1 Anịkọrịntị 16
16
Ẹkẹhị ana a tụ́ ka à sị gụ ọdọwụ nịnị ụvọ
1 #
Iro 15.25,26 Mi ree sì ka ma kà ọ̀nọ̀ ịnị ịrẹyị oze ẹkẹhị ọnị ụ waa dọ nịnị ka à sị na mẹ ọgụvọ yị aza Ohomorihi. Waa dọ ọ nịnị anka m mè re beri Anigaratiya nịnị juwe. 2Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị. 3Màa vẹ, dị mị chẹrẹ iwe yị aza ọnị ụ wàa nyị nịnị ka ẹ̀ sị ẹkẹhị oni u wèe re nịnị nọ Ijerusarẹmị. 4Yèe re ka ộ vọrọ ka ẹmà rẹ nọ Ijerusarẹmị, dị ẹmịrị wa zị na.
Ịsị Ịpọọrụ ee sì ka ọnị ọ̀ mẹ
5 #
Ụkọ 19.21
Màa zị oze Imasedoniya aa parahu, mị vaa há ịdị awụ nịnị, agụvị ka oze Imasedoniya mị vaa zị nị. 6Ẹyịyara mi vee kù ịdị awụ nịnị chee. Ọnyẹngụ ahịka ịzọọ mị yà dị ọgụ ọ̀ ta nị. Ịjọnọọ ụ va zụụ gụ mị ụvọ nịnị ka ma nọ ịzị màa vaa nọ. 7Me yi vee sì ka ahịka mị wụsẹ va sị eyi nya wụ nịnị kẹnẹ nị. Ama mee ro ka mi vee kù ịdị awụ nịnị, Ohomorihi òo sì. 8#Ire 23.15-21; Ọda 16.9-11#Ụkọ 19.8-10Ama Ẹhwẹsọsị ịzẹnị mị vaa yà pooro dị ẹkụhị Ịpẹntịkọsịtị ò tù nị. 9Oze ộ tụ́ mị ọ̀yị mẹ̀ ụkọrọ obooro ịzẹnị booro aanị, ọ̀ọ daka vị ka akwootwọza nịnị vị ana gwẹtẹ 10#1 Ịkọ 4.17Itimoti ọ̀ọ vẹ ịdị awụ nịnị, re ka waa mẹ̀ ẹ inohine nịnị! Wâ yẹ ka ọnị vị ana raa mẹ ụkọrọọ yị Ananyị yị anka ẹmị. 11Asị a nyị ọza ana sị eyi wụ ọọ o! Gụ ọ ụvọ nịnị, dị ọ̀ nyẹngụ nyima ụsẹ anị ịnị ẹngwọọrọ, dị ọ̀ rẹ zụ vavẹ ve tù mi. Mee zí ọnịrị ẹyịnyara ayị ana vọ eyi. 12Ịnị ịrẹyị ẹnẹbẹnị ayị Aporo, mâ da ịpẹ yọ ẹtẹẹtẹrẹ ka ọnịrị ẹyịnyara ayị ana vọ è ve hee wu nịnị. Ama mee ro ka o yi sì ka ọnị ọ̀ vẹ booro aanị. Ama òo si oze re, ọ vaa vẹ.
