1 Anịkọrịntị 3
3
Avaba ezi ahụ Ohomorihi vị ẹbẹẹbẹ
1Ẹwụ nịnị ẹyịnyara amị, mẹyị zụ kà ịrẹyịị wụ nịnị, anka m mẹ̀ zụ kà ịrẹyị yị aza ana nyị Ụhwẹ Ọnịnị. Máa kà ịrẹyịị wụ nịnị anka aza kẹnẹ ene hi ịnị ẹhẹ avọọ nị, agụvị ka ozweyi ụ yị vị nịnị ini Ikirisiti nị. 2#Ihib 5.12,13Vị ọ sị mẹẹ ka ịrẹva mị vịdị aa sịị wụ nịnị nị. Mẹ yị sị ịsa obooro wụ nịnị, agụvị ka wẹẹ̀ yị zụ rị ịsa obooro nịnị. Vi ve tù ọyaanị, wẹẹ̀ yị va vịra nịnị ana a vọrọ ka ọ̀ọ rị ịsa obooro, 3agụvị ka ụ waa yịị mẹ̀ ebira anka aza kẹnẹ ene hi ịnị ẹhẹ ọnọnị nị. Waa yịị kụ̀ ụhị nịnị, ụ raa zyaazị nịnị. Ọnọọ ọ́ọ sị zụ̀ ka vụ ụ yị yà anka aza kẹnẹ ene hi ịnị ẹhẹ nịnị nị. 4#1 Ịkọ 1.12Ịjị aza ẹnyị aa kà a ka Ịpọọrụ ọ́nị jẹẹ yị nị, dị ọsa ọnị rẹ ka Aporo ọ́nị jẹẹ yị nị, wáá yẹ ka ebira anẹhẹ kẹnẹ ụ waa mẹ nịnị avọọ nị? 5Ẹnẹ vị Ịpọọrụ? Ẹnẹ vị Aporo? Avaba ayị vị ezi ahụ Ohomorihi kẹnẹ. Yáa kụ́ wụ nịnị va dọ Ijeesu wụ́. Ọzịnya-ọzịnya ayị vị ana aa mẹ̀ ụkọrọ oni Ohomorihi sị yọ. 6#Ụkọ 18.4-11; Ụkọ 18.24-28Ẹmị ee chire ịsa, Aporo ọnị aa ká enyi hi ọọ, ama Ohomorihi aa mẹ ka ịsa ẹnẹẹ ẹ̀ẹ hụ nị. 7Ọza ene ee chire ịsa, ẹ yị nyị ịsị ọ yà ịnị anị; ọza ana raa ká enyi hi ọọ, ayị rẹ nyị ịsị ọnị yà ịnị anị. Ama Ohomorihi ana aa mẹ ka ịsa ọnọọ ọ̀ọ hụ, ọnị ọ vị ẹtẹẹtẹrẹ nị. 8Ọza ene ee chire ịsa, ọnịrị ọza ana aa ká enyi hi ọọ vị ẹbẹẹbẹ. Ohomorihi vaa sị ọgụ ụkọrọ ọnị ọzọza mẹẹ yọ. 9Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.
Ohomorihi vaa zama ụkọrọ ọzọzaa re
10Ohomorihi ọ́ọ nyị ẹngụ anị iyi, dị ọ sị ụkata mị ka ma yà anka ọza ana zụ tụra irehi ẹtẹẹtẹrẹ. Ma raà ká irehi ẹtẹ, dị ọza ẹnẹsa ọnị aa tụraa tụ́ ọọ ịrẹsụ nị. Ama ọzọza ò sị eyi pee, ọ mẹmẹ aa tụraa tụ́ ọọ! 11Ohomorihi ọ raà sị Ijeesu Ikirisiti ka ọnịnya chọchọchọ ọ̀ vị ịsị ọ sị ká irehi ẹtẹ nị. Ẹ yị nyị ịsa ọsa ọnị ọza kụkụ zụ sị ká irehi ọnọọ ẹtẹ. 12Aza ẹnyị aa sị igooru, àa vị enyusẹ ozoza, àa vị ịrẹta akàaka, dị aa sịị tụra tụ́ ini irehi ọnọọ. Ama aza ẹnyị raa sị ọchị ọnịrị avị beri ẹpọmọ, dị aa sịị tụraa tụ́ ini irehi ọnọọ. 13Ẹkụhị ọnya, e vee re, ụ́kọrọ ọzọza mẹmẹ yà. Ịhị ọnọọ oni Ijeesu vaa vaa vẹ, vaa sịị zụ̀. A vaa sị ịraa zama ụkọrọ ọzọza re. Ịra ọnọọ vaa sị zụ̀, ụ́kọrọ ọzọza mẹmẹ yà. 14Ịsa ọnị ọza sị tụra tụ́ ịrẹsụ irehi ọnọọ ọ̀yị rẹ̀ vaa rị ịra, Ohomorihi vaa sị ọgụ anịị yọ. 15Ama ọza ọnị ụkọrọ anị ọ̀ọ rị ịra, ọyị kụkụ vaa dọ ọgụ. Ama Ohomorihi vaa dọ ọza ọnọọ ịnyẹmbaa há anka ọza ana vụrị tụ̀ hụụnị ụvọ ịra avọọ. 16#1 Ịkọ 6.19; 2 Ịkọ 6.16Aanịka wẹ yị yẹ nịnị ka irehi Ohomorihi ụ vị nịnị nị? Ụhwẹ Ọnịnị vị ana ra ịnịnẹ awụ nịnị. 17Ọza ene èe du irehi Ohomorihi ẹngụ, vị Ohomorihi aa wụ̀ ọza ọnọọ nị. Irehi Ohomorihi vị ọnịnị, ẹwụ nịnị ọ vị irehi anị ọnọọ nị.
