹyịmavara Ohomorihi awụ ka à sị eyi pè, dị wa va tụra oze anị, dị wa sị eyi pè ọda anị ọnị ọ mẹ ọnịrị ọ mẹmẹẹ mẹ̀ ọkarẹyị ọnịrị avaba ịsa ọnị ọ sị mẹ ivenu anka a mẹ̀ chẹrẹ wa tụ́ ini iwe Imosiisi ana aā si oze zụ̀ ọza. Vavọọ sị ụvọ za a agụvị aha tụra aha ọnị wàa nọ, ịsị waa na mẹ ịzọọ ò zụ zoza; dị Ẹnẹyịmavara ọ̀ zụ sị ịrẹyị anị jẹẹ anka ọ mẹ̀ ka ẹ yị mị. 4Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”
5 #
2 Ịsa 3.27;
2 Ịsa 20.10
Waa hyakụ yẹ ịsa oni Ijowabi ozi Izeruya mẹ mị. Waa tamayị ịsị ọ mẹ̀ Abịna ozi Ineri ọnịrị Amasa ozi Ijeteri ana vị ọga Isoja Anisirẹrị. Ẹnị ẹẹva vị ọnị Ijowabi wụ̀ ịnị ụmẹ ẹnẹ ẹ̀ yị nyị ịrẹkụ agụvị ò si sí atọ ịsa ana mẹ̀ ịnị ụmẹ ịrẹkụ. Aza ẹnẹ ẹ̀ yị nyị ịsị ẹ mẹ̀, ọ sị wa wụ. Ẹma kụkụ va za ẹnya ịrẹyị ọnọọ dị maa rị ụya anị nị. Anya ẹnịnị yị ịrẹsụ anị. 6Sị họ̀ ọ anka ịrẹyọyẹ awụ mẹ yà. Re ka wẹ yị zẹẹ ka ò sú isu ozu anị.
7 #
2 Ịsa 17.27-29
Rẹ tamayị ezi Ibiraziriya ana vị Anigiriyadi. Navọ dị wa vayị ayị. Ẹwụrị ọ ọ̀ọ rị ịsa aha ọnya, agụvị ka vị ọ nyayịnẹ sị ẹngụ gụrị mị m mèe zwe agụvị Abịsarọmị ọyịnyara awụ nị.
8 #
2 Ịsa 16.5-13; 19.16-23 “Re tamayị Isimeyi ozi Igera Anịbẹnjamịnị ana vi anẹkụra Ibahurimi nịnị. Vị ọ nyị ọ nyayịnẹ mẹ mị isiya ịhị ọnị maa nọ Imahanayimi nị. Ama ọ mẹ̀ va gẹrị ẹmị Ijodani, mâ sị ịrẹha Ẹnẹyịmavara hị́ eku ka mẹ yị vaa sị ụhwọọ wụ̀ ọ. 9Ama wẹ yị vaa zẹẹ ka ịsị ọ mẹ avọọ, ọ̀ sị rị kẹnẹ. Mâ yẹ ka wâ yẹ ịrẹyị para avọọ hu, wâ yẹ ịsị a vọrọ ka wa mẹ̀ ẹ. Re ka waa wụ ọ.”
10Ịjị Idevidi maanị sị ịrẹyị kà, di o sú nị, di e ne e ịnị ẹkụra Idevidi nị.
11 #
2 Ịsa 5.4,5; 1 Ịtọ 3.4 Idevidi ọ vị ohinọyị Anisirẹrị mẹ ịrayị ẹbẹẹva. Dị ọ rẹ vị ohinọyị Anihebirọnị mẹ ịrayị ịhịmba nị. Ọ rẹ vị ohinọyị tụ́ Ijerusarẹmị mẹ ịrayị ẹtarẹwụ tụra ẹẹta.
12 #
1 Ịtọ 29.23
Isoromọnị ọ sị yaayịtẹ ịrẹsụ ode Idevidi ada anị anka ohinọyị. Di o re ka ọnị ộ mẹ̀ ka ohinọyị ọnị ọnị rị ộ jẹẹ ẹtẹẹrẹ nị.
