1 Anịkọrịntị 5
5
Ọdọwụ ọnya ana mẹ ụnọ
1 #
Ọda 22.30
Aza aa kà a ka áa nyị aza ẹnyị ịnị ẹngụ awụ nịnị ana aa mẹ ụnọ. Ikenhweri nịnị ẹ yị hyakụ nyayịnẹ vavọọ mẹ ụnọ. Ho! A ka aza ẹnyị awụ nịnị aa sị ose ada anị. 2Ye re ọnị ụ vị ana aa sịị sị ẹngụụ tụ́ ẹba ịnị ọsọnị nịnị? Vị a vị ana vọrọ ka wee sụ ùnè nịnị nị! Ọza ana àa vavọọ mẹ, dị ụ wa dụ ọọ hụụnị akakana awụ nịnị! 3Ịzẹyịza, mẹ yị yà ịdị awụ nịnị, ama ayị amị yà ịda awụ nịnị. Ma raà jị ịvị yị ẹngụ ọza ana vavọọ mẹ, anka m mèe rere yà ịdị awụ nịnị avọọ. 4Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị, 5dị ụ sị ẹngụ ọza ọnọọ chire Echuu ụvọ, dị ẹngụ anị ò du ha, ịsavọọ Ohomorihi ọ̀ dọ ụhwẹ anị há ịnị ẹkụhị ana Ananyị yị vaa sị mẹ̀ ọkarẹyị. 6#Iga 5.9Ẹ yị vọrọ ka waa sị ẹngụụ tụ́ ẹba nịnị. Wáá yẹ nịnị ka òwù kiiki aanị, ọọ̄ mẹ̀ ka avaba ịsa ò wù hi ẹtẹ nị? 7#Kụra 12.5Sị ịvị ọnọọ hụụnị akakana awụ nịnị, agụvị ka ọ va sị gara hi ẹtẹ, anka òwù mẹ̀ẹ̄ sị ịsaa wù avọọ! Re ka wáa nị nịnị ẹtẹẹtẹrẹ, agụvị ka Ijeesu Ikirisiti ọ sị wụ nịnị mẹ aza ana nị! Ộ vavọọ mẹẹ, ọ mẹ̀ sị ẹngụ anị mẹ ịsọvọọ yị anka atẹmẹ ana a sịị̄ mẹ̀ ịsọvọ ịnị ụmẹ Eche Ọyịparahu avọọ. 8#Kụra 13.7; Ọda 16.3Agụvị avọọ asị ị nyị ụvọ tụ́ ịnị ịvị vụrụ-vụrụ! À vẹ yaa mẹ̀ ebira ozoza, dị yaa sị ayị ọnyaa saasa Ohomorihi! Yàa vavọọ mẹ, dị ị yà anka Ịbụrẹẹdị ẹnẹ ẹ̀yị nyị òwù (ana Anijuū sịị rị Eche Ọyịparahu). Avọọ ị mẹ̀ zụ rị eche ọnọọ ịnị ịzẹyịza nị.
Ọkarẹyị Ọnụnọ
9Ini iwe ọnị mị vịdị chẹrẹ tụ́ hi wu nịnị, mâ kà a tụ́ ọọ ka asị ẹwụrị ọsẹrẹka rẹ̀ zị ògù nịnị. 10Ẹ yị vị ịrẹyị aza ẹnẹ ẹ̀ yị vị ọdọwụ, dị ẹyaa sẹ̀ ịrẹka, dị ẹyaa há ọhọha, dị e re yee yi oyi, dị ẹ rẹ yaa hẹkẹ ori, m maa kà. Wàa ka ẹwụrị aza ẹnẹẹ ẹ yị va hura, ọnị ọ vị ka vị ụ vaa sị ẹngụ awụụ hụụnị ẹhẹ saka-saka nị. 11Ama mị ka àa nyị ọza ana ka ọnị vị ẹnẹbẹnị ini oze Ikirisiti, dị aa sẹ̀ ịrẹka, dị ọ vị ọnọhọha, dị ọ raa hẹkẹ ori nị, à vị ka dị ọ̀ọ kụ̀ ọza ụhụ, dị òo hú eche ahaahara, àa vị ka dị òo yi oyi, ẹngụ aza ẹnẹẹ asị ẹwụrị wa hyakụ dudu yaayịtẹ rị ịsa vabẹ nịnị! 12#Ọda 13.5; 17.7Sị ẹ jị gẹ ẹmịrị ọza ẹnẹ ẹ̀ yị dọ wụ́, dị ma va naa mẹ̀ ọkarẹyị yọ? Aza ana dọ wụ́ kẹnẹ, a vọrọ ka yaa tụ́ ohuvọ, ẹ̀ẹ yaa mẹ̀ ebira odivi nị. 13Aza ẹnẹ ẹ̀ yị dọ wụ́, Ohomorihi ọ vaa mẹ̀ ọkarẹyị ẹnịnị nị. Agụvị avọọ dụ ẹngụ ọza odivi ọnọọ hụụnị akakana awụ nịnị.