Ẹ yị nyị ịsị ọza zụ sị nyị irenu
18Asị a nyị ọza ene vene ẹngụ anị! Ọza ene èe ro ka ọnị ọ́ọ yẹ ịrẹyị ịnị ẹhẹ ọnọnị, ọ̀ vara ọnụra, agụvị dị ọ̀ zụ yẹ ịrẹyị booro! 19#Ijov 5.13Ịsị anẹhẹ aa hị́ ịrẹyọyẹ vị ụra ini eyi Ohomorihi. Áa vịdị chẹrẹẹ tụ́ ini Iwe Ohomorihi ka,
“Ohomorihi ọ raà za ọyẹrẹyị nịnị ini irikichi ẹnịnị.”
20 #
Ahẹ 94.11
A rẹ chẹrẹẹ tịtẹ ka,
“Ohomorihi ọ́ọ yẹ ka ariro ọyẹrẹyị nịnị
vị osusu kẹnẹ-kẹnẹ.”
21Agụvị avọọ, asị a nyị ọza ana na sị ọza nyị irenu! Yẹ nịnị ka ẹwụ nịnị ọ nyị avaba ịsa nị, 22ọ̀ọ vị Ịpọọrụ, ọ̀ọ vị Aporo, ọ̀ọ rẹ vị Ipita, ọ̀ọ vị ịsa ịrẹma ụhwọọ, ẹwụ nịnị ọ nyị avaba ịsa ẹnẹẹ nị. 23Ikirisiti ọ nyị ẹwụ nịnị, dị Ohomorihi ọnị nyị Ikirisiti nị.
Currently Selected:
1 Anịkọrịntị 3: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Anịkọrịntị 3
3
Avaba ezi ahụ Ohomorihi vị ẹbẹẹbẹ
1Ẹwụ nịnị ẹyịnyara amị, mẹyị zụ kà ịrẹyịị wụ nịnị, anka m mẹ̀ zụ kà ịrẹyị yị aza ana nyị Ụhwẹ Ọnịnị. Máa kà ịrẹyịị wụ nịnị anka aza kẹnẹ ene hi ịnị ẹhẹ avọọ nị, agụvị ka ozweyi ụ yị vị nịnị ini Ikirisiti nị. 2#Ihib 5.12,13Vị ọ sị mẹẹ ka ịrẹva mị vịdị aa sịị wụ nịnị nị. Mẹ yị sị ịsa obooro wụ nịnị, agụvị ka wẹẹ̀ yị zụ rị ịsa obooro nịnị. Vi ve tù ọyaanị, wẹẹ̀ yị va vịra nịnị ana a vọrọ ka ọ̀ọ rị ịsa obooro, 3agụvị ka ụ waa yịị mẹ̀ ebira anka aza kẹnẹ ene hi ịnị ẹhẹ ọnọnị nị. Waa yịị kụ̀ ụhị nịnị, ụ raa zyaazị nịnị. Ọnọọ ọ́ọ sị zụ̀ ka vụ ụ yị yà anka aza kẹnẹ ene hi ịnị ẹhẹ nịnị nị. 4#1 Ịkọ 1.12Ịjị aza ẹnyị aa kà a ka Ịpọọrụ ọ́nị jẹẹ yị nị, dị ọsa ọnị rẹ ka Aporo ọ́nị jẹẹ yị nị, wáá yẹ ka ebira anẹhẹ kẹnẹ ụ waa mẹ nịnị avọọ nị? 5Ẹnẹ vị Ịpọọrụ? Ẹnẹ vị Aporo? Avaba ayị vị ezi ahụ Ohomorihi kẹnẹ. Yáa kụ́ wụ nịnị va dọ Ijeesu wụ́. Ọzịnya-ọzịnya ayị vị ana aa mẹ̀ ụkọrọ oni Ohomorihi sị yọ. 6#Ụkọ 18.4-11; Ụkọ 18.24-28Ẹmị ee chire ịsa, Aporo ọnị aa ká enyi hi ọọ, ama Ohomorihi aa mẹ ka ịsa ẹnẹẹ ẹ̀ẹ hụ nị. 7Ọza ene ee chire ịsa, ẹ yị nyị ịsị ọ yà ịnị anị; ọza ana raa ká enyi hi ọọ, ayị rẹ nyị ịsị ọnị yà ịnị anị. Ama Ohomorihi ana aa mẹ ka ịsa ọnọọ ọ̀ọ hụ, ọnị ọ vị ẹtẹẹtẹrẹ nị. 8Ọza ene ee chire ịsa, ọnịrị ọza ana aa ká enyi hi ọọ vị ẹbẹẹbẹ. Ohomorihi vaa sị ọgụ ụkọrọ ọnị ọzọza mẹẹ yọ. 9Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.