Adonija meme sú
13Ẹkụhị ọnya Adonija ozi Ihagiti o ne tu Ịbẹẹsẹba ọnyị Isoromọnị. O mè tù ịzọọ di ọnyị Isoromọnị ka, “Nyaasẹ, a vị â yị nyị ịrẹyịị?” Di Adonija kà, “Eyiye ẹ yị nyị ịrẹyị, 14ama â nyị ịsa ọnya ọnị ọnị ka ọnị ọ̀ yaanị pè e kà.” Di Ịbatịsẹba ka, “Sị ẹ vẹ ọnọọ kẹ?” 15Di Adonija ka, “Waa yẹ ka ẹma yaanị vị ohinọyị nị. Ẹmị avaba Anisirẹrị si eyi tụ́ ka ọ vaa vị ohinọyị nị. Ama ohinọyị ọnọọ ọ va sị para mi hu, dị ahịka adẹnyara amị ọ vana rị ọ nị. Mâ yẹ ka Ẹnẹyịmavara ọ vavọọ sì ọ nị. 16Ama ọyaanị, â nyị ịsa ọnya oni mee họ̀ use anịị hụụnị ụvọ awụ. Navọ asị u yi.” Di Ịbẹtịseba ka ọ̀ọ kà ịrẹyị anị nị. 17#1 Ohi 1.3,4Di Adonija ka, “Aarịhịnị kà a yị Isoromọnị ohinọyị ka ọ̀ navọ ịsị maa dá ịpẹ anị aanị, asị o yi. Ọ̀ navọ ọ̀ sị Abisagi ana vị Anisunami mị dị ma nyị ọ.”
18Di Ịbatịsẹba ka, “ô zoza, mị vaa kà ụtụ awụụ yị ohinọyị.”
19Ịzẹyịza di Ịbatịsẹba ne si tù Isoromọnị ohinọyị ka ọnị ọ̀ na kà ụtụ Adonija yọ nị. Di ohinọyị kwẹẹtẹ, ka ọnị ọ̀ na gẹrị ọ nị. Ọ mẹ̀ na sị gẹrị ọ, di ohinọyị tana tụra ẹtẹ dị ọ kụ́ ọ nị. Ịjị ọ sị ọ kụ́ dị ọ varẹma na yaayịtẹ ịnị aga anị nị. Dị ọ rẹ sị aga yị Ịbatịsẹba ọnyị ohinọyị, dị ọnị yaayịtẹ éyi ụvọrị ohinọyị nị.
20Di Ịbatịsẹba ka, “Aarịhịnị ịsa ọnya chee aanị mị ka me họ̀ use anị hụụnị ụvọ awụ nọ. Navọ asị u yị.” Di ohinọyị ka, “Ịnya we họ̀ use de, ka me yi vee yi.” 21Di Ịbatịsẹba ka, “Navọ à sị Abisagi ana vị Anisunami yị Adonija adẹnyara awụ dị ọ̀ nyị ọ.”
22Di Isoromọnị ohinọyị tụ́ ọnyị anị ohi dị ọ ka, “Ho, si ẹ vẹ dị ahịka Abisagi Anisunami kẹnẹ ụ ka à sị yị Adonija nị? Wẹ rẹ kụkụ kà a ka à sị ohinọyịị yọ dị ọ̀ rị ọ; wáá yẹ ka ọnị ọ vị ọzọkụ mị nị? Ẹ yị vị ọnọọ kẹnẹ, wa rẹ yẹ ka Abiyata ana vi ohirẹsụ irehi Ohomorihi ọnịrị Ijowabi ozi Izeruya vị ana sị ọtụ kà a ịrẹma.”
23Di Isoromọnị ohinọyị va sị Ẹnẹyịmavara hị́ eku dị ọ ka, “Aà vị ka ẹ yị vị ịrẹyị ana Adonija kà aanị ọ vaa vị isu ịrẹsụ anị, asị Ohomorihi zẹẹ ka ò zoza yị mị. 24Ẹnẹyịmavara ọ sị mị jẹẹ, dị ọ mẹ ka ma vị ohinọyị di Idevidi ada amị ịrẹsụ nị. Ọnị ọ sị irehi mi anka ọ mẹ̀ kà a yi Idevidi nị. Ẹnẹyịmavara ọnọọ ọ̀ọ yà ịzọọ, ajịnị Adonija ee sú nị.” 25Ịzẹyịza di Isoromọnị ohinọyị wụsẹ tụ́ Ịbẹnaya ozi Ijehoyada, dị ọ na và ịsa hi Adonija ẹngụ, dị ọ wụ̀ ọ nị.
