1 Ịjọọnụ 1
1
Ijeesu vị Ịrẹyị anaā mẹ ka ọza ọ̀ yara
1 #
Ịjọ 1.1
Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị. 2#Ịjọ 1.14Ịrẹyị ọnọọ anaā mẹ ka ọza ọ̀ yara ộ sị ẹngụ zụ̀ gedebee; Yê ré e, dị ị raa dọ ivenu ani nị. Ị raa kà a wụ nịnị ini oze ịrẹyị ọnọọ anaā mẹ ka ọza yara ịdị Ohomorihi pooro zịna-zịna. Ịrẹyị ọnọọ ana vịdị yà ịdị Ohomorihi Ada ayị ộ sị ẹngụ zụ̀ yị. 3Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ. 4Yaa chẹrẹ ịsa ẹnẹnịị tụ́ụ hi wu nịnị agụvị dị ịrajẹ avaba ayị ọ̀ zụ gụ.
Ohomorihi vị ẹtohweyi
5Enube ọnị ị wụ́ hụụnị irenu ozi anị ọnọọ ọnị ị raa kà yị wụ nịnị yị: Ohomorihi vị ẹtohweyi, ẹ́ yị nyị etohozi ịdị anị vụrụ-vụrụ. 6Yàa kà a ka ẹyịrị Ohomorihi ọ́ọ rị vabẹ dị yaā yịị zị ụsẹ ịnị ịrahụ nị, ireche i yee che nị, yẹ́ yị mẹ ịzẹyịza. 7Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị. 8Yàa kà a ka yẹ yị nyị ịvị, i yee vene ẹngụ ayị, yẹ yị nyị ịzẹyịza vụrụ-vụrụ. 9Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a. 10Yàa kà a ka yẹ yị mẹ ịvị, yáa za Ohomorihi onireche, ịrẹyị anị ẹ́ yị yà ịnị ayị ayị.
Currently Selected:
1 Ịjọọnụ 1: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Ịjọọnụ 1
1
Ijeesu vị Ịrẹyị anaā mẹ ka ọza ọ̀ yara
1 #
Ịjọ 1.1
Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị. 2#Ịjọ 1.14Ịrẹyị ọnọọ anaā mẹ ka ọza ọ̀ yara ộ sị ẹngụ zụ̀ gedebee; Yê ré e, dị ị raa dọ ivenu ani nị. Ị raa kà a wụ nịnị ini oze ịrẹyị ọnọọ anaā mẹ ka ọza yara ịdị Ohomorihi pooro zịna-zịna. Ịrẹyị ọnọọ ana vịdị yà ịdị Ohomorihi Ada ayị ộ sị ẹngụ zụ̀ yị. 3Ịsa ẹnẹnị ẹnẹ ẹyị ụvọta sị re, dị ị raà sị ụtọ ayị wụ́, ọnị ị yaà kà a wụ nịnị agụvị ẹyịrị ẹwụ nịnị ọ̀ zụ rị vabẹ. 4Yaa chẹrẹ ịsa ẹnẹnịị tụ́ụ hi wu nịnị agụvị dị ịrajẹ avaba ayị ọ̀ zụ gụ.
Ohomorihi vị ẹtohweyi
5Enube ọnị ị wụ́ hụụnị irenu ozi anị ọnọọ ọnị ị raa kà yị wụ nịnị yị: Ohomorihi vị ẹtohweyi, ẹ́ yị nyị etohozi ịdị anị vụrụ-vụrụ. 6Yàa kà a ka ẹyịrị Ohomorihi ọ́ọ rị vabẹ dị yaā yịị zị ụsẹ ịnị ịrahụ nị, ireche i yee che nị, yẹ́ yị mẹ ịzẹyịza. 7Ama yàaa zị ụsẹ ini ẹtohweyi anka Ohomorihi ọnị mẹ̀ rẹ yà ini ẹtohweyi, ọnị ọ vị ka yaa mẹ̀ uze vaabẹ beri ẹngụ. Anya Ijeesu Ikirisiti Ozi anị aa nyịna yị; yaa nị hụụnị avaba ịvị. 8Yàa kà a ka yẹ yị nyị ịvị, i yee vene ẹngụ ayị, yẹ yị nyị ịzẹyịza vụrụ-vụrụ. 9Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a. 10Yàa kà a ka yẹ yị mẹ ịvị, yáa za Ohomorihi onireche, ịrẹyị anị ẹ́ yị yà ịnị ayị ayị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.