Ohomorihi vaa zama ụkọrọ ọzọzaa re
10Ohomorihi ọ́ọ nyị ẹngụ anị iyi, dị ọ sị ụkata mị ka ma yà anka ọza ana zụ tụra irehi ẹtẹẹtẹrẹ. Ma raà ká irehi ẹtẹ, dị ọza ẹnẹsa ọnị aa tụraa tụ́ ọọ ịrẹsụ nị. Ama ọzọza ò sị eyi pee, ọ mẹmẹ aa tụraa tụ́ ọọ! 11Ohomorihi ọ raà sị Ijeesu Ikirisiti ka ọnịnya chọchọchọ ọ̀ vị ịsị ọ sị ká irehi ẹtẹ nị. Ẹ yị nyị ịsa ọsa ọnị ọza kụkụ zụ sị ká irehi ọnọọ ẹtẹ. 12Aza ẹnyị aa sị igooru, àa vị enyusẹ ozoza, àa vị ịrẹta akàaka, dị aa sịị tụra tụ́ ini irehi ọnọọ. Ama aza ẹnyị raa sị ọchị ọnịrị avị beri ẹpọmọ, dị aa sịị tụraa tụ́ ini irehi ọnọọ. 13Ẹkụhị ọnya, e vee re, ụ́kọrọ ọzọza mẹmẹ yà. Ịhị ọnọọ oni Ijeesu vaa vaa vẹ, vaa sịị zụ̀. A vaa sị ịraa zama ụkọrọ ọzọza re. Ịra ọnọọ vaa sị zụ̀, ụ́kọrọ ọzọza mẹmẹ yà. 14Ịsa ọnị ọza sị tụra tụ́ ịrẹsụ irehi ọnọọ ọ̀yị rẹ̀ vaa rị ịra, Ohomorihi vaa sị ọgụ anịị yọ. 15Ama ọza ọnị ụkọrọ anị ọ̀ọ rị ịra, ọyị kụkụ vaa dọ ọgụ. Ama Ohomorihi vaa dọ ọza ọnọọ ịnyẹmbaa há anka ọza ana vụrị tụ̀ hụụnị ụvọ ịra avọọ. 16#1 Ịkọ 6.19; 2 Ịkọ 6.16Aanịka wẹ yị yẹ nịnị ka irehi Ohomorihi ụ vị nịnị nị? Ụhwẹ Ọnịnị vị ana ra ịnịnẹ awụ nịnị. 17Ọza ene èe du irehi Ohomorihi ẹngụ, vị Ohomorihi aa wụ̀ ọza ọnọọ nị. Irehi Ohomorihi vị ọnịnị, ẹwụ nịnị ọ vị irehi anị ọnọọ nị.
Ẹ yị nyị ịsị ọza zụ sị nyị irenu
18Asị a nyị ọza ene vene ẹngụ anị! Ọza ene èe ro ka ọnị ọ́ọ yẹ ịrẹyị ịnị ẹhẹ ọnọnị, ọ̀ vara ọnụra, agụvị dị ọ̀ zụ yẹ ịrẹyị booro! 19#Ijov 5.13Ịsị anẹhẹ aa hị́ ịrẹyọyẹ vị ụra ini eyi Ohomorihi. Áa vịdị chẹrẹẹ tụ́ ini Iwe Ohomorihi ka,
“Ohomorihi ọ raà za ọyẹrẹyị nịnị ini irikichi ẹnịnị.”
20 #
Ahẹ 94.11
A rẹ chẹrẹẹ tịtẹ ka,
“Ohomorihi ọ́ọ yẹ ka ariro ọyẹrẹyị nịnị
vị osusu kẹnẹ-kẹnẹ.”
21Agụvị avọọ, asị a nyị ọza ana na sị ọza nyị irenu! Yẹ nịnị ka ẹwụ nịnị ọ nyị avaba ịsa nị, 22ọ̀ọ vị Ịpọọrụ, ọ̀ọ vị Aporo, ọ̀ọ rẹ vị Ipita, ọ̀ọ vị ịsa ịrẹma ụhwọọ, ẹwụ nịnị ọ nyị avaba ịsa ẹnẹẹ nị. 23Ikirisiti ọ nyị ẹwụ nịnị, dị Ohomorihi ọnị nyị Ikirisiti nị.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.