A si Abiyata dụ
26 #
2 Ịsa 15.24;
1 Ịsa 22.20-23
Di ohinọyị kà a yị Abiyata ana vi ohirẹsụ irehi Ohomorihi dị ọ ka, “Kwẹẹtẹ wa nọ Anatọtị ịzị ẹtẹ awụ yà, ka vị a vọrọ ka we sú nị. Ama mẹ yị vaa wụ̀ wụ ajịnị agụvị ka ẹwa za apoti ị́zẹzẹ Ẹnẹyịmavara ana nyị yị dị ụ sị tụ́ ọvịdị Idevidi ada amị nị. Avaba ụya ana ada amị rị, vị oni u re pè e rị ọ.” 27#1 Ịsa 2.27-36Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.
 sị Ijowabi wụ̀
28Ịnị ịrẹyị ẹnẹnị, Ijowabi vị ana sị ọtụ kà Adonija ịrẹma, ọ yị jẹẹ pè Isoromọnị. Ịjị enube ve si tù Ijowabi ịrẹyị mẹ̀ va zi, di Ijowabi si zwe na ngụ ịnị ajẹngụ Ẹnẹyịmavara, dị ọ na ta ụvọ kú ọpanyị ụta ịsọvọ ana yà ịzọọ nị. 29Dị a na sị ọ kà yị Isoromọnị ohinọyị dị kà Ijowabi o si zwe nọ ịnị ajẹngụ Ẹnẹyịmavara ọ! Ini ụta ịsọvọ ọ hyakụ yà nị. Di Isoromọnị ohinọyị tụ́ Ịbẹnaya ozi Ijehoyada ka ọ̀ na, dị ọ̀ na và ịsa hị́ ọ ẹngụ nị.
30Ịzẹyịza di Ịbẹnaya nọ ịnị ajẹngụ Ẹnẹyịmavara, dị ọ kà yị Ijowabi dị ọ ka, “Ohinọyị ka wa jịnẹ̀ tụ́ ẹhẹ”. Di Ijowabi ka, “Eyiye, ịzẹnị m mee su tụ́ nị”. Di Ịbẹnaya sị ohi varẹma ne tụ́ ohinọyị, dị ọ ka aanị-aanị Ijowabi mè tụ́ mi ohi nọ. 31Di ohinọyị ka, “Ộ mẹ̀ kà, wụ vavọọ mẹ̀ ẹ. Và ịsa hi ọ ẹngụ, di we ne e. Ijowabi ộ wụ̀ aza ẹnẹ ẹ̀ yị nyị ịsị ẹ mẹ̀. Wàa vavọọ mẹ̀ ẹ, oponu isu aza ẹnẹẹ sị hụụnị ịrẹsụ amị ọnịrị ịrẹsụ ada amị. 32Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda. 33Ijowabi ọnịrị ezi anị ịrẹma-ịrẹma vị oni oponu aza ẹnẹẹ vaa yà ịrẹsụ ẹnịnị pooro zịna-zịna. Ama Ẹnẹyịmavara vị ana vaa sị ẹngwọọrọ yi Idevidi ọnịrị ezi anị ịrẹma-ịrẹma ne beri aneehi aanị ọnịrị ohinọyị ọnị ọ rị, pooro zịna-zịna.”
34Ịzẹyịza di Ịbẹnaya ozi Ijehoyada ne tù Ijowabi, dị ọ va ịsa hi ọ ẹngụ dị ọ wụ̀ ọ, di o ne tụ́ ini eehi anị ana yà ịnị ọpaapara nị.