Ịrẹyị ọdịrẹma
13Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị! 14Wee sì ịrẹyị ẹngụ nịnị ịnị ịsa tụra ịsa ọnị ụ wàa mẹ nịnị! 15#1 Ịkọ 1.16Ẹwụ nịnị ẹyịnyara amị, wâ yẹ Isitihwanasị ọnịrị aneehi anị nịnị. Wâ yẹ ka ẹnị ẹ̀ vịdị dọ enube ọyịza wụ́ ịnị avaba aza ene hi ẹtẹ Akaya nị. Avaba ẹngụ ẹnịnị ẹ́ yaa sịị mẹ ọgụvọọ yị aza Ohomorihi nị. Aarịhịnị, 16waa sị ụbanyịị yị ẹngụ aza ẹnẹẹ ọnịrị aza ẹnị ọnịrịị èe dudu aa mẹ̀ ụkọrọ. 17Mâ jẹ m mè re ka Isitihwanasị ọnịrị Ihwotunatọsị beri Achayikọsị ệ vẹ. Ẹnị ẹ kụkụ dọ wụ nịnị ịrẹsụ aa mẹ̀ ịsa oni u wè yi re oze mẹ nịnị nị. 18Ẹ raà kụ́ mị ẹngụ nịya, anka ẹ mẹ̀ rẹ kụ́ ẹwụ nịnị ẹngụ nịya. Â vọrọ ka wa sị ụbanyị yị ẹngụ aza ẹnẹẹ nịnị! 19#Ụkọ 18.2Anịragụ Ohomorihi ene hi Esiya, ka ẹnị kụ́ wụ nịnị. Akwira ọnịrị Ipirisira beri anịragụ Ohomorihi anaā gụ ini eehi ịdị ẹnịnị ka ẹnị kụ́ wụ nịnị ẹtẹẹtẹrẹ, agụvị ka ẹwụrị wa vị ọnya ini oze Ananyị yị. 20Avaba ẹyịnyara ayị ene hi ịzẹnị ka ẹnị kụ́ wụ. Waa kụ́ ẹngụ nịnị ini oze ọnịnị ana sị zụ̀ ka wee sì ịrẹyị ẹngụ nịnị. 21Ẹmị Ịpọọrụ ụvọta ọ sị ụvọ amị chẹrẹ ẹ ka maa kụ́ wụ nịnị aanị nị 22Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ. 23Ẹyịza ọọhẹ Ananyị yị Ijeesu Ikirisiti ọ̀ yà pe awụ. 24Mee sì ịrẹyị avaba awụ nịnị ini oze Ijeesu Ikirisiti ana avaba ayị sị vị ọnya.
Currently Selected:
1 Anịkọrịntị 16: EBTP
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
1 Anịkọrịntị 16
16
Ẹkẹhị ana a tụ́ ka à sị gụ ọdọwụ nịnị ụvọ
1 #
Iro 15.25,26 Mi ree sì ka ma kà ọ̀nọ̀ ịnị ịrẹyị oze ẹkẹhị ọnị ụ waa dọ nịnị ka à sị na mẹ ọgụvọ yị aza Ohomorihi. Waa dọ ọ nịnị anka m mè re beri Anigaratiya nịnị juwe. 2Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị. 3Màa vẹ, dị mị chẹrẹ iwe yị aza ọnị ụ wàa nyị nịnị ka ẹ̀ sị ẹkẹhị oni u wèe re nịnị nọ Ijerusarẹmị. 4Yèe re ka ộ vọrọ ka ẹmà rẹ nọ Ijerusarẹmị, dị ẹmịrị wa zị na.