Currently Selected:
1 Anịkọrịntị 5: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Anịkọrịntị 5
5
Ọdọwụ ọnya ana mẹ ụnọ
1 #
Ọda 22.30
Aza aa kà a ka áa nyị aza ẹnyị ịnị ẹngụ awụ nịnị ana aa mẹ ụnọ. Ikenhweri nịnị ẹ yị hyakụ nyayịnẹ vavọọ mẹ ụnọ. Ho! A ka aza ẹnyị awụ nịnị aa sị ose ada anị. 2Ye re ọnị ụ vị ana aa sịị sị ẹngụụ tụ́ ẹba ịnị ọsọnị nịnị? Vị a vị ana vọrọ ka wee sụ ùnè nịnị nị! Ọza ana àa vavọọ mẹ, dị ụ wa dụ ọọ hụụnị akakana awụ nịnị! 3Ịzẹyịza, mẹ yị yà ịdị awụ nịnị, ama ayị amị yà ịda awụ nịnị. Ma raà jị ịvị yị ẹngụ ọza ana vavọọ mẹ, anka m mèe rere yà ịdị awụ nịnị avọọ. 4Kụ́ gụ nịnị ịnị ịrẹha Ijeesu Ananyị yị, ka ayị amị vaa yà ịdị awụ nịnị, dị ụ wa sị ụkata Ijeesu Ananyị yị, 5dị ụ sị ẹngụ ọza ọnọọ chire Echuu ụvọ, dị ẹngụ anị ò du ha, ịsavọọ Ohomorihi ọ̀ dọ ụhwẹ anị há ịnị ẹkụhị ana Ananyị yị vaa sị mẹ̀ ọkarẹyị. 6#Iga 5.9Ẹ yị vọrọ ka waa sị ẹngụụ tụ́ ẹba nịnị. Wáá yẹ nịnị ka òwù kiiki aanị, ọọ̄ mẹ̀ ka avaba ịsa ò wù hi ẹtẹ nị? 7#Kụra 12.5Sị ịvị ọnọọ hụụnị akakana awụ nịnị, agụvị ka ọ va sị gara hi ẹtẹ, anka òwù mẹ̀ẹ̄ sị ịsaa wù avọọ! Re ka wáa nị nịnị ẹtẹẹtẹrẹ, agụvị ka Ijeesu Ikirisiti ọ sị wụ nịnị mẹ aza ana nị! Ộ vavọọ mẹẹ, ọ mẹ̀ sị ẹngụ anị mẹ ịsọvọọ yị anka atẹmẹ ana a sịị̄ mẹ̀ ịsọvọ ịnị ụmẹ Eche Ọyịparahu avọọ. 8#Kụra 13.7; Ọda 16.3Agụvị avọọ asị ị nyị ụvọ tụ́ ịnị ịvị vụrụ-vụrụ! À vẹ yaa mẹ̀ ebira ozoza, dị yaa sị ayị ọnyaa saasa Ohomorihi! Yàa vavọọ mẹ, dị ị yà anka Ịbụrẹẹdị ẹnẹ ẹ̀yị nyị òwù (ana Anijuū sịị rị Eche Ọyịparahu). Avọọ ị mẹ̀ zụ rị eche ọnọọ ịnị ịzẹyịza nị.
Ọkarẹyị Ọnụnọ
9Ini iwe ọnị mị vịdị chẹrẹ tụ́ hi wu nịnị, mâ kà a tụ́ ọọ ka asị ẹwụrị ọsẹrẹka rẹ̀ zị ògù nịnị. 10Ẹ yị vị ịrẹyị aza ẹnẹ ẹ̀ yị vị ọdọwụ, dị ẹyaa sẹ̀ ịrẹka, dị ẹyaa há ọhọha, dị e re yee yi oyi, dị ẹ rẹ yaa hẹkẹ ori, m maa kà. Wàa ka ẹwụrị aza ẹnẹẹ ẹ yị va hura, ọnị ọ vị ka vị ụ vaa sị ẹngụ awụụ hụụnị ẹhẹ saka-saka nị. 11Ama mị ka àa nyị ọza ana ka ọnị vị ẹnẹbẹnị ini oze Ikirisiti, dị aa sẹ̀ ịrẹka, dị ọ vị ọnọhọha, dị ọ raa hẹkẹ ori nị, à vị ka dị ọ̀ọ kụ̀ ọza ụhụ, dị òo hú eche ahaahara, àa vị ka dị òo yi oyi, ẹngụ aza ẹnẹẹ asị ẹwụrị wa hyakụ dudu yaayịtẹ rị ịsa vabẹ nịnị! 12#Ọda 13.5; 17.7Sị ẹ jị gẹ ẹmịrị ọza ẹnẹ ẹ̀ yị dọ wụ́, dị ma va naa mẹ̀ ọkarẹyị yọ? Aza ana dọ wụ́ kẹnẹ, a vọrọ ka yaa tụ́ ohuvọ, ẹ̀ẹ yaa mẹ̀ ebira odivi nị. 13Aza ẹnẹ ẹ̀ yị dọ wụ́, Ohomorihi ọ vaa mẹ̀ ọkarẹyị ẹnịnị nị. Agụvị avọọ dụ ẹngụ ọza odivi ọnọọ hụụnị akakana awụ nịnị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.