35Di ohinọyị si Ịbẹnaya ozi Ijehoyada mẹ ọga isoja dọ Ijowabi ịrẹsụ nị. Di ohinọyị rẹ sị Ịzadọkị mẹ ohirẹsụ irehi Ohomorihi tụ́ udi Abiyata nị.
 sị Isimeyi wụ̀
36Ẹkụhị ọnya di ohinọyị tụ́ na hị́ Isimeyi nị. Ọ mẹ̀ vẹ, di ohinọyị ka, “Na dà irehi tụ́ Ijerusarẹmị, dị wa ra ịzọọ. Asị a nyị ịrayị ọnị u sị jịnẹ hụụ ịzọọ o! 37Ịhị àa vị ka wâ jịnẹ tụ́ ẹhẹ, dị wụ para okuha Ikidironi hu, yẹ o ka vi wee sú nị! Wèe sú, ẹwa vaa rị ịvị ẹngụ awụ.” 38Di Isimeyi tụ́ ohinọyị ohi dị ọ ka, “Taarụ Ohinọyị, ịrẹyị awụ ô zoza. Ụ mẹ̀ yị kà a avọọ, taarụ, avọọ m maa mẹ̀ nị.” Di Isimeyi varẹma nọ Ijerusarẹmị, dị ọ na yà ịzọọ ku ẹtẹẹtẹrẹ nị.
39Ịjị ọ sị gẹ ịrayị ẹẹta ọnị Isimeyi maanị yà Ijerusarẹmị, di ezi ahụ Isimeyi ẹẹva si zwe, di e ne tụ́ ohinọyị Igati ana aā hị́ Akisi ozi Imaka. Di a na kà a yi Isimeyi dị a ka, “Wáá yẹ ka ezi ahụ awụ hi Igati?” 40Di Isimeyi kwẹẹtẹ, di o tenyi ịkẹrịkẹtẹ anị di o si hu aa nọ Igati ịda Akisi ka ọnị ò ne sì ezi ahụ anị nị. Isimeyi mẹ̀ vavọọ na, dị ọ na kụ́ ezi ahụ hụrẹ Igati vẹ nị.
41Dị a va kà a yị Isoromọnị ka Isimeyi ộ hụrẹ Ijerusarẹmị nọ Igati, dị ọ rẹ vavẹ nị. 42Di ohinọyị va tụ́ na hị́ Isimeyi dị ọ ka, “Wáá tamayị ka mâ mẹ ka wa sị Ẹnẹyịmavara hị́ eku dị mị ka wa yẹ ka ịhị wàa jịnẹ tụ́ ẹhẹ dị a nyị ịzị ụ nọ nị, ka vi wee sú ịhị ọnọọ nị? Á vi di wụ kà a mị ịhị ọnọọ ka ịrẹyị ọnị mị ká ô zoza, ka wâ wụ́? 43Sị ẹ vavẹ di wè yi jẹẹ pè eku ọnị ụ sị Ẹnẹyịmavara hị́, di wẹ̀ yị rẹ mẹ ịrẹyị ọnị mị ka wa mẹ? 44Ẹwụ ụvọta ộ yẹ ịnị ayị awụ avaba ịsa odivi ọnị ụ mẹ Idevidi ada amị. Avaba ịsa odivi ọnị ụ mẹ avọọ Ẹnẹyịmavara va sị họ̀ wụ. 45Ama Ẹnẹyịmavara vị ana vaa mẹ ka ò zee yi emi Isoromọnị ohinọyị. Ọ yị vaa zẹẹ ka ohinọyị oni Idevidi rị ọ nyị ịrẹyị pooro zịna-zịna.”
46Di ohinọyị mẹ ọda yị Ịbẹnaya ozi Ijehoyada, dị ọ jịnẹ na dị ọ va ịsa hi Isimeyi ẹngụ, dị o sú nị. Ẹnẹyịmavara ộ mẹ̀ ka ohinọyị oni Isoromọnị rị ọ nyayịnẹ jẹẹ ẹtẹẹtẹrẹ.