Ịsị Ịpọọrụ ee sì ka ọnị ọ̀ mẹ
5 #
Ụkọ 19.21
Màa zị oze Imasedoniya aa parahu, mị vaa há ịdị awụ nịnị, agụvị ka oze Imasedoniya mị vaa zị nị. 6Ẹyịyara mi vee kù ịdị awụ nịnị chee. Ọnyẹngụ ahịka ịzọọ mị yà dị ọgụ ọ̀ ta nị. Ịjọnọọ ụ va zụụ gụ mị ụvọ nịnị ka ma nọ ịzị màa vaa nọ. 7Me yi vee sì ka ahịka mị wụsẹ va sị eyi nya wụ nịnị kẹnẹ nị. Ama mee ro ka mi vee kù ịdị awụ nịnị, Ohomorihi òo sì. 8#Ire 23.15-21; Ọda 16.9-11#Ụkọ 19.8-10Ama Ẹhwẹsọsị ịzẹnị mị vaa yà pooro dị ẹkụhị Ịpẹntịkọsịtị ò tù nị. 9Oze ộ tụ́ mị ọ̀yị mẹ̀ ụkọrọ obooro ịzẹnị booro aanị, ọ̀ọ daka vị ka akwootwọza nịnị vị ana gwẹtẹ 10#1 Ịkọ 4.17Itimoti ọ̀ọ vẹ ịdị awụ nịnị, re ka waa mẹ̀ ẹ inohine nịnị! Wâ yẹ ka ọnị vị ana raa mẹ ụkọrọọ yị Ananyị yị anka ẹmị. 11Asị a nyị ọza ana sị eyi wụ ọọ o! Gụ ọ ụvọ nịnị, dị ọ̀ nyẹngụ nyima ụsẹ anị ịnị ẹngwọọrọ, dị ọ̀ rẹ zụ vavẹ ve tù mi. Mee zí ọnịrị ẹyịnyara ayị ana vọ eyi. 12Ịnị ịrẹyị ẹnẹbẹnị ayị Aporo, mâ da ịpẹ yọ ẹtẹẹtẹrẹ ka ọnịrị ẹyịnyara ayị ana vọ è ve hee wu nịnị. Ama mee ro ka o yi sì ka ọnị ọ̀ vẹ booro aanị. Ama òo si oze re, ọ vaa vẹ.
Ịrẹyị ọdịrẹma
13Wee zi nịnị, jẹẹ geri-geri ịnị ẹdọwụ awụ nịnị, nyị ọtụtụrụma, dị ụ wa nyị ụkata nịnị! 14Wee sì ịrẹyị ẹngụ nịnị ịnị ịsa tụra ịsa ọnị ụ wàa mẹ nịnị! 15#1 Ịkọ 1.16Ẹwụ nịnị ẹyịnyara amị, wâ yẹ Isitihwanasị ọnịrị aneehi anị nịnị. Wâ yẹ ka ẹnị ẹ̀ vịdị dọ enube ọyịza wụ́ ịnị avaba aza ene hi ẹtẹ Akaya nị. Avaba ẹngụ ẹnịnị ẹ́ yaa sịị mẹ ọgụvọọ yị aza Ohomorihi nị. Aarịhịnị, 16waa sị ụbanyịị yị ẹngụ aza ẹnẹẹ ọnịrị aza ẹnị ọnịrịị èe dudu aa mẹ̀ ụkọrọ. 17Mâ jẹ m mè re ka Isitihwanasị ọnịrị Ihwotunatọsị beri Achayikọsị ệ vẹ. Ẹnị ẹ kụkụ dọ wụ nịnị ịrẹsụ aa mẹ̀ ịsa oni u wè yi re oze mẹ nịnị nị. 18Ẹ raà kụ́ mị ẹngụ nịya, anka ẹ mẹ̀ rẹ kụ́ ẹwụ nịnị ẹngụ nịya. Â vọrọ ka wa sị ụbanyị yị ẹngụ aza ẹnẹẹ nịnị! 19#Ụkọ 18.2Anịragụ Ohomorihi ene hi Esiya, ka ẹnị kụ́ wụ nịnị. Akwira ọnịrị Ipirisira beri anịragụ Ohomorihi anaā gụ ini eehi ịdị ẹnịnị ka ẹnị kụ́ wụ nịnị ẹtẹẹtẹrẹ, agụvị ka ẹwụrị wa vị ọnya ini oze Ananyị yị. 20Avaba ẹyịnyara ayị ene hi ịzẹnị ka ẹnị kụ́ wụ. Waa kụ́ ẹngụ nịnị ini oze ọnịnị ana sị zụ̀ ka wee sì ịrẹyị ẹngụ nịnị. 21Ẹmị Ịpọọrụ ụvọta ọ sị ụvọ amị chẹrẹ ẹ ka maa kụ́ wụ nịnị aanị nị 22Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ. 23Ẹyịza ọọhẹ Ananyị yị Ijeesu Ikirisiti ọ̀ yà pe awụ. 24Mee sì ịrẹyị avaba awụ nịnị ini oze Ijeesu Ikirisiti ana avaba ayị sị vị ọnya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.