Currently Selected:
1 Ohinọyị 2: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ohinọyị 2
2
Ịrẹyị ọdịrẹma ọnị Idevidi kà yi Isoromọnị di o ve sú
1Ụmẹ oni Idevidi ve sii sú ee vee tù. Di ọ mẹ ọda yị Isoromọnị ozi anị. Ọ kà 2“Ee vee tù ka ma nọ ịda ohiku amị. Re ka wâ nyị ụkata dị wa vị ọnọrụ. 3Sị eyi pè ọda ẹnị Ẹnẹyịmavara Ohomorihi awụ ka à sị eyi pè, dị wa va tụra oze anị, dị wa sị eyi pè ọda anị ọnị ọ mẹ ọnịrị ọ mẹmẹẹ mẹ̀ ọkarẹyị ọnịrị avaba ịsa ọnị ọ sị mẹ ivenu anka a mẹ̀ chẹrẹ wa tụ́ ini iwe Imosiisi ana aā si oze zụ̀ ọza. Vavọọ sị ụvọ za a agụvị aha tụra aha ọnị wàa nọ, ịsị waa na mẹ ịzọọ ò zụ zoza; dị Ẹnẹyịmavara ọ̀ zụ sị ịrẹyị anị jẹẹ anka ọ mẹ̀ ka ẹ yị mị. 4Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”
5 #
2 Ịsa 3.27;
2 Ịsa 20.10
Waa hyakụ yẹ ịsa oni Ijowabi ozi Izeruya mẹ mị. Waa tamayị ịsị ọ mẹ̀ Abịna ozi Ineri ọnịrị Amasa ozi Ijeteri ana vị ọga Isoja Anisirẹrị. Ẹnị ẹẹva vị ọnị Ijowabi wụ̀ ịnị ụmẹ ẹnẹ ẹ̀ yị nyị ịrẹkụ agụvị ò si sí atọ ịsa ana mẹ̀ ịnị ụmẹ ịrẹkụ. Aza ẹnẹ ẹ̀ yị nyị ịsị ẹ mẹ̀, ọ sị wa wụ. Ẹma kụkụ va za ẹnya ịrẹyị ọnọọ dị maa rị ụya anị nị. Anya ẹnịnị yị ịrẹsụ anị. 6Sị họ̀ ọ anka ịrẹyọyẹ awụ mẹ yà. Re ka wẹ yị zẹẹ ka ò sú isu ozu anị.
7 #
2 Ịsa 17.27-29
Rẹ tamayị ezi Ibiraziriya ana vị Anigiriyadi. Navọ dị wa vayị ayị. Ẹwụrị ọ ọ̀ọ rị ịsa aha ọnya, agụvị ka vị ọ nyayịnẹ sị ẹngụ gụrị mị m mèe zwe agụvị Abịsarọmị ọyịnyara awụ nị.
8 #
2 Ịsa 16.5-13; 19.16-23 “Re tamayị Isimeyi ozi Igera Anịbẹnjamịnị ana vi anẹkụra Ibahurimi nịnị. Vị ọ nyị ọ nyayịnẹ mẹ mị isiya ịhị ọnị maa nọ Imahanayimi nị. Ama ọ mẹ̀ va gẹrị ẹmị Ijodani, mâ sị ịrẹha Ẹnẹyịmavara hị́ eku ka mẹ yị vaa sị ụhwọọ wụ̀ ọ. 9Ama wẹ yị vaa zẹẹ ka ịsị ọ mẹ avọọ, ọ̀ sị rị kẹnẹ. Mâ yẹ ka wâ yẹ ịrẹyị para avọọ hu, wâ yẹ ịsị a vọrọ ka wa mẹ̀ ẹ. Re ka waa wụ ọ.”
10Ịjị Idevidi maanị sị ịrẹyị kà, di o sú nị, di e ne e ịnị ẹkụra Idevidi nị.
11 #
2 Ịsa 5.4,5; 1 Ịtọ 3.4 Idevidi ọ vị ohinọyị Anisirẹrị mẹ ịrayị ẹbẹẹva. Dị ọ rẹ vị ohinọyị Anihebirọnị mẹ ịrayị ịhịmba nị. Ọ rẹ vị ohinọyị tụ́ Ijerusarẹmị mẹ ịrayị ẹtarẹwụ tụra ẹẹta.
12 #
1 Ịtọ 29.23
Isoromọnị ọ sị yaayịtẹ ịrẹsụ ode Idevidi ada anị anka ohinọyị. Di o re ka ọnị ộ mẹ̀ ka ohinọyị ọnị ọnị rị ộ jẹẹ ẹtẹẹrẹ nị.
Adonija meme sú
13Ẹkụhị ọnya Adonija ozi Ihagiti o ne tu Ịbẹẹsẹba ọnyị Isoromọnị. O mè tù ịzọọ di ọnyị Isoromọnị ka, “Nyaasẹ, a vị â yị nyị ịrẹyịị?” Di Adonija kà, “Eyiye ẹ yị nyị ịrẹyị, 14ama â nyị ịsa ọnya ọnị ọnị ka ọnị ọ̀ yaanị pè e kà.” Di Ịbatịsẹba ka, “Sị ẹ vẹ ọnọọ kẹ?” 15Di Adonija ka, “Waa yẹ ka ẹma yaanị vị ohinọyị nị. Ẹmị avaba Anisirẹrị si eyi tụ́ ka ọ vaa vị ohinọyị nị. Ama ohinọyị ọnọọ ọ va sị para mi hu, dị ahịka adẹnyara amị ọ vana rị ọ nị. Mâ yẹ ka Ẹnẹyịmavara ọ vavọọ sì ọ nị. 16Ama ọyaanị, â nyị ịsa ọnya oni mee họ̀ use anịị hụụnị ụvọ awụ. Navọ asị u yi.” Di Ịbẹtịseba ka ọ̀ọ kà ịrẹyị anị nị. 17#1 Ohi 1.3,4Di Adonija ka, “Aarịhịnị kà a yị Isoromọnị ohinọyị ka ọ̀ navọ ịsị maa dá ịpẹ anị aanị, asị o yi. Ọ̀ navọ ọ̀ sị Abisagi ana vị Anisunami mị dị ma nyị ọ.”
18Di Ịbatịsẹba ka, “ô zoza, mị vaa kà ụtụ awụụ yị ohinọyị.”
19Ịzẹyịza di Ịbatịsẹba ne si tù Isoromọnị ohinọyị ka ọnị ọ̀ na kà ụtụ Adonija yọ nị. Di ohinọyị kwẹẹtẹ, ka ọnị ọ̀ na gẹrị ọ nị. Ọ mẹ̀ na sị gẹrị ọ, di ohinọyị tana tụra ẹtẹ dị ọ kụ́ ọ nị. Ịjị ọ sị ọ kụ́ dị ọ varẹma na yaayịtẹ ịnị aga anị nị. Dị ọ rẹ sị aga yị Ịbatịsẹba ọnyị ohinọyị, dị ọnị yaayịtẹ éyi ụvọrị ohinọyị nị.
20Di Ịbatịsẹba ka, “Aarịhịnị ịsa ọnya chee aanị mị ka me họ̀ use anị hụụnị ụvọ awụ nọ. Navọ asị u yị.” Di ohinọyị ka, “Ịnya we họ̀ use de, ka me yi vee yi.” 21Di Ịbatịsẹba ka, “Navọ à sị Abisagi ana vị Anisunami yị Adonija adẹnyara awụ dị ọ̀ nyị ọ.”
22Di Isoromọnị ohinọyị tụ́ ọnyị anị ohi dị ọ ka, “Ho, si ẹ vẹ dị ahịka Abisagi Anisunami kẹnẹ ụ ka à sị yị Adonija nị? Wẹ rẹ kụkụ kà a ka à sị ohinọyịị yọ dị ọ̀ rị ọ; wáá yẹ ka ọnị ọ vị ọzọkụ mị nị? Ẹ yị vị ọnọọ kẹnẹ, wa rẹ yẹ ka Abiyata ana vi ohirẹsụ irehi Ohomorihi ọnịrị Ijowabi ozi Izeruya vị ana sị ọtụ kà a ịrẹma.”
23Di Isoromọnị ohinọyị va sị Ẹnẹyịmavara hị́ eku dị ọ ka, “Aà vị ka ẹ yị vị ịrẹyị ana Adonija kà aanị ọ vaa vị isu ịrẹsụ anị, asị Ohomorihi zẹẹ ka ò zoza yị mị. 24Ẹnẹyịmavara ọ sị mị jẹẹ, dị ọ mẹ ka ma vị ohinọyị di Idevidi ada amị ịrẹsụ nị. Ọnị ọ sị irehi mi anka ọ mẹ̀ kà a yi Idevidi nị. Ẹnẹyịmavara ọnọọ ọ̀ọ yà ịzọọ, ajịnị Adonija ee sú nị.” 25Ịzẹyịza di Isoromọnị ohinọyị wụsẹ tụ́ Ịbẹnaya ozi Ijehoyada, dị ọ na và ịsa hi Adonija ẹngụ, dị ọ wụ̀ ọ nị.
A si Abiyata dụ
26 #
2 Ịsa 15.24;
1 Ịsa 22.20-23
Di ohinọyị kà a yị Abiyata ana vi ohirẹsụ irehi Ohomorihi dị ọ ka, “Kwẹẹtẹ wa nọ Anatọtị ịzị ẹtẹ awụ yà, ka vị a vọrọ ka we sú nị. Ama mẹ yị vaa wụ̀ wụ ajịnị agụvị ka ẹwa za apoti ị́zẹzẹ Ẹnẹyịmavara ana nyị yị dị ụ sị tụ́ ọvịdị Idevidi ada amị nị. Avaba ụya ana ada amị rị, vị oni u re pè e rị ọ.” 27#1 Ịsa 2.27-36Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.
 sị Ijowabi wụ̀
28Ịnị ịrẹyị ẹnẹnị, Ijowabi vị ana sị ọtụ kà Adonija ịrẹma, ọ yị jẹẹ pè Isoromọnị. Ịjị enube ve si tù Ijowabi ịrẹyị mẹ̀ va zi, di Ijowabi si zwe na ngụ ịnị ajẹngụ Ẹnẹyịmavara, dị ọ na ta ụvọ kú ọpanyị ụta ịsọvọ ana yà ịzọọ nị. 29Dị a na sị ọ kà yị Isoromọnị ohinọyị dị kà Ijowabi o si zwe nọ ịnị ajẹngụ Ẹnẹyịmavara ọ! Ini ụta ịsọvọ ọ hyakụ yà nị. Di Isoromọnị ohinọyị tụ́ Ịbẹnaya ozi Ijehoyada ka ọ̀ na, dị ọ̀ na và ịsa hị́ ọ ẹngụ nị.
30Ịzẹyịza di Ịbẹnaya nọ ịnị ajẹngụ Ẹnẹyịmavara, dị ọ kà yị Ijowabi dị ọ ka, “Ohinọyị ka wa jịnẹ̀ tụ́ ẹhẹ”. Di Ijowabi ka, “Eyiye, ịzẹnị m mee su tụ́ nị”. Di Ịbẹnaya sị ohi varẹma ne tụ́ ohinọyị, dị ọ ka aanị-aanị Ijowabi mè tụ́ mi ohi nọ. 31Di ohinọyị ka, “Ộ mẹ̀ kà, wụ vavọọ mẹ̀ ẹ. Và ịsa hi ọ ẹngụ, di we ne e. Ijowabi ộ wụ̀ aza ẹnẹ ẹ̀ yị nyị ịsị ẹ mẹ̀. Wàa vavọọ mẹ̀ ẹ, oponu isu aza ẹnẹẹ sị hụụnị ịrẹsụ amị ọnịrị ịrẹsụ ada amị. 32Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda. 33Ijowabi ọnịrị ezi anị ịrẹma-ịrẹma vị oni oponu aza ẹnẹẹ vaa yà ịrẹsụ ẹnịnị pooro zịna-zịna. Ama Ẹnẹyịmavara vị ana vaa sị ẹngwọọrọ yi Idevidi ọnịrị ezi anị ịrẹma-ịrẹma ne beri aneehi aanị ọnịrị ohinọyị ọnị ọ rị, pooro zịna-zịna.”
34Ịzẹyịza di Ịbẹnaya ozi Ijehoyada ne tù Ijowabi, dị ọ va ịsa hi ọ ẹngụ dị ọ wụ̀ ọ, di o ne tụ́ ini eehi anị ana yà ịnị ọpaapara nị.
35Di ohinọyị si Ịbẹnaya ozi Ijehoyada mẹ ọga isoja dọ Ijowabi ịrẹsụ nị. Di ohinọyị rẹ sị Ịzadọkị mẹ ohirẹsụ irehi Ohomorihi tụ́ udi Abiyata nị.
 sị Isimeyi wụ̀
36Ẹkụhị ọnya di ohinọyị tụ́ na hị́ Isimeyi nị. Ọ mẹ̀ vẹ, di ohinọyị ka, “Na dà irehi tụ́ Ijerusarẹmị, dị wa ra ịzọọ. Asị a nyị ịrayị ọnị u sị jịnẹ hụụ ịzọọ o! 37Ịhị àa vị ka wâ jịnẹ tụ́ ẹhẹ, dị wụ para okuha Ikidironi hu, yẹ o ka vi wee sú nị! Wèe sú, ẹwa vaa rị ịvị ẹngụ awụ.” 38Di Isimeyi tụ́ ohinọyị ohi dị ọ ka, “Taarụ Ohinọyị, ịrẹyị awụ ô zoza. Ụ mẹ̀ yị kà a avọọ, taarụ, avọọ m maa mẹ̀ nị.” Di Isimeyi varẹma nọ Ijerusarẹmị, dị ọ na yà ịzọọ ku ẹtẹẹtẹrẹ nị.
39Ịjị ọ sị gẹ ịrayị ẹẹta ọnị Isimeyi maanị yà Ijerusarẹmị, di ezi ahụ Isimeyi ẹẹva si zwe, di e ne tụ́ ohinọyị Igati ana aā hị́ Akisi ozi Imaka. Di a na kà a yi Isimeyi dị a ka, “Wáá yẹ ka ezi ahụ awụ hi Igati?” 40Di Isimeyi kwẹẹtẹ, di o tenyi ịkẹrịkẹtẹ anị di o si hu aa nọ Igati ịda Akisi ka ọnị ò ne sì ezi ahụ anị nị. Isimeyi mẹ̀ vavọọ na, dị ọ na kụ́ ezi ahụ hụrẹ Igati vẹ nị.
41Dị a va kà a yị Isoromọnị ka Isimeyi ộ hụrẹ Ijerusarẹmị nọ Igati, dị ọ rẹ vavẹ nị. 42Di ohinọyị va tụ́ na hị́ Isimeyi dị ọ ka, “Wáá tamayị ka mâ mẹ ka wa sị Ẹnẹyịmavara hị́ eku dị mị ka wa yẹ ka ịhị wàa jịnẹ tụ́ ẹhẹ dị a nyị ịzị ụ nọ nị, ka vi wee sú ịhị ọnọọ nị? Á vi di wụ kà a mị ịhị ọnọọ ka ịrẹyị ọnị mị ká ô zoza, ka wâ wụ́? 43Sị ẹ vavẹ di wè yi jẹẹ pè eku ọnị ụ sị Ẹnẹyịmavara hị́, di wẹ̀ yị rẹ mẹ ịrẹyị ọnị mị ka wa mẹ? 44Ẹwụ ụvọta ộ yẹ ịnị ayị awụ avaba ịsa odivi ọnị ụ mẹ Idevidi ada amị. Avaba ịsa odivi ọnị ụ mẹ avọọ Ẹnẹyịmavara va sị họ̀ wụ. 45Ama Ẹnẹyịmavara vị ana vaa mẹ ka ò zee yi emi Isoromọnị ohinọyị. Ọ yị vaa zẹẹ ka ohinọyị oni Idevidi rị ọ nyị ịrẹyị pooro zịna-zịna.”
46Di ohinọyị mẹ ọda yị Ịbẹnaya ozi Ijehoyada, dị ọ jịnẹ na dị ọ va ịsa hi Isimeyi ẹngụ, dị o sú nị. Ẹnẹyịmavara ộ mẹ̀ ka ohinọyị oni Isoromọnị rị ọ nyayịnẹ jẹẹ ẹtẹẹtẹrẹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.